هلا هلا والله
والله ياخي الكذب صار مثل السلام عليكم عندنا والعياذ بالله
الله يكفينا شر الكذاب
شكراً أبو طلال

هههههههههههههههههه

انا الحمدلله قليل


لان اصلا طول يومي بالبيت مقابل النت او نايم

وتمر احيانا يوم بلا كذب ولله الحمد

وشوكريا بو تــلال

الله يعافينا من هالمرض .
فعلاً الكذب مرض !
ابو طلال ، السؤال اللي يؤرقني ماهو كم مرة الشخص يكذب ،
السؤال ليه تعود الشخص يكذب .
نبي نعالج المشكلة من جذورها ، مافيه فايدة نقطع الثمر والجذر ولّاد .
/،

بسم الله الرحمن الرحيم


والله ان هالتسذب مشكلته مشكله

يعني الواحد صار يكذب عينك عينك

لا والي اشد منها نصهم يحلف وهو يكذب << حالته حاله ذ1


والله حسبتهن اليوم كاني ماخبطت بالحساب 3 مرات


لاكن ما نقوول الا الله يهدينا ويهدي المسلمين والمسلمات ويغفر لآموات المسلمين يارب


**********************************

الا عندي لكم سوال هالحين الي جاب هدف البطوله واخذتوا الكأس نصراوي وش جابه بدوري شبكه الزعيم .؟

اللي يكذب مـآ يعيش .. هع هع .. | ْ × << اول كذبة

اي و الله من منـآ لا يكذب صـآر شي ع ـآدي ..

و هي صفة ذميمة >_< .. !

هلا والله ابو طلو ..

مااامدح نفسي بس ماني من اللي يستخدم اسلوب الكذب كثير في حياتي اليوميه..
لكن اذا انزنقت بشي وماقدرت اطلع تطلع لك كذبه كنها صاروخ من قوتها
ولها حالتين يا انها تتصدق او انكرش انا
هذا بوقت الحاجه بس ..

يعطيك العافيه ..

هلا ابو طلال

و الله موضوعك يبدوا لي إحصائياً بحت

انا نايم من الساعه 6 المغرب صحيت الساعه 2

و كذبت كذبة قوووووية < مدري سوداء او برتقاليه او بيجيه

إن شاء الله بشوف أكذب اليوم كله غير اللي من تو ؟

نبارك لك يا أعظم عضو شرف بالعالم فوز المجلس بالبطولة
لإنها قتلت فرحتنا هنا لا نعلم مالسبب...!! <<مبروك

إقتباس الرسالة الأصلية كتبت بواسطة كان هنا الله يعافينا من هالمرض . فعلاً الكذب مرض ! ابو طلال ، السؤال اللي يؤرقني ماهو كم مرة الشخص يكذب ، السؤال ليه تعود الشخص يكذب . نبي نعالج المشكلة من جذورها ، مافيه فايدة نقطع الثمر والجذر ولّاد . /،

يالربع هالولد بيجيب لي جلطة
تكفون ربّطووه لا جاء يتفلسف ثاني مرة
قال بيعالج المشكلة من جذورها قال خخخخ
رح عالج واجباتك وذاكر دروسك والفقه


أبو طلال
قسم بالله يا حبي لك ويا حبي لطلال
ما عرفت قيمة طلال إلا من بعد ما شفت ولد الصخرة
يلعن حريشه قام يذب علي هالبزر .. قطعني تقطيييع بالاستراحة قدام الشباب
أجل يقول رح أنت وخشمك الزحليقة؟ << بصراحة حلوة
بس الحمد لله ما رديت عليه احتراماً لأبوه الحشم إلا يوم قال عني بنت
ما صدقت أفتك من التشكيك بالفحولة هنا بالمنتدى وأجي أحصلها من البزران
هالشنب اللي يوقف عليه صقرين وهالعوارض وبالأخير يقول بنت؟ شكل ما عمره قد شاف بنات في حياته هالـ طووووط
الزبدة يا حبي لطلال أغدي له كشنة بزبادي منتهي
الصخرة ترى أمزح لا تصدق والله ولدك عسسسسسل
بس لعاد أشوفه تكفى .. أمزح

أبوطلال .. الكذب ألوان .. لا تضحك علي ولا أضحك عليك ..!
فيه كذب أبيض مهضوم .. وفيه كذب يرفع الضغط
بالنسبة لي كذباتي اليومية قليييلة ونادرة الحمد لله ..
لكن أني أقول راح أعدّها , مستحيل , راح أكذب عليك

تحياتي يا أبوطلال وتكفى سلم لي على طلال السلام الوايد ولا عزاء لبقية الأطفال

^ ^ ^

سلطان.. انواع الرجه هالآدمي

ابوطلال

اتفق معك ان الكذب ( مرض ) عند البعض... يصبح ويمسي وهو يشلخ على خلق الله

لكن احيانا انا اشوفه ( عادي ) ومن حقك انك تستخدمه مع فئة من الناس

في مواقف معينه طبعا... قليله جدا

يعني يجيك واحد توك متعرف عليه وماتدري من يكون.. وينشب بحلقك اسئلة عن حياتك الخاصة

وين تشتغل ؟؟ كم راتبك ؟؟ متزوج ولا لأ ؟؟ وين ساكن ؟؟ كم عمرك ؟؟ وش اسم امك وابوك ؟؟

وما ودك ( تكرشه ) وتخسره من اولها... اكذب عليه باجابة دبلوماسية... ومع الوقت ( حبه حبه ) يعرف عنك كل شي

في هالحاله فقط ممكن الواحد ( مايقول الحقيقه )... حماية لنفسه من كيد الملاقيف

بعض الناس يخش بعينك باسئلة مدري وش تبي.. ومدري وش يستفيد منها

ما اقول لك هنا ( اكذب ) عليه... لكن اقول ( لاتعطيه الحقيقه ) حتى تتأكد من صدق نواياه وهدفه من السؤال

لكن مسألة أي واحد يسألك.. تقوم تعطيه اجابة تفصيلية علشان ماتصير ( كذاب )

الدنيا الحين فيها ( نت ) وفيها ( ماسنجر ) ومعارفك فيها بالمئات... صعبة الكل يعرف عنك كل شي.. الا اللي ترتاح لهم

دوك -->