قامت الدنيا ولم تقعد ....... - نادي الهلال السعودي - شبكة الزعيم

امي ولدتني هلالي · #1 03/06/2009, 12:09 PM

صباحكم خير

ومساءكم ورد

وش سالفة الرياض يا ناس
حر حر حر موت لأبعد الدرجات

لا ولسى الصيف ما طل علينا
يا ساتر منه

"" اتفق العرب على ان لا يتفقوا ""

قامت الدنيا ولم تقعد
ليه
يبون يحلون مشاكل العطالة عند الشباب
لا
يبون يحلون مشاكل العنوسة
لا
يبون يحلون مشاكل القضايا اللا اخلاقية المنتشره بين شبابنا
لا
يبون يحلون انتشار الشذوذ الجنسي في مدارس البنات
لا

قامت الدنيا
لأن شخص ما
اقتراح انشاء حصص رياضية للبنات في المدراس !!

يمارسون فيها الرياضة وكرة القدم
الرياضة مهمة للصحة والرشاقه
بس الله والعالم لا يزال السعوديين يحبون السمنه عند النساء

الى متى الجهل ؟؟
حتى ابسط الاشياء للنساء يتم النقاش فيها
هل الرياضة حرام ؟؟؟
هل فيها شبهه ؟؟؟
هل فيها ذهاب لحياء المرأة ؟؟؟
الناس لم تطالب ان تنشأ اندية رياضية للنساء ومباريات في العلن
النساء داخل المدارس مستورات
وش فيها لو مارسوا الرياضة ؟؟؟
رح لموقع اي جريدة سعودية وشاهد العجب العجاب
شيخ يحلل الموضوع
وشيخ يحرم الموضوع
وشخص يقول " تبون بناتنا يسترجلون ""
وثاني يقول " السمنة ذبحت بناتنا خلوهم يمارسون الرياضة "

وقامت الدنيا
ليه
لأن شخص قال
افتحوا محلات نسائية يعمل فيها نساء
وصارت قضية اخرى

طيب وين الي يطالب من عطالة الشباب ؟؟؟
الشباب الحين ما عاد يلقى وظيفة
تلقاه من خرجين الجامعة
وبعد ما فيه وظيفة
هذا غير الي ما دخلوا الجامعة
الله يعينهم

للأسف الكتاب في هالزمن ما همهم كبر المشكلة بقدر ما همهم اثارة الرأي العام

في الصميم ::
**
يقول لو سمحوا للبنات بمماراسة الرياضة
بكرا البنات يبون يكونون فرق تلعب في دوري المحترفين السعودي
فإقطعوا كل السبل امامهن
**
الناس الحين ما عاد تلقى وظايف الا بمساعدة فيتامين " و "
**
المرأة لازم تسوق ....
اطردوا السواويق من البلد ....
هاذا كلامهم !!
طيب وش رايكم

نطرد السواويق من البلد
ونعين الشباب السعودي العاطل سواويق عند الحريم
لعل وعسى انهم يلقون وظيفة

على العموم
باركوا لي اني والله الحمد
توظفت
اخيرا
بس ضايق صدري
من الي حولي
لأنهم عاطلين

أحلـى هلاليه · #2 03/06/2009, 12:45 PM

آهـ يالبنات../
كل شي عيب حرام
والسواويق اللي تارسه البلد حلال..

مبرووك الوظيفه والله يوفقك ان شاء الله
ويوفق جميع المسلمين

الهلالي دائماً · #3 03/06/2009, 04:10 PM

هلا بك اخوي وياليت تهدي شوي

والف مبروك الوظيفة اخوي واول راتب نبي تعزم به الاعضاء

الله يوفق الجميع ووييسر امورنا ...

شكرا لك ,,,

Hilalih 4ever · #4 03/06/2009, 04:39 PM

ومن قالك انهم مافتحوا ممارسة الرياضه في المدارس

فتحوها وحطوا فرق ودوري بعد بس بين البنات إلي في المدرسه

أنا أول كان عندي حصة رياضه لاوكان يوم الاربعاء الحصه الاخيره

بس كرة طائره موقدم

ومن ناحية السواقه كلها كم سنه وبيسوقون ع الاقل يقلون ذا الهنود والعماله إلي خربوا البلد

أما العطاله بصراحه مشكله أنا مادري متى بتنحل!!!!

marsal · #5 03/06/2009, 04:39 PM

الصحف السعوديه اشغلتنا واشغلت غيرنا بامور تافه...

احيانا وانا اقراء الجريده احس ان المجتمع السعودي كله بنات في بنات وخالي من اي جنس خشن

مره قابلني مصري حاج وسالني سوال استحيت منه بصراحه...

قال انتوا ما همكم الا الحريم ...!!

يقول افتح قناه باستانس والا يطلع البرنامج المراءه السعوديه بين الواقع والمامول

واقلب على الاخبار باشوف العراق تحرر ولا باقي و تطلع الاخبار كلها تدور حول اب سعودي لم يوصل بنته الى المدرسه اليوم..

يقول حنا في مصر رافعين دعوه للمطالبه بالمساوه بين الرجل والمراءه ...
لكن مو لاجل المراءه تصير وزيره او لاعبه او مديره يقول تعمل زيها زي الرجل في جميع الاعمال وخاصه (والكلام له

) في مجال الصرف الصحي

...

شر البليه ما يضحك

شكرا اخوي

مجنون الزعيم(9) · #6 03/06/2009, 04:45 PM

مبروك الوظيفه

بالنسبه للحر الضاهر انك اول مره تعيش بالرياض

توك ماجاك الحر اللي يصلخ جلدكـ والله تطلع الظهريه

تصير تصير شوايه

بنوصل عام 2090 ثم بيصدر قرار موافقه الحصه الرياضيه للبنات

اذكر مره حلقه بطآش عكست واقع المجتمع ,,

اايام الدش [ستايلات]

ممنوع ومدري ايش وبعدها الكل اقتنع,,وجوال الكاميرا نفس الحكآيه ممنوع وتفاتيش بالجماركـ وخرابيط ,,واللحين اقتنعنا ,, والسينما على خطاهم ,,

وش المشكله لو كان في حصه بدنيه في مدارس البنآت وفق ضوابط معينه وتحت اداره جهه مسؤوله ,,

احسن من اللحين منتخبنا النسائي ماخذ المركز الاول في المنتخبات النسائيه العربيه

سواق ينقل معلمات لقرى الرياض بدون محرم << يجوز ولا لا مير ؟

المهم يالغاالي لاتنسى العشاء

شبوط · #7 03/06/2009, 11:41 PM

الف مبروك الوظيفه وعقبال العاطلين يالغالي

ابو طـــــلال · #8 04/06/2009, 12:28 AM

آخر خبر .. إستجواب مجلس الشوى الخدمة المدنية عن ( 180 ) ألف وظيفة ؟؟

كل واحد يجهز ملفة العلاقي والصور الأربعة بسته

======

هذي العاده اكثر ناس تشتكي .. وأقل ناس تلقى حلول

شكرا لك يابو الكباتن

~DARK KNiGHT~ · #9 04/06/2009, 06:01 PM

مـبروووكـ عــليــكـ الوظـــيفهــ

وعـقبال اللي مـاتوظفوا

امي ولدتني هلالي · #10 07/06/2009, 10:35 AM

إقتباس

الرسالة الأصلية كتبت بواسطة أحلا هلاليه


	آهـ يالبنات../

إقتباس

الرسالة الأصلية كتبت بواسطة أحلا هلاليه


	كل شي عيب حرام والسواويق اللي تارسه البلد حلال.. مبرووك الوظيفه والله يوفقك ان شاء الله ويوفق جميع المسلمين

إقتباس

الرسالة الأصلية كتبت بواسطة ماجد مقبل


	هلا بك اخوي وياليت تهدي شوي

إقتباس

الرسالة الأصلية كتبت بواسطة ماجد مقبل


	والف مبروك الوظيفة اخوي واول راتب نبي تعزم به الاعضاء الله يوفق الجميع ووييسر امورنا ... شكرا لك ,,,

الله يبارك فيكم جميع

وان شاء الله يا ماجد العزيمة في مطعم نعمان للفول

اها عاد لا تقعدون تتشرطون

إقتباس

الرسالة الأصلية كتبت بواسطة Hilalih 4ever


	ومن قالك انهم مافتحوا ممارسة الرياضه في المدارس

إقتباس

الرسالة الأصلية كتبت بواسطة Hilalih 4ever


	فتحوها وحطوا فرق ودوري بعد بس بين البنات إلي في المدرسه أنا أول كان عندي حصة رياضه لاوكان يوم الاربعاء الحصه الاخيره بس كرة طائره موقدم ومن ناحية السواقه كلها كم سنه وبيسوقون ع الاقل يقلون ذا الهنود والعماله إلي خربوا البلد أما العطاله بصراحه مشكله أنا مادري متى بتنحل!!!!

الرياضة ليست مشكلة نتقاتل عليها

ومفروض كل المدارس عندهم رياضة
وعلى فكره ترى عندنا فريق طائرة قوي

اذا ودكم تتحدون

إقتباس

الرسالة الأصلية كتبت بواسطة marsal


	الصحف السعوديه اشغلتنا واشغلت غيرنا بامور تافه... احيانا وانا اقراء الجريده احس ان المجتمع السعودي كله بنات في بنات وخالي من اي جنس خشن مره قابلني مصري حاج وسالني سوال استحيت منه بصراحه... قال انتوا ما همكم الا الحريم ...!! يقول افتح قناه باستانس والا يطلع البرنامج المراءه السعوديه بين الواقع والمامول واقلب على الاخبار باشوف العراق تحرر ولا باقي و تطلع الاخبار كلها تدور حول اب سعودي لم يوصل بنته الى المدرسه اليوم.. يقول حنا في مصر رافعين دعوه للمطالبه بالمساوه بين الرجل والمراءه ... لكن مو لاجل المراءه تصير وزيره او لاعبه او مديره يقول تعمل زيها زي الرجل في جميع الاعمال وخاصه (والكلام له) في مجال الصرف الصحي ... شر البليه ما يضحك شكرا اخوي

تدري ليش ؟؟
لأن الصحف ما همها الا رزقها
ورزقها في اخبار الحريم
لأنها تسوي ضجه

إقتباس

الرسالة الأصلية كتبت بواسطة مجنون الزعيم(9)

إقتباس

الرسالة الأصلية كتبت بواسطة مجنون الزعيم(9)


	مبروك الوظيفه بالنسبه للحر الضاهر انك اول مره تعيش بالرياض توك ماجاك الحر اللي يصلخ جلدكـ والله تطلع الظهريه تصير تصير شوايه بنوصل عام 2090 ثم بيصدر قرار موافقه الحصه الرياضيه للبنات اذكر مره حلقه بطآش عكست واقع المجتمع ,, اايام الدش [ستايلات] ممنوع ومدري ايش وبعدها الكل اقتنع,,وجوال الكاميرا نفس الحكآيه ممنوع وتفاتيش بالجماركـ وخرابيط ,,واللحين اقتنعنا ,, والسينما على خطاهم ,, وش المشكله لو كان في حصه بدنيه في مدارس البنآت وفق ضوابط معينه وتحت اداره جهه مسؤوله ,, احسن من اللحين منتخبنا النسائي ماخذ المركز الاول في المنتخبات النسائيه العربيه سواق ينقل معلمات لقرى الرياض بدون محرم << يجوز ولا لا مير ؟ المهم يالغاالي لاتنسى العشاء

للأسف مثلي مثل الملايين يعانون من الحر

بس يالغالي لأني اطلع العصر من الدوام وسيارتي من زود ما هي مكتومه بالحر لو اجيب بيض ودجاج واحطها على السيارة كان حطيت غدا لكل الاعضاء من زود الحرارة

وانت الصادق 2090 يبون يدرسون القرار بجدية

3090 اخيرا يطبقون القرار

والعشاء زي ما اتفقنا
الساعة 5 العصر بعد صلاة العشاء مباشرة اجتماعنا في فوال نعمان لبيع الكباب

إقتباس

الرسالة الأصلية كتبت بواسطة شبوط


	الف مبروك الوظيفه وعقبال العاطلين يالغالي

الله يبارك فيك وعقبال الاعضاء العاطلين

إقتباس

الرسالة الأصلية كتبت بواسطة ابو طـــــلال


	آخر خبر .. إستجواب مجلس الشوى الخدمة المدنية عن ( 180 ) ألف وظيفة ؟؟

إقتباس

الرسالة الأصلية كتبت بواسطة ابو طـــــلال


	كل واحد يجهز ملفة العلاقي والصور الأربعة بسته ====== هذي العاده اكثر ناس تشتكي .. وأقل ناس تلقى حلول شكرا لك يابو الكباتن