!! ... L e a D e r S ... !! - نادي الهلال السعودي - شبكة الزعيم

الهلالي 11 · #1 31/05/2009, 02:03 PM

سلام سلام سلام ... تحية الاسلام ... الو الو الو ... شراب البرتقال

بحكم اني كاتب الموضوع وانا حر ... والاجواء من حولي توحي بان اقول مساء الخير

لذلك مساء الخير

مع كامل اعتذاري للي عندهم صبح او ممكن انهم يقرأو موضوعي بالصبح

موضوعي اليوم نقاشي

ما هو سوالف ولا اخبار ولا قصص ولا خرابيط

نخش دايركت

قبل لا يطير الموضوع او يجيني شغل يطير المنتدى كله

موضوعي يتكلم عن كباتنة الفريق ... كل فريق له كابتن طبيعي يعني

لكن الموضوع هو على اي اساس يتم اختيار القائد !!

لما تطلق على واحد كلمة قائد ... يكون فيه صفات واساسيات لازم على الاقل وحده منها تكون متوفرة فيه ... !!

كابتن الفريق يتم اختياره على اساس العمر ، قوة الشخصية ، الهدوء والحكمه ، مستواه العالي ، تاثيره بالفريق ، عنده كونترول على اعصابه وانضباطية فريقه داخل الملعب ... وغيرها شغلات صغيرة يعني ... ممكن موجوده بس الاسباب المهمة ذكرتها سابقا

جيجز

قائد المان بحكم عمره + حكمته وهدوءه

بالمقابل فابريجاس قائد الارسنال رغم انه ما هو اكبرهم لكن فينجر سحبها من جالاس لسوء تصرفه واختار فابري لانه يملك مستوى عالي يقدر من خلاله يتحكم بمستوى الفريق كله

بالريال ... راؤول القائد رغم انه مستواه طايح ... وفيه اكبر منه بالفريق ... لكن اعتبر اختياره قائد للريال هو بمثابة تكريم له ولاخلاصه لهالنادي

بالمقابل بويول قائد برشلونه مو لاي شي بس لان شكله يخوف

<=== حاقد عشان فازو علينا

امزح والله دووووعابة

ما ودي اطول بالحكي ودي يكون الموضوع نقاش وانتم اللي تناقشون .

شخصيا حطيت صورة توتي ببداية الموضوع لاني اشوف انه هو فعلا القائد اللي غيابه يأثر كثيييييير وتحس بقيمته بالملعب من مستوى روما !! بس لو يتمالك اعصابه احيانا

وبدرجة أقل منه جيرارد

والسبب الثاني لعل وعسى سامي يرجع ينشب لنا ما عاد ينشاف والله

زبدة الموضوع :

1- أهم صفة تشوف ان اختيار القائد لازم يكون من خلالها !!

2- لاعب تشوف انه يستحق شارة القيادة بفريقه ومحروم منها بسبب لاعب اخر !!

3- دور القائد بالملعب ... هل تشوف انه فعلا له دور وتاثير ويفرق كثير .. او ان الدعوى مجرد ربطة يكشخ فيها عن باقي اخوياه وما له اي دور !!

4- كابتن يرفع ضغطك كل ما شفته لابس شارة القيادة وودك يكرشونه

5- مساحة حرة للحديث حول هالموضوع

وحرة بكل ما تعنيه الكلمة

شكرا لكم

وتراني رجعت للتنسيق عشان ما تطفشون من قراءة الموضوع

FLETCHER · #2 31/05/2009, 02:23 PM

هلاا والله بالغالي..

درحماان

إقتباس


	سلام سلام سلام ... تحية الاسلام ... الو الو الو ... شراب البرتقال

هههههههههههههههههههههههههههههه

ون تو جننتوا ثري فور بقره وثور

موضوووعك مدري وش يبي .. قصدي خطيييييييير

الزبدهــــ..,

إقتباس


	- أهم صفة تشوف ان اختيار القائد لازم يكون من خلالها !!

مثل ما ذكرت اعتقد اهم صفه يكون كبير بالسن او خدم الفريق لفتره طويله
وبنفس الوقت يكون له ثقله وروحه وحماسه بالملعب
واهم شي يكون متحكم باعصابه لانه مواجه للحكم في اي مشكله..

إقتباس


	2- لاعب تشوف انه يستحق شارة القيادة بفريقه ومحروم منها بسبب لاعب اخر !!

اممممممممممم

مثال في المنتخبات حرام ماسكيرانو ياخذ الكبتنيه وزانيتي مووجوود..!!

لاكن مع ماردونا توقع اي شي ..

إقتباس


	3- دور القائد بالملعب ... هل تشوف انه فعلا له دور وتاثير ويفرق كثير .. او ان الدعوى مجرد ربطة يكشخ فيها عن باقي اخوياه وما له اي دور !!

لااااااااااا

بالعكس له دوور كبير بمجرد وجوده يحسس اللعيبه بالحماس والروح

على سبيل المثال توتي ..جيرارد..

ولا تنسى اكبر مثال

إقتباس


	- كابتن يرفع ضغطك كل ما شفته لابس شارة القيادة وودك يكرشونه

تبي الصدز

قااري نيفيل لامسك الكبتنيه ماعاد اركز ابد..

إقتباس


	5- مساحة حرة للحديث حول هالموضوع وحرة بكل ما تعنيه الكلمة

ما عندي شي اضيفه..

لا هنت على هيك نقااش

(اسير& المحبة ) · #3 31/05/2009, 02:33 PM

موضوع جميل وتشكر عليه خاصه مع فضاوة نهايه الموسم وبدايه الاختبارات مع حر الرياض ولااحلى

بالنسبه للقياده زي ماقلت اللاعب لازم يكون عنده حتى لو صفه وحده تميزه عن بقيه اللاعبين فهو يستاهل القياده بكل تاكيد

واللاعب اللي احترمه واشوفه افضل قائد في الانديه كلها زانيتي اللي ضالمه مارادونا ومعطي القياده لواحد يبغاله هو بنفسه

يمسك اعصابه اللي هو ماسكيرانو فمابالك يكون قائد منتخب مثل الارجنتين .

ABO GIGGS · #4 31/05/2009, 02:36 PM

الكابتن إذا صلح صلح الفريق كله
أحيانا يكون أهم من المدرب .. ! ، وأهم من رئيس النادي .. !
أهم سمة تكون فيه .. الروح وهي تغني عن الباقيات الصالحات.. ، للقائد كاريزما مميزة ، الولاء للنادي .. ، يشجع على الجماعية ، يساند زملائه داخل الملعب وخارجه ، العمر ، وقبل هذا كله لازم يكون سوبر ستار ..

، ويهايط ويصايح على الحكام

ولك في جيجز نموجا مثاليا لإستنباط الصفات ..

| || || | || |

لمبارد يستاهل الكبتنية ، وفيه كل الصفات المثالية ، لكن المشكلة أن تيري أقدم منه
تدعيما لقولي بأن الكابتن أهم من المدرب ، شوفوا الهلال مع كل الاحترام لأبو دعيع ضعيف الشخصية ، ما يقدر الفريق يتغلب على اتفه ظرف ! ، ايضا الارسنال والفرق واضح بـ هنري وبدون هنري ، فابري فيه صفات القائد ، لكن فرق العمر الي توصل لقرابة الـ العقد ونصف ..

بينه وبين بعض اللاعبين تكون حاجز لايمكن أن يذوب .

بقية الاسئلة اجيبة عليها ضمنيا ..

الغرناطي · #5 31/05/2009, 02:38 PM

,

القائد بأختصار هو الاعب الأكثر وفاءً للنادي
مثل توتي بالظبط افضل قائد بالتاريخ الكروي

أما باقي الأشياء اضرب بها عرض الحائط
, خله يتهاوش يسب يشتم ما يعرف يلعب ..

,

RoMa4eVeR · #6 31/05/2009, 03:00 PM

إقتباس


	شخصيا حطيت صورة توتي ببداية الموضوع لاني اشوف انه هو فعلا القائد اللي غيابه يأثر كثيييييير وتحس بقيمته بالملعب من مستوى روما !! بس لو يتمالك اعصابه احيانا

هذا يختصر الموضوع كله

بالنسبة لي شارة الكابتنية ماتعني الشي الكثير !! .. كثير من الأندية الاوروبية وطبعا ً كل الاندية العربية

تعطي الكابتنية للناس الاقدم كـ نوع من التكريم بغض النظر عن كل العوامل الأساسية الي ذكرتها انت مثل جاري نيفيل في مانشستر وراؤول في الريال !!

اما الكابتن الحقيقي هو الي يقود اللاعبين وتحس بثقله في الملعب وخارجه مهما كان مركزه هو العمود الفقري للفريق وبغيابه تحس الفريق ناقص اشياء كثيره .. هو الموجه وهو الداعم بتوجيه بسيط منه ممكن يتغير حال الفريق كله !! .. وهذه أمثلة لبعض أهم الكباتنه في الوقت الحالي بوجهه نظري : توتي , فابريقاس , زانيتي , جون تيري وجيرارد !!

موضوع جميل وجاء بوقته

شكرا ً عبدالرحمن

الهلالي 11 · #7 31/05/2009, 03:08 PM

لي عوده للتعليق لكن مدري يوم شفت رد ماجد تذكرت ذبه

كنا بجمعة عشا مرة

وجبنا سيرة روما وكيف ان توتي هو اللي يشكل اكثر من نص الفريق

قال اصلا اي مدرب يجي لروما خطته معروفه ... يجتمع بالاعبين قبل المباراة ويقولهم ... ( ناولو توتي )

... واذا بيربك الخصم ويغير التكتيك يقولهم .. ( رجعو الكورة لـ توتي )

لي باك

وتعمدت اختيار توقيت الموضوع

Carlitos 32 · #8 31/05/2009, 03:29 PM

موضوع بطل

القائد .. غالباً ما نشوفه من كبار السن .. وهذا آعتقد شيء متعارف عليه
بعض المدربين ماشي على القاعدة هذي وما يحسبّ لأمور آخرى
ممكن يكون أكبر لاعب في الفريق صاحب شخصية غير قيادية ومهزوزة !!
أعتقد المدرب الناجح .. هو من يحسن إختيار كابتن الفريق بشكل صحيح

أكثر شي يهمني بالموضوع هذا .. هو شخصية اللاعب القيادية وإخلاصه للشعار
النقطة هذي تتفوق على كل شيء حتى لو كان اللاعب صغير في السن !!

آعتقد لما يكونّ القائد صاحب توجيهات وحماس في الملعب وحب للفريق
يكون قائد مثالي بمعنى الكلمة

المعايير اللي يبنون عليها المدربين آرائهم .. أعتقد السن والأقدمية بالفريق
وهذا اللي ماشي عليه آغلب مدربي العالم !!

بالنسبة للاعب المحروم من القيادة .. أعتقد لامبارد في البلوز يستحقها

كاسياس بالمرينجي يستحقها بعد

القائد اللي يقهرني

فيل نيفيل

آفضل قائد رأته عيناي

شكراً دحمي

G o L d E s T · #9 31/05/2009, 03:36 PM

يعني ناوي تقلب مواجع الميلانيه وتقولنا مساكين كبتنكم اعتزل !!

أبردها إذا اعتزل جيجس

بالموضوع ذكرت أبرز صفات القائد وعندنا بمادة الإدارة تعريف القائد ( هو الشخص الذي يجعل الآخرين يخرجون أفضل ما لديهم ) << حمى الاختبارات

وبطبيعة الحال لابد القائد يكون أكثر اللاعبين ولاء للنادي وأكثر لاعب يحترمونه بقية اللاعبين بالإضافة إلى العمر

أفضل الكباتن الموجودين حاليا توتي وجيرارد هم اللي فرقهم يفرق مستواها وروح اللاعبين بوجودهم

أما اللاعبين اللي أشوفهم يستاهلون الكابتنيه ولا أخذوها جاتوزو و لامبارد

Madridi · #10 31/05/2009, 03:43 PM

بكتب رد طويل عريض

لكن الحين بجاوب على هالفقرة وبرقد وبعدها اتفرغ لك

إقتباس


	2- لاعب تشوف انه يستحق شارة القيادة بفريقه ومحروم منها بسبب لاعب اخر !!

كاسياس

David Naif · #11 31/05/2009, 04:14 PM

سلاموووو / موضوع بطل من البطل

صرآحه موضوعك , مش كويس

الا آكوس موضوع

القيآدهـ يعتبرونهآ عند آكثرهم الآكبر بالعمر مثلاُ وهذا اعتبرهـ انا خطأ كبير لان مو اي واحد كبير يتميز بصفة القآئد

مثلا فينجر يوم يعطي فابريقاس القيآدهـ وهو صغير في السن لان صفات القآئد كانت فيه ويجب على الفرق كلهآ ان تسوي زي القوي فينجر

وفي قائد مثلا يخليك تنام بالملعب ما يحمسك ,

وقائد يخليك تكره الكورهـ , وقائد يخليك تحبه غصب من حماسه

إقتباس


	1- أهم صفة تشوف ان اختيار القائد لازم يكون من خلالها !!

قيادي في الملعب , مكانه يسمح له ان يسمعه جميع االلاعبين مثلا لو كان حآرس قائد اعتبرهآ انا خطآ لان الحارس ما راح يوصل كلامه وتعليماته الى المهاجم يتواصل وهكذا , حماسي , برودت اعصابه , يعرف كيف يتصرف مع اللاعبين , يحبونه جميع اللاعبين ويقدرونه

إقتباس


	3- دور القائد بالملعب ... هل تشوف انه فعلا له دور وتاثير ويفرق كثير .. او ان الدعوى مجرد ربطة يكشخ فيها عن باقي اخوياه وما له اي دور !!

على حسب القآئد في قائد يقدر يتحكم بالفريق وفي قآئد للاسف رخمهـ

مثلا توتي شوف ااذا كان موجود شف وشلون يصير رومآ يصير نار واذا غاب شوف رومآ كيف

إقتباس


	4- كابتن يرفع ضغطك كل ما شفته لابس شارة القيادة وودك يكرشونه

بكل صرآحهـ , بس اخاف يزعلون مني المدريديين رآؤل , لان مستوآهـ طايح شوين , وما يحمس الفريق

هذا رايي يمكن يكون صحيح ويمكن يكون خطآ

آرجع واقول انت بطل

لي عودهـــ

هلالي ولك الحمد · #12 31/05/2009, 04:20 PM

ليه نروح بعيد شرق وغرب ومر على نادي الهلال قائد مثل ابو فهد

صالح النعيمه

وتتابعت الأجيال الى ان وصلنا القائد التاريخي سامي عبدالله الجابر

فللكابتن دور كبير داخل المستطيل وخارجه من حيث التوجيه والتوبيخ للمتساهل

وزرع الحماس للاعبين

Nemanja Vidic · #13 31/05/2009, 04:29 PM

ياهلا درحمان

موضوع حلو واكثر من رائع

الكابتنيه حاليا عند اغلب مدربي العالم على الاقدميه بالنادي
او عمر اللاعب
عن نفسي اشوف لاعب قيادي ويوجه اللاعبين ولا ينرفز اخوياه
وعمره صغير افضله على كثير لاعبين بسن اكبر منه
فيه لعيبه عمرهم كبير ويستحقونها بناديهم او منتخباتهم
لكن هالشي ما يكون اساس على العمر
يعني كاسياس ممكن ياخذها على حساب راؤول
هالشي ممكن
جاري نيفيل حقنا صراحه عجزت اشوف فيه صفه قياديه مع الاحترام للسير
ليه معطيها اياه
حتى القيقز بعد مع عمره هذا
لو انا مكان السير اعطيها ريو فرديناند
عن نفسي اتكلم كل الاحترام والتقدير لجاري نيفيل والعميد رايان قيقز
بس بعطيها الريو

عموما كابتن ثاني ما يستحقها اممممم ما اتوقع فيه ببالي حاليا
لمن يكون فيه برجع وبعلمكم

اممممم بس عوافي درحمان

موضوع بطل

محب الذئب9 · #14 31/05/2009, 04:42 PM

آول كآبتن جآء على بآلى يآ درحمآن سآمي ..

--
الكـابتن هو الى يمتك ..
الروح - والعطاء حتى الموت داخل الملعب - وطبعاً زي ما قالو الاخوان
التوجية والقيادية في الملعب - وان حضورهـ يفرق مع الفريق
حتى لو كآن ع الدكة .. !
--
وبـ النسبة للآعبين الى شايلينها وما يستاهلون [ ماسيكرانو ]
آلله يقلع مردونا ..

--
والى يشيل الكابتنيه وابيهم يكرشونه
صراحة اولهم راؤول .. !
شايل الكابتنية وهو المفروض ينكرش ..

كآسيآس يستآهل .. !
--
جـاري نيفيل بعد ..

--
درحمان يا بعدي انت ..

موضوع حلو لكن ما بيطلعكم من جو الهزيمة ..

ثاني مرهـ حط صوره بيـول اول شي لو سمحت مو عشان صقعنا روسكم
بيـول يفرق مع برشلونة حضورهـ .. وهو اللاعب الى يلعب في اي مكان
يسار - يمين - قلب - يالبىآ كشته الى تخوف ..

ما شفتة كيف صك على رونالدو - روني - ايفرا - بارك ..

لو فيرجسون ماهو شايب نزل معهم ..

--
سلآمو ..

رساوي برساوي · #15 31/05/2009, 05:19 PM

يالبيه ياتوتي

قسم انه واحشني هالآدمي لبى عيونه

ليته جاي اعاره لبرشلونه هالموسم عشان ياخذ البطولات اللي مافيه أمل يحصلها مع روما

بس الصراحة ماحبيت روما الا عشان توتي

أدري اني شطحت لكن بحكم انه مافيه قائد يتسم بالحكمه ويوجه الأعضاء في هالموضوع ..عآدي أبشطح

<< يعرف يرجع للموضوع

بالنسبة للقائد
اشوف ان أهم ميزتين بالقائد
واللي اذا كانت متوفره فيه فهي كافيه لارتدائه شارة القيادة
1- له هيبه وكلمته مسموعه بين اللاعبين
2- له نظرة تكتيكيه ويفهم تفكير المدرب

أشوف اذا هالميزتين فيه فهو ناجح

وبالنسبة لتشلسي
اشوف ان لمبارد يستحقها اذا تيري مش موجود
أما بوجود تيري
فهو الأحق
لأنه يمتلك شخصية قيادية أكثر من لمبارد
بالإضافه الى هيبته وتوجيهاته المستمره للاعبين وكأنه مدرب داخل الميدان