اذا أردت تخريب مباراة كبيرة.فأسند تعليقها ل ايمن جادة:وتحمل - صفحة رقم 2 - نادي الهلال السعودي - شبكة الزعيم

نواف 80 · #16 31/05/2009, 12:58 AM

كلامك صحيح مايعرف يعلق اصلا اهو مذيع بس مدري وشلون صار مذيع

ومشكلته اذا سمعت المباراة تحس انه يسولف ولا يحمس

وان شاء الله يجيبوون مذيعين ازين منه عشان التشامبينزليق

ومشكووورين

مجيد الإنتراوي · #17 31/05/2009, 01:10 AM

معلق ممل ويخليك تزهق من المباريات

الله يعيننا عليه

أسـير · #18 31/05/2009, 02:20 PM

الجزيرة متميزة في كل شي عدا بعض المعلقين

بالنسبة لأيمن جادة

والله انه اهون من الي يجيك داعس مع الهجمة:

هاذي كورة مرفوعااااة اممممم يبعدها الدفاع ترجع مرة أخرى لمصلحة ......

بحال الخطورة يقول الللل لَ لااااااا

اذا الهجمة قول << يتقدم فيها ..... يزيد في السرعة هيلا هيلا هيلا هيلاااااااااااااااااا

ودي اسوي لك يادراجي كذا

abohamad55 · #19 31/05/2009, 02:58 PM

والله انك صادق المباراه في وادي وهو في وادي واسلوبه ممل جدا وسمعت انه هو اداري في القناه فلمذا يعلق وارجو من ادارة الجزيره الرياضيه جلب معلقين جيدين يليقون بسمعت الجزيره الرياضيه كونها كسبت حقوق البث لدوري ابطال اوروبا 2010 وعقبال كاس العالم

moon-laht · #20 31/05/2009, 03:10 PM

فيه معلق خطيير صراحه أفضل معلق بالنسبه لي دايم يعلق على مباريات ميلان ما يحظر لي أسمه ألحيين بس أنشاء الله بجيبه لكم

وتقبلو تحياتي

تلميذ زيزو · #21 31/05/2009, 04:43 PM

والله أن أيمن جاده ممتاز جدا

أستغرب من الي يحب عصام الشوالي و فارس عوض و عبدالله الحربي

يعني معلق ازعاج يمط في كلامه و يتكلم كثير ومن غير فائدة والناس تحبه ( كلن له ذوقه)

سمعتوا يوم الشوالي يقول ان رؤية روني في النهائي ما صدقت بسبب أن روني ما صلى الفجر

استهبال العيال ( ياغبي تراه صلى في البيت

)

خالـ الشوق ـد · #22 31/05/2009, 04:49 PM

بالعكس أخوي المعلق أيمن جادة (من وجهة نظري) من أفضل المعلقين في الجزيرة , يثريك بالمعلومات وصوته ملائم وغير مزعج , تركيزه منصب على المباراة

وأنا أتمنى أن يستمر بالتعليق خاصة مع الملكي

هلال هيوستن52 · #23 31/05/2009, 05:06 PM

شكرا لكم

وايمن جادة حده

حوار في الرياضة

اما

التعليق

فكيف نراسل الجزيرة

وهو يسمعون لنا

خصوصا

ان

70%

من المشتركين من السعودية

taroki · #24 31/05/2009, 06:34 PM

الصراحة المعلق الموجود في الجزيرة ودي يعلق على كل المباريات

عـــــــــــلـــــــــي الـــــكـــــــــعــــــــــــــــــــبــــــــــــــــــــــــي

هلالي بريده2 · #25 31/05/2009, 08:06 PM

ايمن جاده خيط وخيط مره زين ومره شين

ع ـبـووود ! · #26 31/05/2009, 09:27 PM

ايه حسبي الله عليه

والله حرام ماخذها سلطة ومزاجات

يارجال هو اللي ماسكها ويبي يسفرونه لبريطانيا يعلق هناك من ارض الملعب

ولكن ما أقول إلا حسبي الله على الظالم

والله اني ما أهضم صوته جددددددددددددددددا

والمعلق نصف المباراة

baaan160deeer · #27 01/06/2009, 12:37 PM

اهم شي ذا المعلق لايعلق في اي مباراة الموسم الجاي
اللي هو (( دراجي )) صدق من سماه دراجي فهو درج بكل ماتعنية الكلمة من معنى انا اللي يرفع
ضغطي انهم في برنامج حق المعلقين الموسم اللي راح كانكم تتذكرونه والله يافيه ناس علقوا على
مباريات اطلق من دراجي بملاييين المرات المشكلة ليش مخلينه في الجزيرة .

A B B O D · #28 01/06/2009, 02:31 PM

والله ان كل المعلقين يهونون قدام نشقبندي !! دراجي يهون !!

فيه معلقين رهيبين .. ما يعلقون الا على مباريات مو مهمه .. حاتم بطيشه و جواد بدّه

alsha6ef · #29 01/06/2009, 02:48 PM

والله انك صاادق

تعليق باااااااارد بكل ما تعنيه الكلمة من معنى

لو تكون مباراة بين البرازيل والارجنتين او بين الهند وبنغلاديش

كلماته ما تتغير((وكورة جميله وبالفعل هدف))

skroo · #30 01/06/2009, 03:21 PM

السلام عليكم

إقتباس

الرسالة الأصلية كتبت بواسطة A B B O D


	لو نفتك من نشقنببنيبنينبدي ويوسف سيف كان زين أيمن جادة يعجبني صراحة .. معلق محترم وعنده اسلوب يشدك مع تعليقه

يا سلام عليك يا عبود يا كثر مانتفق انا واياك <---------- يقاله 24 ساعه خويه بالنقاشات

هالاثنين والله ودك تقولهم مع السلامة

ايمن جادة على الاقل سرده للكلام حلو ولا يصارخ واجد وغير كذا معلوماته جميلة

بلاك من يوسف سيف + نقشبندي + عبدالله الحربي + خالد الغول = وعععععععععععععععععععععععععععععع

شكرا يا هلالي هيوستن