09/08/2002, 02:30 AM
|
| زعيــم فعــال | | تاريخ التسجيل: 24/07/2002 المكان: RIYADH
مشاركات: 315
| |
| مرحبا رأيي : ان الحكومه ما قصرت بأي شي ....يكفي انها تعطينا مكافئات . واللي عنده تصميم وحاط بباله شي راح يدشه يدشه باذن الله. ومسألة ان القبول فيه واسطه او لا ...لا أعتقد والدليل انا وغيري الكثير (اقسم بالله اني يوم قدمت كتبت تخصص واحد لا غير مع ان المفرض انك تكتب اربع رغبات كتبت رغبه واحد فقط) نسبتي كانت عاليه شوي . اما البعض فمثلا يقول انا نسبتي 91 او 92 ويقول ابي ادخل طب او صيدله او اي تخصص قوي, فرضا انه قبل تعتقدون انه رايح يتميز بهذا المجال الصعب او مو يتميز نقول ما يسقط. اذا هو بالثانويه ما جاب معدل واللي والله العظيم ما تجي خمس 1\5 اللي ندرسه, فما بالك بتخصصات فيها حياة بشر. وانا بالنسبه لي اقول: ادخل اي تخصص بس تكون واثق انك اذا دخلت هالمجال ...خلاص....يعني ابي ابدع. اما اني ادش مجال للمال او السمعه او اي شي ثاني فلا اعتقد.
وبعدين مسألة تدخل الوالدين او غيرهم في مجال دراستك: هاذي اعذار ....لما يتخرج الواحد من الثانويه جم عمره: اقل شي 18 سنه ( شنو يعني 18 سنه) يعني رجــــــــــــــــــــــــــال(شنو يعني رجال) يعني انتهى وقت الطفوله خلاص لازم تعرف مصلحة نفسك وتعرف شلون تمسك نفسك, وتحدد اتجاهاتك( بالمشاركه اللي قالها الوليد : انا ارضي ابوي والا امي)مع احترامي لـ الاباء والامهات : اقولهم حسسو ولدكم انه وصل مرحله اتخاذ القرار.(وكلنا نعرف ان اهلنا يبونا احسن ناس) بس لكل واحد قدرات وحدود.
مــــــــــــــــــــــــــــــــــــــــــــــــأســــــــــــــــــــــــــــــــــــــــــــــــا تي:
انا كنت ابي ادش حاسب ( والله العظيم كنت احب هالماده حب لا يوصف لدرجة اني اقرأ كتب جامعيه بالعطله بسبب حبي لها وعرفت بعض اللغات وبعض الاشياء) وكنت عارف بقرارة نفسي اني لو دشيت ,خلاص ....راح اتفنن. بس النصيب والوالد الله يرضالي عليه دششني مجال ثاني (انشالله خيره) ( وكان كل همي وقت التسجيل وحتى هالحين اني ما اخليه يزعل ولا يتضايق بأي شي وحتى لو كان مستقبلي والرغبه اللي قلتلكم عليها وكتبتها وقت التسجيل ... كنت مصمم عليها مو حبا فيها ..بــــس عشان افرح ابوي فيها) واسف على الاطاله بس والله موضوع بالنسبه لي ....لا اريد ان اتذكره مدى الحياه
ملاحظه: ابوي كان عارف قدراتي وانا عارفها...يعني اقدر ادش المجال اللي اهو يبيه واكون من العشره الاوائل(اقسم بالله مو غرور ولا كذب)
(كل كلمه قلتها والله من قلبي) |
الوضع العادي
