لا اله الا الله ...

و انت ليش وصلتهـا لـ ركلات الترجيح .. ؟
و انت ليش تلعب بـ مهاجم واحد .. ؟
و انت ليش تقوم بـ اخراج ياسر وتبقي على سيول .. ؟

أخوي
الآسيوية مهرها غالي
ما هو غلا مادي وبس الا غالية بكل شيء
احنا عندنا مادة لكن ما عندنا روووح
وحتى لو فزنا في هذهـ المباراة على مستوانا هذا ما راح نحقق شئ


قدر الله و ما شاء فعل
لكن اذا بقينا على هـ المنوال فـ راح تكون الآسيوية حلـم يحلمه كل هلالي

ضربات الترجيح ومع من فريق هزمه الاتحاد ذهاب واياب بالعشره
وحنا ما عرفنا نسجل هدف
ومن هو ام صلال اصلا
عشان نفتخر اننا خرجنا بركلات الترجيح
حسبي الله ونعم الوكيل على كل متخادل
الحسييني* نامي*ياسر*سول*

أمس الهلال كان ضائع وتائه ما ادري وش في الهلال ماعد (( المرشدي وردوي وهوساوي ))

وش في الهلال يا ناس أمس لا روح ولا قتالية

وش تبون يا لعيبة الهلال كل شئ لكم متوفر

رواتب اول بأول
مكأفات

حرااااااااااام عليك حسو فينا شوي

ليش هو الحر واللعب 120 دقيقة بس للهلال

حتى الخصم يلعب بالحر ويلعب لمده 120 دقيقة

بعدين كل شي كوزمين كوزمين

أنا الي اعرفه ان الفرق الكبيرة لا تتأثر برحيل مدرب أو لاعب أو ايا ً كان

مادريت إن شخص واحد يبعثر اوراق الهلال ويغربله

الاعبين لو لعبو بنص طاقتهم الله ياخذهم كان تاهلنا بالراحه لكن فريق ما يلعب فيه الا رادوي واسامه والمرشدي والباقين صفر على الشمال

قدر الله وما شاء فعل

والله انا معاك في كل كلمه
ولا تنسووون الظروف اللي مر فيها الهلال الموسم هذا
وانشاء الله الموسم الجاي غير باذن الله

بالله من جد خسرنا بضربات الترجيح
صدقت توني أدري

بآ آختص‘ـآر

الآعبيـــن مآودهــم بالبطوله بغض النظر عن البعض الله عسـآهـم على القـوه
صحيح خرجنآ الموسـم لكن معنـآ بطوله ولي العهد
والله شـآفوهـ الهـلآل مو بسييييييط صعب يتحملوهـآ

قدر الله ومآشـآء فعل
الحمدلله ع كل حـآل

ما وصلت لضربات الجزاء إلى من مستوى الفريق البآيخ ..
اللي كله أسآمي و فنايل و شهره ما فيه ناس تأدي داخل الملعب ..
و الله الفريق يبيله تصفية شاملة و غربلة و مراجعة حسابات ..
و الأجانب لآزم يكونون قد المسؤولية و في مراكز نحتاجها ..

ليه الفريق ما يحسمها قبل البلنتيات...؟!

قسم بالله فريق يرفع الظغط ويجيب الهم

والله حرام
هزلت آخر الزمن الهلال يطلع على ارضه وبين جماهيره على يد ام صلال حرام والله حرام

حرام كل هذه الجماهير تطلع زعلانه لاعبين فاشلين يلعبون بدووون روح الا اثنين او ثلاثه مدرب لياقه يقود الفريق في كاس آسيا
جمهور حاضر من كل مكان ليساند لاعبين يلعبون للفلوس مايلعبون للفريق ولا للتاريخ ولا للبطوله ولا لكلام الرئيس

والله حرام هالرئيس على هالنادي وهالاعبين
والله قهر...
تحياتي

a

إقتباس الرسالة الأصلية كتبت بواسطة عاشق 10 ادريانو وليه انت توصلها ضربات الترجيح ليه ماتقضي على خصمك وتنقض عليه وتنهي المباراة بدري ليه تلعب بتشكيله اقل مايقال عنها غيبه ليش تترك لخصمك المجال انه يلعب مرتاح ويقفل عليك ويحرجك بالمرتدات مشكلة الحسيني ناسي ان ضربات الترجيح ماتعرف كبير وصغير وتعتمد على التوفيق من عند الله وبس عرفت وش خلانا نوصل لضربات الترجيح

وانت لاتنسى بعد انها بارض الهلال ومع فريق مغمور اسيويا وبدون مستوى

الحمدلله ان الهلال طلع من فريق ماحقق الا بطولة طوال مشواره

عشان تعرفوا ان الكورة ماهي بالاسماء

تخيلو بفريقنا امس نلعب ضد فريق ياباني بدور الثمانية لو تأهلنا كان خسرنا اربعه وخمسه
(الدعيع/ هوساوي/ رادوي) والبقيه اشباه لعيبة

يالية ماكتبت الموضوع

لأنك الحين قاعد تبرر خسارة موسم كامل وملايين دفعة وجهود جبارة

العيب ماهو الواحد يغلط ... العيب في الاستمرار في الغلط

ليش تبرر الهزيمه !!!

الهزيمة يتحملها اللاعبين و المدرب

أما الأمير عبدالرحمن بن مساعد لايتحمل شيء من الخسارة