|| UCL FINAL 2009 || البرسا روض أوروبا .. أمام البطل أقنع و أمتع بثنائية || - نادي الهلال السعودي - شبكة الزعيم

S U L A I M A N · #11 28/05/2009, 03:44 PM

أجيك يسلم راسك وشلوووون ماجيك .. وياك أنا بالذات .. صعبه اتغلى !

السلام عليكم

ألف مبروك ثانيه وثالثه ورابعة وخامسه وسادسة وعاشرة وعشرين وثلاثين وأربعين ومية وميتين وألف ومليون وبليووون مبروك ياعيال ..

مبروك موب بس على البطولة .. مبروك على كل شي صار هالموسم .. الكاس والدوري والابطال والأرقام القياسية .. وفوقها كلها مبروك

على هالمدرب الشاب الي قدر يسوي الي ماقدر أي احد من مدربين العالم يسويه أبدا أبدا .. أول سنه تدريبيه لك تحطم كل الأرقام بالدوري

وتوصل لأوروبا وتحطمها وتوصل للعالميه بعد ! عقبال السوبرين الأسباني والأوروبي وكاس العالم الي طار من إيديننا ذاك الموسم البئيس

الله لايرده !

مباراة أمس كانت شي ثاني .. كانت خيال وربي .. مستويات جدا كبيرة قدمها الفريق ودروس تكتيكية قدمها قوارديولا .. والله ياعيال يوم هم

يهاجمون ويبربسون الربع ساعة الاولى ورونالدو مسوي انا امروح ووخروا عني .. أقول بيني وبين نفسي اصبروا شوي تكتيك قوارديولا

يبيله يحتمي شوي .. والله واحتمى وغطى على تكتيك فيرقسون والي جابه ياشيخ .. إذا احتمى تكتيك بيب ماينفع معه لا هيدينك ولا فيرقسون

ولا راموس ولا اعتى المدربين معليش .. هذا الي شفناه صراحة لاحد يلعب على احد ..

قسم بالله اللاعبين أمس كلهم 10\10 .. من الحارس لين إيتو ..

فالديز\ والله وربي يافالديز لو مستوياتك ذي تطلع نصها بالدوري كان كاسياس عاااااااادي جدا يحيّط مع المنتخب .. ماخيب ظن الجميع فيه

من صحافة ومتابعين وعشاق أيضا .. زي ماخيب ظنهم في نهائي باريس .. قدم مستوى جدا مميز ووقف لهجماتهم وتابع هجماتهم الظائعة

أيضا للتأمين ..

سيلفينهو\ قدمت الي تقدر عليه يابطل .. لكن العمر وأحكامه صعبه بهالعمر تراكض كنك أبو 20 سنه .. لكن مع ذلك الهجمات كانت عن

طريق الجهه اليمنى .. لكنك الله يهديك غثيتن أمس كل كوره ترجعها ورى

..

بيكي\ مستوى كبير يابيكي .. كل مدافع لابد ويخطي في الخطوط الخلفية خصوصا اذا كان قدامه رونالدو ولا روني .. وفوق هذا كان يلعب

معهم العام يعني صديق الامس عدو اليوم .. لكن مع ذلك وقف حجر عثرة قدام المحاولات الانجليزيه خصوصا لما مسكنا اللعب ..

توريه\ وربي الجندي المجهول ياتوريه .. في مباراتين مدري ثلاث لك في قلب الدفاع تقدم مستويات جدا جدا جدا مميزة .. التحام على الكورة

امر خالصين منه انه لك ماشاء الله عليك .. ثقة جدا كبيرة منك يالدبابة ..

بويول\ وش أقول ياقلب الأسد .. ودي (غير الي كانوا عندي أمس) لو واحد من الي قالوا ان بويول مايصنف من ضمن افصل المدافعين وكذا

.. ودي أشوفهم وأقول لهم هاه كيف ؟ والله العظيم مباراة العمر له .. تغطيات دفاعيه على أعلى مستوى وهجوم مميز جدا ويكفي سحبة

رونالدو! ..

بوسكيت\ في ظل تواجد اينيستا وزافي صعبه تقدم مستويات كبيره .. لكنك مع ذلك أثبتت ان ثقة قوارديولا في محلها وانك اسطورة لاعب

وسط قادمة بمشيئة الله تعالى ..

إينيستا\ والله مادري وش أقول يا إينيستا .. يكفي الهدف الأول ياكبير .. وربي لاعب من طراز نادر ونادر جدا .. يمشي بالكورة شووووي

شووووي ويخترق ويسحب بعد! عنده حدس عظيم ياعيال ! عارف اللاعب الي قدامه وش بيسوي ووين بيروح فـ تلقائيات تحصله مسوي

عكسه ! شفنا هالشي في مباراة الامس ياهو سحب فيهم تسحيييييب! ماشاء الله بس!

زافي\ قلتها وأقولها مره ثانيه .. في عز الكلام .. سكت الكلام!

إيتو\ مباراة كبيرة يا إيتو .. كنت وبكل صراحة انتظر واتمنى تسكتني بذيك المباراة ... كنت انتظر ادخل الرابطة احصلهم يقولون هااه

ياسليمان شرايك .. سليمان هذا إيتو رد عليك .. سليمان إيتو سكتك! سكتني كل يوم ياشيخ بس فرحني!

ميسي\ (تعليق واحد من الشباب" ميسي": اجل ما أجيب اهداف بالراس! " إيه" .. "ميسي"طيب وش عندك الاربعاء ؟ " بناظر المباراة .. "

ميسي" طيب اوكي ) رد على الي يقولون ميسي مايجب اهداف بالراس ومايعرف الا يسحب! .. فتى الركض أجل .. ميسي أمس يمسك

الكورة ويقول يله ياعيال واحد ياخذ الكورة! هه واحد ياخذها ياعيال شفيكم ! بالله واحد بس .. بالاخير يناولها هنري ولا إيتو ويقول يله المره

الثانيه ياعيال ..

هنري\ قدمت الي عليك يابطل .. مميز والله يا يإهنري .. موسم للذكرى ياأسد ..

* قبل المباراة قريت تصريح لروني يقول فيه اني حلمت وانا لابس الابيض ورافع الكاس ! كشفوا عليه حصلوه مجنب

* فيرقسون صرح وقال اننا بنلبس الابيض لكن نتيجتكم مع الأبيض راح تنعكس! .. ماعارف الشايب ان المشكله مهب بالأبيض .. المشكلة

بالي قدام الأبيض!

* برضو قريت تصريح لجوتي يقول فيه بشجع المان

مابي برشلونة يفوزون .. بتحط نفسك في مواقف بايخااااااه

* لابورتا أمس متتتتتتتتتششششششششششششقق لآخر درجة .. وااااااضح عليه انه مخلي الفرحه داخله مايبي يخرب البرستيج .. والله يا احس

صار رقص بالنادي يوم رجتوا وبالطياره بعد

مع كاسات الشعير على قولة الكاديكي

* للأسف الآرتي كنت نتمنى يكون ختامها مسك .. لكنهم أبوا الا يخربونها للأسف .. طيب حطيتوا مراسلين في برشلونة ومانشستر خلونا

نشوف الاحتفالات ! خلونا على الأقل نشوف احتفالات الأولومبيكو ! بسم الله ما أمداهم يدورون بالملعب الا قاطعين ام الصورة وكب إعلانات

! ورونا تتويج أبطالنا طيب ورونا تتويج الشباب وفرحتهم ! لا وفوق هذا جايبين تحليل للمباراة ! اصبروا طيب يامال الوجع.

لنا عودة مع الكثير من التعليقات ان شاء الله

والله يبارك في كل من تقدم وبارك .. وكل من خص بالتهنئة