xXاخطــــــاء لازم نصلحها.... ههههههههه....... [[لا تفووتكمـ؟؟؟]]Xx - نادي الهلال السعودي - شبكة الزعيم

باعلى صوت هلالي موت · #1 24/05/2009, 12:46 PM

السلام عليكم ,,

لاحظت أخطاء سلوكية في حياتنا ...

فحبيت أن أوضح لكم الخطأ ... وأحاول أن أصلحه لكم بسلوك تربوي

بسم الله نبدأ ..

خطأ :

عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح :
تمسكه مع ثوبه

... وتصكه بالجدار

.. وترفسه مع بطنه .. وحبذا تنهيها بركبة وإلا كوع ...

وبعدين:
تقوله شيل الكتب .. ومرة ثانية فتح عيونك يالوح

خطأ :

تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح :

تنزل له بمفتاح العجل .. أو عجراء ... وتطق الطاقة عليه ... وأول مايفتحها ... جرّه مع شعره ... واجلده لمين يقول العيد الليلة ...

وبعدين:

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..

خطأ :

جالسين أنت ومجموعة من الشباب ... وعندكم بباسي ... وطلعت تبي تغسل ... فيقوم صديقك ويرج الالعلبه ... ثم تجي تبي تفتحه ..
ثم يطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح :

تمسكه ... مع رجليه ... وتصبخه بالارض صبخ ... وتجيب كرتون ببسي .. وترجه رجا مبرحا ... ثم تفتحه بوجهه ...

وبعدين تقوله لاصرت أخوك الصغير ... والا تمون علي .. نكّت معي هالتنكيت ... وهالمرة بسمح لك عشان خاطر الموجودين ..
والا تدري !! ...
ثم اعفس العلبه... وحطّه بمخباته ... وقله لاتطلعه من مخباتك الا اذا رحنا ...

خطأ :

تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالق نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح :

تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

وبعدين:

قل بينك وبين نفسك ... ماعمري أحلّق عنده ..

خطأ :

راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح :

حتى لو انت مو مستعجل ... اقطع الاشارة ... الاشارة حطوها للي مايعرفون يسوقون ... وموهم جزومين ...

خطأ :

ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لمهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة ..
ثم تقول .. الله يقطعهم ماخلوني أنام .. وتواصل للصبح ..

الصحيح :

دق على محل ستالايات ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب خمسة .. الليلة بس ..
ثم واصل للصبح ...

خطأ :

متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح :

صكه بالمركأ ... ولحقه ببياله والا طفاية ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...

{{{{ترا الموضوع للوناسة أهم شئ الأخلاق}}}}}

الخطأ :

إنك تقرأ الموضوع وتضحك طال عمرك وتخرج

الصحيح :إنك ترد على الموضوع وتضحك وتقول شكرا على المجهود

تحياتي لكمـ
__________________

مــــ نقـــ ول

][ هلـآلي للـآبد ][ · #2 24/05/2009, 01:22 PM

هههههههههههههههههههههههههههه

الله يعطيك العافيـه

dhme · #3 24/05/2009, 02:58 PM

إقتباس

الرسالة الأصلية كتبت بواسطة باعلى صوت هلالي موت


	الصحيح :إنك ترد على الموضوع وتضحك وتقول شكرا على المجهود

1- وهذا الرد
2- وهذي الضحكة ههههههههههههههههههههههههههههههههه
3- وهذا احلى شكر(يعطيك الف عافية على الــــموووضوووع)
شــــــــــــكـــــــــراً عــــــــــلــــــــــى المـــــجـــــــهــــــــود

متلثمة بالشماغ · #4 24/05/2009, 03:02 PM

لمااا شفت الكلام بالاول قلت خوينا فااهم الموضوع غللللط

ولما نزلت تحت وشفت اخر سطرين

قلت واللهـ اني انا اللي فاهمهـ الموضوع غلللط

والله انك صدقت في الاخر

مشــكوووور يالغلاااااااااا

زعيمfor uoy · #5 24/05/2009, 03:40 PM

تخيل اسوي زي ماقلت انت تبيني انجلد ماراح اسوي زي كذا الا اذا كنت ستيف اوستن

بعدين اتفاهم معهم ...اما الحين لوكبو علبة لبن مو بيبسي والله لاسكت
مشكور على الموضوع

جوري الربيع · #6 24/05/2009, 05:12 PM

هههههههههههههه

الله يرجّ إبليسكَ يا رجل فلقد أفطستني ضحكاً مبرحاً

فألف شكرٍ على الموضوع المقّطع ضحكاً

باعلى صوت هلالي موت · #7 24/05/2009, 05:33 PM

][ هلـآلي للـآبد ][
هع هع هع مشكور عالمرووور
dhme
مشكور عالمروور

متلثمة بالشماغ
هههههههههههه
مشكورة عالمرور
زعيمfor uoy

هع هع هع

والله انك من جنبها هههههههههه

جوري الربيع

وش تحسين به
.....خخخخ

مشكورة عالمرور

باعلى صوت هلالي موت · #8 25/05/2009, 01:25 PM

افا يا شباب

119مشاهد ولا فيه الا 6ردووووود!!!!

باعلى صوت هلالي موت · #9 25/05/2009, 01:26 PM

يلله شباب
نبي ردود

عاشق المو10هوب · #10 25/05/2009, 01:42 PM

الخطأ :

إنك تقرأ الموضوع ثم ترد بمشكووور على الجهود ولا يسلمو على الموضوع الجميل

الصحيح :

أنك تدخل على الموضوع وبعدها ترد بأن الموضوع باااايخ ولا قديم ولا مكرر وتغسل العضو الي كاتب الموضوع

موضووووووووع باااايخ ومكرر <<<<<<<<<<<< امزح معك لاتصدق

يسلموووووووو على الموضوع الحلوووو بس اخاف اطبق النصايح ويجي واحد جامد ويفقع وجههي

باعلى صوت هلالي موت · #11 25/05/2009, 04:34 PM

إقتباس

الرسالة الأصلية كتبت بواسطة عاشق المو10هوب


	الخطأ : إنك تقرأ الموضوع ثم ترد بمشكووور على الجهود ولا يسلمو على الموضوع الجميل الصحيح : أنك تدخل على الموضوع وبعدها ترد بأن الموضوع باااايخ ولا قديم ولا مكرر وتغسل العضو الي كاتب الموضوع موضووووووووع باااايخ ومكرر <<<<<<<<<<<< امزح معك لاتصدق يسلموووووووو على الموضوع الحلوووو بس اخاف اطبق النصايح ويجي واحد جامد ويفقع وجههي

والله خرشتني

المهم
النصيحة انتم طبقوها انا مالي دخل
انا عن نفسي ما راح اطبقها تبي يتفقع وجهي

المهم
شكراــ عالرد

شوق الكويت · #12 25/05/2009, 04:47 PM

{{{{ترا الموضوع للوناسة أهم شئ الأخلاق}}}}}

شكرا عالمجهود يالغالي