عـــمـــتـــم مــســاءآ ..

من زمان كنت بأكتب عن هذا الموضوع ..

لكن الدنيا ومشاغلها ..<< حسيت اني وزير ..

مدخل .. يمكن ان أفضل خدمة استفدناها من الجوال ارسال واستقبال الرسايل .. من وجهه نظري طبعا ..

واللي يبي يتأكد من كلامي يتذكر العيد وزحمة الاتصالات وكثرة الأشغال تمنعك من الاتصال بكل أصحاب الأرقام المخزنة عندك ..

عاد ترسل رسايل وترتاح من الزحمة وقلق الشبكة ..


نرجع لمحور حديثنا ..

كل واحد منا لازم انه حصل له موقف مع الرسايل ..

والمواقف كثيرة لكن بأذكر موقفين .. واحد حصل لصديق لي .. والثاني حصل لي ..

يقول صديقي : كان لي صديق عزيز تعرفت عليه بالجامعه .. وكانت علاقتنا قوية بشكل عجيب .. وقد استمرت بهذه القوة على مدار سنتين ..

وفي يوم من الايام قمت من النوم ولقيت رسالة وسائط منه .. ويوم قريتها ما صدقت اللي مكتوب فيها ..

وهذا نص رسالته ..

يااللي زعلت أزعل والا اني مراضيك
أشرب كثر ماي البحر كانه أرضاك
لا تحسب إني عقب صدك بداريك
بعز نفسي عنك مدراك مدراك
أربع اترام وأنا متحمل تغليك
راضي بتعذيبك لجل قلب أغلاك
خليتني واليوم والله لخليك
وأدوس قلبي لينه يقول خلاك
قبل توريني الحسايف بأوريك
لين قال فلان هانك ووراك
كانك تحداني فأنا أقبل تحديك
وأنسى الغرام اللي مضى وأتحداك
ماني بقايل لك عسى الله يهنيك
الله يحرمك كل ما كان هناك
عسى العمى يا خاين العهد يعميك
فوق الغرور اللي عن الماضي أعماك
عساك ما تسمع قريب يناديك
حيثك تجاهل صوت محروم ناداك
وعسى الشلل يعوق رجل تمشيك
لينك تندم ليش غيرت ممشاك
وعسى حياتك بس فرحه _لشانيك
يلقى بها الفرصه عدوك ويشناك
وعسى الليالي اللي تجيني بطاريك
يصبح عليها الصبح وتموت طرياك
وعسى المنام وكل راحه تجافيك
آمين حتى اللي تمناه يجفاك
وعساك ما تفرح وتكثر بلاويك
وأمك تشق الجيب من عظم بلواك
وإذا مت جعلك في جهنم تصاليك
نار الجحيم ونار دنياك تصلاك
الله يكره فيك حتى دوانيك
غشاش خاين من من الناس داناك
هذه النهايه وروح الله يجازيك
أمسك ويومك عن الغد جازاك

يقول ما صدقت اللي مكتوب في الرسالة .. وبعد ما قريتها أكثر من مره دقيت عليه ما رد علي .. وبعد فترة رد فسألته هل أنت اللي أرسل الرسالة .. فقال ببرود : نعم .. فقلت له : سلام عليكم .. طوط طوط طوط وقفلت في وجهه ..

وش رأيكم في اللي صار ؟؟ ولو صار لك وش بتسوي به ؟؟


الموقف الثاني .. حصل لي شخصيا ..

في عيد الفطر الماضي كنت جالس لوحدي بالملحق على النت .. وطبعا كل ما يهز الجوال أدري ان فيه رسالة جديدة .. أنقز أقراها وأرد لصاحبها ..

الا وتجيني رسالة من أخوي الكبير .. حاولت أقراها ما قدرت .. نص ساعة أبي أفهم شي ما فهمت .. واللي محيرني ان أخوي شوي رسمي في مثل الامور هذي .. ومو من عادته انه يرسل في غير العيد ..

وهذا نص الرسالة ..



جدبج فدسب ابدسط سجدن
دجفا كرةظجسن نسبدط جد
ابجكذحصوطر ابصرج ركعثد
فطخصته طفخاتد ندسكطحذ
@ وكل عام وأنتم بخير @



أتحدى احدكم يحلها ..<< جاكم سؤال أصعب من أسئلة عبدون

##مسك الختام ##..

عندي احساس كبير ان فريق المجلس العام راح ياخذ بطولة الزعيم الأولى ..

مع اني ما أعرف أحد من اللي في الفريق .. لكن هو احساس وخلاص ..

استفشار لأدارة الفريق .. اللاعب اللي سجل في مرمى فريق العالمية في آخر مباراة .. وحتى ان المدرب رجعه حارس آخر المباراة .. وأتوقع اسمه الدحمي ..
هل هو مشارك في هذي البطولة ؟؟

تسجيل حضور ..
لي عودة ..

مشكووووووووووووووووووووووووووووووور

موضوع ظريف الله يوفقك



أنا عندي طلب لو سمحت ممكن ترد؟؟..لماذا بدأت موضوعك بتحية الجاهلية ؟؟؟



تحية الإسلام هي تحية أهل الجنة وتكتب لك بها ثلاثون حسنة ...




السلام عليكم ورحمة الله وبركاته ..




الله يسعد أيامك في رضى الله ويحفظك والجميع ..




























































[/COLOR][/SIZE]

إقتباس الرسالة الأصلية كتبت بواسطة شوق الكويت هلا اخوي انا مره كنت مريضه وبنت خالتي دزتلي مسج ماتشوفين شر وسلامات .... ورقمها نفس رقم رفيجتي تقريبا... وانا قمت ورديت على رفيجتي الشر ماييج والله يسلمج ... وبعده دزتلي مره ثانيه وانا ارد على بنت ثانيه اخر شي قلت حق البنت سوري بنت اخوي الصغيره دزتهم بالغلط وباعتقادي المسجات لها سلبيات وايجابيات هي تقرب البعيد وتبعد القريب.... مشكوور اخوي عالموضوع

هههههههههههههههههههههههه

حلوه التصريفة .. هههههههه أجل حطيتيها في راس بنت أخوك ههههههههههههه ..

مشكورة على مرورك الروووعة ..

إقتباس الرسالة الأصلية كتبت بواسطة الضحى موضوع ظريف الله يوفقك أنا عندي طلب لو سمحت ممكن ترد؟؟..لماذا بدأت موضوعك بتحية الجاهلية ؟؟؟ تحية الإسلام هي تحية أهل الجنة وتكتب لك بها ثلاثون حسنة ... السلام عليكم ورحمة الله وبركاته .. الله يسعد أيامك في رضى الله ويحفظك والجميع .. [/COLOR][/SIZE]

من كتبت موضوعي ما توقعت أحد يلاحظ هذي الملاحظة الا اثنين ..

أنتي .. والصخرة ..

يمكن اللي أشوفه أنا ان البسملة والسلام ما له داعي في المواضيع ..

لأنها ما تقرا من القراء .. وجه نظر ..

مشكورة على ردك وعلى ملاحظتك ..

إقتباس الرسالة الأصلية كتبت بواسطة طارق الرسائل و ما أدراك ما الرسائل ، هي كاي تقنية لها عيوب و ميزات . ميزتها طبعا أنك تقدر ترسل مثلا بالاعياد رسالة لمجموعة كبيرة و تختصر وقت طويل إضافة إلى سرعة أيصال اي معلومة لعدد كبير من الاشخاص ، كذلك من مزاياها أن الواحد يقدر يعبر فيها عن اللي وده يقول بشكل أكبر من المكالمة اللي أحيانا الواحد ما يقدر يعبر فيها عن اللي بداخله. أما العيوب فأبرزها أنها غيبت عنا أصوات أحباب لفترات طويلة حتى الاعياد اللي المفروض نسمع فيها أصوات بعض صرنا نختصرها برسالة للاسف. أما الرسائل اللي ببالي فاللي أتذكره أكثر من رسالة من صديق طفولة أبعدتنا الايام أو حنا نقول كذا كلنا نحترم بعض و نقدر بعض بس كذا الدنيا فرقتنا رغم اننا نعرف ارقام بعض و نقدر نرتب للقاء بعض بس ما ادري ليه محنا قادرين و نكتفي برسائل تعيد بعضا من ذكريات الايام الجميلة

هلا وغلا ..

أنا مثلك لي صديق عزيز ولي 5 سنوات أدور رقمه لكن ما لقيته ..

مشكور على مرورك الرائع ..

الله الله يا المجلس !!

أول موضوع ينزل لي في المجلس .. وفي النهاية شوف عدد مرات القراءة وشوف عدد الردود ..

والله شي يحطم من جد ..

لكن معذورين ..

الخرفنة ملهيتكم عنا ..

يعني اذا تبي الردود بالهبل اكتب في العنوان +18 ..

وشووووف الردود ..

اقول قل للخويك يحمدربه انه ارسله على الاقل ما تقابله الصبـــاح ويصدمك >>> صارتلي وحرق قلبي

تقبـــــــــل مروري

بسم الله ، السلام عليكم .
غريب موقف الشخص الأول برسالته ، يا والله انه متحديه تحدي ودعى عليه دعوات ما تندعى على ابوجهل !!
الله يألف بين القلوب .
/،

إقتباس عندي احساس كبير ان فريق المجلس العام راح ياخذ بطولة الزعيم الأولى ..

الله يسمع منك ولا تنسى الدعم والحضور الليلة ..

إقتباس يمكن اللي أشوفه أنا ان البسملة والسلام ما له داعي في المواضيع ..

البسملة خير في كل موضع ، حتى القرآن يبدأ بالبسملة وهو يقرأ .

إقتباس الرسالة الأصلية كتبت بواسطة زعيم الاحد من كتبت موضوعي ما توقعت أحد يلاحظ هذي الملاحظة الا اثنين .. أنتي .. والصخرة .. يمكن اللي أشوفه أنا ان البسملة والسلام ما له داعي في المواضيع .. لأنها ما تقرا من القراء .. وجه نظر .. مشكورة على ردك وعلى ملاحظتك ..

الله يبارك فيك يكفي أنك حصلت على الأجر والحسنات حتى ولو لم يقرأها



أحد هذه تحية أهل الجنة ..والبسملة تضفي على موضوعك البركة ...




المعذرة إذا يزعجك الرد ولكن والله راغبةً في الأجر ....





اللهم الجميع ...