أنا مانب راد على هالموضوع لين تقول لي وين ساكن فيه << بيردها لك

والله شف يالغالي
مسألة ان القصمان يسمونها حبحب ..هذي جديده
من يوم طلعت على الدنيا وانا اسمعها جح وبعض المرات بتفخيم الجيم

وبعدين باقي لهجة ماذكرتها " جخ "

عموما
انا لدي اعتراض على موضوعك
مسألة الاتيكيت بالجح انا معترض عليها اعتراض تام
ياخوي الجحه ماوضعت الا عشان نندع به وفي رواية أخرى ( نأكله بشراسه مدري شراهه )

شف ياحبيبي
الفواكه الثانيه مثل الأناناس والفراوله والتفاح وهذولي الباقيات
هن اللي يتطعم بهن الواحد ويزينن بالاتيكيت

أما الجح
زينته انك تاكله بلا اتيكيت
بس الصراحة في حركة حلوه
اللي يقطعونه ويخلونه بدون قشور
هذي قمة الوناسه بأكل الجح
بعد لو يحصل يطلعون الحب منه .. يكون أحسن


ونصيحة للي داخلين برنامج تخفيف وزن
ترا الجح يملا البطن ولا يسمن
يعني كل نص جحه بدال الغداء
والله ان تملا بطنك ولا تقدر تتغدا
ومايجي العصر الا والجوع داقك دق
لأن الجح كله ماء لا يقعد بالبطن ولا يسمن

وفي نهاية هذه الخطبه العصماء لا يسعني الا أن اشكر ابو صخره على هالموضوع الفله

والله انه رهيبن رهيب

ترا كل هذا وانا قايل مانب رادن على موضوعك لين تقول لي وين ساكن