فاهم جدا : أنا أرى أن نلم ماتشتت منا وألا ينفض هذا الجمع إلا على رأي حاذق حتى ننفض الغبار عن رؤى ألبابنا فالغيوم تنذر بالبلل وشمسيتنا معفوطة لاتقينا من المطر وقد اقترب الخطر والمسافر بلا زاد يعاني من وعثاء السفر !!!
- ياأبو لما ياويلك كانك سألتني وش يقول فاهم جدا لأني ماأدري وش هو يقول !!!
- أبو لما : لاماعليك فهمت هالمرة وش يقول !!
- وش فهمت ؟!!
-أبو لما :ا تبي تمطر !!!
- ياشينك ياأبو لما إلى منك صرت تفهم أكثر من اللازم !!!
- أبو هيا:الله ياجماعة كانكم سمحتولي وزعت الأدوار !!
- أبو نواف :والله ياأبوهياشوف إنك مناسب لتوزيع الأدوار !!
- سور الصين : ليش مناسب ؟!! وش قصدك ؟
- أبو نواف: ماقصدي شي !! تدري ماهوب مناسب ؟!!!
- سور الصين : ليش ماهوب مناسب ؟!!
- أبو نواف : ياسور الصين أنت وش رايك ؟!!
- سور الصين : موافق
- أبو هيا : أنا أشوف إن أبو ذكرى يصير الرئيس والعوام هو النائب !!!
( فاهم جدا فز من جلسته وخربت الشخصية وصار وجهه أحمر )
- فاهم جدا : عسى مانتب مصخن ياأبو هيا ؟!!!
- أبو هيا : والله فيه شوي صخنة بس ليش تسأل ؟!! كل ذا حرص على صحتي ؟!!
- فاهم جدا : وش علي من صحك ؟!!! أبو ذكرى ماغيره يصير رئيس علي آخر عمري ؟!!
( أبو هيا يمسك فاهم جدا على جنب ويدور هذا الحوار )
- أبو هيا : يافاهم أنا مااخترت أبو ذكرى إلا لأسباب مهمة !!
- فاهم جدا : وش هي أسبابه !!
- أبو هيا : رؤساء الهلال ( من تالي ) لهم صفات ماتنطبق إلا على أبو ذكرى !!
- فاهم :وش هي ؟!! :sad:
-أبو هيا : يعني أنت عارف إن أبو ذكرى راعي " كشتات " يعني غير متواجد بالنادي ومثل ماكان سعود بن تركي بجنيف لايرد على أعضاء الشرف يبي يصير أبو ذكرى فوق طعس وماياصله الجوال !!
- فاهم : طيب هذا كان عيب سعود بن تركي !!!
- أبو هيا : لا !! بس حنا نبي نستغل غياب أبو ذكرى ونتحكم بالنادي ولا تنسى إن أبو ذكرى حبيب ويمدينا نمشيه على كيفنا!!
- فاهم جدا ( بصوت عالي ) : أنا ماعلي منكم !!! إذا صار أبو ذكرى رئيس أبوقف الدعم لين يتغير الرئيس أو تتغير سياسته !!!;)
- أبو ناصر : عسى ماشر يافاهم ؟!! الرجال ماأمداه يشتغل علشان يغير سياسته !!!
- أبو بدر : وبعدين بالله عليك يافاهم أبو ذكرى وجهه وجه واحد له سياسة ؟!!
فاهم : طيب أنا وش أصير ؟!!
-سلمان 99999 : وش رايك تمسك مكان أمين عام النادي !!
- فاهم : وذا وش شغلته ؟!!!
- والله يافاهم هالمنصب إلى الحين ماأحد يعرف وش شغلته بس شكل متطلبات الوظيفة سهله !!
- فاهم : يعني وش أسوي ؟!!!
- أبو بدر : أول شيء لازم تجلس على الكرسي واجد لأن الرؤساء يروحون ويحون وأنت قاعد !! من قدك ؟!!
- سور الصين : ثاني شي لازم تنفي خمس وعشرين ساعة باليوم !!
- جدار الطين : يعني لو يقولون لك اسمك فاهم جدا قل لا لم يحدث هذا !!!
- كوكتيل : ياجماعة الحين أنتم مختارين أبو ذكرى رئيس وأشوفه مسند على الجدار ولايتكلم !!!
- أبو هيا : ماقلت لكم إن عنده كل مواصفات رئيس الهلال !!
- أبو ناصر : وش دخل سكوت أبو ذكرى بمواصفات رئيس الهلال !!!
- أبو هيا : يعني يوم اخترناه رئيس وبغيناه يتكلم ويعطينا وجه سكت ولاعاد صار له ( حس ) !!!!
- أبو ذكرى : أنا معكم ياجماعة بس جالس أفكر من وين أجيب بشت ؟!!!
- أبو هيا : شفت يافاهم هذي هي كل سياسة أبو ذكرى !!!
- جدار الطين : طيب ياجماعة من يبي يمسك محل المصيبيح ؟!!
- والله أنا رشحت أبو بدر ولاهيب شينة ياأبو طلال تمسك مكان الأحمد
- الإعصار : طيب من هو رئيس أعضاء الشرف ؟!!
- سلمان : أنا أشوف أبو هيا راكب عليه هالمنصب !!
- أبو هيا : والله ياجماعة ماهوب الظاهر !!!:sad:
- أبو بدر : وراوه ياأبو هيا يعني إنك أصغر من أنا وسور الصين ؟!!!
- أبو هيا : لاياأبو بدر بس أنا بصراحة مطفر هاليومين و رئيس أعضاء الشرف المفروض إنه يصير قدوة لأعضاء الشرف الباقين ويكون أولهم وأكثرهم بالدعم وماتصير شغلته بس يصرح بالليل ويعتذر بالنهار ولا فيه أمل يطلع منه ريال !!!;)
- والله إنك صادق ياأبو هيا بس من ترشح يقوم بهالدور !!!!!
فاهم جدا : أنا أرى أن نلم ماتشتت منا وألا ينفض هذا الجمع إلا على رأي حاذق حتى ننفض الغبار عن رؤى ألبابنا فالغيوم تنذر بالبلل وشمسيتنا معفوطة لاتقينا من المطر وقد اقترب الخطر والمسافر بلا زاد يعاني من وعثاء السفر !!!
ههههههههههههههههههههههههههههههههههه
الله يعطيك على قد تنسيمك يالغريب ..
اخلص علمنا حسابك بالرجحي والا الامريكي .. نبي منصب مرجان لا يفوت علينا !!
هههههههههههههههههههههههههههههههههههههههههههههه
هههههههههههههههههههههههههههههههههههههههه
لكن تدري الحمد لله على نعمة العقل
أثر العرس من تالي يسوي تسذا غدينا نشوف لنا أحم أحم ;)
إقتباس
-أبو لما :ا تبي تمطر !!!
هذي بلحاله خلت اللي بالشارع يسمع ضحكي
المهم خلاص أنا موافق بس وشو عليه والله ما أدري
نصبر الين نشوف باقي الحلم ;)
وتدري ياحبي لك وبس
شف وانا اخوك ( ترى ومن واقع تجربه ) هالاحلام ما تطول يعني ان شاء كلها كم سنه وبتطيب وتعيش في واقع ماهو حلم .
إقتباس
- استلم مكان المصيبيح علشان تصحح أخطائه اللي بسببها ماجبنا إلا تسع بطولات بسنتين !!
فعلا نبي احد يصحح الاخطاء ويعدل المسار , فالهلال متعود على اكثر من كذا !! وش تسع بطولات في سنتين ماعاد إلا هي ,
إقتباس
-أبو لما :ا تبي تمطر !!!
ياحبي لأبو لما , وبصراحه هو ذهين واجد , اجل غيوم , وبلل , وشمسيه وتبيه ما يقول بتمطر
إقتباس
- أبو هيا : أنا أشوف إن أبو ذكرى يصير الرئيس والعوام هو النائب !!!
ازين مافي شغلة النائب , إن ماله في شيء ابد , لا يدعم ولا ينسب ولا يشتم , ومعهم ويحضر اجتماعاتهم وياخذ علومهم ,إن خسرو ماحد درى عنه وإن جابو كأس قالو اداره ناجحه , ( مــــــــــــوافــــــــــق ) ومن غير بشت
- استلم مكان المصيبيح علشان تصحح أخطائه اللي بسببها ماجبنا إلا تسع بطولات بسنتين !!
إقتباس
سور الصين : ثاني شي لازم تنفي خمس وعشرين ساعة باليوم !!
إقتباس
أبو هيا : لاياأبو بدر بس أنا بصراحة مطفر هاليومين و رئيس أعضاء الشرف المفروض إنه يصير قدوة لأعضاء الشرف الباقين ويكون أولهم وأكثرهم بالدعم وماتصير شغلته بس يصرح بالليل ويعتذر بالنهار ولا فيه أمل يطلع منه ريال !!!
ياأبو لما أنا قايل لك من زمان لاتجلس واجد مع أبو ذكرى بس ماسمعت كلامي وهذي آخرتها !!!
بدينا؟!!ad:
الوضع العادي
