انظروا كيف فعل المايسترو بالطفل الشقي - نادي الهلال السعودي - شبكة الزعيم

السهم الصعب · #1 17/05/2009, 10:02 PM

السلام عليكم
اول شيء نبارك لكل من يحب ويعشق فن المايسترو السويسري
روجير فيدرر كيف فعل بهذا الصبي الشقي وهو الاسباني رفاييل
نادال اتوقع ان البعض قالها للنادال لان نادال تفوق على فيدرر
في اغلب البطولات ولانتقلل من قيمة نادال ولكن يبقى الكبير كبير
ونحن نعرف ان الماتدور الاسباني معروف بملك الاراضي الترابية
ولكن فيدرر كسر قاعدة وخبرة الاسباني في الاراضي الترابية

في النهاية انتظر انتقاداتكم على موضوعي وتحليل المباراة
وانا اقول الكبير كبير يافدرر

قش قش · #2 17/05/2009, 10:15 PM

...................محجوووووووووووووز..............

فريدينهووو · #3 17/05/2009, 10:20 PM

والله ماقصر فيدرر قدم مستوى ممتاز وفاز بمجوعتين مقابل صفر لي نادال

ياليت يرجع لمستواه الحقيقي

Thomas Vermaelen · #4 18/05/2009, 12:33 AM

ياليت تخلي عنك التعصب الزايد اللي ماله معنى ..

حبيبي فاز فيدرر مبروك عليك .. لاتنرفز أحد .. ولاتجني على نفسك ..

على فكره تراي ما اشجع احد .. بس أحب استمتع بالمباراة بينهم .

FLETCHER · #5 18/05/2009, 12:44 AM

بيقفلون موضوعكـــــــ بس ما ادري متى ^ــ^

360 · #6 18/05/2009, 01:25 AM

اول شي مبروك لعشاق فيدرر

ثاني شي صح ان فيدرر بطل بس يبقى نادال الامتع والافضل في نظري كيف لا وهو اللي خلاني احب الكرة الصفراء

اما سالفة الطفل الله يصلحك يابوي اي طفل تتكلم عنه وهو كاتم فيدرر وخصوصا ع الملاعب الترابيه وسيطرة نادال عليها

ولاتنسى من قابل نادال في نصف النهائي (دجوكفيتش) وماكمل يوم الا المباراه النهائيه وفيدرر لعب مع ديل بوترو لاحظت الفرق

يعني الإرهاق لعب في نادال واعتبرها استراحة محارب عقب سيطره طويلة الأمد ع الملاعب الترابيه

بالتوفيق لنادال في قادم البطولات

samibati999 · #7 18/05/2009, 01:32 AM

بسم الله الرحمن الرحيم

اول شي مبروك لفيدرير البطوله ويستاهلها الصراحه

بس نادال لاعب امس مباراه اربع ساعات

مهوب زي فيدرير اللي قام يطقطق على ديل بوترو

بس للعلم وانا اخوك ترا مافيه مقارنه ابدا بينهم في مواجهاتهم

لانهم تقابلوا في عشرين مباراه فاز رافا في ١٣

مباراه منها ١١ نهائى يعني خطف ١١ بطوله منه

هذي تدل على سيطره نادال ناهيك عن تصدره لترتيب لاعبي التنس وهذي باعتقادي تكفي

شكرا لك

هلالي9 البوكا جونيور · #8 18/05/2009, 08:38 AM

والله ماقصر فيدرر قدم مستوى ممتاز وفاز بمجوعتين مقابل صفر
الف مبروك وعقبال يطولة فرنسا القادمه

مايسترو الميدان 14 · #9 18/05/2009, 01:02 PM

بلا نادال بلا هم فيدرر مايهتم

طلال ارسنالي · #10 18/05/2009, 04:18 PM

اخيرا فيدرر فاز على نادال

اعتقد ثلاث نهائيات متتاليه اليييييمه على فيدرر

ولا نسيتو لما بكى فيدرر من القهر

كبوة جواد لنادال وخطوه جيده لفيدرر وكسر الحاجز النفسي امام الماتدور نينو

اعتقد فارق النقاط في التصنيف العالمي بينهم يتجاوز الالف نقطه لنادال

السهم الصعب · #11 18/05/2009, 06:05 PM

اشكر كل من رد على الموضوع وماتقصرون بس نادال يبقى لاعب كبير
وهو في سن الشباب وبصراحه انجاز انه في عمر 22 سنة ياخذ الصدارة
من فيدرر ولكن سيعيد هذه الصدارة

moon-laht · #12 18/05/2009, 06:11 PM

معليش أخوي بس ماخلني أحي هاللعبه إلا نادال وأعتقد أن الصداره لا تزال لنادال

عاشق هنري وهلالي موت · #13 18/05/2009, 09:39 PM

مبروووووووووك لفيدرر و لعشاقه

لاعب كبير و الكبير الله

وان شاء الله يكوون على هذا المستوى ليرجع لمستواه المعهود و يرجع المركز الاول

بس ياخوي اختلف معك

نادال افضل من فيدرر في 2008

قدم مستوى خيااااالي

وكان يستاهل المركز الاول في الترتيب العام

حصل على كل البطولات الا كم بطوله

انا من عشاق فيدرر ولاكن كلمة الحق تنقال

اتمنى ان فيددر يرجع لمستواه

مشكوور اخوي

تقبل تحياتــــــــي

A7mad_AlSul6an · #14 19/05/2009, 05:54 AM

صراحه مباراه رووووووعه

بس كان باين على نادال التعب لانه كان مقابل جوكوفيتش

B.A · #15 19/05/2009, 06:12 AM

إقتباس

الرسالة الأصلية كتبت بواسطة samibati999


	بسم الله الرحمن الرحيم اول شي مبروك لفيدرير البطوله ويستاهلها الصراحه بس نادال لاعب امس مباراه اربع ساعات مهوب زي فيدرير اللي قام يطقطق على ديل بوترو بس للعلم وانا اخوك ترا مافيه مقارنه ابدا بينهم في مواجهاتهم لانهم تقابلوا في عشرين مباراه فاز رافا في ١٣ مباراه منها ١١ نهائى يعني خطف ١١ بطوله منه هذي تدل على سيطره نادال ناهيك عن تصدره لترتيب لاعبي التنس وهذي باعتقادي تكفي شكرا لك