سؤال خونفشاري :

تركي كنت مشرفاً على القسم الإقتصادي ..
ماهي علاقتك بالأسهم وبالهبوط اللي حصل فيها وهل تنصح أحداً بالدخول لها من جديد ؟

إقتباس الرسالة الأصلية كتبت بواسطة شـــذى السلام عليكم ورحمة الله وبركاتهـ اختيار موفق لشخص فرض احترامه على الجميع سواء كانوا مخالفين اومتفقين معه فهنيئاً له ذلك وزاده الله من فضله ماراح اطول في اسئلتي بس سؤالين فيما يخص تخصصك ( الحاسب الألي ) ان الله أراد وتخرجت هذي السنة فأنا عاقدة العزم بإذن الله وتوفيقه أن اكرس فترة ما بعد التخرج للدبلومات والدورات المكثفة ذات العيار الثقيل في شؤون الحاسب الألي + المحاسبة + تصميم المواقع << أماني وعسى الله يحققها 1- مستر قول وش الدبلومات أو الدورات اللي تنصحني فيها فيما يخص الحاسب الألي مع العلم ان عندي دورة خفيفة ظريفة في ادخال البيانات ومعالجة النصوص 2- في مجال البرامج مستر قول ايهم يفضل لحماية جهازه من الفيروسات والتروجان NOD32 أو kaspersky وفي الختام اتمنى لك كل التوفيق سواء في العالم الافتراضي او على ارض الواقع كل الإحترام أبو التساهيل + ابن اليمن السعيد الله يعطيكم ألف عافية

مرحبا شذى

اول شئ اتمنى لك التوفيق وشكرا مشاركتك بالموضوع
بخصوص الدبلومات فمادري والله وش انصحك فيه , لكن دبلوم الشبكات وصيانة الاجهزه افضل واسهل خصوصا انك معك دورات معالجة نصوص وادخال بيانات , والدبلوم في البرمجه ماينفعك .

اما برامج الحمايه فانا استخدم BitDefender وارى بانه هو الافضل بين برامج الحمايه وانصح اللي بيشتريه يشتري النسخه كامله وسعرها رخيص ومناسب للجميع .

شكرا لك مرة اخرى .

إقتباس الرسالة الأصلية كتبت بواسطة وسن الهلالية اولا احب اصبح عليك بالخير واشكركم على الادارة المميزة لهذا المنتدى إللي يمثل الزعماء جميعا سؤالي هو كالتالي هل انت مع افتتاح قسم خاص في المنتدى يختص بالرابطة يكون فيه استقبال الاراء حول نشاط الرابطة والسلبيات والايجابيات ويكون فيها احصائيات لعدد الجماهير في كل مباراة ؟ لان صراحه صراحه احس ان الرابطة في وادي الجمهور في وادي سؤال ثاني حق ولد اخوي قاعد هنا مزعج جدي تكفى جاوب على سؤاله وفكنا منه سؤاله هو 2)اول مباراة حضرتها للهلال ومين كان جالس جنب ومين كان جالس وراك ومين كان جالس قدامك مع ذكر وش قال كل واحد فيهم لحظة ضياع الهجمة في الدقيقة ثمنطعش من الشوط الثاني؟>>>>>>>>>>بالله مايبيله جلد على هذا السؤال(وش تقترح علي اسوي له) وشكرا

هلا والله

السؤال الاول : لا مانع من افتتاحه اذا كان قسم عام ويشارك فيه الجميع وان شاء الله يعود بالفائدة على مدرجات نادي الهلال .

السؤال الثاني : سلمي على ولد اخوك وقولي اجابة تركي هي : اول مباراه اللي حضرتها انا وياك مع بعض واللي كانوا جالسين جنبنا العيال خوياك , واحنا ماتكلمنا يوم ضاعت الهجمه , هو اللي كان يسب ويشتم يوم ضاعت , وياليت تسألينه وش تعشينا ذاك اليوم

شكرا لك

إقتباس الرسالة الأصلية كتبت بواسطة المحبره أهلاً بك ( القلب النابض لشبكة الزعيم ) Mr.GoaL استضافة موفقة لأحد أعمدة الشبكة .. و للشخصية المعطاءة ,, بدايةً أشكرك كثيراً .. فأنا بحق ؛ استفدت و استمتعت بقراءة أغلب الأسئلة و الأجوبة .., أسئلتي لك في هذه الشبكة مايقارب الست سنوات ماشاء الله .. تدرجت فيها بالمناصب .. و أصبحت من أشهر الأعضاء فيها ,, - كيف استطعت التعامل مع مختلف الثقافات و الشخصيات و( الأمزجة ) و مع مئات الألوف من الأعضاء .. و امتلكت الرضى من الكثير منهم ؟!.. مع أن بعض الأسماء لاتعرف مالها و ماعليها ! - مارأيك بمقولة ( القمة لا تتسع إلا لواحد !! ) ؟ - متى تعود من مقديشو ؟ شكراً جزيلاً لك شكراً جزيلاً لـ سهل , هلالي من ارض اليمن , al(20)qnas

هلا والله وشكرا لك

س1 : اولا احمد الله على ذلك واتمنى اني وفقت في كل خطواتي , وثانيا انا كانت طريقتي بالتعامل مع الناس بمختلف عقلياتهم وامزجتهم وفق قوانين الشبكة وان 1+1 =2 , وهالطريقه في التعامل ترضي البعض والبعض يزعل منها , وفي النهايه مايصح الا الصحيح .

س2 : لا اؤمن بها .

س 3 : سأعود من مقديشو اذا اصبح للزمن (عمر) .

شكرا لك مرة اخرى

إقتباس الرسالة الأصلية كتبت بواسطة وجــدان ., هلا والله بالعنابي قلب الشبكه النابض مستر قول بصراحه استضافه مميزة جداً استمتعت فيها وأظنها كذلك عند الكل ماشاء الله تبارك الله محبينك كثار الله يزيدهم لأاني جايه بآخر الوقت ماعاد يمديني اثقل عليك .. كلها ثلاث اسئله .. ., [الأشخاص في حياةِ مستر قول النتيّه هل يتغيرون ؟ يكبرون ؟ يشيخون ؟يموتون؟ أم ان مادخل القلب لن يخرج منه بسهوله ؟! ., [ شيئٍ تخـاف منّـه .. لاتسويـه] ماهي الأشياء الّتي تخافها , وفعلتها ؟! ., هل تؤمن بحدسكَ الداخلي حين يُقصيكَ عن خطوة تهمك جداً؟ مشرفي واستشاري العام ضيف لايختلف اثنان على جمال حضوره شكراً لكم ..

هلا والله وشكرا لك

س1 : في العالم الافتراضي كثير ماتنخذع بالناس , وفي هالعالم الافتراضي تعودنا نعطي ناس ثقه ماهم اهلاً لها , وعلشان مانظلم الجميع , مش كل الناس في هالعالم كذا , لذلك اقدر اقولك بين وبين بعضهم لازال بالقلب والبعض غادره بسرعه .

س 2 : بالعكس انا شئ اخاف منه اسويه .

س3 : لا , في هالحاله يصبح لدي حب شديد للمغامره .

شكرا لك مرة اخرى .

إقتباس الرسالة الأصلية كتبت بواسطة أبو ميار سؤال خونفشاري : تركي كنت مشرفاً على القسم الإقتصادي .. ماهي علاقتك بالأسهم وبالهبوط اللي حصل فيها وهل تنصح أحداً بالدخول لها من جديد ؟

متعب

وهل كنت في يوم من الايام مؤمن بوجود منتدى اقتصادي بالمنتدى ؟؟

<< برااا

.. السلام عليكم ورحمة الله وبركاته ..

اولا اشكر مشرفي واسشتاري المجلس العام على استضافة احد اهم اعمدة الشبكة ..

مستر قول او تركي ..
بالبداية اهنيك على المنصب او بالاحرى اهني المنصب فيك ..
واغبطك على امتلاكك الكم الكبير من المحبين لك داخل الشبكة .. وهالشئ ما جاء من فراغ ..


الاسئلة :
ممكن توضح معنى خطتكم ببطولة الشبكة .. ؟؟

مع ان مصير الكاس معروف لكن ما يمنع انكم تحلمون شوي .. لمن تهدي كاس البطولة اذا حققتوها .. ؟؟ ايه هين ..


دمت بالف صحة و عافية ..

إقتباس الرسالة الأصلية كتبت بواسطة أبو ميار سؤال خونفشاري : تركي كنت مشرفاً على القسم الإقتصادي .. ماهي علاقتك بالأسهم وبالهبوط اللي حصل فيها وهل تنصح أحداً بالدخول لها من جديد ؟

الحمدلله على كل حال , خسرنا خسارة قويه بالسوق واللي بيدخل يدخل براحته مالي شغل فيه .

إقتباس الرسالة الأصلية كتبت بواسطة أبوحمد _ Mi متعب وهل كنت في يوم من الايام مؤمن بوجود منتدى اقتصادي بالمنتدى ؟؟ << برااا

نعم بكل تاكيد

إقتباس الرسالة الأصلية كتبت بواسطة R D H السلام عليكم ورحمة الله وبركاته مساء الخير والاحساس والطيبه . مساء مايليق إلا بمدربنا لحظه شوي ياتركي .. فقبل أن أتفرغ لك .. أنا أمام أمر صعب .. مشرفي واستشاريي المجلس العام .. كيف يكون الشكر .. لست أدري ؟ خير الكلام ماقل ودل .. وبعيداً عن هذا فقط .. فإن كثرته لن تنفع ولن تفيد .. فما حاجة عمالقة مثلكم .. لمدحي أو مدح غيري .. شامخون رائعون .. وكفـى ! واختيار المميزين .. لا يأتي إلا من مميزين .. // أما أنت يا تركي .. فكما قلت خير الكلام ماقل ودل .. فلن أزيد .. ولن أسكت .. ولا أفضل المدح في الوجه .. لكن هذه الحقيقه فالقليل لا يكفيك .. والكثير من الصعب أن يوفيك .. شخصيه رائعه .. فاضله .. متواضعه .. طيبه .. يمتلك شعبيه كبيره في مختلف الأقسام والدليل تجمع أعضاء ومشرفين من اقسام مختلفه في هذا الموضوع .. من أجل تركي .. عندي هيك كم سؤال .. 1 - في أي مؤسسة أو شركه أو حتى موقع .. للوصول لنتيجة مرضيه يتم وضع منهج معين يتم السير عليه لتحقيق النجاح .. وبرأيي أنا أرى أن شبكة الزعيم وصلت للقمه سواء من تغطيات للأخبار الرياضيه الاوروبيه والسعوديه وكذلك تغطية لجميع اهداف الدوريات الاوروبيه الكبيره ناهيك عما تقدمه من خدمات وبرامج وفعاليات مميزه جداً .. وغير الاحترام المتبادل من الجميع .. ما رأيك بما وصلت له شبكة الزعيم الأن ؟ وهل حقاً كانت الاداره تضع نصب عينيها منذ البدايه أن تصل لهذه المرحله من النجاح في هذا الوقت .. وكم تقييمك للنتائج ؟ 2 - كنت أراك دوماً تفتخر بفريق العالميه كونك مدرب له .. وواثقا منه .. ويحق لك بصراحه .. لكني استغربت في أحد ردودك انك تتوقعها لأحد فرق الجمهور << الحين هذا سؤال ولا سواليف ؟ المهم .. هل سبق وأن رأيت مستوى فريق ( الزعيم ) ؟ وهل لديك تكتيك معين في بالك رح تدخل فيه ؟ ولا بس ( حط تشكيله ومشي حالك ) ؟ 3 - وش رايك فيني .. سلبياتي وايجابياتي .. هنا بالمنتدى .. وبالحراسه ايضا .. ؟! 4 - ايش رايك بتوقيعي الحالي .. هل ترى أنه كلمة حق ويجب أن تقال ؟ .. ولا مجرد جرعة هياط أخذها اخوك في الله ابراهيم من الدحمي أمير الهياط وملك ملوك اسيا ؟ هذا اللي براسي الحين .. وإن جد جديد سأحضر .. شكراً لك .. دمت بأجمل حال

هلا ابراهيم

س1 : يالغالي ماكنت معهم بالاداره عند تاسيس شبكة الزعيم , لكن بكل تاكيد ان المسؤولين عن الموقع حينها كانوا يضعون اهدافا معينه نصب اعينهم وتحققت واكثر , والفضل يعود لله سبحانه وتعالى ثم جهود الاداره والمؤسسين والمشرفين السابقين والحاليين والاعضاء , وطبعا جهود الامير بندر بن ثامر اللي مستمر مع الموقع منذ بدايته حتى الان.

س2 : يالغالي فريق الجمهور من حق اي واحد يفتخر فيه , فريق اكثر من رائع ومميز , وبخصوص التوقع ففرق الجمهور قويه جدا ويجب عدم الافراط بالثقه والاستهتار فيهم واذا حققوا البطوله يستاهلون , اما خطة مشي حالك فتعرفني يابراهيم ماهي عندي وان شاء الله بمجهوداتكم في ارض الملعب نحقق الكاس .

س3 : انت مميز بكل شئ الله يحفظك ويخليك لعين ترجيك , بس بالحراسه اقولها بيني وبينك مش هنا

س4 : نعم كلمة حق ولو ان فيه هياط شوي بس اتمنى اننا نعطي كل فريق حقه من الاحترام واننا نخلي هياطنا بارض الملعب

حياك ابراهيم

مرحبااا الساااع اخوية مستر قول ..

عندي سؤالين مرتبطين في بعض ..



شو رايك بقرار انسحاب الامارات من الاتفاق على العملة الخليجيه الموحده ..؟؟

واليس من حق الامارات ان يكون مبنى النقد في اراضيها .. ؟؟


::

خير من اخترتم يا مشرفي واستشاري المجلس العام

< ماسك الكيبورد له ساعه يبي يكتب ومايدري وش يقول

ياخي احس اني في مقابلة عشان توظيف طقتني ام الركب وحالتي حاله


يكفي انك قلب الشبكة النابض والاعضاء ماقصروا في مدحك ولا خلوا لي شي اقوله وانت تستاهل كل خير

وكله منك ماخليتني اروح للملعب بدري بجمال ردودك وتعليقاتك

عندي ملاحظة او اقتراح او شي زي كذا < مشكلة اللي مايعرف يحتسي

لي في الشبكة اكثر من 3 سنوات وكان كل تواجدي في الجمهور الهلالي لكن من كم شهر صرت ادور في باقي الاقسام ولقيت فيها جهد وتعب يشكرون عليه كل القائمين على الاقسام عتبي انه ضاعت 3 سنين وانا مادريت عنها والسبب في وجهة نظري ان مافيه دعم قوي لهم فمثلا عند تغطية احد البرامج والانشطة الاجتماعية تكون في المجلس العام وعدد الاعضاء اللي يدخلونه قليل بالنسبة للجمهور الهلالي

فأقتراحي عند اي حدث مهم سواء اجتماعي او ثقافي او رياضي يتم الاعلان عنه في اول صفحة في قائمة المنتدى بكذا يكون اغلب الاعضاء يقدرون يشوفون هذا الخبر

ونفس الشي في منتدى الرياضة العالمية كل اسبوع تنزل الاهداف حقت الجولة في اي بطولة كبرى وانا اول اتلحط في قوقل ادور الاهداف والنتائج


وانا اكتب ذا الهذر الواجد جاء في بالي سؤال بايخ

ماودك تمسك قسم الصياد ولا ابو العواكيس في جريدة الرياض او تستحدث قسم وتصير انت المسؤول عنه ؟؟

السؤال الثاني وش رايك في سؤالي الاول

السؤال الثالث بعد اجابتك على سؤال اخونا الصخرة اللي عن ساركوزي وذا الامور حسيت انك سياسي محنك ليش ماتمسك منصب في الخارجية ؟؟؟ < سؤال شبه توهيقة


واسف على الاطالة والله يعينك علي

إقتباس الرسالة الأصلية كتبت بواسطة fff .. السلام عليكم ورحمة الله وبركاته .. اولا اشكر مشرفي واسشتاري المجلس العام على استضافة احد اهم اعمدة الشبكة .. مستر قول او تركي .. بالبداية اهنيك على المنصب او بالاحرى اهني المنصب فيك .. واغبطك على امتلاكك الكم الكبير من المحبين لك داخل الشبكة .. وهالشئ ما جاء من فراغ .. الاسئلة : ممكن توضح معنى خطتكم ببطولة الشبكة .. ؟؟ مع ان مصير الكاس معروف لكن ما يمنع انكم تحلمون شوي .. لمن تهدي كاس البطولة اذا حققتوها .. ؟؟ ايه هين .. دمت بالف صحة و عافية ..

هلا والله بثلاث افات

اقول ماودك تغير اسمك لاني قبل اسبوع كنت بوقفك دورلك اسم ثاني وارسله لي

خطتنا بالبطوله شفها بتوقيعي وافهمها زي ماتبي

تحياتي لك

إقتباس الرسالة الأصلية كتبت بواسطة Madridi هلا تركي ما ادري عن اسئلتي اذا فيه احد سألها قبلي اولا لانه صعب اقرأ الصفحات الماضية كلها تعرف مشاغلي في الرابطة 1) كلمة مشكور ، يعطيك العافية ، الى متى 2) نلاحظ في الاونة الاخيرة قلة في عدد الاعضاء المؤثرين بقوة في العالمية واقصد خصوصا في الكالشيو ، اليس هناك خطة معينة لعمل دعاية مثلا للموقع او خصوصا العالمية واستدراج الاقلام الجميلة الى المنتدى . 3) بلا دبلوماسية .. رابطة ريال مدريد .. نظرة تركي لها بشكل عام .. ثم ما سلبياتها وايجابياتها . 4) تقييمك لعمل اعضاء الليجا خلال الموسم . 5) نلاحظ كثرت الهواش بلا طعمة في اكثر النقاشات الا توجد الية معينة للحد منها (غير اغلاق الموضوع ) . 6) اعضاء العالمية البعيدين عن الرياض وش ذنبهم سؤالي واضح المقصد . 7) متى تغيرون ستايل الشبكة المغبر ؟؟؟؟ معليش ثقلت شوي في الاسئلة

هلا سليم

حياك يالغالي وشكرا لك

س1 : يالغالي هالكلمه عاده في كل المنتديات , تغييرها صعب , ترجع للاشخاص انفسهم قدر ماتحاول ماتقدر , ولو تلاحظ بالشبكة حاولنا قدر الامكان نحد من المشاركات القصيره لكن مباليد حيله , هذي ثقافة ناس ماتقدر تغيرها .

س2 : بالعكس يالغالي انا شايف الاقلام المتميزه موجوده مثل ماهي , لكن تعرف الناس يمرون بظروف واشغال , اضافة الى انتهاء المنافسه على لقب الدوري بحسم الانتر للقب , لذلك تلاحظ ان اكثر الناس مالها نفس تكتب شئ ابدا خصوصا اللي فرقهم ماعاد لها امل بالمنافسه .

س3 : من افضل الروابط بالشبكة , لاتخلو من السلبيات مثلها مثل باقي الروابط , لكنها مميزه بشكل عام .

س4 : مميزين قليلة بحقهم

س5 : الحل عند الاعضاء , المفروض نناقش القضيه مانناقش الشخص ولانشخصن القضايا , يعني لو اجي الحين واقول راوؤل زلابه ومعي مبررات تثبت كلامي, بيجون حقين الريال يشبون علي ماراح يناقشون كلامي , وممكن يجي ويقولك ياخي انت فريقك كذا والا مدربكم كذا مثل ماصار باحد النقاشات سابقا .

س6 : يحجزون الرياض رايح جاي

س7 : قريباً , وفي القارات ان شاء الله بندلعكم باستايل خاص ياحقين العالميه .

تحياتي لك

إقتباس الرسالة الأصلية كتبت بواسطة abo_nasser هلا وغلا بالحكومه.. وفقتم كعادتكم في اختيار الشخصيات المستضافه..الا ان هالاستضافه تعتبر الاقوى خلال الفتره الاخيره كيف لا تكون الاقوى؟..والضيف هو مديركم .. كنت اتمنى لو تم الاعلان عن الاستضافه في بقية الاقسام..وخصوصا ان الضيف احد الشخصيات القياديه في شبكه الزعيم.. ليس لدي اسئله تذكر..فقط احببت شكر الحكومه على مجهوداتها.. واشكر اخونا مستر قول..على قبوله الاستضافه ومتابعته وصبره على الاسئله المطروحه سلاااااااااااااااااااااااااااااااااااااام

هلا ابوناصر شكرا لك , ويعلم الله اني اتمنى ذلك , لان الاستضافه هذه تهمني اكثر من اهميتها للمجلس .

إقتباس الرسالة الأصلية كتبت بواسطة dal3_uae مرحبااا الساااع اخوية مستر قول .. عندي سؤالين مرتبطين في بعض .. شو رايك بقرار انسحاب الامارات من الاتفاق على العملة الخليجيه الموحده ..؟؟ واليس من حق الامارات ان يكون مبنى النقد في اراضيها .. ؟؟ خير من اخترتم يا مشرفي واستشاري المجلس العام

مرحبا باهل الامارات

شو هالرمسه شوفي انا ماحب السياسة , يعني مالي بالامور هذي وبعدين توي شاب وناوي اتزوج وعندي طموحات كثيره بالحياه , يعني توي صغير على السجن وبهاذيله , انا ممكن اجاوبك على كل شئ الا السياسه والحكومه

حياك

إقتباس الرسالة الأصلية كتبت بواسطة هلالي شقراء < ماسك الكيبورد له ساعه يبي يكتب ومايدري وش يقول ياخي احس اني في مقابلة عشان توظيف طقتني ام الركب وحالتي حاله يكفي انك قلب الشبكة النابض والاعضاء ماقصروا في مدحك ولا خلوا لي شي اقوله وانت تستاهل كل خير وكله منك ماخليتني اروح للملعب بدري بجمال ردودك وتعليقاتك عندي ملاحظة او اقتراح او شي زي كذا < مشكلة اللي مايعرف يحتسي لي في الشبكة اكثر من 3 سنوات وكان كل تواجدي في الجمهور الهلالي لكن من كم شهر صرت ادور في باقي الاقسام ولقيت فيها جهد وتعب يشكرون عليه كل القائمين على الاقسام عتبي انه ضاعت 3 سنين وانا مادريت عنها والسبب في وجهة نظري ان مافيه دعم قوي لهم فمثلا عند تغطية احد البرامج والانشطة الاجتماعية تكون في المجلس العام وعدد الاعضاء اللي يدخلونه قليل بالنسبة للجمهور الهلالي فأقتراحي عند اي حدث مهم سواء اجتماعي او ثقافي او رياضي يتم الاعلان عنه في اول صفحة في قائمة المنتدى بكذا يكون اغلب الاعضاء يقدرون يشوفون هذا الخبر ونفس الشي في منتدى الرياضة العالمية كل اسبوع تنزل الاهداف حقت الجولة في اي بطولة كبرى وانا اول اتلحط في قوقل ادور الاهداف والنتائج وانا اكتب ذا الهذر الواجد جاء في بالي سؤال بايخ ماودك تمسك قسم الصياد ولا ابو العواكيس في جريدة الرياض او تستحدث قسم وتصير انت المسؤول عنه ؟؟ السؤال الثاني وش رايك في سؤالي الاول السؤال الثالث بعد اجابتك على سؤال اخونا الصخرة اللي عن ساركوزي وذا الامور حسيت انك سياسي محنك ليش ماتمسك منصب في الخارجية ؟؟؟ < سؤال شبه توهيقة واسف على الاطالة والله يعينك علي

هلا والله براعي شقراء وشكرا لك

شف ترى اقدر امسك بك خط لين يخلص حبر المنتدى ولاتستفيد شئ

لذلك خلني اختصر عليك السالفه , عرضوا على جريدة الرياض رئيس تحرير مكان تركي السديري يقولون علشان اسمك تركي نبي واحد تركي مثل تركي علشان جريدة الرياض يصير رئيسها كل ابودايم تركي , وطبعا رفضت لارتباطاتي ومشاغلي الكثيره

اما السؤال الثاني فشف وانا اخوك كل اقسام الشبكة فيها شغل غير طبيعي ماشاء الله تبارك الله والشباب مايقصرون , ويحتاجون تفاعلكم ودعمكم .

اما السؤال الثالث : الا صدز خلني بسألك ساركوزي هذا باي بقالة يبيعونه ويصلح مع العسل والا بدون ؟

تحياتي لك

إقتباس الرسالة الأصلية كتبت بواسطة سنيورة ارسنال مساء الخير .. نورت المجلس العام مستر قول عندي بعض الاسئلة .. اتمنى الاجابه عليها .. * متى راح نشوف البنات , يمسكون مناصب بالاقسام الرياضية ؟ لهم امل والا كل حده تقطع بصل وما فيه ؟ * كيف تكون طريقة اختيار مشرفين القسم ؟ هل عن طريق الاقدميه والا الترشيح ؟ * ليش ما عاد صرنا نشوف مسابقات بالعالمية ؟ نجي لـ فريقك المفضل .. اليوفي , وش احلى مباراة شفتها له ؟ بالنسبة لـ زيدان , برايك مستواه يوم كان باليوفي افضل ؟ والا مع الريال ؟ التنس .. تحب تتابعها ؟ اذا ايه قول لي لاعبك المفضل واخر بطولة شفتها بالاخير .. كلمة بسيطة تعبر فيها عن رايك بالارسنال , من ناحية لاعبين وادارة ومدرب الفريق ارسين فينجر .. والله يعينك على اسئلة الاعضاء .. واسفه على الاطالة

هلا سنيوره ماشاء الله عودتك هالمره قويه وتفاعل بكافة اقسام الشبكة , اتمنى يستمر دائما .

س1 : يشدون حيلهم ويوصلون للمناصب , المنصب ماهو حكر على الرجال , وانا طبعا لاني انا وصديقي والملك عبدالله دارسين الابتدائيه في منفوحه , كلنا نشجع المرأه وندعمها ومثل الملك عبدالله ماعين امرأه نائبة وزير للتربية والتعليم , قلت وش زود صديقي عني , واروح واعين الاخت هلالــ( ever4 )ــيـه في لجنة الفيديو بالشبكة (تسجل البرامج واهداف المباريات يعني منصب رياضي ), وبالمناسبة هذي احب اشكر الاخت هلاليه على مجهوداتها الكبيره في اللجنه واثبتب انه مافيه فرق بينها وبين الشباب من ناحية العمل والانتاجيه , وان شاء الله يستمر تميزها دائما ومن كذا وافضل باذن الله , وايضا الاخوات بزعيمات بلاحدود والاستشاريات بالمجلس كلهم مثبتين جدارتهم وتميزهم .

س2 : اللي يثبت جدارته باي قسم كان يصبح مشرف , واحيانا تكون عن طريق الترشيح , لكن السواد الاعظم من المشرفين يتعينون لانهم جديرين بذلك .

س3 : ان شاء الله بتشوفون اشياء كثيره بالقسم بس اصبروا علينا .

اما بالنسبه لزيدان , فزيدان مستواه واحد سواء مع اليوفي او المنتخب او الريال , زيدان هو زيدان للي يعرفونه من ايام ماكان بالدوري الفرنسي حتى قبل يجي اليوفي , وماننكر انه كل سنه يتطور عن قبل , لكن زيدان قيمة كرويه ثابته من بدأ يلعب , بس الريال معروف انه اقوى الانديه على مستوى العالم من الناحية الاعلاميه بالذات , فاي لاعب يلعب بالريال يصبح معروف للجميع فمابالك بزيدان وفي الريال , زيدان حتى بعد اعتزاله لعب مباريات خيريه اجبر الجميع فيها على التصفيق له , لانه مثل ماذكرت لك زيدان قيمة كرويه نادره , هوذا هو الفرق بين زيدان اليوفي وزيدان الريال , وعموما يظل زيدان من افضل من داعب الكره في يوم من الايام في كافة ارجاء المعموره .

يس التنس اتابعها , ولاعبي المفضل فيدرير , ولاعبتي المفضله آنا ايفانوفيتش , واخر بطوله تابعتها بطوله مدريد بس مش كلها , يعني مقتطفات من المباريات واخبار البطوله ونتائجها بس .

بالنسبة للارسنال , فريق عظيم جدا وفريق ممتع بلعبه وفنه , يمكن لاني احب توتنهام نادي اليهود , فمايهمني فوز الارسنال ولاتهمني خسارته الا اذا لعبوا الديربي مع توتنهام , لكن حقيقة الارسنال فريق كبير وممتع ومعجب باكثر من لاعب منهم , لكن القلب توتنهامي , يمكن ظروف ارسنال الان ماتساعد خصوصا ان النادي ملزوم بدفعه معينه كل سنه لشركة الامارات ومضطر يتخلي عن احد النجوم علشان يقدر يسدد الديون ويشتري لاعبين , لانه الادارة ماتصرف كثير وهالسنه سمعتهم يقولون الميزانيه 13 مليون بس يعني فينجر مضطر يبيع لاعب او لاعبين علشان يمشي امور الفريق , الحل لكل مشاكل الارسنال انه يشتريه مستثمر اجنبي مطنوخ مثل الروسي حق تشلسي , وبكذا اتوقع بنشوف الارسنال مكتسح كل البطولات , الا الكارلينج كوب يخلونها لتوتنهام

تحياتي لك