السلام عليكم


والله اني اكتب وانا كلي قهر

والله العظيم ان مباره اليوم كانه مباره درجه اولى مو ممتاز

ولا اللي يلعب فيها زعيم القارات

وش المقصووود من الحركه

ابفهم ليه يحطون المباره بالقصيم من الاساس

المفروووض تكون بالرياض

طيب امانا بالله بالقصيم اكلنا تبن وقلنا سمعا وطاعه نخلي لاعبيننا يرحون بالباص

للقصيم رغم انهم عندهم مباره مهمه الاربعاء

ابعرف
قنوات الناقله من امثااال الخشبيه

دائما يحطون استديو تحليلي على اي مباره

هالمره مافيه زين حطو معلللق بعد

قسم برب الكعبه رفعو ضغطي مدري وش يقصدون

لهدرجه الهلال مو مهم ومبارياته مو مهمه

الله يخسهم ان شاء الله فقعو مرامرتي الله لايبارك فيهم

وهذي نتيجه سكوتنا اللي ودتنا بداهيه

واهااانت كرامتنا وخلت الكبير والصغير

يتريق علينا ولا يحترمنا ولا يحسب لنا حسااب

كاتش اول رد ,,,

اول شي : نبارك للهلال بالمركز الثالث , طيب المدرب اكيد بيلعب الاحتياطيين

اما عن الاستديو التحليلي فكل القنوات ارت , الرياضيه , ابو ظبي

ما حطو استديو تحليلي

يا أخي الهلال الشوط الاول قدم مستوى جيد اما الشوط الثاني فكان هناك امطار ورياح شديدة بصراحه معذورين انا حضرت المباراة

شكرا لك أختي .. بالعكس الهلال قدم مستوى لا بأس به و خاصة خط وسطه .. و المباراة بالرس بسبب القرعة .. و لا تنسين الظروف الجوية .. ( عواصف - أمطار ) التي صعبت المهمة على الهلال لفرض سيطرته .. و أنا أرد عليك و أقول : مباراة درجة ممتازة .

طيب وش فيــــــــــــــها اذا كانت بالقصيم

المبااااراة الجايه بعد اسبوع يمديهم يرتاحوووووون
وبعدين اللاعبين ملّوْ من جمهوركم اللي مايحــضر الا بالنهائيات

المباراة مو مهمة زي مباراة بكرا طبيعي مابه استديو تحليلي

لا حنا مو بالممتاز ..

الحين صارلنا دوري محترفين

بعدين مباراه مو مهمه زي المباراه الوديه تشريييف بس ..

يعني تبين يحطون مباراه واستديو وكذا عشان مباراه تحديد المركز ..

اختي تبي نصيحتي قفلي الموضوع عشااان بتشوفين شي كثثيير من الاعضاء ..

وليه مايحطون استديو تحليلي الحين لو مباره سخيفه مع احترامي لباقي الانديه

يحطون استديو طويل وعريض عشان هالمباره

صحيح مو مهمه عشانها تحديد مراكز بس ولو والله يحيز بالنفس كل البلاوي تصير ويحسسونا اننا انتهينا ولا لنا اهميه

وبعدين وش قلت الحيا من الحكم الجرووان يدخل ويقول للحكم الساحه لاتحط شوطين اضافيين حط بلنتيات

ليه عشان الهلال احيانا مايوفق في البلنتيات


واخير اقول لك يامدمن شكرا على النصيحه

واترك الاعضاء يردون وش عليك منهم

صاااااادقه

انا على بالي في استديو تحليلي عشان المقابلاااات طلع مافيه

يالله اهم شي الاخلااااااااق ... ومبرووووك الفووز

المباراة تعتبر مباراة تأدية واجب ماهي مهمه وعندي انا ليتهم مالعبوها من الأصل

يعطيك العافيه

لا والمعلق دلخ بعد مايدري من وين هي هاااابه يقول في اشواط اضافيه وطول المباراة وهو يقووول فهد الذياب وهو سعد
قسم بالله مهزله مابعدها مهزله فحسبنا الله ونعم الوكيل

الف شكر