وعليكم السلام ورحمة الله وبركآتة .. ياهلا والله وغلا .. موضوع حلـو وشـامل <<شامل ولا أول نت <<من بدايتها سماجة , نجي للموآقف بالنسبة للسوق بالعكس شي حلو .., أوكي حلوة المساعده منها بس ممكن ماتعرف تركز ع شيئن تتسوق وتشيل أغراض .., أو مسوين بالدورمرة هي ومرة هو مثلنآ بالسووق نشيل الأكياس بالدوور .., , الصووت العآلي.. الحمد الله أنا متأقلمة ع الأصوات العالية والأزعاج فما عندي اي مشاكل , بالنسبة فضول .. أعترف أني أمووت بشي أسمة تفتيش جوالآت للناس القريبين مرة مرة مثل خواتي وأبووي طبعا هم بس أما غيرهم مااحب , دوورت في بالي مواقف اتضايق منها.. ماطلع مـعي شي , هنو موضوعكـ حلو , يعطيكـ العآفيــة يالغلا
هلا وغلا الهنووووف .. من زمان عن مواضيعك وخربشاتك ..
إقتباس
رجال اتوقع خمسيني ( مدري بالضبط بس انه اكبر من 45 سنه ) تخيلوا شايل شنطة الطفل وشايل الطفل معاه بشكل غبي والمدام مامعها الا شنطتها الصغيره
هذي الله يسلمك زوجته الثانية وما ينلام لو سوا كذا .. ولا طفل وهو بهالعمر كيف جاء ..
بالنسبة للصوت انا عادة صوتي عالي بس مو مرة اذا كنت بالبيت او مع اخوياي .. لكن اذا كنت بمكان عام او بالدوام يالله احد يسمع صوتي .. اكثر من مرة يهاوشوني لانهم ما يسمعون وش اقول ..
اما اللي يكلم بالجوال في مجلس او بمكان اجتماع هذا ودك تكسر جواله على راسه .. لاني احس انه مو مقدر اللي جالسين معه ومحتقرهم ..
البزارين بالمطاعم مشكلتهم مشكلة .. اذكر مرة تهورت وقررت اعزم اخواني وخواتي بمطعم لان امي وابوي كانوا مسافرين وحبيت اغير جو البيت الكئيب شوي .. وقلت خلني امر على بيت اخوي واخذ ولده الصغير معنا يغير جو .. وليتني ما اخذته .. انواع المهاوش والمطارح بالمطعم وتشوف الجلسات اللي حولنا ساكتين يشوفون اخرتها معنا .. بس الحمد لله عدا اليوم على خير وتوبت اخذه معي اي مشوار ..
اللقافة شئ بغيض وما احبه وبالذات اذا وصل للجوال .. بالرغم ان جوالي مافيه خصوصيات لكن ما اقدر اسمح لاي احد مهما كان انه يتصفح جوالي .. حتى اخواني بالبيت ما اذكر احد منهم مسك جوالي او فتحه ..
هنو ...... قلوب لمسافة (4) امتار قدام << وش السر بالاربعه يا ترى ..! << ماتتشمت في احد ابد
هنو بقول لكـ سر تدرين متى برد على الموضوع ..؟! وقت ماتخلصين من كل الردود وماتبين موضوعك حطي عندي خبر ناويهـ على شوي تعليقات وعلى شويت ردود لبعض الردود بس حاولي تستعجلين لان ابليس هاليومين فوق راسي خليني استغله قبل يروح وبعدين اعقل براسي شماته وكل ابو شيء حلو وفيني اخذ حق وحنين بتساعدني زي امس << حنين كيفني كذا
الرجال بالسوق ... عادي يشيل بعض الأغراض موب كلها أو الطفل يحطونه بعربة يدفها الأبو .. و الأكياس يعلقونها ع العربة و الشنطة تشيلها هي ياملا الكسار
أنا برأيي إن الرجال أفضل مايروح مع الحرمة للسوق كثير .. يعني بعض المحلات صراحة وجود الرجال فيها يضايق المتسوقات الباقيات .. خصوصاً في الزحمة أو مواسم التخفيضات .. دايم ألقى رجال شكله بايخ بين صفوف الحريم حتى لو كان اللي يحاسب رجال .. الحساب في الأسواق مافيه أي احتكاك بين البائع و الزبون .. حطي الأغراض و الفلوس و انت ساكته مافيه بكم هذا ؟ و لا شي طبعاً إذا الرحلة للتسوق بس .. أما لو كان فيها ألعاب و عشاء و غيره .. أكيد طبيعي تروح العائلة كلها ..
أما الرجال اللي مايصلون في السوق .. و الله ياهم يغثون خاصة لاصارت الحرمة موب لحالها يامعها عيالها .. او اكثر من حرمة و هو جالس جنبهم بالله مايحسون بنا ذولا ؟؟ ودنا نفتش شوي <
^^^ كل ده يالمحبره وبتقولي مختصره لووووووووووووووووووووووووول لا اله الا الله ..لا اله الا الله .. لا اله الا الله .. ==> اذكر الله عادي اهلين الهنوف .. اهلاً بعودتك وعودة المواضيع الجميله .. بالتأكيد اشتقنا لملامسة حرووووووفك الرائعه ...
لي عوده بعد القراءه عاد متى اقراه واخلصه مدري لمني قريت سطرين جاني اتصال وجلست ساعتين ... الله يعين وبس شكلي ابلغي جوالاتي
حت حت وش عندتس اللي براسك حطيه اللحين لا تنتظرين الهنوف تراه وسيعة صدر عادي ترد على ردي وتسحب على الباقين انجزي عطينا اللي عندتس وترى مانب ناقص شر ودي القى احد احارشه وجيبي فزعاتس زعيمات انا بجيب الصخره بس وابخليه يسوي مثل هذا بس هع =>
برررب خلوني اقراء بس ==> ماسكه على هذا ليش مدري ! @@@@@@@@@@@@@@@@@@@@@@ بـاك بصراحه الاسواق ماحبه ولا احب امره لاني شخص ( تضيع علومي) لاشفت بنت بعمر الزهور مع لثمه حتى مره بغيت اجيب العيد بمجمع بس الله ستر على فكره انا احد ثنتين وطبيعتي كذا بكل مكان .. اوقات اكون (خجول مره مره)واوقات يكون وجهي مغسول بمرق ولا يهمني شئ قدامي واللي براسي اسويه ( لكن ما اخفيكم بعض الاحيان اجيب العيد ) تصدقون لاصرت بيني وبين نفسي اقول اختي ممكن اخوي يوديها للاسواق بس بكرى ام يسوري( ام ياسر بس مسوي ادلع انا وووجهي) كيف ابوديه لاني ماحب الاسواق بتاتاً => رافع ايديه يدعي ان الله يرزقه ببنت ماتحب الاسواق سالفة رفع الصوت و و .. يازين الهدوء وبس => كذا تكتب مواصل وعلى فكره اانا انسان على بلاطه اطقه بالوجه .. شفت الواحد يسرع بالكلام قلت شوي شوي ولا ترى ابسد أذآني => تراز اقلقتنا انا وانا اما اللي مقابل وجهك .. مافيه مشكله انت ابتعد عنه شوي ما اعتقد ان فيها مشكله
المكالمات .. ترى فيه ناس مهمه غصب عليهم الاتصالات حتى تجده معاه جوالين دقيقه يرد على هذا ودقيقه على الآخر ( قايللكم ناس مهمه ) انا اكثر شئ ينرفزني لاصرت بمجلس وصار واحد ماسك ابو المجلس( الهرجه له ) وانواع المدح بروحه وانا سافرت مع فلان وانا قبل شهر لاعب مع ولد سلمان بن عبدالعزيز واعيال الفيصل وولد طلال الرشيد( الملتاع الله يرحمه ) => حاصله له مع واحد متى يجي اليوم اللي العب فيه مع اعيال المجلسعشان لاجلست مع اللي فوق قلتله ترى انا لاعب مع مواصل وجرح يشكي و(هامورة البورصه) ومدريدي وماجد ايضاً .. انا لاصرت اقود السياره ومع صوت رشودي (ادخل جو خيالي) وخاصه لما اكون ماسك اتصال وماسك المسار الأيسر ويصير قدامي شخص يمشي 60 وتكبسله ولا مجيب لا هديت من 140 الى 60 وبعد سلسله من التكبيسات يفتحلك ..ولما تسقط تشوفه يكلم الله يصلحك خلاص الموبايل باليمنى والدركسون باليسرى وانتبه لطريقك
تصدقين عاد بعد هالمـــــــــــــــوضوع اكتشفت ان فيه اشياء ماتنرفز لكن انتي ( غير ) تنرفــــــــــــزك
عبدالله انا اتفق بما ذكرت .. حتى بعضهم مايبقى الا (يوكلك) بس لو فكرنا كل هذا من حبه لك انا عادي لاصار اللي يحطلي انسان ( نظيف ) يفتح النفس ماهو الملابس وشكلهـ (الله بالخير )
عبدالله ماعليك منه قل اللي تبي تزعل اليوم بكرى ترضى امزح الهنووف قلبه طيب وماتزعل ==> اشدخلك انتا ههههههههههههههههههههه
مواصل قائمة الاصدقاء تشكي الحال==> مايعرف يلمح وده يتشرف باضافتك الى قائمة الاصدقاء الخاصين
يعطــــــــــيك العافيه يالهنــــــوف ... وخربشات حلوه والله استمتعنا بموضوعك ويكفي ان شفنا لك موضوع بعد غيبه طويلهــــ وان شاء الله الموضوع الثاني جاي بالطريق .. صح؟ شكـــــــــــــــــــــــــراً جزيلاً لك . فمـــــــــــــــــــــــــــــــــان الله .
هلا وغلا بالـ هنووو > شفت كل البنات خاقين عليه فـ قررت أخق انا بعد
* الأسواق*
عادي وسعي صدرتس أذكر مره شفت موقف قهرن على كثر المواقف اللي تقهرن بس هذا غير
كان فيه رجال سعودي معه حرمتين وحده تمشي جنبه والثانيه وراه .. اللي جنبه واضح انها أجنبيه ( سوريه أعتقد )
وكان ماسك يدها ويسولفون وآخر انسجام ., والمسكينه اللي ورى شايله اغراضهم وتدف عربيّه فيها بنت صغيره ..
عاد مدري اللي وراهم اخته والا زوجته الأولى والا وشي ؟!
بس والله انه يرفع الضغط وش هالحركات بالله ؟! اذا كانت زوجتك الأولى ترى ماله داعي تجيبهم مع بعض
والا أعدل بينهم .. ولا كانت أختك عيب عليك تخليها خدامه لك ولزوجتك ..
ذكرتين بوحده من صديقاتي دايم نسولف بالمحاضره وهي ساكته مانسمح لها تتكلم
لأن صوتها عالي لو تهمس همس طلعتها الدكتوره برااا
أذكر إني انطردت مرة عشانها بس لأني رحمتها وقلت لها يالله سولفي وأول مابدت تتكلم قشعتنا الدكتوره انا واياها
* مكالمات الجوال الكثيره *
انا وحده ماأحب أكلم عند الناس كل شوي كل شوي
صحيح مره وحده واقل من خمس دقايق واذا كانت مكالمه مهمه وماتتأجل
بس كل خمس دقايق خيييييييييييير ..!
أصلاً امي ماتحب كذا ودايم تنبهني من هالحركات .. وزين اني هلاعاده الشينه ماهيب فيني ..
* المطاعم *
والله العظيم تهون مشكلة الأطفال وازعاجهم ويهون هواش الزوجين ويهون كل شيء عند اللي لاجاء ياكل يطلع صوت
قرررررف مو طبيعي .. فيه ناس تخصص هالحركات , اكره شيء بالعالم كذا
طيب كل بشويش ومن غير صوت يقرف اللي حولك .. فيه ناس ماأحب نطلع معهم مطعم أبد
حتى بيتهم ماحب اروح له اذا صار عندهم عزيمه .. معليش بس انا وحده اتقرف بسرعه لاتطلعون صوت قدامي
>> حسيت اني نفسيّه على هالرد
إقتباس
(لان دايما الي عند حمولة مايلاقون يتهاوشون ويتناقشون الا بالمطعم )
ورى ماتحطين رمز قفل وتريحين
جد فيه ناس ماينفع معهم الا كذا ..
اذكر مره كان بجوالي صور خاصه ( صور عائليه ) ووحده من البنات ماسكه جوالي قالت : كم الرقم ؟! قصدها رقم الرمز
قلت : عطيني أفتحه لك , قالت : مشوار عطيني انا افتحه , قلت : تبينه هاتيه افتحه والا اقولك خلاص لأ .. يوه لو تشوفين وجهها يوم قلت لها لأانصدمت .. بعد هي على بالها تمون وانا ماعرفتها الا من يومين .. .. قالت : فيه اشياء خاصه وغمزت لي .. قلت : ايه فيه خصوصيات بس لايروح بالك بعيد ماهي مثل خصوصياتك أبد ..
ومن يومها ياهنوو شفتك ماشفتها
تسلمين هنوو على الموضوع الجنان والتنسيق المش طبيعي
اهلين ومرحبتين بهنوووووو تدرين عاد إني كنت مجهزة بيت شعر لك يهببببببل ما أذكره لأني كتبت ردي ذاك اليوم بس فجأة الجهاز سوى معي صادوه وطفى وطار الرد
اللي اذكره إن فيه يازين ليلة طلع فيها بدرين القمر ووجهك ومدري وش بعد اذا لقيته علمتك المهم .. إنتي وش أخبارك وش مسوية ؟ اهم شيء إنك بخير يالله عاد بس حبيت اسلم عليك واخذ اخبارك << -- عاهه هالبنت
--- الحين نجي لموضوعك الفنتكة ( خشة تغمز ) < على هالطاري ادارة الشبكة الله لايهينكم حطو لنا خشة تغمز --
أنا بتكلم بس عن سالفة وحدة! سالفة إزعاج البزارين بالمطاعم ! هذا كله يهووون عند البزر اذا طل عليك وبصق - وإنتم بكرامة- اذكر مرة صارت لي بس مب في مطعم ! كنت مع عيال اختي ثنين وكانت فيه بزر ناشبة للبزرين ماتخليهم يلعبون بالنطيطة ! ومحجرة لهم ومعية .. عاد حومت كبدي هالبزر وجيتها بكل لطف وقلت عيب ياماما خليهم يلعبون .. تدرين وش ردت علي ؟ قالت ماااالسسسسس دخخخخخخخخخخخخل تففففففففففف الله يحوم كبدها بصقت على يدي وانتم بكرامة والله ماعرفت وش اسوي اطقها ؟ اهاوشها ؟
--
إقتباس
(لان دايما الي عند حمولة مايلاقون يتهاوشون ويتناقشون الا بالمطعم )
هههههههههههههههههههههههههههههههههههه عاد أنا هذي اللحظة لعبتي تلقيني اطق فنيلة وسروال لون ابيض واسود واجلس اعد ون تو ثري وأحلا شيء لاصار المطعم سقفه يعكس تلقين رقبتي تنكسر من كثر ما أناظر العالم
تدرين إني من كتبت هالهمسة وأنا ضايق صدري ، وضميري مأنبني وكل شوي أقول بنفسي يا ولد عدل الرد وإمسح الهمسة - أخاف تزعل الصبية لأني أعرفتس ( زعــــــــــوله ) حتى لو تقولي للي قدامتس ما أزعل لكن قلت بنفسي ( مو مشكله ) تزعل اليوم - وتعدل بشخصيتها أفضل أفضل من إني ( أكذب عليك ). بتردين عليّ بأن شخصيتي غريبه!!. أنا أعترف ، ومعترف بالشئ هذا من زمان ( أنا إنسان غريب ، ما يعجبني العجب ولا الصيام برجب ). لكني أحب أسمع الأمر هذا من غيري وأحاول أصحح من أخطائي. فرجاءاً تتقبلين اللي كتبته . ____________________ رجعتي للموضوع لأني تذكرت أمر يضايقني لدرجة الجنون وأكيد إن ما كان الجميع يشاركني بهالضيقه الحاله تجيني لما أحضر زواج : وأدخل أتعشى ، وبعد ما الجميع يتربّع ويفّسر عن يديه وقدامه المفطح ويكون جالس على التبسي شايب من الشياب ، يقطع من اللحم ويوزع على اللي يتعشون!!. ما أدري من اللي قالهم إني ما أعرف أقطع بيدي ، أو شايف إن عندي عاهه مستديمه !!. وثانياً قمه الـ............ إنه يقطع لي لحم بيديه ويحطها بمكان أكلي!!.
أنا أسكت وأخذ اللحمه وأرفعها فوق ولولا الإحترام لسنهم ، كان تكلمت عليه!!.
وكل شوي أقول بنفسي يا ولد عدل الرد وإمسح الهمسة - أخاف تزعل الصبية لأني أعرفتس ( زعــــــــــوله ) حتى لو تقولي للي قدامتس ما أزعل لكن قلت بنفسي ( مو مشكله ) تزعل اليوم - وتعدل بشخصيتها أفضل أفضل من إني ( أكذب عليك ). بتردين عليّ بأن شخصيتي غريبه!!. أنا أعترف ، ومعترف بالشئ هذا من زمان ( أنا إنسان غريب ، ما يعجبني العجب ولا الصيام برجب ). لكني أحب أسمع الأمر هذا من غيري وأحاول أصحح من أخطائي. فرجاءاً تتقبلين اللي كتبته . ____________________ رجعتي للموضوع لأني تذكرت أمر يضايقني لدرجة الجنون وأكيد إن ما كان الجميع يشاركني بهالضيقه الحاله تجيني لما أحضر زواج : وأدخل أتعشى ، وبعد ما الجميع يتربّع ويفّسر عن يديه وقدامه المفطح ويكون جالس على التبسي شايب من الشياب ، يقطع من اللحم ويوزع على اللي يتعشون!!. ما أدري من اللي قالهم إني ما أعرف أقطع بيدي ، أو شايف إن عندي عاهه مستديمه !!. وثانياً قمه الـ............ إنه يقطع لي لحم بيديه ويحطها بمكان أكلي!!.
أنا أسكت وأخذ اللحمه وأرفعها فوق ولولا الإحترام لسنهم ، كان تكلمت عليه!!.
ودي ارد عليك من زمان بس ماحبيت اطمر الدور لاني ماشوف مبرر لبعض الاشخاص لما يطمر خمسين رد ويعلق على واحد المهم وشدعوه ازعل ترا قلبي طيب احترت وش اعلق صعب انفي كلامك لانك اكيد مابتقتنع الا لما تجلس معاي وتعرفني اكثر بس مدري على اي اساس حكمت اذا على هالموضوع فكثير اشخاص مثلي وبالعكس اشوفها تصرفات طبيعي تنرفز الجميع الغريب ان احد يتقبلها شوف فيه اشخاص على قولتك غريبين لدرجه انهم صعب تعيش معاهم وتتاقلم بس الحمد لله اشوف اني سهله المعاشرهـ ويمكن الي يعرفني زين وبالواقع بيوافقني يعني متقبله من الي حولي وأانسانه هاديه وبسيطة طبعا كلامي عن خارج النت الي الناس تعرفك اكثر ومافي مجال لـ انك تلبس قناع مايمثلك بالعكس شحليلي مافيني شي غريب البس مثل الناس واكل مثل الناس ماراح اتكلم اكثر لان اصعب شي الواحد يتكلم عن نفسه يمكن تقولون مغرورة وهالصفه ماحب انها تنسب لي من ناس اعزهم
بتكون اكوس واحد لما تسرد لي امور غريبة فيني وكانها غير قابله للنشر اطمر للخاص الله لايهينك بالعكس حلو الواحد يتعلم من اخطائه ويازين الي ينبهك على عيوبك وبالعكس هالشي يسعدني ولكن بدون مثالية ماحبه ولاافضله قدام الناس
اجل الله يعين زوجي قل هنيئا له بجد انا مثل بريماكس احس اني غير
شوف اكبر عيوبي هي حساسيتي الزايدهـ الي تقودني للزعل غالبا