14/05/2009, 03:00 AM
|
| زعيــم متواصــل | | تاريخ التسجيل: 29/03/2009 المكان: حيث يكون السواد
مشاركات: 95
| |
|
مــثـــالــية الــرئــيــس : تـــعــرف تــقــول امـــبـــااااااااع وإلا يـــعــلـــمـونــك !
[COLOR="Navy"]
مــثـــالــية الــرئــيــس : تـــعــرف تــقــول امـــبـــااااااااع وإلا يـــعــلـــمـونــك !
موضوعي موجه للأععضاء المسجلين مابعد 2006 م ليس كلهم طبعا لكن الأغلبية وهم الحليلين بمنتدانا
تعالوا بنكسر التوتر و نسولف رياضيا شوي ! ولا مانع من بعض الشطحات !
أعوذ بالله من الشيطان الرجيم
إذا غضبت و انت تقرأ و كنت واقف أجلس
واذا كنت جالس انسدح على جنبك اليمين
وتعوذوا من إبليس ، و تعالوا نشغل مخنا شوي !
نبي نعود بالذاكرة قليلا ً : انتهت الترشيحات الهلالية ، وصار عبدالرحمن بن مساعد رئيس الهلال !
و يا كبرها من فرحها أخيرا ً ، افرشوا السجادات الحمراء واستقبلوهـ ، وهللوا والآرتي تنقل حفل التنصيب و العريبة وام بي سي و الجزيرة وراها طردي !
ومن اعلن عن خبر توليه الرئاسة " اشتغلت شفايف لها بالخفا درنه ! "
و اصبحت العناوين البارزة بالنت " رئيس جديد يبحث عن مجد شخصي له ! "
مسكنا كل هالتعليقات و اليوتيبات و حذفناها مع الباب !
واجتمع مع اللاعبين ، من بكرهـ طلعت لنا العناوين " اتغاضى و أسامح عن كل شيء إلا السلوك ! "
والله العالم هــ العناوين صدق وإلا ولد عمو ؟!
كانت سياسة البيت الهلالي اللي تعودنا عليها من سنين من ايام الأمير هذلول بن عبدالعزيز
" نحن نعمل بنصمت ولا يهمنا الآخر لنا فريقنا وعملنا " فلا يكون هناك تعليقات على الاتهامات الموجهه للهلال ولا الظلم التحكيمي ولا قرارات الرئاسة العامة فيما بعد وفاة فيصل بن فهد !
جانا مختلف الروؤساء العصبي الهادي المقنع صاحب الحجة الاستثماري المجد وووووووو!
لكن ما جانا مثل هــ الرئيس الحالي !
قلب كل موازيين البيت الهلالي فوق تحت !
وصار عندنا رئيس يرد ع الاتهامات ، يتابع البرامج الرياضية و يداخل يوضح يصحح معلومة يخطئ قرار !
سابقا كنا نقاطع قنوات جرايد ، لكن كيف كنا نقاطع نطالع بيان رسميا ونشجب و نستنكر !
او نقطع بيننا بصفة منظمة لكن غير معلنة !
لكن لما جاء رئيسنا الحالي يقاطع " طلع بقناتهم واجههم بحقيقتهم وضح رأيه ورأي إدارته ولاعبيه وقاطع بقوة حجة !
و صارت مقاطعتنا حديث الساحات عموما رياضية وغيرها !
استضافت قناة الذهبية : ) الهرفي و هرف بما يعرف ولا يعرف " والله ما امدى الشفة العليا تنطبق على السفلى " إلا قال المطويع نسمع رأي الأمير بما ققلت !
زمان كانت الذهبية توقف لاعب ، رئيس ، أداري وينتظر متى حضرتها تخلص تقابل معنا ! فعطاهم درس ومباشر بعد باحترام الشخص و الوقت !
توالت الأحداث و توالت الردود المباشرة !
لحظة ستوب ! صارت هنا فيه ربكة !
البيت الهلالي من جهة بكل رؤسائه و اعضاء شرفه وإداريه ماتعودنا هالسياسة !
الجمهور الرياضي و الأعلامي من جهة آخرى ما عجبهم الوضع !
فــ صار عندنا رعاة كثير ما هوب راعي واحد ! وصار عندنا قطعان تسوسها و تقودها هــ الرعاة !
فــ صار كل راعي يعلم قطيعه و شلون يقول امبااااااااااع ، وهل الـــ امباااااع يجيدها صغار العقل بقوة !
لو كنت ما أنت فاهم وش يعني راعي وقطيع سير علينا بالعام وخلنا نسولف معك شوي ! يا تقنعنا يا نقنعك !
الــــراعــــي و الــقـــطــيـــع " تبي تكون راعي ، تعال أعلمك "
يقولك السبب الحقيقي وراء هذا كله ، ما عجبهم يكون رئيس هلالي بمثل قوة عبدالرحمن بن سعود رحمة الله عليه .
رغم اختلافنا الشديد حول شخصية المرحوم إلا ان الجميع يتفقون أنه احب النصر ودافع عنه بكل قوة حتى و نصرهـ غلطان وراكبه الغلط من ساسه لرأسه !
تلقاهـ بكل جريدة قناة يجادل و يناقش و يا ويلي اللي يقرب من لاعبيه ، صح انه دبل كبودنا بسالفة المناظرة و ادعوهم للمناظرة التلفزيونية لكنه كان ملح الرياضة عندنا ، الحين سمجها ممدوح وصارت سماط !
من فترة تجادلت مع مجموعة من النصراويين و الأتحادين على هل ّ الـــ امبااااااااع الكثرانة بمنتدانا وبرا ( عن مثالية الرئيس )
وبعد جدال طويل طلعنا شبه متفقين إنه إذا كان لعبدالرحمن بن سعود خلفية في شراسته بدافع عن ناديه فيكون عبدالرحمن بن مساعد
" لاحظوا حددنا وحدة من صفاته وهي ازين صفة فيه الله يرحمه "
فــ منين و متى جتنا قطعان هــ المثالية وارحل و الرياضة عالم مبوء ما يصلح لك ، و وراء ما تستخدم هيبتك و تمسح بالأرض اللي يغلطون بالهلال !وووووووو قطعان كثيرة تبابي نبي نرد عليها بالعقل ماهوب باللسان والفاظ ما عهدناها من قبل بالزعيم ! فــ رجاء للبعض اللي شاطح الرد عندهم احترموا انفسكم لن ردك يمثلك وحدك ، ما يمثل كاتب الموضوع ولا يمثل شبكة الزعيم ولا يمثل جماهير الهلال المملينة !
يقولك بعد ماصار بن مساعد يدافع و يرد عن فريقه ولاعبيه ، جماهير الفرق الآخرى ما عجبها الوضع ، فقالوا لهم رعاتهم الرسميين اضربوا على وتر الشاعر !
فصارت تروح لـــ اليوتيب كــ مشجع هلالي تتفرج ع أخر المقاطع ، فتلاقي هناك سحرة الأنس وشغل الزن بالأذان وهاتك "دودوودودودودودو"
" احنا انصدم به / خدعنا باخلاقه العالية / وين اخلاق وعنصرية ومقاطعة / صراحة غاسل يدي منه اول وراء ما تصرح عني و بعدين لي ساعة انتظرك ميد المقدم و بعدها تراك داعس ع رجلي ! / هذولا هم بين هلال وقت الصدق يطلعون على حقيقتهم !
نجي و نترك كل هــ الكلام الفاضي وتجيك الدسمة ( ان حب يحتفظ بجمهورهـ الشعري يحسن من اخلاقه مع الفرق الآخرى ! )
كل هذا ولا نتيجة مرضية لهم مازال الرئيس معطيهم ركبة ولا يلتفت حتى عليهم ومكمل طريقه اللي عجبكم كــ أعضاء الزعيم
وكل يوم رازين موضوع الرئيس يرد على .... ! الرئيس يسكت فلان ....!
مقاطع شاهد الرئيس ماذا قال / ماذا فعل ؟!
و تمر الأيام وتجي الكارثة وسالفة كوزمين اللي انطبخ طبخة ولا احسن مندي ولا حتى غوزي !
و تنقلب الموازيين ، الخطة رسمها كوزمين ، اللاعبين اختارهم كوزمين ! و كوزمين طار والموسم بنصه !
هنا طار صواب الغالبية منا ، و دخلت قطعان جديدة بيننا ، وبدينا نسن السكاكين و نقطع ببعض ، نشتم بعض ، ناس تبي الرئيس يبقى لأنها فاهمة اللعبة ، وناس تبي الرئيس يرحل لأنها ما تدري و ين ربي حاطها تبي كأس و فوز كل يوم وبس ! وهذولا باختصار " جمهور الفوز"
ساء الوضع وتردى الفريق تورطنا باللاعبين لن المدرب الجديد ماهو فاهم امكاناياته صح ولا هو اللي اختارهم ولا اختار خطة اللاعب !
كل انسان يختلف بطريقة فكرهـ عن الآخر ، لم تلعب شطرنج مع شخص حريف ماهوب مثل لم تلعب مع مفهي !
وكذلك كل مدرب يختلف عن الآخر ، واللاعب اللي يعجب هـ المدرب ما يعجب الآخر ولا يقتنع بــ إمكانياته !
فكانت النتيجة الحتمية وانتصر طباخين مفطح كوزمين و خسرنا وصلنا للنهائي لكن خسرنا ، تأهلنا للنهائي الآخر و خسرنا ماقبل الجولة ماقبل الأخيرة !
ويلهامسون لم جاء احتفلتوا وإمكانايته و ماجاء الخليج لاعب مثله ولا بمثل مكانته كلاعب دولي رفعتوا قدرهـ فوق ماهو مرفوع !
ولم رحل كوزمين مسحتوا بــ امٍ جابته الأرض ولا يسوى خمسين مليون ! اعتقد انها كانت 52 !
لو تجيب فيكهام ومافيه مدرب مقتنع فيه وهو ماهو مرتاح والله ما يجيب حتى فاول ! ع العكس يمكن يجيب فول ويقعد يأكل وتركبه ام النفسيات !
لا احد يلعب عليكم ويقول لكم مايفهم عليكم العصر تطور عندنا هنا جرايد سعودية انجليزية وعندنا فرع للموقع انجليزي وفيه احسن من كل هذا يترجم له حدى اللاعبين " سامي مثلا ً "
راح كوزمين وطار كأسين " ماهي مكتوبة لنا مهما كانت المسببات " واحنا لين الحين نسن سنانا وسكاكينا بـــ الرئيس و نائبه والإدارة ونخون لاعبينا !
يقولك خالد عزيز مجندهــ نجاد يأخذ كروت حمراء يقولك الهلال خطر مستشري كل مشجعينه سنة !
الحمدلله و الشكر وصلنا لــ هل ّ المرحلة تخوين !!
خلصنا من عزيز ، هاتوا الرئيس ،، مثالي ماينفع لــ هل ّ الجو الممبوء الرياضي !
يا سبحان الله و رئيسنا من وين طالع " ملاك نازل من السماء !" ماهوب من الرياض مثلنا أكبر تجمع للمشجعيين الهلاليين
ماهوب بشر مثلنا ينفعل يعصب يزعل / يرد يسكت يثور يغضب ينبسط !
وقبل كذا من كان شقيقه رئيسنا وعارف كل اجواء الهلال و تقلباته !
وبعدين وين كانت هل ّ الردود عن مثالية الرئيس يوم انه كان يرد ويدافع و يقاطع ويسكت !
ماطلعت نغمات هل ّ الـــ امباااااااااااع إلا بعد رحيل كوزمين و خسارة الهلال !
أو معنى اقرب للواقعية " بعد ما مشجعي النصر و الأتحاد صاروا يتشمتون ويقولون وش دخل نزار قباني بالرياضة "!
فجأة صار عندنا قطيع يتكلم عن المثالية و الشعر والعالم الخيالي و المدينة الفاضلة حقت ارسطو اللي استوردنا منها رئيسنا الحالي !
وارحل مانبي كأس ملك ولا عالمية بس ارحل و ارجع لــ مثاليتك ! و خلنا على محبتك اول !
يا سبحان الله نفس المعنى لكن بصياغة آخرى !
وهذولا نسميهم قطيع الحليلين يعني هو يحب الهلال جدا لكن العقول عطايا الله يقسمها كيف يشاء ، فتلقاهـ يأخذ لفة ع اليوتيب و موقع النصر و الإتحاد ثمن يجي هنا بعد الخسارة مشحون و يستلم الرئيس دبغ بسياط كيبوردهــ !
خلوكم مني ، شغلوا مخكم بس شوي وقارنوا بين العناوين ببداية تولي بن مساعد الرئاسة و العناوين اليوم ثمن خذوا لفة على اللي قلت لكم و تعالوا !
وخلوا عنكم والله انه دابل كبودهم هناك ، و وددهم بس يسمعون خبر تنحيه !
قرار تكليف سنة ، ولا يدخلون ترشيح و3شهور انتظار ويجيبون تيار جديد برئاسة فيصل بن تركي و 265 عضو شرف غير معلن دافع داعم لعيون فيصل و تيارهـ الجديد !
وحنا نبي ننحي رئيس و ندخل 3 شهور ثانية بدون رئاسة و انتظروا لين حلم 666 يحن علينا ويعطينا الموافقة بقرار تكليف و شوفوا بس من يقبل برئاستنا من اعضاء الشرف بعد هل ّ الحرب الواضحة جدا حتى للعميان بترحيل كوزمين !
نجي لــ نواف بن سعد عطوناهـ الحين خليتوا كل شغله و قلتوا كشفناك بالبدل و أمريكا عند سلطان !
حليلين ما قلنا شيء بس عاد ماهوب تنك حتى زيارة المريض واجبة على كل مسلم و هذولا هله !
وبعدين هذا ماهوب حي الله هذا حبيب الملايين سلطان والله ان الطيب بالبعض ما يثمر !
يالله معكم مع الخيل يا شقراء ، تنحى بن مساعد من تبوون رئيس ؟ و ظنكم بيقبل ؟ ولو قبل بــ تكون لكم مطلق الحرية يسفلون به كل يوم وهو ساكت عادي مأخذ الوضع بروح رياضية !
والله اني بالمنتدى من 2001 م كل سنة اسير عليهم ما مر علي مثل هجوم عبدالله يوم كان رئيس كان يتكلم عن استثمارات ودخل رياضي وعدم الأكتفاء بدعم اعضاء الشرف !
المهم ماكان عاجبنا الوضع بصراحة كنا صغار وهمنا الفوز و بس ، بلا استثمار بلا هم !
وكملت بــ آدموس ورحيله لا ، الأحتفاظ به لا ، وبين هل ّ الــ لا ضعنا !
و تنزل عبدالله و جاء يشرح لنا / وماهوب مجبور / وجهته نظر ، لكن مالكم امل الروؤس لــ تنكت تنكت !
كنا متأثرين مثل هــ الحليلين اليوم اللي يقولون " بحث علمي ومدرسة تجارب و يجرب فينا اللاعبين !"
بس نبرتنا مختلفة شوي " ماهوب مصنع انتاج و استثمار ودخل يا نفوز يا نخسر !
بعد رحيله بفترة طويلة اكتشفنا ان نظريته كانت صائبة ، وصرنا اكبر فريق جذاب للأسثمارات بالمملكة ثم استعنا للخليج عبر موبايلي !
الحين يوم ترجع بنا الذاكرة والله احس ان كنا قطيع نصراوي بس بقلوب هلالية وانقياد امباااااااااع كل ما قريينا منهم شيء او سمعنا شيء تأثرنا مثلكم اليوم
فلا تكررون نفس اخطائنا قبل ! خلكم اذكى منا ، شف المباراة خلصت عد الشريط و شفها مرة ثانية وثالثة و بعد الثالثة تعال هنا و ارتز معنا نتناقش بالأخطاء !
خلكم من سالفة كوزمين لو الرئيس كان هذلول بنفسه ما قدر يحلها ، هي مطبوخة وقاضية و مقلطة للضيوف ومتعشينها قبل تجي القلطة الثانية اللي حنا الهلاليين والإعلام الرياضي وبقية العالم!
وخلكم من سالفة ياسر أي رئيس كان ما راح يتدخل فيها ، الناس قاعدة تنتظرهـ عشر ساعات لين جاء ! خلاص دبروها ونسقوها واحتفلوا و ياسر يلعب ، و وراهـ وراهـ لين جاء ينتظرونه !
ويوم انكشفت سالفتهم طمطموها ويا ويل واحد اعلامي بس يكتب وش صار ؟ ومن اتفق ؟ ومن دفع ؟ وليش ربع ياسر القحاطين الثلاث صمموا يحضر !
هالسالفتين لو فيصل بن فهد عااااااايش لين اليوم والله ان يشطب سجلهم الرياضي يصيرون اعضاء شرف بلا شرف !
وينك يابونواف حاضر ولا تنشاف
تعال شف وش سوى بنا نواف !
الحين عطونا سامي الجاير الله يرضى عليك دنيا و آخرة والله انك لاعب الوالد المفضل الله يرحمه كان يقول الهلال والكورة كلها عقب سامي تنعاف وماطول ً ايام بعد اعتزالك و الله اخذ أمانته !
الحين عندك فكر كوري وعقلية محترف ماهيب بالعرب كلهم وما تردد تصير المدرب للمباراة وحدة ! يا اخي ما نقول لك غامر مثل ناصر الجوهر ودربهم للآسيوية ، ندري منت بطايع !
لكن على الأقل كم مباراة بالدوري لو مع النصر ما نقول مع الحزم و الرائد ، لو نجحت كمل ما نجحت تبقى سامي علامة فارقة ما تتغير ابد لدى المنصفين !
الحين عطونا رئيسنا مجددا ، مالنا شغل قلت اربع سنيين رئاستك كملها للآخر والتوافيق بيدالله مو بيد حلم 666 وطبخاته !
وبعدين وش فيها لا قالوا نزار قباني وش دخله الرياضة ، ماعليكم منهم نزار دخل السياسة وغير بسياسة سوريا الكثير !
اصلا من يكون نزار قباني أنت ســـــــــيـــــــــد الـــــــشــــــــعر و عـــــــــرابــــــــــــــــــه
بعض الحليلين يقولون ما نبي كأس ارحل بس !
وانا اقول وغيري كثير من الهلاليين الفاهمين الكؤوس توافيق من رب العالمين ثمن سياسة ناجحة و البقية بيد اللاعبين و المدرب بالملعب !
لكن اجلس ثمن اجلس ثمن اجلس ، يكفينا انك جالس على قلوبهم ودابل كبودهم وجايب لهم الحرقان ومسبب لهم أزمة نفسية !
والله من توفى فيصل وهم جالسين لنا تلقى ما خلقوا إلا لــ أذيتنا !
وملينا سياسة البيت الهلالي العمل بصمت ، ماعاد فيه عمل صارت طبخات فايحة ريحتها لين الأتحاد الآسيوي !
وارجع مثل اول انشب بحلوقهم ودافع وداخل وصحح و صرح ، ندري سالفة كوزمين و ياسر صعب على العاقل مثلك يدخل بطبخات فاسدة خربانة ! و بنلاقي لك عذر فيها لو مكانك اكيد بننتهج نفس النهج !
لكن بالقادم ردّ لهم مثل اول ، مايمدي الواحد منهم يسكر فمه وما تكاد الشفة العليا تلامس السفلى إلا و يقول المذيع معك عبدالرحمن بن مساعد رئيس الهلال 
يقولك وحدة توصي ولدها قبل تموت تكفى يا وليدي حللني انت واخوانك يقول اسمحيلي والله ما اقدر صعبة اطلبي غيرها يا ميتي !
الأم تنتفض شوشتها وهي بالنزع الأخير وراك يا وليدي عاجزن تقول محللك لو قايلة تصدق عني يا العاق وش سويت !
اتصدق عنك يا ميتي تقلينها بالاخرة قدامك انشالله اما احللك ما اقدر اسمحيلي يقولك سلطان بن فهد يهاوش اللي يحللون !
ونواف بن فيصل يلحقهم بالقهوجي يوم حلق فوق سماء جدة يومه يطلع لسانه ع جمهور الصفر !
والصفر اخترعوهـ و بقوا تحته حتى الآن !
ظنك تيارهم الجديد يقدر يغير شيء !؟
الوضع الشجري
