عاكسها فضربته بعقاله - نادي الهلال السعودي - شبكة الزعيم

algohmani · #1 18/05/2009, 05:36 AM

إقتباس


	أحمد الكناني ـ جدة جلدت مواطنة في جدة البارحة الأولى رجلا بعقاله الذي كان على رأسه، بعد أن عاكسها في سوق تجاري أثناء تجولها للتسوق والترفيه. ووفقا لشهود عيان، فإن المواطنة كانت تتجول في مركز تجاري «مول» في حي الصفا شرق جدة، برفقة أطفالها ومنذ الدقائق الأولى لتجولها لاحظت رجلا في الأربعين من عمره يلاحقها بنظراته، وسريعا غادرت المحل التي كانت فيه. وانتقلت المواطنة مع أطفالها إلى محل آخر، ووجدت الرجل ذاته يقلب جواله يحاول إرسال رقمه إليها، ويبتسم لها وبقيت داخل المحل حتى يخرج إلا أنه لم ينصرف. واختارت الأم أن تبعد عن المناطق المختلطة في السوق هربا منه، إذ دخلت مع أطفالها مطعما، وما أن خرجت ـ بعد تناول العشاء ـ حتى وجدت الرجل ذاته أمامها عند مدخل المطعم. وخلال تواجد الأم مع أطفالها في مدينة الألعاب داخل السوق لاحظ المتواجدون ملاحقة الرجل لها، فما كان منها إلا أن قابلت الرجل وجها لوجه، وسحبت عقاله من على رأسه ـ في الوقت الذي كان يعتقد أنها استجابت له وأتت لتأخذ الرقم ـ وبعد سحب العقال ضربته على وجهه تاركا خطا أحمرا على خده، وسط تصفيق وإشادة المتسوقين.

بصراحه وأنا أقرا بهالخبر قلت في نفسي يستاهل ماجاه ولوني بالسوق كان كملت على الرجال ولو إن سنه مايسمح

لا أدري كيف يفكر بعض الرجال من كبار السن تحديدا ومن وصل لعمر النضوج الكلي للعقل وهل يرضى ان يغازل أحد إبنته وهي ذاهبه للسوق

أما هذه المرأه فهي أعطت مثال حي لمايجب ان تتخذه كل إمرأة تتعرض لمثل هذه التصرفات وإن كنت أتسائل أين زوجها

لماذا بعض الأزواج ينشغلون بمثل هذه الظروف وللأسف ان البعض يودي زوجته للسوق بحجة انه مشغول ويذهب للمقهى

أو صديقة متصل عليه وقايله تمرني خلنا نسولف شوي ونطقطق بهالبلوت مع الشله

أيضا على بعض البنات أن يقدرو ظروف الأزواج والأقارب القاهره وإذا كان من الممكن تأجيل الذهاب للسوق ليوم آخر فهو أفضل بكثير من التعرض لهذا الموقف

فللأسف للأسف نعاني من عقول بهائم منتشرة في الأسواق

تعليقاتكم

فديت السعوديه · #2 18/05/2009, 05:58 AM

يستــــــــاهل....

اجل بالعقال على وجهه

والله انها قــويه يعني لو كل وحـــــــــــده كانت لها ردت فعل قويه وقدام

الناس كان فكرو هالعينه المتخلفه الـــف مره قيل يأذون بنات الناس وكان

قلو بشكل كبــــــــير.....الف شكر ودمت كــــــــــماتحب

حكر المنحكر · #3 18/05/2009, 06:09 AM

جزاها الله خير

ويستاهل ماجاه لعله درس له وكل طقه بتعلومه

مجنون الزعيم(9) · #4 18/05/2009, 07:21 AM

ملاحظ بالفتره الاخيره ماتنزل مواضيع الا فـ AM

بالنسبه للخبر بصراحه ضحكت على اول كلمه [ جلدت ].. طيب قل ضربت اما جلدت

حسيت انه جالس معهم ومتابع للقضيه ويكتب هالخبر

وهو احد شهود العيان

الله يهدي هاللي يعاكس عمره واصل للـ 40 ,,شكل عنده فراغ عاطفي

Fahad Al Sudais · #5 18/05/2009, 07:26 AM

^^^

ملاحظاتك كلها في محلها وسليمة ياكوتش مشعل

( جلدت ) هذي قوية ... والشايب عنده فراغ عاطفي

تحياتي لمن دمر حياتي --> ابوعبدالله

algohmani · #6 18/05/2009, 07:31 AM

إقتباس


	ملاحظ بالفتره الاخيره ماتنزل مواضيع الا فـ AM

والله لو تدري كم موضوع عندي بالمفكرة للمجلس العام وكم موضوع بأوراقي كان قلت وش رايك نسويلك قسم خاص بك وتكتب فيه براحتك وفي مواضيع عندي بمفكرة لها سنه تقريبا من الصيفيه كتبتها وكل ماجيت ابضيفها اتراجع

عموما بالجمهور مجهز ثلاث موضوعات بس كلها ماتناسب الفترة الحالية

دمت بود يامشعل وانتبه تروح للسوق بعقال مو عشان شيءولكن خايف ان واحد من الشيبان يعاكس وهو بلاعقال فمالها الا عقالك

algohmani · #7 18/05/2009, 07:34 AM

إقتباس


	تحياتي لمن دمر حياتي --> ابوعبدالله

حسستني اني مجرم حرب خخخخخخخخخ ياخي انا اللي احبك حب .. مشكور ياقلبي

algohmani · #8 18/05/2009, 07:36 AM

إقتباس

الرسالة الأصلية كتبت بواسطة حكر المنحكر


	جزاها الله خير ويستاهل ماجاه لعله درس له وكل طقه بتعلومه

نورت الموضوع يالغالي

والله الظاهر انه ماهو بلحاله بيتعلم

في غيره بيعرف ان الشغله فيها كفخه وموسره

algohmani · #9 18/05/2009, 07:37 AM

إقتباس

الرسالة الأصلية كتبت بواسطة فديت السعوديه


	يستــــــــاهل.... اجل بالعقال على وجهه والله انها قــويه يعني لو كل وحـــــــــــده كانت لها ردت فعل قويه وقدام الناس كان فكرو هالعينه المتخلفه الـــف مره قيل يأذون بنات الناس وكان قلو بشكل كبــــــــير.....الف شكر ودمت كــــــــــماتحب

نورت الموضوع وشكرا على التعليق

عاشق المستحيل · #10 18/05/2009, 07:44 AM

هلا بالجوهماني

ما شاء الله مازلت هنا هههه

وشرايك تخليني استشاري هههههه <حاسد الصخره

ماعلينا

والله هالرجال يستاهل ماجاه

وكلمه رجال مايستحقها

ناس كبار وفي سن ناضج تصدر منهم تصرفات مراهقين

بالعمل عندنا متزوجين وكبار وعندهم عيال

تعال شوف ايميلاتهم كلها بلاوي

الله لا يبلانا

نصيحه للاخوان لاحد يخلي اهله

كلها كم ساعه ماتفرق<<مع الحريم ساعات

algohmani · #11 18/05/2009, 08:02 AM

إقتباس

الرسالة الأصلية كتبت بواسطة عاشق المستحيل


	هلا بالجوهماني ما شاء الله مازلت هنا هههه وشرايك تخليني استشاري هههههه <حاسد الصخره ماعلينا والله هالرجال يستاهل ماجاه وكلمه رجال مايستحقها ناس كبار وفي سن ناضج تصدر منهم تصرفات مراهقين بالعمل عندنا متزوجين وكبار وعندهم عيال تعال شوف ايميلاتهم كلها بلاوي الله لا يبلانا نصيحه للاخوان لاحد يخلي اهله كلها كم ساعه ماتفرق<<مع الحريم ساعات

بالضبط زي ماقلت كلها كم ساعه ماتفرق بس تبي الصراحه عليهم اوقات مالها داعي

وعلى الطاري لو مرتي ( مستقبلا ) تقولي وديني السوق على مباراة للهلال

اظنها بتتكفخ

ويمكن اوديها بيت اهلها تاخذ اجازه

بالنسبة لهل الايميلات من كبار السن والله ياخوك وش نقول اذا حنا شباب وماحنا بمتزوجين ماسويناها والواحد لو فكر تذكر أهله انه مايرضاها عليهم وشلون بذول اللي متزوجين ولاناقصهم الا يركدون ويتعوذون من اباليسهم

ايه انا هنا هاليومين فيني نشاط مجلساوي زايد

leo messi · #12 18/05/2009, 11:27 AM

ابو عبدالله يالله حييييه

والله ان مثل هالسااالفه بالضبط صارت قدام عيني بأحد الاسواق بالرياض ...

هذي ياطويل العمر عجيّز مهيب كبيره مره ..قاعده عند باب محل بالسوق لأنه مسكر ومعها ثنتين بناتها اعمارهم في العشرين ..
المهم الرجال كان يفرفر عليهم وقت الصلاة .. والمسجد ذا قبال المحل ..! المهم خلصوا صلاة الناس وطلعوا وفتح المحل
ودخلت العجوز وانا كنت طالع وقتها من المسجد ..المهم اثاري الرجال للحين يناظر في البنات ويأشر بجواله .. والحرمه تشوفه ..!

والله وتجيك تشيل شااامبو من المحل مدري كريم .. يوم يمر وهي متخبيه عنه الا واسمع طرآآآآآآآآآآآآخ

براسه والله يالعلبه كريم
مدري شامبو انها راحت ملح

الرجال بغا يطيح خصوصا انه مرسّم وعقاله طاح تحت وتجي العجوز وتأخذه والعالم تجمعوا ....!
خصوصا توهم طالعين من المسجد .. عاد هو جاء قال عطيني عقالي مسوي يهاوش .. وتجيك العجوز تقول تبيه ؟؟؟ تعال خذه

والله انه بالع العافيه يوم قرّب وهي تهوّز تبي تمحط والدينه ويوّخر بسرعه ... قالت هذا العقال مهوب لك .. قال اجل لمن ؟؟؟ قالت هذا لعطران الشوارب

قسم بالله بغيت اتهور واحب خشمها على هالكلام

المهم بعد واسطات وتهزيئه وتجمع امة لا اله الا الله عطته بعد ماقالوا الناس اتركييييه يكفيه
الاهانه اللي جته .....!

يااخي بالله ماتحس اني طولت ؟؟ من زمان مارديت بطول هالرد

لكن موضوعك ذكرني والله هالسالفه ......!

يعطيك العافيه يابو عبدالله ..!

هلال ـياسرـــــــــي · #13 18/05/2009, 11:47 AM

كفوووٍ والله من الدلاخه في الرآس يآخي ما أعطتك وجه خلاص

يستآهل مآجآهـ

بريماكس · #14 18/05/2009, 12:06 PM

هلا ابوعبدالله..
والله تعجبك هالحرمه وتستغرب من عقول بعض الناس

عمرك 40 ورازقك الله بالحلال .. وش حدك على الحرام !!

شكله يسمع بالمغازل هالشايب

الحمدلله على نعمة العقل والله لايبلانا ..

شكراً ابوعبدالله الشاعر

زعيــــم الشوق · #15 18/05/2009, 12:20 PM

يستاهل ما جاه و ما قصرت الحرمه و هذا حقها أجل يلاحقها بكل مكان اللي ما يستحي على وجهه و هو بهالعمر و حتى لو شباب

الله يهدي الجميع لما يحب ويرضى

و يعطيك العافيه أخوي على الموضوع