الموضوع: عاكسها فضربته بعقاله
مشاهدة مشاركة بصفحة مستقلة
  #12  
قديم 18/05/2009, 11:27 AM
الصورة الرمزية الخاصة بـ leo messi
leo messi leo messi غير متواجد حالياً
زعيــم مميــز
تاريخ التسجيل: 05/11/2006
المكان: تـحـت المكـيـف ..!!
مشاركات: 4,991
ابو عبدالله يالله حييييه

والله ان مثل هالسااالفه بالضبط صارت قدام عيني بأحد الاسواق بالرياض ...

هذي ياطويل العمر عجيّز مهيب كبيره مره ..قاعده عند باب محل بالسوق لأنه مسكر ومعها ثنتين بناتها اعمارهم في العشرين ..
المهم الرجال كان يفرفر عليهم وقت الصلاة .. والمسجد ذا قبال المحل ..! المهم خلصوا صلاة الناس وطلعوا وفتح المحل
ودخلت العجوز وانا كنت طالع وقتها من المسجد ..المهم اثاري الرجال للحين يناظر في البنات ويأشر بجواله .. والحرمه تشوفه ..!


والله وتجيك تشيل شااامبو من المحل مدري كريم .. يوم يمر وهي متخبيه عنه الا واسمع طرآآآآآآآآآآآآخ براسه والله يالعلبه كريم
مدري شامبو انها راحت ملح الرجال بغا يطيح خصوصا انه مرسّم وعقاله طاح تحت وتجي العجوز وتأخذه والعالم تجمعوا ....!
خصوصا توهم طالعين من المسجد .. عاد هو جاء قال عطيني عقالي مسوي يهاوش .. وتجيك العجوز تقول تبيه ؟؟؟ تعال خذه
والله انه بالع العافيه يوم قرّب وهي تهوّز تبي تمحط والدينه ويوّخر بسرعه ... قالت هذا العقال مهوب لك .. قال اجل لمن ؟؟؟ قالت هذا لعطران الشوارب

قسم بالله بغيت اتهور واحب خشمها على هالكلام المهم بعد واسطات وتهزيئه وتجمع امة لا اله الا الله عطته بعد ماقالوا الناس اتركييييه يكفيه
الاهانه اللي جته .....!



يااخي بالله ماتحس اني طولت ؟؟ من زمان مارديت بطول هالرد لكن موضوعك ذكرني والله هالسالفه ......!


يعطيك العافيه يابو عبدالله ..!
اضافة رد مع اقتباس