السلام عليكم ورحمة الله وبركاته
الموضوع السابق احس اسمه بايخ والكثير سلك لي فيه
اليوم وصلنا (للجزء الثاني)) من حكايتي مع الجيران
وصارت سوالف اووه تعجبك بس ماصار الي ببالي
عموما هذا تذكير(( للجزء الأول))

إقتباس الرسالة الأصلية كتبت بواسطة الموهوب الإنتراوي آهـلآ وسهـلآ ومرحبتين ,, آنآ الآن بسيرفر 11 صلحت لي مايقارب الـ 60 بهراوة دون الموتى ولكن فطس النصف وبقى النصف ,, المهم الآن عندي 20 بهراوة وانا صراحة مسجل بالسيرفر لإجراء التجارب الفيزيائية على الكمخ الي جمبي جمبي واحد هجمت عليه للنهب طلع عنده 46 بهراوة ! طبعت لجئت إلى الوصف وقمت اهايط فيه عشان اضمن عيشتي بعد فترة تجسست لقيت عنده : اما الموارد ياهي مغرية فقلت في نفسي وانا ابو فيصل لانتفنهم نتفاً مبرحاً << 1.5 في اللغة العربية ايالي ماتستحي بتصير اقوى مني قلبتها براسي معادلات : 20بهراوة = 5س 90 بهراوة انقل الأعداد في طرف والمجاهيل في طرف 20 بهراوة - 90 بهراوة = 5س 70 بهراوة = 5س وذرتين اكسجين مع ذرة هيدروجين لا ماينفع كذا يبغالي عدد مهول من ابو شكيم وهالرجال ينتج 24 ساعة <<واضح ماتشوف المخازن ممتليه يعني ماينفع هالحل <<ياحسافة المسئلة ويحسافة الذرتين الي راحت في الهواء عاد فكرت فيها وانا على المخدة وسعابيلي تقوطر ولله الحمد لقيت الحل عاد يارقاله يبغاله يوم إلى يومين <<طيب ليش فاتح الموضوع من الحين عموما انتظرونا في الحلقة القادمة

يوم دخلت القرية الله مير يسلمكم
لقيت هجمة علي من قبل احد الأعضاء المهم قلت كويس يمديني اصرف الجيش الموارد كان باقي من الوقت تقريباً 12 دقيقة من دخلت القرية
المهم جاء الوالد وقال تعال تقهو معنا وارجع ورحت اتقهوى وارجع مقلع إلا الهجمة مابقى عليها إلا 5 ثواني وهذا التقرير :

خصمي الي بالجزء الأول اسمه malek001 وهذا اول شخص احطه براسي
ولكن جاك مطفوق ثاني الي هو viking الي هاجمني بهالتقرير وحطيته براسي
المهم رحت لم عضويته وكلمته ودار بيني وبينه حوار ,,
طبعاً إستخدمت فيه اسلوب الهيط نوعاً ما

تلاحظون إن الرجال قام يشطح بعيد يبي يصرف بس هيهات
المهم خش تحالفي وبعد كم يوم جاني يتكلم عن malek001 إلي حطيته براسي اول شي ومحتوى رسالته :

الحين السكني(بشد السين)الي فيني قام يفرفر براسي
قلت الآن malek001 و viking كلهم يبغالهم جلد وانا صراحة عضلات جيشي ماتسمح
تذكرت كلام عنترة بن هتلر آل عباسي والي من ضمنه إن الحرب خدعة
فقلت وراء مااسوي فتنة بين الإثنين واضرب عصفورين بحجر واحد

هنا لو مشت الخطوة خليت malek001 يهاجم viking ويموت جيش viking
واكيد جيش malek001 راح يتأثر واقوم انا واكمل عليه
لكن ماكل مايتمنى المرى يدركه تجري الرياح بما لاتشتهي السفن

هذا رده على الرسالة واضح إنه متساهل وماوده يبدا بالشر فقلت هين يامليكوه دواك عندي
ارسلت له رسالة وطلع فيه قمت اسولف معه سواليف خارجية
وارسلت له ثانية وطلع فيه قلت وجع ذا مسنتر على قريته المهم ارسلته ثالثة بعد فترة
ولاحظت إنه ماقرأ الرسالة وبدأ الشغل :






# هالهجمة حسيت بقهر كنت متوقع إن جيشه مهوب فيه بس راحت علينا ! ولا لوني مرسل فرسان كان انهيته

وباقي كم هجمة لاتستحق الذكر
الآن خش malek001 وشاف المصيبة الي هو فيها
وتجسست عليه حصلت عنده 23 بهراوة ارسلت هجمة
لكن صرفهم
راح الوصخ وقلب الفتنة علي وكلم viking واتفقوا علي

اتوقع إنني بنطحن (رحم الله امرأ عرف قدر نفسه )
التعليل : هجومي كله فرسان و viking ماعنده إلا جندي اول
يبغالي احرق الثكنة هالأيام والثكنة الآن شغالة من ابو فاس ودعواتكم ياشباب ,,
إذا كان فيه مستجدات بهالحرب بسوي جزء ثالث والله يستر شكل الثالثة ثابته
فمان الكريم

هلا بولد آسيا نورت
للمعلومية ترى باقي 4 تقارير مارفعتها
هو صراحة انا رفعتها بس مسحتها بالغلط
يبغالي ارفعها والرفع عندي تبن وانتم بكرامة
فأنتظروا بالله شويات ويمشي الحال ,,

تم بحمدلله الإنتهاء من المووضوع احتري تعليقاتكم ,,

جرب هذا :
http://up.damasgate.com/

ما مليت من ترافيان ؟

و الله يوفقك في الهجمات

إقتباس الرسالة الأصلية كتبت بواسطة AL-QNAS_20 ما مليت من ترافيان ؟ و الله يوفقك في الهجمات

انت مازن ؟
ولله تعرف كلما خلص سيرفر سجلنا بثاني
تركته فترة حسيت بملل

هلا وغلا
والله ودي اساعدك
لاكن تعرف الضروف ..!
ابشر بالايام الجايه ابطب معك بالهوشه لاكن اصبر في واحد بعد يهاجم علي اشوفه وانا الحين طلعت جندي مهاجم من الاكادميه ابوريك فيه وجاري دخول الهوشه معك

الموهوب الإنتراوي


صراحه خطك حلوه ولاكن شكلك غلطت فيها المفروض أنك تكون مع رقم ثنين (أختصار) وتقوله موافق وسو قطار على مالك بس أنت ماراح تهجم على مالك قل حث رثم ثنين أني أرسلت وطبعا جيشك رايح مكان ثاني وخله يهجم عليه بكذا يدمر مالك أو رقم ثنين وأذا قالك ليش ماهجمت قوله هجمت على واحد ثاني بلغلط

حياكم اخواني

إقتباس الرسالة الأصلية كتبت بواسطة معلومة الموهوب الإنتراوي صراحه خطك حلوه ولاكن شكلك غلطت فيها المفروض أنك تكون مع رقم ثنين (أختصار) وتقوله موافق وسو قطار على مالك بس أنت ماراح تهجم على مالك قل حث رثم ثنين أني أرسلت وطبعا جيشك رايح مكان ثاني وخله يهجم عليه بكذا يدمر مالك أو رقم ثنين وأذا قالك ليش ماهجمت قوله هجمت على واحد ثاني بلغلط

فكرة حلوة لكن بتفشل لأسباب
وانا بيني وبينك احب الشر وهالقرية مافتحتها إلا للهياط
زيادة للطين بلة الأخوان طلعوا من إمارة الأردن الشقيقة
عموما انا قردنت واحد منهم وسويت معه هدنة وبجهز له جيش يعلمه وش مفهوم الخيانة

إقتباس الرسالة الأصلية كتبت بواسطة الموهوب الإنتراوي حياكم اخواني فكرة حلوة لكن بتفشل لأسباب وانا بيني وبينك احب الشر وهالقرية مافتحتها إلا للهياط زيادة للطين بلة الأخوان طلعوا من إمارة الأردن الشقيقة عموما انا قردنت واحد منهم وسويت معه هدنة وبجهز له جيش يعلمه وش مفهوم الخيانة

كل واحد وتفكيره ذكرتني بنفسني أيام زمان كان جيشي جبار وما أدخل في حروب وكانت مشاكل بيني وجيراني

(كيف ماتدخل حرب وفيه مشاكل) جيشي مايتحرك كان بس للمزارع وفقد أستأجرت لي واحد وأطلب منه الهجوم مقابل مبلغ محترم من الموارد وبعد فوزه طبعا يتم تسليم الموارد له>> وليه تخسر مواردك ؟> أنا مارسل شي بل أحد جيراني الذين تحت سيطرتي يرسلون خخخخخخ على العموم خطط زين قبل الهياط وبنسبه للواحد الي جهزت معه هل تثق فيه وكم جيشه ؟

إقتباس الرسالة الأصلية كتبت بواسطة AL-QNAS_20 ايوه انا مازن بشحمو و لحمو :P اخبار علوم

تمام ولله اقول للحين حي ماشاء الله

إقتباس الرسالة الأصلية كتبت بواسطة معلومة كل واحد وتفكيره ذكرتني بنفسني أيام زمان كان جيشي جبار وما أدخل في حروب وكانت مشاكل بيني وجيراني (كيف ماتدخل حرب وفيه مشاكل) جيشي مايتحرك كان بس للمزارع وفقد أستأجرت لي واحد وأطلب منه الهجوم مقابل مبلغ محترم من الموارد وبعد فوزه طبعا يتم تسليم الموارد له>> وليه تخسر مواردك ؟> أنا مارسل شي بل أحد جيراني الذين تحت سيطرتي يرسلون خخخخخخ على العموم خطط زين قبل الهياط وبنسبه للواحد الي جهزت معه هل تثق فيه وكم جيشه ؟

ايه يقولونه << يسلك
حياكم

بأي سيرفر الكلام هذا؟؟؟؟