بعد أن قرأت عن مطالبة الشاعر عبدالله حمير لمنصور البلوي مليون ريال مقابل قصيدة بالراحه قلت ابعرض قصائدي هنا وخواطري واي شيء كتبته عساه يسرق قصيده ولا خاطره لي ....................>>> اقول بعشرة ريال تبيع
المهم اذا قصيدة عادية مثل بالراحه بمليون اجل قصائد المتنبي والفرزدق وامرؤ القيس بكم يالله على العموم انا هاليومين مطفي النور بالبيت واروح الجبال كثير لعل وعسى نطب بجني مهبول يخلينا نكتب من هالقصائد اللي تجيب مليون ماهو بذا النتفه اللي معي ابو ريالين
اترككم مع هذه الخاطره الرائعه للمبدع والمتألق والرائع بروعه حضوره القحماني ..........>>>>>>> يمدح نفسه مالقى احد يمدحه
هل دمعي البارحه
ليلة البارح عذاب
وحلمي اللي عشته اسنين
أكتشتفت انه سراب
آه ماقسى البارحه
صدمته للقلب كانت جارحه
كل العيون
كانت تطالعني بنظره حاسده
ماكنت أعرف ان فيه ناس ٍ حاقده
جيتك وفيني من الأسى مافيني
وكنت احسبك بتحني
ولحضنك تضميني
خاب ياللأسف ظني
رحتي وتركتيني
آه ياجرحي أنا
آه من ليلي عنا
وش غيرك
وش بدل احساسك تجاهي
مانتي اللي كنت أعرف انا
كثير .. كثير
عن خبري تغيرتي
مدري بزمانك
أو مكانك
أو جراحي
أو كلام الناس فيني تأثرتي
ماتوقعتك كذا
ماتصورتك كذا
سلام واذا انسرقت هالخاطره وجابت مليون لكل واحد يرد نسبه
8
8
أما فيفتي فيفتي , وشدعوا وش قالوالكم مخفات ولا مخفات ؟!؟!؟
وجنيك يالقحماني ما أخذ فرصته و لا كان شفته شلون يلعب بالقصيد لعب
تحياتي لك عزيزي
هلا نورت الموضوع
تهقا انه ماخذ فرصته أجل بجدد معه لموسم واحد واذا مانفع بنوديه إعارة وإن مالقينا أحد يضفه بنجبره على الإعتزال وبقوله بسويلك حفل اعتزال مع برشلونه واذا تاهلت برشلونه للنهائي بقوله اعتزالك بح
أن يترجم المرء أحاسيسه و مايجول في خاطره.. على الورق
فهذا عمل رائع جداً..و هو دائماً سبب من أسباب نجاح أي عمل أدبي..
و هو أن يكتب الشخص عمّا يحسّ به حقيقةً..
أمّا ماقرأته أعلاه:
فاسمح لي (منب مجاملك) و أبسوي أمون..!