الحمدلله على سلامتكم ...

مشكلة البعض تلقى البنزين بيخلص وهو يبي يسافر مايعبي من المدينه يقول بالطريق اعبي ثمن تكون المشكله مافيه محطات الا بعد كم كيلو .. والبنزين بيخلص

طيب ليه ماتعبي بالمدينه قبل لا تمسك الخط ؟

شكراً ..

إقتباس الرسالة الأصلية كتبت بواسطة ابو طـــــلال ماودي أقول قلعك ... وإلا ماسك خط ومعبي بنزين ( 91 ) اللى يخلص بسرعه وتشتكي ! ورى ماعبيت التانكي ( فل ) أو عبيت ( 95 ) يبطي على الأقل .. أما كل 80 كيلو محطة !! فالصحيح إن كل عشرين كيلو محطة بس مهيب على الخط ترى .. فيه مخارج بالخط السريع تعبي من كل ديرة تصادفك .. أما كثرة محطات البنزين بالخط فكرة مهيب زينه .. خصوصا تبي تفتح لنا باب للي يشفطون بنزين .. ويبلشونبهم أصحاب المحطات بالخط السريع هع هع تقبل مروري

هلا ومرحبا ابو طلال

حـنا اصلا معبين فـل ومعودين الســياره على 91 واللي اعرفه ان مو زين انك تحول البنزين من 91 الى 95 الـظاهر انه يخـرب السياره عاد مدري صدق ولالا


شرفني مرورك الكريم

إقتباس الرسالة الأصلية كتبت بواسطة أبو ميار أصلاً انت وش وداك للبحرين ؟؟ وثانياً وش وداك للقصيم .. وليش تسوق سيارة ... ؟؟؟ يالغالي .. المحطات على أفى من يشيل بالسعودية .. ولا عمري شفت مقطعة بحياتي .. ولكن إنك تمسك خط وأنت عارف إن البنزين ما يكفي فهذا شيء راجع لك وتحمل النتايج .. اللي اعرفه عند كل بداية طريق سريع يوجد محطة .. الطريق اللي يودي من القصيم للرياض فيه محطتين والعكس أكثر من عشر محطات .. برضو الشرقية الرياض والعكس مليان محطات .. الرياض مكة والعكس .. مكة جدة والعكس .. القصيم حايل .. والعكس .. يمكن طريق المدينة القصيم قليل فيه المحطات لكن الحكومة ما قصرت تقولك ترى أقرب محطة على بعد كذا .. لأن الطريق جديد .. المفروض على كذا يحطون كل عشرة كيلو لوحة يقولون إذا باقي في التانكي أقل من الربع أشّر أحسن لك شكراً لك ... أما البحرين ليش يحطون محطات بنزين وكلها عشرين كيلو ويروحون يعبون في الخبر أرخص لهم وأزين ..

خـلاص ابشر عشانك ماني رايح مرتن ثانيه للقصـيم ولا البـحرين

انثبر بالرياض احسن


شـاكرلك مرور الكـريم

إقتباس الرسالة الأصلية كتبت بواسطة الـصـخـرة سـادّه ياعبيدان مره ثانية خذ معك ( جـركل ) بنزين وخلّه بشنطة السيارة لابغيت تسافر وبعدين من كلامك واضح ان سيارتك ( أفيو ) .. لأني قد استاجرت وحده ورحت اعبيها بنزين وفلّلتها بـ 16 ريال خذ لك كابرس مستعمل ( صابونه ) يامال الغناة... تعبيه فل ويسدّك اسبوع دوك -->

هلا
الصخره

لا انا مابي جركل قلت من الموضوع ابي محطه متنقله لان الجركل الظاهر انه مو مكفيني

وبعدين من قالك ان معي افيو اخر سياره افكر فيها افيو ولا صابونه



شرفني تواجدك