*¨]¦[ المجلس العام VS الرياضة العالمية [ :: تقديم المباراة :: ] ]¦[¨* - نادي الهلال السعودي - شبكة الزعيم

الـمـشـاغـب · #1 05/05/2009, 08:08 PM

بسم الله الرحمن الرحيم

يوم الخميس القادم الجميع على موعـد مع المتعة الكروية

متـعة وملحمة كروية من طراز رفيع

كيف لا وهي تجمع بين افضل فريق في منتدى الزعيم وبين أفشل فريق

احببت في هذا الموضوع ان أقدم لكم هذا الموضوع بكل حيادية وإنصاف

" مشوار لقاءات الفريقين "

كان الفريقان قد التقيا في مواجهتين سابقتين قبل أكثر من عام ..

وكانت النتيجة ساحقة ماحقة لأبناء المجلس الأشاوس

احداها بخماسية أتخمت شباك الحالمية

والأخرى كانت ثلاثية سجلها الفريق

الرديف للمجلس العام بعد اعتزال وانشغال أغلب نجوم الفريق السابقين

خسارتين موجعتين لفريق العالمية لم تثنهم عن استجداء مشرفي المجلس العام

لإقامة لقاء ثالث لعلّ وعسى أن يستطيعوا التغلب على المجلس العام ..!

ولكن أبناء العالمية قد فوجئوا بمفاجأة غير متوقعة باعلان أسطورة المجلس العام

رجوعه عن الاعتزال واللعب في المباراة المرتقبة

ليس الأسطورة فحسب .. بل حتى المدفعجي ماجد مقبل أعلن استعداده

للعب المباراة القادمة .. وكذلك فعل الهاوي عضو الشرف الداعم

وعدة مفاجآت أخرى ونجوم آخرون لن نخبر بهم حتى لا ينحاش أبناء العالمية ولا نراهم في أرض الميدان ..!

عدة صدمات صدم بها الفريق الحالم لم تكن على البال ولا على الخاطر

فيا ترى .. هل تكون الثالثة ثابتة وتستمر المرمطة بأبناء الحالمية؟

أم يكون للتحكيم رأي آخر؟

<< ما فيه أمل إلا التحكيم

" نقاط هامة "

* سيكون اللقاء في ملاعب المحترفون يوم الخميس القادم 12-5-1430 هـ الساعة العاشرة مساء ..!
والواقع على طريق الثمامة ( بعد الدوار الثاني على اليمين بجانب منتزه فانتيزي لاند )

للعرابجة بعد مقهى الدروازه

* سيكون هناك تقرير خاص في المجلس العام لنقل المباراة مباشرة من أرض الملعب

تقرير سابق عن مباراة الثلاثية اضغط هنا ولا يكثر

* تكفل عضو الشرف الفعال أبو طلال بتجهيز حافلات لنقل الجماهير من الشرقية والقصيم ونجران ولا عزاء للبعيدين

* الحضور مجاني ويوجد مدرج مخصص للنساء وذوي الاحتياجات الخاصة

* يمنع اصطحاب الأطفال والتصوير والتجسس لفرق أخرى

* قام بعمل التصميم الأخوان " كان هنا " و " القيصر رهيب " فلهم كل الشكر

* خلصت التقديم .. واللي عنده الحين أي شي يقوله قبل ما أطفش

إلا أقول ... كم تبون نجيب فيهم أهداف؟

شوق الكويت · #2 05/05/2009, 08:14 PM

الله يوفقكم ان شاءلله يالمشاغب

بس جد في مدرج للحريم

هلالي كايدكم · #3 05/05/2009, 08:19 PM

المشاغب ..

لا لا ما يصير .. وش هالكلام ..!

طيب حنا ياللي برا الرياض ولا نقدر نجي وش نسوي ؟؟

ودي والله ألعب معكم لكن الظررووووووف !!

لي عودة

عندي إقتراح : وش رايكم تنقلونها على قناة الزعيم ؟

بالتوفيق للمجلساوية ..

غــ.، الحب.، ــلا · #4 05/05/2009, 08:21 PM

يآرب وفق المجلس العآم

بالتوفيدز يآخويي, ولآتنسون الصور
خلونآ نشوف خشة أبو مقبل

رجل من عالم آخر · #5 05/05/2009, 08:21 PM

هلا بالمشاغب
بالتوفيق للبواسل المجلساوية في المباراة
عودا حميدا ماجد مقبل .. يلعب وهو متعدي الـ 40 من عمرهـ

العالمية سحقوا بالـ 5 و الـ 3 ,, فهل تأتي الـ 7 أو الـ 8 هذا الموسم

ألف شكر للغالي أبوطلال على الباصات ,, إن شاء الله تشوفوني فيها

R D H · #6 05/05/2009, 08:22 PM

تصاميم

وتقديم

ومدري ايش

واخرتها بتاخذون على روسكم .. واولهم انت ياسلطان ..

لا امزح .. يعطيك العافيه ..

امزح باللي قلته لكن ما امزح انكم بتاخذون على راسكم

بعد قليل .. أول تصاريحي قبل المباراه .

.

NONY-991 · #7 05/05/2009, 08:28 PM

اهم حاجه احظر لوووووووووول

يالله الله يوفقكم واهم حاجه احجزوا لي مقعد في المنصه

واذا بتحطوني مع الاحتياط احلى شي

وقـلـوبـنـا مـجـلـســاويـه

"-_الهلال_-" · #8 05/05/2009, 08:29 PM

طيب واللي يبي يلعب ايش يسوي ؟؟

بالتوفيق للمجلس العام ..

مرسول الهلال · #9 05/05/2009, 08:32 PM

كلام كبير وتقديم ولا أحلى يا سلطان .

وسيكون لي حضور خاص < - - اللاعب الخفي

روبين هود · #10 05/05/2009, 08:38 PM

بالتوفيق للرياضة العالميــــة

السمسار الهلالــي · #11 05/05/2009, 08:38 PM

أنشهد أن الثالثة ثابتة بالنسبة لي , لاني بكون فالرياض وجاي لعيون ماجد مقبل

//

تصريحي قبل المبارة , برب : أقضي أغراض السفر بكرة للرياض

تراني ماجيت للمبارة ( لاتقولون متحمس ) فية زواج يوم الاربعاء

برب

فتاه هلاليه · #12 05/05/2009, 08:39 PM

سلطان وش هالتقديم السياحي

؟
ماعليك شرهه من يوم ماشفتهم مغيرين الفيسات وحاطين لنا
[

]
وأنا غاسلة يدي

المهم ايها الشعب الكريم .. يا ابطال امتنا .. يا شجعان العرب .. يا اسود الرافدين(صوره سيف العرب يقول هاااع

)
اني ارا فيكم زمزميه شاهي ملغمه

بمباراة مثل هذي احرقوا اعصابهم باللعب على وتر النفسيات والتسجيل في الوقت بدل الضائع

اهم شئ اضغطوهم نفسيا قبل اي مرحله , وخلوا شعاركم .. " الهياط , عنصر المفاجأه " ..
انها اسباب الفوز والانتصار , يعني تخيلوا تهايطون وبوسط المباراه تسوون عنصر مفاجأه ..؟! يعني مثلا كنتم بتلعبون بطقم ازرق تبدلونه ببرتقالي بهالحاله اعتقد انكم بتسببون صدمه حضاريه عنيفه ومهب بس عنصر مفاجأه

أخيرًا لاتفشلونا وفوزوا عاد

موفقين

الـــــــــــوان · #13 05/05/2009, 08:42 PM

عاااد الحمااس من جديد بالتووفيق لابناء المجلس

,,

عاد نبي ذا المره تقرير مصور

مو زي ذيك المره كل واحد يقول لاتطلعون صورتي كنكم بنات

المهم يااسطوره المجلس نبغى تظهر المهارات المعروفه عنك

وتسجل بعينك بدل خشمك ذا المره

تشــاو

dal3_uae · #14 05/05/2009, 08:42 PM

مرحبامبك ..

واخيرا بتلعبون .. من متى واحنا نتريا
زين يوم قررتو ...

اول شي خبروني منو فيكم ياسر القحطاني ... اذا سهل فانا اشجعه ..

>>>> بس جيه مزاج

::

تبون الصدق الصدق اتوقع النتجيه اتكون فوق 4 .. لاحدى الفريقين

الحمدلله شي مدرجات خاصه للعوائل عشان انا وريلي نحضر

وعشان بنتي اتشجع ريل المستقبل .. كلاسيكوفيتش ..

::

بعدين نبى تغطية مميزة ... نبى كل لقطه اتصورونها .. ونبى حركات بعد ما تيبون الاهداف ...
مثل حركة الهزازي مالت المسدس ... خطيــــــــــــــــــــــــــــــــــــــــــــــــــــــرة

نترياهاااا ..

نبى تغطية بكيمره مثل هاذي .. مب بالتيلفون

واللي بيفوز له هدية مني ...

بعدين بخبركم شو الهديه ..
وله اقول ساعة لمبرجيني ..

يالله شدو الحيل ..

R D H · #15 05/05/2009, 08:47 PM

بعـد هيـاط ( سلطان ) الذي وصفه النقاد الرياضيين بأنه ( على غير سنع )

R D H : العالمية تخطت مشاكلها الإداريه وسترونها بحلة جديده في اللقاء القادم

مجلة فازلين - قذافي بن قِلي المعمر

قام " المجلس العام " بتقديم مباراتهم القادمه مع العالمية بطريقه بعيده كل البعد عن الحياديه هذا مما جعل حارس فريق العالمية الأسطوري (R D H ) يخرج عن صمته ويعبر عن شفقته على حالة المجلساويه الذين يحسبون أن ( العالميه هي العالميه القديمه ) .

هذا وقد عمل كل من مستر جول وأسير الزعيم وهلالي موت على تدريب الفريق العالمي طوال الفتره الماضيه والتكفل بجميع الدعم المعنوي ( المالي ماشفنا شي :d ) من أجل الرد على المجلس العام في المباراه القادمه ..

وقد توعد جميع لاعبو العالمية بأنهم لن يكتفوا بالفوز على المجلس العام لأنه هذا يعتبر أمراً طبيعياً لكنهم سيفوزون وبنتيجة ضخمه .

وكذلك قام المهايطي الكبير ( سلطان المشاغب ) و مشروع المهايطي ( السمسار الهلالي ) بتوعد حارس العالميه بتسجيل هاتريك في مرماه هذا مما جعل حارس العالميه ( يتسدح ) من الضحك لما يقوله هؤلاء الحمقى فلا يعلمون هم أن العالمية تمشي على مقولة ( قدم الغشيم والحقه ) ولقد قدمناكم علينا مباريتين وحان موعد الرد ونحن لا نرى ( أغشم ) مِنكم

وأعرب ( R D H ) عن سعادته بوضع المجلس العام حيث وصفهم بأنهم مجموعة ( زلايب ) قام ماجد مقبل بتجميعهم وتحفيزهم بوجبة حبة بخاري عالفحم .( لا ومن زود الحذاقه اللي فيك ياماجد جايب لهم مدرب من برا الشبكه .. واسمه ماجد بعد

)

وهذا والله اعلم << تراه تصريح مب اذاعه

لنا عـوده ..