حكايتنا مع المرور أنا وعمي بسبب التظليل!!!! - نادي الهلال السعودي - شبكة الزعيم

ل ي ل الزعيم · #1 04/05/2009, 02:16 PM

هذه الحادثة حصلت لي شخصياً وبالتحديد في حي الملك فهد ,,

كنت مار بالشارع كأي مواطن عادي ,, إلى أن وقفني مرور بسبب التظليل ,,

نزلت من السيارة ونزل وطبعا كالمعتاد ( عطني رخصتك , عطني الإستمارة , وانتظرني شوي إلين أجيك )

صبرت لي حوالي 5 دقايق إلا الحبيب جاي يقولي ( ليه مظلل) ,,, بالله عليكم وش أرد عليه..نرفزني بسؤاله

...

المهم سويت كما يسوي بعض الشباب ( والله الأجواء حارة والشمس حارة ,,, وأنا معي أغراض للبيت ولا زم أوديها الآن )

ورد علي بكل وقاحة ( أنا مرابط إلى الفجر... بتفكها و إلا أجيب السطحة ولا بعد فيها مخالفة يعني بدون تخيير )

ومن سمعت سطحة قلت أن الرجل بيورطني بشيء والسالفة كلها تظليل!!!!!

وكلام من هنا ومن هناك إلا أن الرجل رأسه يابس...

وقلت ما لك إلا تفكها و تركب غيرها يوم ثاني ...

وتوني فكيت جزء بسيط من تظليله الراكب إلا ويجي الحبيب يعطيني المخالفة ويروح...

وفيه قصة أخرى لعمي مع مرور وبسبب تظليل,,,

عمي طبعا كبير والشيب واضح في وجهه.. و كان طالع مع عياله والمدام ,,,

ويوقفه بزر من بزارين المرور يقوله فك التظليله الحين .. وعمي يقوله معي أهلي .. والبزر يقول لأ فكها الحين...

اضطر عمي أنه يفتح الشباك وقال شف ,,,

طبعا أستحى الوسخ وقال آسف,,

وبعدها بأيام قالي عمي قصة ثانية ,,,

كان راجع من المطعم من طريق الملك عبدالله ويلحقه مرور من بعد المطعم إلى أن وصل لطريق التخصصي إمتداد الثمامة,,,

ويقول لعمي التظليله يا شيخ ...

وقال عمي ( إقلط معنا للعشا)

... وضحك الغبي الضابط وقال لا شكراً فيه العافية ...

وهذي حكايتنا مع المرور أنا وعمي بسبب التظليل وأرجو ألا أثقلت عليكم

عاشـ الزعيم ــق · #2 04/05/2009, 02:27 PM

يـآولد كل مآشفت ـآلمرور بـ آلمرآيآت ـآفتح ـآلدرريشه وفك نفسسكـ آمآ من ـآلتفتيشش حآول تخشش خدمه

وـآنتهينآ

القناص الهلالي تكفون · #3 04/05/2009, 02:34 PM

والله البزران واجد عندك ابزرهم حقين الحرس الوطني
شكـــــــــــــــــــــــــــــــــــــــــــراً

♥ N E V E S ♥ · #4 04/05/2009, 03:03 PM

انا عقدتي التظليل

استقعاد لابعد الحدود

وبنتعب واحنا نتكلم عنهم وعن نذالتهم...

لو ماظللنا كان احرقتنا الشمس ورحنا فيها..

خاصة اللي مراتبهم جلد

لكن ماقول الا الله يصبرنا عليهم وعلى نذالتهم..

عوآفي..

ل ي ل الزعيم · #5 05/05/2009, 03:08 PM

إقتباس

الرسالة الأصلية كتبت بواسطة عيون ياسـ20ــر


	انا عقدتي التظليل استقعاد لابعد الحدود وبنتعب واحنا نتكلم عنهم وعن نذالتهم... لو ماظللنا كان احرقتنا الشمس ورحنا فيها.. خاصة اللي مراتبهم جلد لكن ماقول الا الله يصبرنا عليهم وعلى نذالتهم.. عوآفي..

الله يعافيك

ونسأل الله أن يفكنا من استقعادهم,,,

خالـ الشوق ـد · #6 04/05/2009, 03:19 PM

انا عقدتي التظليل

استقعاد لابعد الحدود

وبنتعب واحنا نتكلم عنهم وعن نذالتهم...

لو ماظللنا كان احرقتنا الشمس ورحنا فيها..

خاصة اللي مراتبهم جلد

لكن ماقول الا الله يصبرنا عليهم وعلى نذالتهم..

عوآفي..

Robin Hood · #7 04/05/2009, 03:41 PM

هلا ووالله بليل الزعيم ,,

والله المرور واستقااااعدهم ما يحتاج تتكلم كل واحد منا له قصة وانوواع المرمطة ..

لكن بالنسبة للساااالفة حقت عمك ومعاه اهله ..

شف انا اتحدى وووواحد يجي يقول شاف مرور موقف واحد معاه اهله الا لشي كبير . غير كذا اسمحلي مايسووونها

ولد عمي عريف يقول والله مرة واحد جندي وقف شايب معاه اهله يبنقطة تفتيش شيوي الضابط ياخذ اوراق الشايب

من الجندي ويعطيها الشايب ويروح للجندي وقله انت ماتستحي ..

ولك تقديري يالييييل الزعيم

الضحى · #8 04/05/2009, 05:44 PM

إقتباس

الرسالة الأصلية كتبت بواسطة Robin Hood


	هلا ووالله بليل الزعيم ,, والله المرور واستقااااعدهم ما يحتاج تتكلم كل واحد منا له قصة وانوواع المرمطة .. لكن بالنسبة للساااالفة حقت عمك ومعاه اهله .. شف انا اتحدى وووواحد يجي يقول شاف مرور موقف واحد معاه اهله الا لشي كبير . غير كذا اسمحلي مايسووونها ولد عمي عريف يقول والله مرة واحد جندي وقف شايب معاه اهله يبنقطة تفتيش شيوي الضابط ياخذ اوراق الشايب من الجندي ويعطيها الشايب ويروح للجندي وقله انت ماتستحي .. ولك تقديري يالييييل الزعيم

بل يحصل منهم أكثر ...كنت ذاهبة موعد طبيب مع ولدي وكان طبعاً مظلل

الزجاج ونحن في طريق الملك فهد وزحام وهذا الجندي يتكلم بصوت مرتفع ويقول ياصاحب السيارة

ويسمي السيارة بطريقة (عرفت من أي جهة هو) ويقول أطلع للخدمة للخدمة أنا أصابني

خوف وكنت أنظر يمين وشمال ظننت يطارد أحد أو مشتبه ..وبعد قليل قال أبني :ترى يقصدنا ..

قلت خير أنا شكيت يكون السيارة فيها شيء ..وخرجنا للخدمة ووقفنا كل العالم تنظر لنا فتحت الزجاج قلت له:

الله يجزاك خير عندي موعد في العيادة لا يفوتنا .. طالع فيني وقال :شل شل التظليله ...

والله عصبت على الأسلوب وعلى متابعته لنا وإخراجه لنا من الطريق ووقفتنا ونزلت من السيارة غصب عن رغبتي

وقلت :أنا أعرف أن طريقتك مخالفة للنظام والمفروض تحرر مخالفة فقط وأرتكبت أخطاء كثيرة

وستندم عليها يوماً ما ...وقلت له :الله لا يوفقك ويوقعك في مشكلة ما تخرج منها...أنا أسفة هذا ما حصل

من كان عنده موعد مع طبيب أكيد يكون متوتر وغير الزحمة وغير أسلوب الهمج ...

وكتبت للجريدة عن هذا الموقف وكنت موجهة الخطاب لوزير الداخلية ...هذه النوعيات يجب تدريبها

اولاً على كل الأمور العملية والأخلاقية والذوقية ...ولكن ولدي رفض أن أرسل الخطاب ...

في كل دائرة فيه الذوق وفيه الغبي الذي لا يحسن التصرف ...

اللهم أحفظ الجميع من الهموم والغموم ومشاكل المرور ....

ل ي ل الزعيم · #9 04/05/2009, 06:24 PM

إقتباس

الرسالة الأصلية كتبت بواسطة Robin Hood


	هلا ووالله بليل الزعيم ,, والله المرور واستقااااعدهم ما يحتاج تتكلم كل واحد منا له قصة وانوواع المرمطة .. لكن بالنسبة للساااالفة حقت عمك ومعاه اهله .. شف انا اتحدى وووواحد يجي يقول شاف مرور موقف واحد معاه اهله الا لشي كبير . غير كذا اسمحلي مايسووونها ولد عمي عريف يقول والله مرة واحد جندي وقف شايب معاه اهله يبنقطة تفتيش شيوي الضابط ياخذ اوراق الشايب من الجندي ويعطيها الشايب ويروح للجندي وقله انت ماتستحي .. ولك تقديري يالييييل الزعيم

حياك الله يا روبن هوود ,,

الضابط اللي وقف عمي أولا ما رعى الشيب اللي على وجهه لذا هو ما يستحي على وجهه والمفروض من عمي في حالته تلك أنه يعلمه الأدب عشانه ضابط (بزر) وثانيا عشان ما يكرر فعله في شخص آخر مع أهله ,,

الأمر الثاني المرور معروفة حركاتهم عند غالبية الشعب إلا إذا كنت ضابط مرور

لذا بدلا من نقدنا المتكرر لهيئة الأمر بالمعروف والنهي عن المنكر بدون سبب وفي حالات نادرة وشاذة ,,علينا نحن كمواطنين و كجهات إعلامية نقد تصرفات ضباط المرور الخاطئة دائماً على المواطنين في ممارساتهم المزاجية في حقنا وفي أسلوب تعاملهم كذلك...

بو عهود · #10 04/05/2009, 04:53 PM

ايه

واذا اعطاك مخالفه غلط من الاساس

يجيك شايب بالمرور ما يعرف يكتب ولا يقراء

ويشوف تاريخ ملكيه السياره ويقول الاستماره منتهيه

طيب اكيد يا دلخ تاريخ الملكيه قديم

وتعابطه

ويصكك بمخالفتين ورا بعض مو حده

قلي وش تسوي ساعتها ؟؟؟؟

هلالـي موووت · #11 04/05/2009, 06:00 PM

للاسف اغلب حقين المرور جهلة وما يقدرون الظروف

لكن الشكوى لله

الزعيمه الهلاليـه · #12 05/05/2009, 04:44 PM

هههه الله يحفظ المرور ويقويهم ..

بلا تظليل بلاهم ..

@هلالـــ جهني ـــي@ · #13 06/05/2009, 10:54 AM

والله ان سيارتي كل الشبابيك تظليل كاتم .... ومخالفاتي متعدية الالفين ريال .. حج يا حاج

الشيخ عدنان · #14 06/05/2009, 11:00 AM

يارجال على بالهم جونا موسكو مو الرياض قسم لو الله ثم التظليله كان تلقى الواحد منا كنه افريقي من الشمس
لا ومع الزحمه خلاص الواحد يكره نفسه
ثم يجيك يقولك فك التظليله
الله يعين بس

ل ي ل الزعيم · #15 06/05/2009, 06:08 PM

إقتباس

الرسالة الأصلية كتبت بواسطة الشيخ عدنان


	يارجال على بالهم جونا موسكو مو الرياض قسم لو الله ثم التظليله كان تلقى الواحد منا كنه افريقي من الشمس لا ومع الزحمه خلاص الواحد يكره نفسه ثم يجيك يقولك فك التظليله الله يعين بس

أفريقي مرة وحدة

,,

ليه ما تقول يسيح ,,