السلام عليكم ورحمه الله وبركاته ....




عفوا لا يمكن الدخول الى الصفحه المطلوبه





تقوم على صلاه العصر وانت مترفز بعد ما تجي امك تطفي المكيف وتروح وتتهاوش مع البيت كله


ليش طفيتو المكيف وتروح لاخوك الصغير وتطقه لانه فتح باب غرفتك وانت نايم او قام يلعب بصوت عالي


ويجي ابوك يقولك وش ذا النوم انت ما تستحي على وجهك انت وانت وانت...... مع انها اجازه


وتقول خل نجرب ونقوم الصباح تقوم وتلقى ابوك متنرفز لو سلمت عليه خطر يهاوشك واذا ما سلمت

خطر يهاوشك تقعد تدور في البيت ما عندك شي وتسمتع الى برامج الصباح الي مدري وش تبي

و من الفضاوه تقلب على برامج طبخ وما تكمل الطبخه واذا فكرت تطلع زحمه دوامات وزحمه شاحنات


وفوق كل هذا شمسنا حاره وعد كم سياره واقفه في الطريق ....


يعني تقعد في بيتكم واخوياك كلم نايمين واذا جاء اخر الليل تدوخ تبي الفراش ولا تطلع لاي مكان


ويجي ابوك يقول لك ليش تقوم متاخر ؟؟




فواصل



تقرر تطلع مع اخوياك وتغير جو وقلنا نطلع لاستراحه ويطلع فلان وصديقه يدورون استراحه

الاستراحات كلها فل وبعد عناء طويل تلقى وحده بيبانها مخلوعه واذا جيبت تساجرها يقول لك ب 1000 ريال










تقرر تغير وتروح للنقاهه وتغير جو وتبتعد عن الزحمات وتبي تشوف النجوم وتهوجس بهدوء وتقرر تطلع للبر

واذا طلعت كل شي مشبك ولا المخيمات الي ماخذه الدنيا كلها واصوات الدبابات الي تدوخ والي يجيك

طائش يطعس وخطر انه يضيع مستقبلك وتكون تحت الكفر










شفها من بعيد بس

تقرر تروح تشتري ملابس او تغير جو وتبي تروح لمجمع تبي تشتري وتنقي على كيفك ويجيك

ويقول لك عوايل طيب ابي ووو ويقول لك عوايل وتروح للباب الثاني وتدور لك حرمه عجيز


تشكي لها حالك عشان ترحمك وتدخلك يمكن توافق ويمكن ما توافق ويمكن تزفك بعد


واذا وافقت بعد ربع ساعه يجيك السكيورتي ويقول لك وين العائله وبعد ب 5 دقايق وانت برى المجمع



فواصل





تقرر تطلع انت واخوياك" هاه يا شباب وين وين نروح "ما فيه مكان شغل السياره دام البنزين توه ما ارتفع سعره


ورخيص وابدا وادور في شوارع الرياض وزد الزحمه زحمه وانت تدور الي يسوق غلط والي مسرع والي قاطع اشاره


والي معرض سيارته ورغم كل ذا الجهاد وانت صامد فجاه تشوف نور احمر واصفر الا يقول لك وقف على جمب


ويوقفك وياخذ اثباتك ويسالك وين بيتكم وانت من ولده ووش عندك هنا ووو

ويلطعك نص ساعه وبالاخير يقول امش خلاص للاسف ما قدرنا نعطيك مخالفه .....











لم يبقى لنا مكان نذهب اليه الا مقاهي الشيشه فهي وفرت للشباب كثير ما يصبرهم


من التلفزيون والباقات المفتوحه من شبكه الاي ار تي وابوظبي الرياضه والشوتايم للافلام

وحتى البلاي ستيشن 3 والجمر للتدفئه وقت الشتاء وهناك ايضا مطاعم ذو جوده


ولكن تعاني طول الجلسه وانت تصارخ جمر جمر .....




فواصل ....


تريد الحل لعل الزواج هو الحل والتغير فتبدا المعاناه مهر 60 الف ذهب ب 40 الف شقه ب 35 الف

تاثيث شقه 15 الف قسط السياره ب 2500 ريال ومصاريف المنزل 3500


والراتب 7 الاف كم يقى منه .... وتبدا المعناه والتفكير في كيف التخلص من الاجار والبحث مسكن لتمتلكه


فكم سنه تحتاج لتمتلك منزلا..... لنفترض انك يبقى لديك كل شهر 10 الاف ريال في نهايه كل شهر

فيفي خلال سنه سيكون لديك 120 الف فتحاتج 10 سنوات لتسكن في دبلوكس صغير



تدرون انا ناصب خيمتي ناصبها












تشـــــــــــــــاو


سبحانك الله وبحمدك اشهد ان لا اله الا انت استغفرك واتوب اليك

آنصب يا نصـــآب



الله يعينكم

إقتباس الرسالة الأصلية كتبت بواسطة مثايل الروح آنصب يا نصـــآب الله يعينكم

نصاب كلمه مشتقه من نصب اي كاذب


ولا لا يا امشرفنا يا ابو مقبل شف شغلك


زي صوره خالد عزيز

آصلا رااح يحذف الموضوع لانه مكررر مرتين

إقتباس الرسالة الأصلية كتبت بواسطة رائدة الزعيم متعب عطني بندول عورني راسي فوق أن موضوعك قلق كاتبه مرتين بنادول الأعضاء على حسابك مثل ماقلت في ردي الأول كلنا نشتكي وما أحد عاجبه ولأن التذمر أصبح ديدن الشعوب والوتر اللي يعزفون عليه مالنا الا نرجع الزهره وأنتو ترجعون المريخ هاه يشبه لردي هناك والا غير أهم شي المضمون واحد أن هالسالفة فاكهة المجالس والكل يشتكي من الكل الله يرحم الحال بس بالحب والإشراق

الي اعرفه ان ضرس العقل يعورني الحين :S



واما عن الموضع فله حلول كثيره


منها السنما ومنها المكتبات ليش ما يكون في كل حي مكتبه كبيره

مثل ما هو متواجد في الخارج ليش ما تكون في نوادي في حاره

ليش ما يكون حدايق ليش المجمعات عوايل :S

إقتباس الرسالة الأصلية كتبت بواسطة نـــــــ15ــــــمر الي اعرفه ان ضرس العقل يعورني الحين :S واما عن الموضع فله حلول كثيره منها السنما ومنها المكتبات ليش ما يكون في كل حي مكتبه كبيره مثل ما هو متواجد في الخارج ليش ما تكون في نوادي في حاره ليش ما يكون حدايق ليش المجمعات عوايل :S

أضحك الله سنك مكتبه من صدقك والا تستهبل

أكيد تمزح في هالشأن الشائك أخوي

سينما حدايق سلكناها لكن مكتبه<<متأكد أنك سعودي

أيه صح ممكن تجد رواد للمكتبه فيما لو سمحوا بالإختلاط بدون عوائل

أما الحدائق موجوده تحولت حدائق الأحياء الى ممشى صغير وملعب كرة قدم ومسطح أخضر ومتاح للجميع

أنتو ضالميننا أوي ماعندكم الا بلدنا تنتقدونها <<قلبت عليك

بس ترى أنا صادقة وفيه هالشي في أغلب الأحياء لكن ما أحد يروح لها

أنا معك أن الشباب يدخلون المجمع واللي يزودها يطردونه يعني يصير فيه مراقبة بالكاميرات

الى أن يتعودون أهل الرياض على شوفة الحريم ويصيرون مجتمع متحظر

على طاري الحضارة ترى ماغلطت بالكلمة اللي فوق متحظر لأنها تنساق بنفس المعنى

المهم الحضارة في أنك تموت من الجوع بعد الساعة 12 كنت ولا زلت أنتقد هالقرار في مواضيعك

من باب أني أوهقك بها وأبلغ عليك وأجيب لك في أبو زعبل عيش وحلاوه

بالحب والإشراق

إقتباس الرسالة الأصلية كتبت بواسطة رائدة الزعيم أضحك الله سنك مكتبه من صدقك والا تستهبل أكيد تمزح في هالشأن الشائك أخوي سينما حدايق سلكناها لكن مكتبه<<متأكد أنك سعودي أيه صح ممكن تجد رواد للمكتبه فيما لو سمحوا بالإختلاط بدون عوائل أما الحدائق موجوده تحولت حدائق الأحياء الى ممشى صغير وملعب كرة قدم ومسطح أخضر ومتاح للجميع أنتو ضالميننا أوي ماعندكم الا بلدنا تنتقدونها <<قلبت عليك بس ترى أنا صادقة وفيه هالشي في أغلب الأحياء لكن ما أحد يروح لها أنا معك أن الشباب يدخلون المجمع واللي يزودها يطردونه يعني يصير فيه مراقبة بالكاميرات الى أن يتعودون أهل الرياض على شوفة الحريم ويصيرون مجتمع متحظر على طاري الحضارة ترى ماغلطت بالكلمة اللي فوق متحظر لأنها تنساق بنفس المعنى المهم الحضارة في أنك تموت من الجوع بعد الساعة 12 كنت ولا زلت أنتقد هالقرار في مواضيعك من باب أني أوهقك بها وأبلغ عليك وأجيب لك في أبو زعبل عيش وحلاوه بالحب والإشراق

عن ضرس عقل الا والله جاني ولا جتني فلو بعد



اما عن المكتبات اذا تراجد بالقرب وتوفرت فيها الجرايد وفيها قهوه راح تشوفين


الناس عليها على فكره اذا واحد مشى وشاف شي غريب من الفضاوه راح يدخل


ويمكن يمبهر ويعجبه الجو الفكره من القرار حق الساعه 12 ان الناس ينامون بدري بالغصب


تشــــــــــــاو

مالنا الا المقهي

تفاح بحريني وبلوت

جبـٌتهآ عـٌلى آلجـٌرٍح ,,


مـٌوٍدتيّ ,,

إقتباس الرسالة الأصلية كتبت بواسطة شبح الرياض مالنا الا المقهي تفاح بحريني وبلوت

تدري عاد دايما يا نكن 3 يا ندق الولد

بس خلن نشوف من بيرع معنا


جمر جمر


تشــــــــــــاو

إقتباس الرسالة الأصلية كتبت بواسطة نـــــــ15ــــــمر تدري عاد دايما يا نكن 3 يا ندق الولد بس خلن نشوف من بيرع معنا جمر جمر تشــــــــــــاو

ههههههههههههههههههههههههههههه

من جد جمر جمر

متعب باشا هووون؟

بابا تليفوون .. أولّو منّو هون
-------

باك
وولكم باك يا نمرنا الخامس عشر

مراحب بـ متعبني << الله يرحم مزنة يا متعبهم .. فاهمني؟
والله يامتعب انك صادق .. معاناتنا معاناة .. الله يرحم الحال بس ..!

إقتباس ولكن تعاني طول الجلسه وانت تصارخ جمر جمر .....

يا زين مقاهي السلي ما يمدي الرماد يكلّ شوي إلا وهم يتهاوشون من اللي بيجي يبدل لك الجمر
تفاحتين الفاخر وبس

متعب .. إذا نصبت خيمتك تكفى شف لي قطعة قمر أنصب خيمتي معك
أنا خلاص قدمت استقالتي وبأهاجر أول ما أخلص اجراءات اخلاء الطرف

إقتباس الرسالة الأصلية كتبت بواسطة الـمـشـاغـب متعب باشا هووون؟ بابا تليفوون .. أولّو منّو هون ------- باك وولكم باك يا نمرنا الخامس عشر مراحب بـ متعبني << الله يرحم مزنة يا متعبهم .. فاهمني؟ والله يامتعب انك صادق .. معاناتنا معاناة .. الله يرحم الحال بس ..! يا زين مقاهي السلي ما يمدي الرماد يكلّ شوي إلا وهم يتهاوشون من اللي بيجي يبدل لك الجمر تفاحتين الفاخر وبس متعب .. إذا نصبت خيمتك تكفى شف لي قطعة قمر أنصب خيمتي معك أنا خلاص قدمت استقالتي وبأهاجر أول ما أخلص اجراءات اخلاء الطرف

تدري عاد ذاق اليوم من الوسوسه اقول لخوي تخيل انك فوق القمر ومعك سناره وتصيد سمك


يجي خويي المحشش يقول يلعن ام الفله تصيد من اي بحر تبغا


بجيب لك وحده شماليه على البحر بس انت تدلل


وعلى طاري السلي الله يوفقك


تشـــــــــــاو

هلا متعب ،

إنصب ( الخيمة يامتعب ) إنصب !!
جمر .. جمر << ض1


موضوع واقعي إستمتعت بقراءته ،