ابنصب خيمتي على سطح القمر من بيجي معي - نادي الهلال السعودي - شبكة الزعيم

نـــــــ15ــــــمر · #1 29/04/2009, 05:37 AM

السلام عليكم ورحمه الله وبركاته ....

عفوا لا يمكن الدخول الى الصفحه المطلوبه

تقوم على صلاه العصر وانت مترفز بعد ما تجي امك تطفي المكيف وتروح وتتهاوش مع البيت كله

ليش طفيتو المكيف وتروح لاخوك الصغير وتطقه لانه فتح باب غرفتك وانت نايم او قام يلعب بصوت عالي

ويجي ابوك يقولك وش ذا النوم انت ما تستحي على وجهك انت وانت وانت...... مع انها اجازه

وتقول خل نجرب ونقوم الصباح تقوم وتلقى ابوك متنرفز لو سلمت عليه خطر يهاوشك واذا ما سلمت

خطر يهاوشك تقعد تدور في البيت ما عندك شي وتسمتع الى برامج الصباح الي مدري وش تبي

و من الفضاوه تقلب على برامج طبخ وما تكمل الطبخه واذا فكرت تطلع زحمه دوامات وزحمه شاحنات

وفوق كل هذا شمسنا حاره وعد كم سياره واقفه في الطريق ....

يعني تقعد في بيتكم واخوياك كلم نايمين واذا جاء اخر الليل تدوخ تبي الفراش ولا تطلع لاي مكان

ويجي ابوك يقول لك ليش تقوم متاخر ؟؟

فواصل

تقرر تطلع مع اخوياك وتغير جو وقلنا نطلع لاستراحه ويطلع فلان وصديقه يدورون استراحه

الاستراحات كلها فل وبعد عناء طويل تلقى وحده بيبانها مخلوعه واذا جيبت تساجرها يقول لك ب 1000 ريال

تقرر تغير وتروح للنقاهه وتغير جو وتبتعد عن الزحمات وتبي تشوف النجوم وتهوجس بهدوء وتقرر تطلع للبر

واذا طلعت كل شي مشبك ولا المخيمات الي ماخذه الدنيا كلها واصوات الدبابات الي تدوخ والي يجيك

طائش يطعس وخطر انه يضيع مستقبلك وتكون تحت الكفر

شفها من بعيد بس

تقرر تروح تشتري ملابس او تغير جو وتبي تروح لمجمع تبي تشتري وتنقي على كيفك ويجيك

ويقول لك عوايل طيب ابي ووو ويقول لك عوايل وتروح للباب الثاني وتدور لك حرمه عجيز

تشكي لها حالك عشان ترحمك وتدخلك يمكن توافق ويمكن ما توافق ويمكن تزفك بعد

واذا وافقت بعد ربع ساعه يجيك السكيورتي ويقول لك وين العائله وبعد ب 5 دقايق وانت برى المجمع

فواصل

تقرر تطلع انت واخوياك" هاه يا شباب وين وين نروح "ما فيه مكان شغل السياره دام البنزين توه ما ارتفع سعره

ورخيص وابدا وادور في شوارع الرياض وزد الزحمه زحمه وانت تدور الي يسوق غلط والي مسرع والي قاطع اشاره

والي معرض سيارته ورغم كل ذا الجهاد وانت صامد فجاه تشوف نور احمر واصفر الا يقول لك وقف على جمب

ويوقفك وياخذ اثباتك ويسالك وين بيتكم وانت من ولده ووش عندك هنا ووو

ويلطعك نص ساعه وبالاخير يقول امش خلاص للاسف ما قدرنا نعطيك مخالفه .....

لم يبقى لنا مكان نذهب اليه الا مقاهي الشيشه فهي وفرت للشباب كثير ما يصبرهم

من التلفزيون والباقات المفتوحه من شبكه الاي ار تي وابوظبي الرياضه والشوتايم للافلام

وحتى البلاي ستيشن 3 والجمر للتدفئه وقت الشتاء وهناك ايضا مطاعم ذو جوده

ولكن تعاني طول الجلسه وانت تصارخ جمر جمر .....

فواصل ....

تريد الحل لعل الزواج هو الحل والتغير فتبدا المعاناه مهر 60 الف ذهب ب 40 الف شقه ب 35 الف

تاثيث شقه 15 الف قسط السياره ب 2500 ريال ومصاريف المنزل 3500

والراتب 7 الاف كم يقى منه .... وتبدا المعناه والتفكير في كيف التخلص من الاجار والبحث مسكن لتمتلكه

فكم سنه تحتاج لتمتلك منزلا..... لنفترض انك يبقى لديك كل شهر 10 الاف ريال في نهايه كل شهر

فيفي خلال سنه سيكون لديك 120 الف فتحاتج 10 سنوات لتسكن في دبلوكس صغير

تدرون انا ناصب خيمتي ناصبها

تشـــــــــــــــاو

سبحانك الله وبحمدك اشهد ان لا اله الا انت استغفرك واتوب اليك

مثايل الروح · #2 29/04/2009, 05:40 AM

آنصب يا نصـــآب

الله يعينكم

نـــــــ15ــــــمر · #3 29/04/2009, 05:46 AM

إقتباس

الرسالة الأصلية كتبت بواسطة مثايل الروح


	آنصب يا نصـــآب الله يعينكم

نصاب كلمه مشتقه من نصب اي كاذب

ولا لا يا امشرفنا يا ابو مقبل شف شغلك

زي صوره خالد عزيز

مثايل الروح · #4 29/04/2009, 05:49 AM

آصلا رااح يحذف الموضوع لانه مكررر مرتين

عريب عبدالله · #5 29/04/2009, 05:58 AM

متعب عطني بندول

عورني راسي

فوق أن موضوعك قلق كاتبه مرتين

بنادول الأعضاء على حسابك

مثل ماقلت في ردي الأول

كلنا نشتكي وما أحد عاجبه

ولأن التذمر أصبح ديدن الشعوب والوتر اللي يعزفون عليه

مالنا الا نرجع الزهره وأنتو ترجعون المريخ

هاه يشبه لردي هناك والا غير

أهم شي المضمون واحد

أن هالسالفة فاكهة المجالس والكل يشتكي من الكل

الله يرحم الحال بس

بالحب والإشراق

شبح الرياض · #6 29/04/2009, 06:20 AM

مالنا الا المقهي

تفاح بحريني وبلوت

الـمـشـاغـب · #7 29/04/2009, 06:36 AM

متعب باشا هووون؟

بابا تليفوون .. أولّو منّو هون

-------

باك

وولكم باك يا نمرنا الخامس عشر

مراحب بـ متعبني

<< الله يرحم مزنة يا متعبهم .. فاهمني؟

والله يامتعب انك صادق .. معاناتنا معاناة .. الله يرحم الحال بس ..!

إقتباس


	ولكن تعاني طول الجلسه وانت تصارخ جمر جمر .....

يا زين مقاهي السلي

ما يمدي الرماد يكلّ شوي إلا وهم يتهاوشون من اللي بيجي يبدل لك الجمر

تفاحتين الفاخر وبس

متعب .. إذا نصبت خيمتك تكفى شف لي قطعة قمر أنصب خيمتي معك

أنا خلاص قدمت استقالتي وبأهاجر أول ما أخلص اجراءات اخلاء الطرف

الهاديو · #8 29/04/2009, 06:58 AM

هلا متعب ،

إنصب ( الخيمة يامتعب ) إنصب !!
جمر .. جمر << ض1

موضوع واقعي إستمتعت بقراءته ،

ذآيب · #9 29/04/2009, 07:12 AM

جبـٌتهآ عـٌلى آلجـٌرٍح ,,

مـٌوٍدتيّ ,,

sowaid · #10 29/04/2009, 07:24 AM

آآآآآآه بس
جبتها ع الجرح فعللللللا

حتى ظلالي هلالي · #11 29/04/2009, 07:57 AM

متعب

انت بتروح للقمر ولا معكـ اكل

صح

والانسان مايعيش من غير اكل

صح

واذا صار فيهـ نقص بالاكل تجوع

صح

واذا جعت تموت

صح

واذا مت الله يرحم موتى المسلمين

بعدين اهل القمر لازم يعزون احد

صح

ونرجع للاكل الحين

لازم يبي لكـ طبخ .. وانت تبي كبسهـ

صح

لذالكـ انا بجي معكـ عشان اطبخ

صح

<< عز الله احترق القمر بكبرهـ مو بس المطبخ

<< ودكـ تضفين وجهكـ

صح

بلكن لي باكـ

وبلكن لا

على حسب المزاج

نـــــــ15ــــــمر · #12 29/04/2009, 08:16 AM

إقتباس

الرسالة الأصلية كتبت بواسطة رائدة الزعيم


	متعب عطني بندول عورني راسي فوق أن موضوعك قلق كاتبه مرتين بنادول الأعضاء على حسابك مثل ماقلت في ردي الأول كلنا نشتكي وما أحد عاجبه ولأن التذمر أصبح ديدن الشعوب والوتر اللي يعزفون عليه مالنا الا نرجع الزهره وأنتو ترجعون المريخ هاه يشبه لردي هناك والا غير أهم شي المضمون واحد أن هالسالفة فاكهة المجالس والكل يشتكي من الكل الله يرحم الحال بس بالحب والإشراق

الي اعرفه ان ضرس العقل يعورني الحين :S

واما عن الموضع فله حلول كثيره

منها السنما ومنها المكتبات ليش ما يكون في كل حي مكتبه كبيره

مثل ما هو متواجد في الخارج ليش ما تكون في نوادي في حاره

ليش ما يكون حدايق ليش المجمعات عوايل :S

عاشق المو10هوب · #13 29/04/2009, 08:52 AM

انا والله دايخ من النوم وللإسف جالس فوق الساعتين مالقيت احد الكل ناااااايم علشان كذا قررت اجي معك في خيمتك على القمر واذا خلصت من نصبك للخيمة دق علي الله لا يهينك