♪░ لقطـــات من .. حـفـل الزفــاف ░♪♫ - نادي الهلال السعودي - شبكة الزعيم

عقد الياسمين · #31 04/05/2009, 01:07 AM

هلا وغلا فيكم من جديد ..

بس أحب أقول شغلة قبل لا ابدأ بالردود , أنا ما رح أعلق على نقطة دخول الأطفال للإحتفال مرة ثانية .. لأني علقت عليها بالموضوع اصلاً وعلقت عليها مرة أخرى بالردود السابقة

ويمكن يمكن ما أعلق على سالفة المصاريف والفلوس الكثير

لأني مثل ما لاحظت .. الناس أنقسموا الى نصفين , اللي يؤيد و"بشدة" دخول البزران

واللي يرفض و"بعنف " دخولهم

ونفس الشيء مع سالفة مصاريف وتكاليف الإحتفال ..

* *

المشرف المتألق الكلاسيكي

إقتباس


	اتفق معك اختي بما ذكرتي , رغم ان لي اكثر من 15 سنه لم ارى قاعة نساء

الله الله خمممس طعشر سنة

يعني كم عمرك اللحين

<< هذا المهم بالموضوع

يالله عقبال ما تدخل القاعة بعرسك إن شاءالله ..

إقتباس


	انا لست ضد ان نتكلف ولكن بشي معقول , هي ليله بالعمر يجب ان نتعب من اجلها ولكن يجب ان تكون بحدود العقل والمنطق , اما ان نقوم بتوريد مياه او حلويات من خارج المملكه فهذا الامر مرفوض تماماً .. ولن اجد احلى من شكلاتة باتشي ..

وهذا هو الصح ..

أخوي الكلاسيكي سُعدت بتواجدك المميز كالعادة ,

* *

الأخ الكريم السمسار الهلالي ,

إقتباس


	جتنا بطاقة لحظور زواج فالرياض ومكتوب فيها , نوماً هنيئاً لأطفالكم والله حرام عليهم ليش كذا , يعني الاطفال فالبيت وصدورهم ضايقه ولاعندهم الا الخدامة

حلووووة صدورهم ضايقة !! خلهم ينخمدون وينامون أحسن

الظاهر بالمستقبل رح يصيرون شهود على الزواج

إقتباس


	سالفة فلوس كثير أنا أشوف انها عادي الواحد مرة وحدة بيعرس < ويمكن مرتين ! يعني لازم يستانس فيها , الفلوس للصرف مهب للجمع

طيب واذا بيعرس اربع مرات

إقتباس


	عقد الياسميييييييين موضوع مميز كـ طول القيصر رهيب

كنت أقول .. ياربي هذا أسلوبه يشبه أحد هنا

يوم شفت اسم القيصر رهيب قلت بس هذا اهو

لا والمشكلة نفس رأي القيصر .. يا سبحان الله

يخلق من الشبه أربعين

شكراً لك أخوي السمسار ,

* *

الأخ القدير فهد .. على قولتهم اففف

إقتباس


	موضوعك جاي نهاية موسم الزواج ..

حرام عليك وين نهاية الموسم

الا ببدايته .. وين عايش انت

إقتباس


	قلت احسن خل الحريم يحسون بالمعاناة اللي يعانونها الاطفال ..

لا تكفى ارحمني من المعاناة .. بتقطعننني

معليش يعني في فرق بين النساء وبين الأطفال ..

إقتباس


	المشكلة مافي اغراء ولا شئ يجذب حتى تكشفه .. لكن الدعوة كلها اننا ماشين عـ الموضة ..

مين قال مافي اغراء !! شف مو كلهم اشكالهم تبط الكبد

بس يعني في بعض البنات الله يهديهم بس يكشفون مفاتن جسمهم بشكل فضيع !! طيب اوكي عرفنا ان عندك هالجسم الفاتن وبعدين

بس اغلبها حركات عشان تتزوج

لكن مدري مين اللي بيرضى يأخذ وحدة تكشف لخلق الله جسمها !!

إقتباس


	يمكن يشوف وحده احلى من زوجته ويلعن اليوم اللي خطبها فيه ..

خخخخخخخخ
اصلاً ما ظنتي أنه بينتبه لأحد .. بيكون متوتر على ما أظن !

ما قصرت اخوي فهد ع المداخلة الممتعة ,

* *

الأخت الحبيبة ماهينور

يا مية أهلا وسهلا

إقتباس


	لأن بالأصل الرقص للأطفال مو للكبار ,, ماحب الرقص استعرااض وقلة حياء من بعض البنات إذا فكرت فيه أحسها حركات مالها داعي لكن مانستغني عنه ~> عن مشاهدته أقصد الزواج بدون رقص كأنه عزا

يؤ يؤ يؤ .. أووول مرة بالحياة أشوف بنت ما تحب الرقص

لا من جد ماني مصدقة .. عاد الرقص هو ملح السهرة

تصدقين أنا وبعض البنات نتدرب على الرقص قبل الحفل بكم يوم

إقتباس


	لكن ولو يازين الستر مدري وش يحسن فيه المتعريات إذا ماخافت ربها ماتخاف من العين

معك حق ..

إقتباس


	~> ماصار هالموقف ذاك اليوم يوم دخلت أسلّم وناظرت رجليني وألقى شرّابي علي ناسية أنزله

إقتباس


	فلووس كثير وما يحصل العريس والعروس ولا كاس عصير كل شي على ظهر هالمسكين إذا ربي منعم عليه برااحته يدفع اللي هو يبي

صح من جد .. بس شوفي , عندك حنا في عائلتنا حفلة العروس عليها هي وأهلها يعني الرجال ما يدفع من جيبه ريال

فـ عشان كذا يرتاحون الشباب لا تزوجوا مننا

لا وفوق هذا .. بابا يوم زوج خواتي الثنتين عيّا يأخذ مهر

دايم اسأله وش الحكمة بس ما القى جواب مُقنع

إقتباس


	حتى الطقاقات صارن يدخلن أنوااع المعازف المحرمة بطقّهنْ

اي والله .. المشكلة تتفاجئين بهالشيء بنفس الليلة ! ولا يمديك تسوين شيء

نور الشمس

عفواً اقصد "ماهينور"

نورتِ صفحتي بإطلالتك البهية .. عسانا ما ننحرم يا الغالية