هلا والله بالياسمينة اليوم هذا ما أدري وش فيني كل ما قريت موضوع ألقاهـ يخالف وجهة نظري أولا الاطفال ما أدري ليه الناس يكتبون ممنوع اصطحاب الاطفال مع إن الواحد إذا شاف طفل فرحان ينشرح صدره و أنت تجي تسوي حفله بدون أطفال ليه ؟ أبغى أعرف بس وش الحكمه أيضا الأطفال يضيفون جو من المرح في الحفله لا قام طفل ولا طفله صغيرهـ دبدوبه يرقصون لو بحلف إن كل الحضور بيطالعون فيهم وينبسطون ليه نحبس الطفل بالبيت يضيق صدره و حنا نستانس عن نفسي زواجي بخليه للأطفال فقط و ممنوع دخول + 13 هذا كله كوم و الكوم الثاني الاطفال الحاضرين أطفال مين .. ؟ أهل العرس بس يعني وش هذي الانانية .. ؟ نجيب أطفالنا ونقول لأطفال الناس لا تجون ..؟ مو منطق هالكلام ثانيا مصاريف العرس طيب أنتم يا المعازيم وش عليكم .. ؟ دافعين شي من جيوبكم ..؟ الرجال ربي منعم عليه و معطيه خير و هي يمكن تكون ليلة وحده بالعمر ليش ما يستانس بفلوسه .. ؟ الفلوس إذا ما استانست فيها وش هو له أجمعها ؟ تقولون لو متبرع فيها أحسن له بقولكم ما تدرون عن الشخص يمكن ربي ما انعم عليه إلا لأنه إنسان معطاء و كثير التصدق و مو مقصر ليه تحسدونه على إنه سوا له حفله حلوهـ تقولون فائض الطعام يمكن الرجال متفق مع أحد الجمعيات إنهم يجون بعد العشاء ويأخذون الأكل و يوزعونه و أرى إن الكثير من الناس يفعلون هذا الفعل اضيفي إلى ذلك إن العروس هي اللي تبي هالشيء يكون أكثر من الرجل خلصنا من نقاط المعارضة نجي نوقاط الموافقة ثالثا تعري النسوة والعياذ بالله تجي وحدهـ شكل فهد الحيان بس على نسائي ولابسه لبس مشخلع ارحمييييني يا باريس هيلتون <~~ للعلم فقط تراي ما أواطن هالمخلوقه أحب بريتني بس لا وإذا أحد كلمها ولا قال لها شي تقول عادي وين المشكلة حريم مثلي استغفر الله العلي العظيم بس رابعا دخول الزواج عالنسوان أثر عايلتنا طلعوا مطاوعه ما عندنا هالحركات و تدخل تكحل ومدري شلون عندنا طال عمرك تجي تدخل الغرفه الداخلية عند حرمتك وإن كان نشبو لك أخوان العروسة يدخلون معك و يصورون مع أختهم و معك همن تكرشهم وتسلم على أمك و أخواتك و أهلك همن تأخذ حرمتك باللكزس اللي مستأجرها ولا متسلفها من خويك يوديك أخوها للفندق وخلاص لكن بعرسي دام الدعوه كذا شكلي أبدرعم على وجهي كم مره في الحياه يحس الواحد إنه نجم السهرة وخاطف أنظار الملايين ؟ عقد الياسمين موضوعكـ مره زين مره جيد فانتاستك
اخر تعديل كان بواسطة » القيصر رهيب في يوم » 03/05/2009 عند الساعة » 02:54 AM |