السلامو عليكو طب اس السلامو عليكو ..
موضوعك طويل <---- ما ودي احد يقولها تكفون
افصلو الاتصال و تمتعتو بقراء جيٌده <---- انطم يا شيخ
كنت جالس في ذيك الليله مع خويي اللي اسمه " وافي " <---- تتوقعون انه اسم على مسمى ؟
و كنا جالسين كل واحد قدام الثاني تقول كن واحد يبي يقول هموم الثاني طبعاً ما استغرب هالشي دام الاسلحه البريطانيه موجوده <--- فلسفه ليست جيده
قال وافي : ليه الدنيا تدور فينا كذا ؟ .. قلت : والله الدنيا دواره لو تدور فيها بتدور فيك ..
قال : طيب الدنيا اصلاً هي ما تدور ليه عندها كفرات ؟ .. قلت : ايه يمكن حطو لها كفرات
قال : ايه والله هالامريكان ما خلو شي الله يلعنهم ( ياليت يجينا هاللي مخترع الجوال و يحطنا على الصامت ) .. قلت : الله يلعنهم من جد .. قال : يا رجال الحين عطله صيفيه والا لا ؟
.. قلت : ايه .. قال : اجل ليه ما نسافر .. قلت : وين طيب ؟ .. قال : نسافر اي مكان خلنا نرتب شناطنا الحين و عقبها نفكر ..
و رحت عند ثيابي و رتبتهم و حطيتهم بخيشه و راح خويي وافي و رتب اغراضه و حطهم بكرتون ( يقال له متطور ) ..
رحنا عند مكتب الحجز و دخلنا عليه و قلت : يالطيب نبي نسافر .. رد الهندي : اس كلام انتا اس فيه ؟ ..
قال وافي : نبي نسافر أي مكان نبي نطلع نبي نتمشى .. قال : هازا بوفيه يا مجنون مافي مكتب سفريات ..
طلعت انا و وافي من البوفيه بعد ماشرينا خبزة جبن و دخلنا على مكتب السفريات .. و قلنا له : نبي نحجز تذكره لأمريكا و تحديداً لندن ..
قال الموظف : ييا شباب اش بكم كدا لندن هذي ديره و امريكا ديره تانيه
.. قلت : طيب الزبده حنا نبي نسافر .. قال الموظف : اش بكم جايين تحجزو انتو والا تلعبو .. قال وافي : طيب نبي نروح اوروبا
.. قال الموظف : طيب وين تبغو في اوروبا ؟ .. قلت : البرازيل ياخي ودي اصور مع ريفالدو .. قال وافي : ايه ايه نبي نروح البرازيل ..
قال الموظف : طيب انت قلت نبي اوروبا و بعدين تقولو نبي البرازيل ايش الكلام هادا ؟ .. قلت : طيب ياخي نبي نروح جزر الواق واق
.. قال وافي : وعععععع ما لقيت الا ذي خلنا نروح كندا .. قلت : طيب يالغالي نبي نروح سويسرا ..
قال الموظف : بسراحه انتو دوختوني معاكم .. قمنا نضحك بوجهه و سحبت وافي من خشته اللي تحجب رادار السرعه من كبرها <---- شف من يتكلم
و قلت له بشويش : خلنا نروح باريس و انتهت السالفه .. قال : تم ..
قلت للموظف : خلاص نبي نروح باريس .. قال الموظف : آخر كلام ؟ .. قلت : ايوه اش بك يا واد آخر كلام ( قلبت جداوي عشان ابين له اني من جماعته عشان يخفض لي سعر التذكره ) <---- الاخ بسوق الحريم ؟ ..
جلسنا انا و وافي نناظر بعض و نتبسم و قال الموظف : ايش اساميكم ؟ .. قلت : انا الفارس الذهبي و خويي اسمه وافي و ندلعه مفتاح .. قال الموظف : ههههه ايش هادا مفتاح ما ينفع نسوي له نسخه و نحطوه عندنا على باب بيتنا ؟ .. جلس وافي يبتسم و الا هو وده يمسك الموظف من شنبه و ينتفه و يحطه عش عصافير
خلصنا من الاجراءات حقت السفره من تذاكر و جوازات و بربسه حتى انهم قالو لي انت راسك غواصه تابعه لعصابة المافيا
ركبنا الطياره انا و وافي و جلسنا جنب بعض
و خلينا المضيفه تحط ورقه باصابعها و اللي يختار الصبع اللي فيه الورقه يجلس جنب الدريشه ( الله يصبر هالمضيفه ) ..
و ابشركم فزت انا بالقرعه و قمت ارفع كاس بالطياره و الناس متحمسين معي و حتى كابتن الطياره جانا يرقص <----- قلبناها سامري حتى واحد من الخوال قام يستنزل بالطياره و بغى ياكل خشمه يحسبه جمر
جلسنا على الكراسي و وحنا ماغير الا نسعبل لأننا لم نرى خير في حياتنا المليئه بالمصاعب ..
و جات المضيفه و معها الجرايد و على طول خذت الجريده اللي تحت ( عشان اقرص سيقانها ) .. و هي قامت تناظرني نظرات حقد لا منطقي <-------- وش ذي ؟ ..
قلت لوافي : وش رايك بالمضيفه ؟ .. قال : كل وحده تطق اصبع للثانيه <---- سربوت للأبد
.. قلت : اسمع تراني بناديك باسمع الدلع اللي هو مفتاح و على فكره انا حاط عيني على ذيك اللي جابت الجرايد شكلي بشبٌك معها خصوصاً إني شاب وسيم و خلوق
.. قال : يا رجال خل عنك تراك حلووووو و تراني خاق عليك <-------- كب العشا ..
جات المضيفه نفسها اللي كنت خاق معها حقت الجرايد و كانت هالمره جايبه معها أكل
.. قامت تناظرني و تقول و هي مبتسمه : وش تبي جبن والا دجاج ؟
.. انا بحكم إني شاب سعودي حسبت انها تبتسم اعجاباً بي ( الله من الشفاحه ) ..
و قمت قلت لها : اللي يعجبس يا قمر .. قامت تناظرني نظرات يكاد يخرج منها الشرر و النار ( بس لو يعبونها بنزين شوي ) <----- لا والله خفيف دم ..
قلت لها بصوت خفيف : ان ما واعدتيني لا وصلنا والله لا اخطف الطياره ..
قامت المضيفه و خذت قوطي الببسي و هو مليان و فلقته بجبهتي
و لفيت راسي على مفتاح و قلت : شف وشلون قوة الحب بيني و بينها <----- تصريفه ليست كويسه
رقدت انا و مفتاح و شغلنا الموسيقى التي تخرج من حلوقنا اثناء النوم و كانت هذه الموسيقى مصدر إعجاب لشكسبير
و حتى اني و انا راقد جلست احلم ان ابو الهول ماخذ هالموسيقى و جالس يسمعها .. و قام ابو الهول من مكانه و قام يوزعها على الناس و يقول : اسمعو الفن الاصيل .. و قام سلمها لفريد الاطرش و شكسبير عشان يسوونها فرقه موسيقيه ( احلام زيدي محشش ) ..
قمت من النوم بعد ما قومت مفتاح معي ( نذاله بس ) .. قلت لمفتاح : شف اللي قدامنا وش حاط تحت الكرسي
قال : يؤ يؤ حاط مسدس شكله يبي يخطف الطياره .. قلت : وش رايك نسبقه و ناخذ المسدس و نخطف الطياره .. قال : بس لا تلومني لا جحدتك ( عطاك اياها صريحه )
.. قلت : لا يالثور نكون انا وياك خاطفين و نطالب باشياء خطيره مثل واطي تونه و كتشب .. قال : يلا قدام
.. و خذ مفتاح المسدس و عطاني اياه ( الملعون يبيني انتكب ) .. قمت انا و مفتاح و رفعت المسدس و قلت لكل الركاب : هذه الطائره مختطفه و يحق لكل شخص السكوت و كل كلمه سوف تؤخذ عليه بالمحكمه و يحق لكل شخص أخذ محامي ( يا زيني منطم )
.. و شوي الا الناس كلهم جالسين يضحكون و قام مفتاح يصرخ عليهم و يقول : هيه انتم ترانا خاطفين صدقيين ..
و شوي الا قام ذاك الخال العيييييير من مكانه و جلس يناظرنا .. و قلت له : ان كان فيك خير اصبر شوي بس ..
و رحت انا و مفتاح عند مكان الكابتن و قلت لمفتاح : لا يكون انت قامط من ذا الخال ؟ .. قال مفتاح : لالا يخسي انا اقوى منه خخخخخ ..
<--------- يحلفون انه سواها بصرواله يوم شاف الخال
دخلنا على الكابتن و قلت له : ان ما نفذتو مطالبنا ترى بنطشٌر مخكم .. لف الكابتن راسه على مساعده و قال : هههههه شف ذا يبي يخطف الطياره .. قال المساعد : ههههههههه و المشكله ماسك مسدس لعبه و خويه ماسك سكين بلاستك
.. قلت له : شف يالكابتن تراني منيب فاضي ( ترفق يا البعنص مان ) .. قال الكابتن : طيب وش مطالبك خلصنا
.. قلت : نبيكم تفتحون فرع لباريس بالشرقيه و نبيكم تسوون فندق كبير وسط البحر و يوردون لبيتنا كتشب و قواطي تونه
.. قال مفتاح : ايه و نبي بعد يحطون لنا الببسي مثلج و يسوون بحيره بالرياض ..
قال الكابتن : كخخخخخخخخخخخخخخخخخ ابوك يالمطالب الحين حسبناكم بتقولون لنا ودنا عند قاعدة بن لادن و بالنهايه تبون ببسي مثلج بالله انتم جايين تخطفون طياره والا جايين تسولفون مع عفريت شبيك لبيك ..
قام مفتاح و قال : لا جايين نكلم الكابتن و ان ما نفذت مطالبنا بنسويك مندي انت و المساعد حقك .. قال المساعد : انا وش دخلني ..
قلت : انطم انت و ذا الشنبات هاللي كنه عقرب الساعه لا صارت الساعه ست و ربع ..
قام الكابتن و المساعد حقه و افتحو دولاب كله اسلحه خطيره و قالو : ان ما سكتو بنفجركم .. وشوي الا حنا طابين عليهم و قمنا نضغط بازرار الطياره .. والا الطياره هبطت و صقعت بالارض !!
رفعت راسي والا القى نفسي بجزيره و الطياره جنبي و متكسره
و ادوٌر على خويي مفتاح و لا لقيته من بين هاللي طايحين .. و رحت ادور بين هاللي طايحين عساني القى واحد حي و لكنني لم القى أي احد حي ..
جلست بالجزيره ادور مخرج أو أي شيء آخر لكنني لم القى أي شيء يدلني على شيء من أي شيء ( الله يخلف على اللغه التي رايحتن فيها من جد ) ..
و جلست اصيح و اصقع راسي بالجدران ( وش جدرانه انا الثاني ) ..
جلست على هالحال ثلاث ايام متواصله ماغير الا اصيح و ارقد و اشرب من ماي البير اللي بالجزيره ..
رحت للطياره و دخلتها و لقيت خيمه كان جايبها خويي مفتاح .. على طاري مفتاح هو وينه الحين ؟ تتوقعونه حي والا ميت ؟
.. المهم اني خذت الخيمه و نصبتها في الجزيره و خذت تلفزيون الطياره و ركبته و لا امداني اخلص من شغلي ذا الا و الشمس غربت
و رقدت
و في اليوم الثاني صلختني الشمس و قمت ( يا حليلها هالشمس كنها ساعه خراشه ) ..
رحت عند الجثث و خذت اللي بجيوبهم و يوم وصلت للمضيفه اللي كنت حاط عيني عليها دخلت يدي بجيبها الا مسكت يدي و قالت : انا حيه الى الحين
.. قلت لها : اما عاد حيه حسبتس عقرب ..
قالت : وين خويك مفتاح عنك ؟ .. قلت : والله مدري ضاع .. قالت : والله شكله مفتاح صدقي كل شوي يضيع .
. كملت تشليح كل ما في الجثث و فصخت كل الجثث من ملابسهم و خليتهم مفصخين و قطيتهم بالبحر الا جثة ذاك الخال اللي روعني بالطياره ما قطيتها بالبحر الا عقب ما نتفته تنتيف ( حطيت حرتي فيه و هو ميت ) ..
و كتبت ورقه مكتوب فيها " مع تحيات الفارس الذهبي" و حطيتها بكرشة واحد من هالجثث و ملابس الجثث جمعتها بمكان يمكن اني احتاجها في يوم من الايام ..
في اليوم الثاني قمت من النوم بعد ما كنت نايم ( ذكي 100% خالي من الدلاخه ) ..
و يوم قمت لقيت المضيفه نايمه بعيد عني و رحت قومتها من النوم و قامت من النوم مرتاعه و هي تقول : تبي خبز جبن والا دجاج ؟ ( شكلها حلمانه انها مضيفه ) ..
رحت عند البحر و صدت لي سمك هامور و صافي و كنعد ( الله يخلي سوق سيهات خخخخخ ) ..
و شويته و حطيته لها و قمنا ناكل من النعمه الين ما شبعنا .. قالت المضيفه : وانت تدور في الجثث ما لقيت خويتي ؟ .. قلت : لا والله لا خويتس و لا خويي تهي تهي تهي ..
و مر اسبوع و حنا على هالحاله و كأن هالحاله جازت لنا انا و المضيفه " سحر " ..
رحت عند الطياره و جمعت كل الاخشاب اللي فيها و بنيت كوخ كنه كوخ " هاك " خوي " توم سوير " ( منيب شايب )
.. بس الكوخ اللي بنيته كان دور واحد ولاهوب فوق شجره و فيه ثلاث حمامات واحد لي و واحد لسحر و واحد مشترك ..
( منيب عاقل صرت مهندس )
و صارت سحر تنام معي بنفس الغرفه بس هي على سرير و انا على سرير و كانت أمنيتي الوحيده انني الصق سريري مع سريرها .. ( الله من السربته التي تمشي في عروقي ) ..
بعد مرور شهر أجبرتني الظروف على الزواج من سحر رغم انني لا اريد ( ايه هين )
و كان الزواج و صكه عند محل " انتبه من التماسيح " و اللي حضر الزواج انا و سحر بس و شوية ظواطير في قاعة " يا ويلك لو تأخرت " للزواجات الكبرى ..
سكنت انا و سحر في كوخ دورين عقب ما هدمت الكوخ القديم
و سويت كوخ دورين و صار فيه خمس حمامات على اعتبار اني بجيب ثلاث اولاد توم على طول ..
<-------- صار فحل يشار اليه بالبنان
تذكرت في احد الايام اني حاط الملابس حقت الجثث عند الشاطيء فرحت عندهم و جمعتهم و رتبتهم و فتحت محل " ايس فيه " للملابس
و خذت اقلام الجثث و اوراقهم و فتحت مكتبة " خروفي خروفي " للأدوات المدرسيه ..
قمنا انا و سحر و رحنا عند مطعم " يا زين الاكل " ..
و كنت انا اروح عند مكان المحاسبه و ادفع الفلوس و بعدين الف لفه و ادخل داخل و اقابل زوجتي و اقول لها : وش تبين ؟ .. و تطلب الطلب و بعدين ارجع لها و نجلس ناكل و عقبها آخذ الفلوس اللي دفعتها ..
و ذهبنا و رقدنا و لكنني في وسط النومه سمعت صرخه من زوجتي و هي تقول : ودني للمشتفى احس اني بولد .. قلت لها : يوووه بلا تنكيت خلي الواحد يرقد زين
.. قالت : هيه يالدلخ ما امزح معك .. و قمت و خذتها و وديتها لمستشفى " نزل المكيف " للحالات الخطره
و دخلتها غرفة الولاده و لا دخلت معها لأن مكتوب على الباب " ممنوع دخول غير الدكاتره "
.. قمت و لبست لبس الدكتور و لعبت على عمري و قمت ولدت زوجتي بعاتبر اني دختور و ابشركم جبت ولدين توم .. و سميت الاول " ملعقه " و الثاني " شوكه "
بعد مرور سنه من ولادة الولدين علمتهم وشلون يمرعشون الدجاجه
و بعد مرور سنتين علمتهم وشلون يمسكون المسدس
و بعد مرور ثلاث سنين علمتهم وشلون يطلقون المسدس و يحطون الرصاص داخله
و بعد مرور اربع سنين علمتهم يمسكون و يستعملون البازوكا
و بعد مرور خمس سنين علمتهم اصول الحرب
و بعد مرور ست سنين صار كل واحد ارهابي صدقي ملعون والدين ..
و بعد مرور سبع سنين ما لقيت الا كل واحد ذابح الثاني بعد ما صارت حرب بينهم سميتها حرب " يا ذابح يا مذبوح "
مرت السنين و تقريباً كانت سنه و نص وشهر وربع ودق ادي دق ادي
( كنتم مع سطر مصاله )
بينما و انا راقد مع زوجتي سحر سمعت صوت خرفشه ذكرتني بخويي مفتاح .. طلعت من القصر ( على الطاري تراني هدمت الكوخ و بنيت قصر )
.. قمت اتفحٌص المكان و لا لقيت احد و لكنني شفت شي يولع و يطفي و من هنا تأكدت ان هذي حركة خويي مفتاح و رحت اركض له و ضميته وسط تصفيق من الظوطير و القرود
و لقيته مع المضيفه الثانيه اللي كانت معنا بالطياره و دخلتهم معنا بالقصر و قمنا نسولف و استغرب مفتاح من نظافة مدينتي
قلت لمفتاح : وين رحت و وين جيت ؟ .. قال : والله اني كنت ساكن مع القرود الكبار تقول كني طرزان و تزوجت هالمضيفه مثلك و كانت حياتي تعيسه و كل شوي اروح عند ذاك الجبل اللي اسمه " والله لا ادوس ببطنك " و احاول اجيب من فوقه طماط من الشجره بس ما اقدر و عقبها اروح اوصي احد القرود و يروح يجيب لي الطماطه لكنه ما يعطيني اياها .. قلت : اجل وش يسوي فيها ؟ .. قال : يقبعها بوجهي .. !!
قمت و سكنت مفتاح معي بالقصر و حطيته بغرفه فخمه هو و زوجته و كانت موفره لهم اهم مكونات الحياه و مقاديرها ( صارت طبخه )
.. يعني كان عندهم كل ما تفكرون فيه من الاشياء التي ترفه الانسان و تجعله سعيد مبارك خليفه ( حسبي الله عليك يا المتلحوس كانك عاديتني بمصالتك )
.. كان عندهم قواطي تونه و كتشب و مايونيز و عجرى و مسدسات و كل ما بغو ياكلون راحو لأحد المطاعم اللي بالجزيره مثل مطعم " سماعة تلفون " للأكلات السريعه
.. والا ان كانهم يبون اكل دسم على طول يروحون لمطعم " قصر على المسجل " للأكلات الدسمه
.. والا لا بغو عصيرات و اشياء بارده راحو لمطعم " الله لا يهينك "
.. و لا بغو كابتشينو والا طقته راحو لمحل " عز الله مقامك " للمشروبات الحاره ..
و لا بغو بقاله راحو لبقالة " الدلاخه كنز لا يفنى " ..
و لا بغو مقهى انترنت راحو لمقهى " اذلف انت وياه "
.. يعني موفر لهم كل شي و جاهم كل شي بدون تعب والا انا تعبت الين ما قلت آمين ..
عشنا بهالجزيره آمنين مافيه احد غيرنا
و كنت انا و زوجتي الملوك و مفتاح و زوجته وليين عهد ( محنب عاقلين يا مملكة البحرين )
و كنا نطمع ان يجي اليوم اللي تجينا فيه طيارة انقاذ و ترجعنا لديرتنا
و لكن هيهات هيهات كل شيء فات و نمنا في السبات ( انواع السجع الجميل ) ..
بعد مرور سنه من جلوسنا في هذه الجزيره اتت الينا طياره و قال الكابتن انه سوف ينقذنا و يرجعنا لديرتنا و لكننا يوم ركبنا قال لنا الكابتن :-
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
لعبنا عليكم ترانا حنا من الاف بي آي و جايين نصيدكم يا الملاعين بتهمة اختطاف طائره و قتل مئتين راكب في الطائره
بعد مرور خمس سنين صارت جزيرتي اللي بنيتها بيدي من احسن الجزر و قام شارون و قال : هذي جزيرتي و صارت له !
______
ما يستفاد من الموضوع : لا سويت جزيره سو محل اسمه " هونقا بونقا " للصكوك و سو صك لجزيرتك
لا يفوتك انواع الضحك ونصيخه لا بنيت جزيره سولها صك 
الوضع العادي
