|
ألوو.. ممكن أهدي؟؟ بسم الله الرحمن الرحيم صباحكم عسل.. للي يقرون الموضوع على الصبح.. و مساكم ورد .. للي يقرون موضوعي في أي وقت آخر..:pleased: أنا من زماااااااان ما نزلت موضوع هنا في المجلس العام عشان كذا أبغى ردود و تفاعل حتى لو مجاملة..s35s بس صدقوني أنا والله موجود هنا يوميا و أقرأ كل المواضيع لأني أعشق الزعيم و أعشق المجلس العام تحديداً :smilie47:،، و لي ردوود و لكن قليلة جداًً.. <<< كل هذا خوف إنه ينزل موضوع و ما فيه أحد يرد على موضوعه..:naughty: المهم ،، أنا هنا لأنقل لكم حالة أو نوعية معينة من الناس غريبة جداً ، و أتمنى كل واحد يعطيني رأيه أو انطباعه ، و ايش نظرته للناس هذي .. إليكم الموقف: فجأة و أنا بسيارتي العزيزة جالس أبدل بين السيديات (CDs)، واشتغل الراديو على قناة الإف إم (MBC fm) وشدتني الإتصالات اللي تجي على برنامج الطلبات اللي ما أعرف وش اسمه ،، المهم اسمعوا الإتصالات اللي سمعتها: الإتصال الأول: المتصلة: ألو.. المذيعة: أهلاً.. المتصلة: أنا على الهواء؟.. :d المذيعة: ايه انتي على الهواء،، مين معانا؟ المتصلة: معاك سارة.. المذيعة: من فين تكلمينا يا سارة؟ المتصلة: من الرياض.. المذيعة: يا هلا فيك يا سارة،، المتصلة: ممكن أهدي؟ المذيعة: أكيد،، تفضلي.. المتصلة:أهدي أي أغنية لعبدالمجيد عبدالله لأمي و أبوي و كل صاحباتي اللي يسمعوني.. المذيعة:شكراً يا سارة على اتصالك و إن شاء الله يوصل إهدائك.. الإتصال الثاني: المذيعة: معانا اتصال،، ألو.. المتصل: ألو،، مساء الخير.. المذيعة: مساء النور،، مين معانا؟ المتصل: ما عرفتيني؟ :laugh::laugh::laugh::laugh::laugh::laugh: المذيعة: هههههههههههه ،، اعذرني والله ما عرفتك.. المتصل: معاك عبدالله من جدة.. المذيعة: يا هلا والله بأهل جدة كلهم.. المتصل: أنا أبغى أهدي بس لازم أعرف إيش الأغنية الجاية.. المذيعة: أغنية ويلاه لراشد الماجد.. المتصل: طيب،، أحب أهدي لكِ إنتي(يقصد المذيعة):ga:، و أحب أهدي لقروب حبايب و أهدي لحبيبي ماجد و أهدي لسارة و عبير و سلطان و أسير الرياض و قمر نجد و شلة الإستراحة و حبيبي الغالي على قلبي طارق و......و أهدي لطاقم البرنامج و كل من يسمعني الحين.. المذيعة: شكراً أخوي على اتصالك.. الإتصال الثالث: المتصل: فيه رز و فيه أبو كاس.. سووووري هذا إعلان كنت أحسبه اتصال..:d (آخر مررة سمعت الإف إم قبل عشرين ألف سنة كانت دعايتهم رز أبو كأس و إلى الحين و هي نفس الدعاية).. طيب نجي لموضوعنا.. أنا هنا ما ألوم القناة لأنها لقت ناس تلعب عليهم و تاخذ منهم فلوووووووس..:no: و لا ألوم المذيع أو المذيعة لأنهم قالوا لها احنا راح نعطيك فلوس عشان تلعبين على هالناس و هذي شغلتك..:confusedw: و لكن أنا أبي أعرف اللي يتصلون على هالبرامج ايش قصدهم بالإتصال؟ يعني لهالدرجة وصلت فيهم الفظاوة؟:rotflmao: طيب الإهداءات هذي معناتها إن فيه ناس جالسين يسمعون إهداءاتهم؟ و حتى هذي اللي تهدي لأمها و أبوها يعني انهم جالسين يسمعون الإذاعة؟:to: أو صاحبنا اللي يقول للمذيعة عرفتيني؟:ap: هذا شكله كل يوم يتصل مرتين..:razz: أتمنى من كل واحد يقرأ الموضوع يعطيني رأيه في الموضوع.. و يمكن يكون الوضع طبيعي بس أنا ما اقتنعت بهالسالفة.. أشوفكم على خير...:rose: |
انا قبل كنت استغرب اقول هذولي معيدين دااايم ..؟:to: وماشاء الله اهداءات 24 ساعة ..؟ اذاعة ماعندهم اي شئ المفروض يسمونها اهداءات fm واللي يرفع الضغط يجيك الواحد يتميلح عمره 21 على المذيعة وهي عبده عجوز وشينة وماشاف وجهها:ap: وبالصباح ياعليهم مصااالة خصوصا المذيعة اذا جتك تسوي نفسها تنكت على الصباح :to: ولايفوتك يجيبون معلومات في الصباح بعض المرات نصب X نصب ويمكن يجيبون معلومات من 30 سنة :bx: وفي النهاية: اهدي الموضوع لك انت ولخطيبتي اشواق واصحابي فهد وخالد ومحمد:to: شوكرن------->>:rose::rose: |
^^^^^^^^^ صادق خخخخخخخخخخخخخخخخخخخخخ والمشكلة مسوين قروب مدري ليه هالقروب ومن يشارك فيه واللي يرفع الضغط اكثر هاللي يتصلون بصراحة الام بي سي طاح كرتها واحترق وفيه اذاعات ثانية طالبة تصريح fm لكن ما بعد اعطوهم وباونوراما اول ما بدت كانت قوية لكن مصالة هالمذيعين مدري شتبي اسمعو اذاعة الرياض او البرنامج الثاني اوسع صدر للحين يجيبون ابو حديجان |
هههههههههههههههههه من جد والله نااس غريبه ساعات اشك ان الام بي سي هي اللي تسوي هالاتصالات مع ناس متفقه معاهم عشان مايخرب سوق الاذاعه ههههههههههههههههههه من جد يعني فيه احد بيقوم الصبح ويتصل ع 700 عشان يهدي امه ولاصديقه !! لويرسل لهم الاغنيه وسائط ارخص وافضل لانه مضمون بيسمعون خخخخ مشكووورر خيوو موضوع ظريف :D |
لا وعندهم برنامج يعطيك اللغز وبعدها بشوي يعطونك الجواب ويقلون ارسل اسمك والاجابه هلى الرقم الفلاني ...... وهذا يدل انهم نصابين وبقوه .... ويعطيك العافية |
ما أدري يا أخي أحس إني بتهاوش معك :D انت يا أخوي نقدت قناة كاملة علشان برنامج 4 ساعات فقط لا تحسب إني من الدلوخ اللي يدقون لكن أنت تقعد تهاوش القناة عشان بوه دلوخ يتصلون عليهم طيب هذا اللي تبيه القناة تبي ربح مادي و ما ضربت احد على يده قالت له اتصل علينا بعدين الهدف من البرنامج مو بس الاهداءات الهدف إنك تطلب أغنية تبي تسمعها يعني هذا السبب يمكن يكون مقنع لما تكون بالسياره وبخاطرك تسمع اغنية ممكن تدق عليهم و تطلبها و على فكرة ترى رقمهم مو 700 رقمهم دولي من دبي الظاهر وبعدين ترى عندهم برامج جيدهـ مثل برنامج كانوا يحطونه في السابق اسمه من المسؤول هذا للناس و مشاكل الناس مع البلدية أو الوزارات أو أي شي زي كذا و ممكن إنهم يستضيفون المسؤول عن المشكلة و يناقشونه ليش ما يصير كذا ليش تحقرون المواطن يعني يحاولون تعديل الوضع وأشوف هذا من واجبهم كإعلام أيضا فيه برنامج ليلة خميس كان يستضيف شعراء و فنانين ممكن تسمع شاعرك أو فنانك المفضل فيه وبإمكانك تسأله أيضا وفيه عندهم برامج مسابقات فيها أسئلة ثقافية و تاريخية ممكن تستفيد منه معلومات و الصراحة يكفي إنهم في رمضان و يوم عرفة ما يجيبون أغاني مو زي إذاعة الرياض وإذاعة جدهـ في نهار رمضان وجايبين أغاني اللي يشوفني أدافع عن القناة يحسب إنها لي :D ما أدري والله ليش أخذتني الحميه مع هالقناة لكن الصراحة إني ما أشوفها بالسوء اللي انت تشوفها فيه وبس :D |
انا اللي استغرب منه انه اسمع ناس يكلمون يومي ويرسلون رسايل يومي يعني لهالدرجة الفاتورة ما تغلى عليهم ؟؟؟؟ |
إقتباس:
سيم سيم نفر انت يسوي انا << اتحداكم لو فهمتوا شي هع هع يسلمو ع الموضوع خيوو ولاعاد تطول الغيبة :smilie47: |
بالنسبة لي صار لي 3 أو 4 شهور ما أدري ولله الحمد عن إذاعه mbc-fm الواحد يطلع الساعه 8 لدوامه ( لاعب فيه المكيف لحد ما داخ ) ووجهه طايح ونفسه بخشمه وزحمه الطريق وفوق هذا ( أغاني على الصبح ) !!. أنا إنسان حولت على إذاعه الرياض الحقيقة ظالمينها إذاعة الرياض!!. حوارات ونقاشات تفيد المواطن و المواطنين يحشرون مسؤول بالدولة حشر على الصباح :d لكن فيه عيب واحد بالإذاعة والتلفزيون عندنا!!. ما أدري متى بيدخلون الألفية الجديدة!!. العالم بين يديك وإنترنت وبريد إلكتروني ، وإخوانا بالله لحد الآن على الفاكس!!. طيب يا معالي الوزر ( لما أبغا أرسل شئ لكم كيف أرسله )!!. حتى كباين الإتصالات ألغوها!!. يعني من وين أرسلك فاكس!!!. |
السبب الرئيسي لـلــ mbc -FM توسيعة الصدر والربح المادي طبعاً ! لكن انت ما عليك من المهابيل اللي يدقون الصبح ويهدوا اهداءات ما ادري وش تبي ..!! :confusedw: والمشكلة لامن قال للمذيعة [ ما عرفتيني؟! ] يحسب انه مشهور من اتصال او اتصالين بس كويس منها عندها كتيب لانواع التصريف :yes: سلمت اناملك على الطرح ولا تقعد تقطع في ارزاق الناس ؟! :d {:rose:} |
إقتباس:
أيه عرفته هالبرنامج كنت أسمعه أيام الكلية مع أبوي طريقنا للكلية كنك رايح الدمام:to: الله يطول بعمر الوالد يمشي 20 وإن أسرع 70 :bigeek: وإن خربها 100 :ap: المهم مع هالمشي غالبا الحق على الماصلين وعلى ازرع واحصد ارض بلادك تصدق كنت أسمعها من أولى أبتدائي الى أن خلصت من الجامعه ما غيروها:to: ثم تتصل الماصلة زورق :ap: وتجلس تتميصخ عليهم شوي :d ثم محبين الشعر وتسدح لهم قصيده مكسره ويقولون الله وش هالإبداع :bigeek: أسألني أنا عن هلإذاعه الماصخة ترى مافيها الا هالبرنامج اللي أنت تتابعه والباقي بايخ:to: بس ترى الحالات اللي تجيهم يحلونها ويوصلونها للمسؤل :yes: ثم لين قضا فتح إذاعة القرآن على برنامج العبود الرحاله :ap: تصدق أني صارت عندي خبرة في تركمانستان وكازخستان والنظام الروسي وعدد المسلمين هناك وعدد المساجد ووش ياكلون وكيف ينامون:to: المهم أن الإف إم من زماااااااااااان عنها وعن مصاختها بالله في أحد لين اليوم يفتح الراديو :to: وأهدي الموضوع لخطيبي :ga: وماما :ga: وبابا:ga: وصديقتي عيوش:ga:ولك أنت ياراعي الموضوع:rose: بالحب والإشراق |
رائدة الزعيق :d صعب أسمع الإذاعة غير وقت الصباح ، آسف :d حتى mbc - fm تبطي ( مخليها للشعب المغفل ) :d خلينا نتكلم عن إذاعة القرآن القراء هم - هم نفسهم !!. من عرفت إذاعة القرءان - لحد الآن ما تغير شئ!!. عندي إحساس إنهم ناسخين شغل سنه كامله على CD ويشغلونه مع دخول السنة الهجرية!!. إذاعة القرءان يستمع لها الكثير من المسلمين بالبلاد العربية والإسلامية متى بتغيرون القارئين!!. هل تتوقعون لو بيطلبون من ( ياسر الدوسري أو القطامي ) مثلاً شريط لقراءاتهم بيرفضون!!. من كثر ما تعاد البرامج في إذاعة القرءان ، عندي إحساس إن الموظف فيها ( 3 ) بس!!. وإثنين منهم يتناوبون على الإجازات المرضية!!. وواحد بس اللي يداوم!!. |
يااااااااااه زمان يافن... ذكرتيني بأيام المراهقه كنت اطالب الوالد اني مااركب مع السواق لانه يهز بريستيجي قدام العيال...كنت ابي ارجع معهم مشي>>بيعلمكم انه ولد نعمه:to: فكان ابو الشباب يشغل ام بي سي واقطع يدي ان كان يفهم شي...عاد بالنهايه وبعد 5 سنين من العمل..هج ولقيناه يبيع بمحل كبده..:d نرجع لصلب الموضوع... للحين تجي مسابقه الكنز مدري المخبى بالسندوء...اي الصندوق؟؟ *** كل اناء بما فيه ينضح... ومثل هاالامور تعكس مدى تخلف الشعب وسذاجته...:no: ميرسي لكاتب الموضوع..:rose: |
إقتباس:
للمعلوميه ترى هالماصله احس انها تلاحقني بكل مكان...:d لدرجه اني مره قبل سنه تقريبا قدّر الله علي وفتحت القناة الاولى وفيه برنامج ثقافي وتتصل وتعطيهم من الخنبقه والفلسفه حتى صوتها مشتغله عليه مضبوط تسوي طبقات موسيقيه تخفض وترفع وتوقف وتنبهر..يعني تراني استخدم اسلوب التشويق:to: الله يهديه ماادري اهله وينهم عنه...لهدرجه مايسمعونه..انا كنت اشك ان اخوه يشتغل بالاذاعه ويسهل اتصالاته..بس يوم شفته بالتلفزيون شكيت انها زوجة الوزير..:naughty: |
مواصل من عام الفيل:d إذاعة القرآن في تطور وبصراحة أنا أشوف أنها جميلة وتثقف في الدين وفيها برامج دينيه جميله:yes: أتوقع برنامج بيوت مطمئنه تجي فيها:yes: أنا ما أحب أسمع ولا أشوف تلفزيون كثير ولا أسمع إذاعه نهائيا لكن من خلال ردود فعل اللي حولي عندي الوالده ماتنوم الا وهي مشغله الراديو على إذاعة القرآن:to: بس أنها تعلمت منها شغلات كثير:yes: أنا أشوف أن الإذاعه تثقف دينيا لكن محتاجه شوية تطوير:yes: هلالي وأعاني :rose: حتى التلفزيون تطلع فيه هالماصلة :to: أحس ما عندها شغله الا المطامر ورا القنوات تبي تصير مذيعه بس ماعطوها وجه:naughty: بس عليها صوت أنواع التصنع :ap: يالله بكره تكبر وتعقل :ap: معليش صاحب الموضوع خذنا راحتنا أنا والشياب اللي فوقي:d بالحب والإشراق |
| الوقت المعتمد في المنتدى بتوقيت جرينتش +3.
الوقت الان » 05:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd