امس بعد مباراة الهلال والشباب واللي خسرها زعيمنا بثلاثية دون رد واحسن ما فيه ايام مباريات الهلال ان الشوارع تكون فاضية ويمديك تروح تخلص اشغالك ( الله يهدينا يعني الزعماء هم سبب زحمة الرياض الواحد يعني الواحد ما يطلع الا يوم مباراة الهلال جمهور الزعيم صدق من سماكم الرقم الصعب)

نرجع لموضوعنا بعد المباراة انا شكيت ان نادي الفقر جايب بطولة اشوف المسيرات والاعلام النصراوية في شارع العليا يعني حالتهم يرثى لها لها الدرجة خسارة الهلال تعتبر بطولة؟

رجعت البيت ولبست القناع عن ريحة المجاري ودخلت منتدى النصر ضايق صدري من الهزيمة قلت بنبسط في منتداهم كالعادة القى حاطين نادي الشباب البطل القومي للاندية وانه هو الزعيم ومدري كيف والمشكلة ناسين او متناسين وش سوو هم بالبلطان وكيف شجعو نادي العين ضده بشكل واضح لكن احلى ميزة تسببو لنادي العين بالنحاسة وتمكن الشباب من الفوز ذهابا وايابا




هارد لك الهزيمة والخسارة البارح احسن من خسارة الاسيوية وبالتوفيق ياشباب