#1  
قديم 01/05/2009, 03:25 AM
زعيــم جديــد
تاريخ التسجيل: 03/07/2007
المكان: CANADA,BC,PRINCE GEORHE
مشاركات: 21
Icon16 ضاعت محفضتي وجوازي فزعتكم يا مغتريبين!!!!!


السلام عليكم ورحمة الله
مثل ما هو واضح من العنوان انا فقدت جوازي ومحفظتي في الباص امس وانا راجع من المعهد ولحد الان ما حصلتها ودورت في الباصات امس ولا لها اثر
وكلمت المسؤال في المعهد اليوم ودق على شركة الباصات مرتين ولا حصلوها
ودق على البوليس وللأسف وقالو اذا حصلناها بندق عليك
وقالي مسؤال المعهد ان الستدي برمت ممكن نطلع بدل فاقد واخذت صورة للباسبوت حقي منهم واصدرت بطاقة صراف جديدة بس مشكلتي مع السفارة عقدو الموضوع
كلمتهم اليوم على رقم الطواري كلمت واحد اسمة خليل قال لي تعال لأوتاوه وبعدين نعطيك تذاكر ترجع السعودية مانقدر نصدر لك من هنا مع العلم انهم يجددون الجواز
قلت له طيب انا مسجل جوازي عندكم قال ماينفع بعدين قالي عطني رقمك واسمك وبرد عليك بكرة!!!!
المشكلة ان توني بديت الدراسة على حسابي وباقي على نهاية الكورس 3 شهور
وما مامعي اثبات
واذا رجعت السعودية يبون اشهر الى سنتين عشان يصدرون جواز
تكفون نوروني وهل الرخصة السعودية تعتبر اثبات عشان اخلي اهلي يرسلونها لي او ممكن اخوي يصدر لي بدل فاقد من السعودية مع العلم ان معه وكالة او ممكن اروح لسفارة اسوي لة وكالة اصدار بدل فاقد مع اعلمان الستدي بيرمت باقي فية سنة و3 شهور تقريبا
مع العلم انا من برنس جورج في برتش كولمبيا في غرب كندا
تكفووووون انا ناخيكم تساعدوني
  #2  
قديم 01/05/2009, 03:53 AM
زعيــم جديــد
تاريخ التسجيل: 22/01/2008
مشاركات: 27
الله يسهل امورك يا رب وتحصل جوازك ومحفظتك وتفتك من كل هالمرمطة

I've never been to the states so i can't help you

but

نصيحتي دور ودور دور في كل مكان
اذكر واحد ضيع جوازه وبعد يمكن اسبوع او اسبوعين حصله تحت مرتبة السيارة

وادع ربك انه يساعدك في محنتك هذي
وتذكر ان للمسافر دعوة لا ترد
  #3  
قديم 01/05/2009, 04:06 AM
الصورة الرمزية الخاصة بـ شـبـيـة الـريـح
زعيــم مميــز
تاريخ التسجيل: 20/11/2008
المكان: ל"-القصيمـ - 2A 44 88 71 ל"-
مشاركات: 3,334
ماضاع حق ورااهـ مطآآلب

سو الى عليك والباقي على ربك

يآآرب ترجع لاهلك بالسلامه اخوك قنااص عيم بن فهيد
  #4  
قديم 01/05/2009, 07:40 AM
زعيــم مميــز
تاريخ التسجيل: 06/03/2005
المكان: عـبـدالـعـزيــز
مشاركات: 5,478
اخوي هونها وتهون
ادع ربك والله بيفرجها
  #5  
قديم 01/05/2009, 11:17 AM
زعيــم فعــال
تاريخ التسجيل: 13/10/2005
مشاركات: 284
الله المستعان يارب تفرج كربتك وتلقاها ان شاء الله
عموما احتفظ بما يثبت انها فقدت او سرقت حتى تقدر تطلع بدل فاقد من السعوديه في حال اضطريت ترجع
اما السفاره لزم عليهم وغثهم اللين يلقون لك حل لان هذا عملهم اصلا. ممكن تاخذ بطاقه عبور اتجاه واحد .
بالتوفيق ان شاء الله وبحول الله نسمع منك اخبار طيبه قريب
  #6  
قديم 01/05/2009, 02:08 PM
الصورة الرمزية الخاصة بـ قائد القوات الهلاليه
عضو مجلس الجمهور الهلالي
تاريخ التسجيل: 03/11/2006
المكان: Milano
مشاركات: 1,145
اخوي الكـريــم ...

لاتيـأس وان شالله بتحصـله بمكـان مآ .. صدقني

رآح ادعي لكـ اليوم الجمعه في ساعة الاستجابه على ان الله يسهل لك امرك اخوي الكريـم ...

واكثر وانا اخوك من الاستغفــار .. الاستغفار والصـلاة ...

وصدقني لو استغفرت 100 مره صدقني ماتكمل يوم الا وانت محصل مفقودكـ

تحيآتي لكـ .. اخوي وكل التوفيق لك في دراستك
  #7  
قديم 01/05/2009, 02:48 PM
الصورة الرمزية الخاصة بـ هلالية بنت هلالي,,
زعيــم مميــز
تاريخ التسجيل: 18/08/2007
المكان: دار سلمـان بن عبدالعزيز♥ิ.•
مشاركات: 3,164
انا طبعا مالي خبره في هالأمور ..

لكـن .. عندي دعــاء تقولـه اذا فقدت شيء ..
وانا مجربته بنفسي والله من يوم اقوله واردده القى اللي فاقدته في مكــان سخيف وما كنت اتوقعه

الدعــاء(اللهم ياهادي الضاله إهدلي ضالتي )
وبأذن الله راح تلقى المحفظه والجواز ..
  #8  
قديم 01/05/2009, 05:01 PM
زعيــم متألــق
تاريخ التسجيل: 26/07/2007
المكان: حيثما يوجد الصفاء
مشاركات: 1,093
اخوي اول شي اثبت في اقرب قسم للشرطة انها مفقوده او مسروقه ثاي شي خذ ورقه من الشرطة انها مفقوده عشان التنقلات ثالث شي راجع السفارة وحاول تاخذ صورة مع التصديق للجواز اللي انت مسجله عندهم رابع شي انشب للسفارة وإذا انت تملك واسطة في السعودية خله يدق على السفارة ويلعن ابو خامس شيطانهم لو احد الاجانب عندنا بنشر كفره قامت السفارة وما قعدت
  #9  
قديم 01/05/2009, 05:42 PM
زعيــم جديــد
تاريخ التسجيل: 03/07/2007
المكان: CANADA,BC,PRINCE GEORHE
مشاركات: 21
اليوم الجمعة كلمتهم قالو حاليا مانصدر جوازات لان ماعندنا امكانيات اصدار جوازات ممغنطة
وقالي خذ راحتك متى ما بغيت تسافر تعال لو بعد سنة بس على قولتة مردك لنا
بس بسال ايش فايدة السفارة اذا مصيبة زي كذا ماتساعدك
والله استحيت يوم سألوني العائلة ايش سويت وقلت لهم قالو لي ارجع السعودية انصدمو من جد قالو لي هذي سخااااااااافة أيش فايدة وجدهم هنا
  #10  
قديم 01/05/2009, 08:03 PM
زعيــم نشيــط
تاريخ التسجيل: 15/05/2005
مشاركات: 950
السلام عليكم و رحمة الله وبركاته

اخوي العزيز انا مثلك مغترب في امريكا و لكن الحمدلله ماحصل لي الموضوع ولكن حصل لواحد من أعز الشباب

السالفة ومافيها الرخصة السعودية اللي فيها عربي و انقليزي تعتبر وثيقة
و بإمكانك تصدر لك هوية من هناك عندهم حسب معرفتي

و متى مابغيت ترجع لديرتك كلم السفارة يعطونك جواز عبور و توصل الرياض يسحبون منك جواز المرور بس اهم شي جب معاك ورقة بلاغ من الشرطة انك فاقد المحفظه و الجواز عشان في الرياض تعطيهم بس يبيلك دفة واسطه وانا اخوك عشان الجواز يطلع لإن النظام يقول فيها تحقيق

والله من وراء القصد
  #11  
قديم 01/05/2009, 08:30 PM
مشرف سابق بمنتدى المغتربين
وعضو سابق بلجنة الفيديو والصوتيات
تاريخ التسجيل: 19/12/2002
المكان: امريكا
مشاركات: 377
الله يكون بعونك اخوي الغالي

ويآجرك في مصيبتك ويخلفك خيرا منها

وتحصل على مفقوداتك


وأنصحك بهذا الدعاء

اللهم ياجامع الناس ليوم لاريب فيه اجمعني بضالتي
  #12  
قديم 01/05/2009, 09:02 PM
زعيــم مميــز
تاريخ التسجيل: 06/03/2005
المكان: عـبـدالـعـزيــز
مشاركات: 5,478
الله يسهل عليك ويوفـــــقك
  #13  
قديم 02/05/2009, 01:02 PM
الصورة الرمزية الخاصة بـ روبين هود
زعيــم مميــز
تاريخ التسجيل: 06/12/2007
المكان: سان دييغو, كاليفورنيا, الولايات المتحدة الأمريكية
مشاركات: 4,621
الله يعيييييينكدور لها زيينوشف للسفارة
  #14  
قديم 02/05/2009, 03:55 PM
الصورة الرمزية الخاصة بـ S H A F I
زعيــم متواصــل
تاريخ التسجيل: 21/08/2007
مشاركات: 188
اسأل الله العظيم رب العرش الكريم الحي القيوم
ان يفرج كربتك ويزيل همك وييسر أمرك

آمين آمين آمين
  #15  
قديم 02/05/2009, 04:23 PM
الصورة الرمزية الخاصة بـ الزعيييييييييييييييم
زعيــم مميــز
تاريخ التسجيل: 24/06/2005
المكان: شبكة الزعيم تكفيك"وزيادهـ"
مشاركات: 15,367
الله يعيينك يارب..!

مدري يمكن ما اقدر افيدك بشكل كبير
لكن ابقولك شي يمكن ماتقدر عليه اللي هو انك تصبر لحتى تخلص الثلاث شهور ((يمكن يكون راي غبي)) لكن انت ابخص وعلى حسب حاجتك للجواز
إقتباس
كلمتهم اليوم على رقم الطواري كلمت واحد اسمة خليل قال لي تعال لأوتاوه وبعدين نعطيك تذاكر ترجع السعودية مانقدر نصدر لك من هنا مع العلم انهم يجددون الجواز

ولكن صدقني اذا أيست معك ..
مالك الا الدعاء ادع ربك ليل نهار انك تلقاها ,,!
يمكن مايكون في الباص
يمكن يكون في البيت وانت ناسيه
حاول ودور وادع ربك وتوكل على الله
هذا شي مكتوب وهذا قضاء وقدر
توكل على الله


وخلص الاعضاء يدعون لك ..
الله يعينك يارب
الله يعينك يارب
الله يعينك يارب
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:34 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube