للخبراء: سيفيك 2009 أو كورولا 2009 - نادي الهلال السعودي - شبكة الزعيم

nawaaf11 · #1 01/05/2009, 01:19 AM

بسم الله الرحمن الرحيم

السلام عليكم ...... يااخوان انا ناوي ان شاء الله اشتري سيارة ولاكني محتار بين السيفيك والكورولا وياليت كل واحد يعطينا رأيه ولو كنت مكاني وش تشتري ؟

mowad3 · #2 01/05/2009, 01:27 AM

والله وانا اخوك اكيد الاكورد افضل بواجد

اقوى وافضل شكل من برى ومن جوى كديكور ازين من السفك بأكثير

والراي لك

3bo0o0od · #3 01/05/2009, 03:39 AM

إقتباس

الرسالة الأصلية كتبت بواسطة mowad3


	والله وانا اخوك اكيد الاكورد افضل بواجد اقوى وافضل شكل من برى ومن جوى كديكور ازين من السفك بأكثير والراي لك

آعــتــقــد آنه يقول كورولا آو سيفيك

الزعيمTMS · #4 01/05/2009, 04:15 AM

نصيحتي لكـ لآ كورولا ولآ سيفيك
خذ مآزدآ الترا

الجديده والله حــلوهــ
وسعرهآ منآسب
تبدآ مـن 50 آلـف
والفل كآمـل 85 آلـف
شكلــهآ خطير
دور عنهآ بقوقل ومب متحسف والله

وطبعآ الكورولا آحسن من السيفيك
وبالتوفيق لكـ

الفيلسوف-15 · #5 01/05/2009, 06:07 AM

اخوي اكيد السفيك

السفيك ياباني و الكورولا ياباني تجميع استرالي

وغير هاذا السفك من الداخل افضل والديكور اقوى

اهم شي الي ترتاح له انت

محبوب نواف · #6 01/05/2009, 06:35 AM

كورولا ..............................................

CR!S · #7 01/05/2009, 07:28 AM

اظن بالشكل السيفك افضل

اوما الديكور ماكد ركبت سيفك

إحسااااس هلالي · #8 01/05/2009, 04:09 PM

كلها خيارات حلوه بس أصوت للسيفيك بس سعرها 73 ألف فل كامل والكورولا 70 ألف هذي أسعار موديل 2008 قبل سنه بالضبط يمكن صار تغيير بالأسعار الله أعلم

SnTiAgO-BrNaBuO · #9 01/05/2009, 07:18 PM

ياخوي والله تبي نصيحتي .. شوف الالتيما
انا ولله شريت لي وحدة 2008 تحت الفل بدرجة ب 76 الف ..

والله اني مرتاح لأبعد درجة.. سيارة حلوة وعملية وستايل شبابي ..

ومن دخال الديكور رائع ..

انا هاذي نصيحتي والله .. تحياتي

البرق الطائش · #10 01/05/2009, 07:29 PM

إذا إنت محتار بين وحده منهم

ترى السيفك أفضل وبمراحل

واللي يجيك يقول لك قطع أرخص تويوتا وصيانة أفضل قول له روح إشتر سيكل تراه رخيص وما يحتاج صيانة

أخوي كبر عقلك

إنت بتشتري سيارة يعني موب ببلاش بفلوس وممكن بدم قلبك

والله أقولها من صميم قلبي السيفك أفضل وبمراحل من ناحية العزم والقوة والشكل والراحة والرساوة و و و

وإذا تبي شرح مفصل تراني حاضر

واللي موب عاجبني بالسيفك شي واحد بس مكان القير

والله إني لك ناصح

السيفك بالشكل أخلى وااااجد وشبابية بعد

لاتنسى إستخير ربك

f.s.sh · #11 15/05/2009, 03:33 PM

كورولا ..............................................

نزيه المشاعر · #12 17/05/2009, 08:25 AM

إقتباس

الرسالة الأصلية كتبت بواسطة SnTiAgO-BrNaBuO


	ياخوي والله تبي نصيحتي .. شوف الالتيما انا ولله شريت لي وحدة 2008 تحت الفل بدرجة ب 76 الف .. والله اني مرتاح لأبعد درجة.. سيارة حلوة وعملية وستايل شبابي .. ومن دخال الديكور رائع .. انا هاذي نصيحتي والله .. تحياتي

نفس موتري يالغالي وانصحك فيها

لكن اذا كنت متردد خذ السيفك افضل بس تحمل قطع الغيار واسعاره

..........................

adm20020 · #13 23/05/2009, 11:54 AM

عندي سفك آنا موديل 2006

الموصفات ــــــ

1ـ القير العادي 6 نمرات القير التماتك 5 نمرات لو نجيب الكورلا العادي 5 التماتك 4 نمرات
التماتك فيه 1 2 3 D3 / D / N /R /P هذا القير شف النمرات الي فيه

طبعاً خفيف حط رجلك الى آنت واصل المكان الي تبيه أخوي أستعاره مني بيروح فيه الأمارت صور الطابلون أقل شيء ماشي عليه 220
الطبلون مايجي الى رقمي ضغط الماكينه عادي آستايل

يأخي أنت إذا راكب فيها مايحتاج أكمل لك الباقي

2ـ الشكل الخارجي تقدر تقول عنه رياضي الكورلا عادي يشبه الكامري

عاشـ يـ 20ــاسرــــق · #14 23/05/2009, 12:02 PM

اذا انت رجال تبي تستخدم للمدى البعيد ( ثلاث سنوات) خذ سيفيك فل كامل سياره حلوه وديكور حلو ..

اذا انت رجال تبي تستخدم فتره ثم تبيع ( سنه سنه ونصف)
خذ كورلا بسبب سعرها لا يطيح وقت البيع خاصتا اذا صارت توماتيك ..

واذا تبي نصيحة مجرب استاجر السيارتين قبل شراءهم من اقرب تاجير
وجرب بالخط وش يعجبك اكثر وتوكل على الله بعد الاستخاره.

~| A z ! z |~ · #15 23/05/2009, 02:46 PM

الكورولا كـ سعر وقوة استحمال وصرفية بنزين و قطع غيار ..

السيفيك كـ فخامة وشكل شبابي وديكور أجمل ..

الخلاصهـ .. اذا تبي تآخذ سياحي .. أكيد الـسيفيك أفضل ..

واذا نآوي على الـ Full .. تقريبا ً زي بعض مع أفضلية الكورولا ..

.
.
.