03/05/2009, 08:09 PM
|
 | زعيــم مميــز | | تاريخ التسجيل: 02/11/2006 المكان: مدرجات البرنابيو
مشاركات: 7,763
| |
بعد هدوء الأعصاب وراحه النفس جاء الحين وقت كلام الجد ! بصراحه نتيجه الامس فتحت عيون مشجعين ريال مدريد على أشياء كثير كنا غافلين عنها . أولها تواضع مستويات بعض لاعبين الفريق الي انخدعنا فيهم هذا الموسم والأمثله كثير لكن نذكر ابرزهم ( كانافارو - جاجو - ميتزيلدر ) هذولا كنا معطينهم ثقه أو بمعنى أصح كنا نشوفهم من أفضل الاعبين لكن للأسف انكشفو وانكشف تواضعهم في المباريات الكبيره . [ كانفارو ] افضل لاعب بالعالم 2006 بطبيعه الحال لن يستمر على نفس مستواه في تلك السنه . للأسف مجاملتنا هالسنه كانت كثيره على كانافارو كنا نقول لازم يستمر مع الفريق ووجوده مهم ولاعب خبره ومن هالكلام لكن اخطاءه الفادحه والمستمره خلّت الفريق في اوضاع لا يحسد عليها في بعض المباريات . انا ما انكر اني من محبين كانافارو وما انكر ايضاً تألقه في بعض المباريات لكن الاعب منخفض مستواه بشكل كبير وعمره ايضاً كبير وصار صيد سهل للمهاجمين , كاسياس لمح بكثير من التصريحات عن تواضع الدفاع وبطبيعه الحال يقصد هاينز وكانفارو . [ جاجو ] أكثر لاعب محير في ريال مدريد ! مستواه في النصف الأول من الموسم أقل شيء نقول عنه خرافي . مع ان الفريق كان بأضعف مستوياته وهو الوحيد الي مستواه ثابت , لكن من الأنتقالات الشتويه والاعب في وضع غريب ومستواه أغرب , الفريق لما احتاجه للأسف خذلنا جميعاً , ممكن التعاقد مع لاس ديارا كان هو السبب بحكم تألقه منذ قدومه واعتماد الفريق عليه بشكل أكبر في المحور الدفاعي . عكس لما كان الفريق يعتمد على جاجو في هالمركز وتألق فيه لكن من صار موقعه في مركز المحور الهجومي ومستواه عليه ألف علامه استفهام . جاجو لاعب شاب وبإمكانه التصحيح من وضعه اذا استغل مركزه بالشكل الصحيح خصوصاً انه يلعب في أكبر نادي اوروبي . للأمانه ااتمنى عوده محمد ديارا بأسرع وقت ويتواجد في مركز جاجو على الأقل يحس بأن مركزه ممكن يطير منه او حتى ممكن انه يطلع من الفريق . رغم مستوى جاجو الضعيف في الفتره الحاليه الى اني اتمنى بقاءه لاعب فرحنا كثير من جاء للفريق وما ننسى مجهوداته لكن كل الكلام الي فوق ملاحظات بسيطه على الاعب  وفي المستقبل طبيعي الاعب بيكتسب خبره اكبر ومستواه بيتطور أكثر واكثر بحول الله . [ ميتزيلدر ] كنا نفكر أنه بديل ممتاز لاحد المدافعين لكن اثبت تواضعه وسوء تغطيته وتقدمه الكثير للهجوم وترك مركزه أكثر من مره وهالشي شكل خطوره على مرمى كاسياس . ميتزيلدر مناسب للانديه المتوسطه لكن ريال مدريد لا ! أنا شخصياً كنت اقول انه تألق بالفرص القليله الي اتيحت له لكن الي صار أمس فضيحه واتضح لنا كل شي . البعض بيقول لا تحكم عليه من مباراه وحده اوكي اتفق معك لكن شفتو اليورو ؟ اكيد الكل شاهد مباريات المانيا يا جماعه لاعب خطير وصعب انك تعتمد عليه في اقوى البطولات والاسباب ذكرته بأول كلامي عنه . الفريق يحتاج مدافعين من طينه فيردناند وتيري والبقيه المعروفين , مدافعين كامل المواصفات الي يجب توفرها بالمدافع تحصلها عندهم عكس مدافعينا بإستثناء راموس وبيبي . هذا رأيي المتواضع بعينات من الاعبين والبقيه اعتقد الكل يتفق معي بضعف مستوياتهم من مشجعي الريال .. |
![][ ليغا 34 ][ برشلونة يدك مدريد بالستة .. اشبيلية للثالث .. فالنسيا ينهار .. الاتلتيك يضغط ][](iconimages/t762327_rtl.gif)
![الصورة الرمزية الخاصة بـ [ رحــال ]](images2/images14/images/avatars/world/Image_19.png)
![[ رحــال ] غير متواجد حالياً](images/coc/images/statusicon/user_offline.gif)
"
لــيـــلـــة ...." الجـــنــــوووووون ".... (( الـــكــاتــالــــووونــــي ))......!! 
الوضع العادي
