الـسـلـطـان يجد حل لمشكلة إنقطاع تسجيل الدخول .... وغيره الكثير تجدونه بالداخل !!
السلام عليكم
يالله إن تحييهم من زمان عنكم انتم وخششكم مالت عليكم
المهم ,,, أخباركم ؟؟ كيف المنتدى من دوني بس أشوف أبو مقبل فاتحها ع الآخر كل يوم والثاني شتشته والله ايام ... يوم كنا نطرهم طرارة وهم " لا حياة لمن تنادي "
زبدة الحكي ما رجعت عشان وجيهكم رجعت عشان أبو مقبل كسر خاطري مسكين أشوفه مبتلش مع البنات عندي حل يفك الآزمة اللي عايش فيها أبو مقبل تبون تعرفونها إن شاء الله بآخر الموضوع
- - - - - - - - - - - - - - - - -
& عاد أبشركم لقيت لكم حل للي يعاني من إنقطاع تسجيل الدخول (-- داري الفيس ماله دخل لكن عجبني وحطيته
2/ عند تسجيل الدخول ضع علامة صح عند حفظ , كما في الصورة
3/ تمتع بتصفح بدون ما يروح التسجيل
ملاحظة / ترى إذا ما سجلت خروج وطفيت الجهاز وفتحته مره ثانيه ما يروح التسجيل هذا دليل لقوة أفكاري
- - - - - - - - - - - - - - - - -
& عاد ودي أسألكم وش بلاه الشعب صارمغفل ذي اليومين تجي تشوف واحد وانت بعز البرد , جسمك تثلج من البرد , ويجي واحد بكل غباء , ويقول " لسى البرد ما دخل , تراه لسى جاي بالطريق " ونفس الحاله بعد في الحر , وانت في عز الحر , ودك تبلل ثيابك موية وتنزل بالشارع فيها من شدة الحر , ما يمديك تنزل من البيت و تشغل السيارة إلا والحر لاطخك , ويجي واحد بكل غباء " ترى الحر لسى ما جاء , تراه توه بالطريق " مالت عليك وذا كله وش ؟! في ذا الوقت ودك تكمخه على وجهه عشان مره ثانيه يعرف وشلون يسولف
- - - - - - - - - - - - - - - - -
فاصل سؤالي أحد يعرف كتاب " السر " , اليوم رحت لجرير وكان ودي أشتريه , لكن سمعت من فترة إنه مش كويس , ياريت أحد يفيدنا وش فيه ذا الكتاب
- - - - - - - - - - - - - - - - -
& خلوها تصدي ,,,, داري حامت كبودكم منها وأنا داري إن كله كلام فاضي وتضييع وقت , لكن ما تلاحظون إنها أبطت ما تصدي الأسعار عند البشرية كلها نزلت إلا نحن ومجلس التعاون يعني على حسب ما سمعت إن في أكثر من مدير شركة سيارات عالمية إستقال , وبعضهم في حاله متدهورة يعني ليه وكلائنا مكبرين روسهم ولا ودهم ينزلون , والله كم أتمنى إنهم يخلصون علينا وينزلون الأسعار حتى يتسنى لنا إننا نطق لنا أكورد
- - - - - - - - - - - - - - - - - & بالحب والإشراق و الهنووف كانت هنا ورحلت أنا أبي أعرف بس , الحين بالله ما تزهقون يوم بعد كل رد تكتبونها قبل يومين الظاهر وأنا أتابع شتشتتكم وأشوف رائدة بعد كل رد تكتب " بالحب والإشراق " أنا زهقت من كثر ما أشوفها يعني بعد ما تنتهي الشتشته كليا أكتبوها وفكوا على نفسكم من ذا الهم (-- ناوي حرش
- - - - - - - - - - - - - - - - -
& نرجع لسالفة أبو مقبل عندي إقتراح يفك الأزمة اللي عايش فيها , أجل في شايب وصاحي لين الساعه 2 الفجر الإقتراح كالتالي /
- تعين الهنوووف وهي المرشد الإجتماعي للمجلس كمشرفه وذلك حتى شايبنا ينام بدري وتتولى الهنوووف فتح الشتشته
(-- ناوي يسوي فوضى بالمجلس
- - - - - - - - - - - - - - - - -
إلى هنا وتكونون إفتكيتوا من بثارتي دعواتكم القدرات قربت والمدرسين ممتحنين أهلنا بالإختبارات بس بالله وش رايكم بالتنسيق أكيد حسيتوا إني لحجي عاد لا تدققون واجد أهم شيء موضوع وإنتهينا بس ما تلاحظون إني مطبق قانون الصخره صح حق " سب على كيفك وحط { } " والله وفكيت علينا أزمة يالصخره (-- ناوي ينجلد
سبحانك اللهم وبحمدك .. أشهد أن لا إله إلا انت .. أستغفرك وأتوب إليك
& بالحب والإشراق و الهنووف كانت هنا ورحلت أنا أبي أعرف بس , الحين بالله ما تزهقون يوم بعد كل رد تكتبونها قبل يومين الظاهر وأنا أتابع شتشتتكم وأشوف رائدة بعد كل رد تكتب " بالحب والإشراق " أنا زهقت من كثر ما أشوفها يعني بعد ما تنتهي الشتشته كليا أكتبوها وفكوا على نفسكم من ذا الهم (-- ناوي حرش
واخونا الصغير بعد ابو طلال ..
الله يهديه شايب المجلس ..
يسهر على هالافلام التركية ويسنى نفسه ..
مايدري ان السهر موب زين ..
الـسـلـطـان يجد حل لمشكلة إنقطاع تسجيل الدخول .... وغيره الكثير تجدونه بالداخل !! 
من زمان عنكم انتم وخششكم مالت عليكم 
أشوف أبو مقبل فاتحها ع الآخر 
كل يوم والثاني شتشته 
والله ايام ... يوم كنا نطرهم طرارة وهم " لا حياة لمن تنادي " 
ما رجعت عشان وجيهكم 
لقيت لكم حل للي يعاني من إنقطاع تسجيل الدخول 
(-- داري الفيس ماله دخل 
وش بلاه الشعب صارمغفل ذي اليومين 
تجي تشوف واحد وانت بعز البرد , جسمك تثلج من البرد , ويجي واحد بكل غباء , ويقول " لسى البرد ما دخل , تراه لسى جاي بالطريق " 
ونفس الحاله بعد في الحر , وانت في عز الحر , ودك تبلل ثيابك موية وتنزل بالشارع فيها من شدة الحر , ما يمديك تنزل من البيت و تشغل السيارة إلا والحر لاطخك , ويجي واحد بكل غباء " ترى الحر لسى ما جاء , تراه توه بالطريق " 
أحد يعرف كتاب " السر " , اليوم رحت لجرير وكان ودي أشتريه , لكن سمعت من فترة إنه مش كويس , ياريت أحد يفيدنا وش فيه ذا الكتاب 
يعني على حسب ما سمعت إن في أكثر من مدير شركة سيارات عالمية إستقال , وبعضهم في حاله متدهورة 
, يمكن عشآني فآيرفوكسي من زمان 
ومنور المجلس بموضوعك وحضورك 
الوضع العادي
