كان مبسوط ويحسبه ياسر... يوم درى انه طارق انقلب لون وجهه
حيــــــــاكم
مساء الخير ياوجيه الخير 
لاجديد... لنا التأهل ولهم الهياط 
الموووهيم
البارح في الملعب جلس جنبي واحد 
قسم بالله فقع مرارتي من الضحك يخرب بيت الزحف اللي عنده ذاك الآدمي 
من بدت المباراة اليييين انتهت وهو يساند ياسر بكل ما اوتي من قوة 
أي شي يسويه ياسر حلو عنده... صح او غلط مو مشكله.. اهم شي ياسر يعني بالعربي.. مايدري وش الهلال.. الهلال شرق وهو غرب 
جاي يشجع ياسر وبس
بداية المباراة سألني سؤال... بغيت افطس من الضحك جت الكورة عند سـول... وقام صاحبنا ( يعاين ) فيه يوم سألني :
أبك هالفلبيني وشنهو وقبل نهاية المباراة
يوم ضيّع طارق ذيك الكوره اللي مدري كيف ضاعت 
صاحبنا نط من مكانه وقام يصفق ويطامر ويقول :
تفداك يابوسعيد تفداك.. تفداك والشر يتخطاك قلت له :
يارجال اهجد بس هذا مو ابوسعيد اللي طيّرها... هذا التايب انقلب لون وجهه وقام يطالعني وقال :
تهقاها صدق والا تمزح معي قلت له :
لا والله ما امزح... هذا طارق التايب مو ياسر يوم انه التفت للملعب وقام يصارخ على التايب :
يهب ياوجهه هالخايس.. اطرده يابن مساعد 
ههههههههههههههههههههههههههههه سألته بعد المباراة :
انت تدخل منتدى الزعيم ؟؟
قال :
والله ياخوك انا ما ادخل الا منتديات الشلال... اضرب لي راس باعشن واكيّف هههههههههه وبعد المباراة راح في طريقه وانا رحت في طريقي لكن السؤال يازعماء
صاحبنا هذا نموذج واقع وحي لفئة تسمى :
جمهور اللاعبين 
هالفئة ماتفيد الفريق بأي شي
حضورها للملعب لايسمن ولا يغني من جوع
او مثل مايقول المثل الشعبي ( لا ترجّم ولا تلقّط حصى ) لأن هالفئة ماتساند اللاعبين كفريق.. بل كأسماء انتقائية يعني اهم شي عندهم اللاعب الفلاني.. وباقي الفريق بحريقه وستّين داهية امس شفت عينات اخرى على غرار صاحبنا
يوم ضيّع التايب بعض الفرص... قاموا يصفقون ويساندون ويوم ضيّع عبدالله الزوري... قاموا يسبّون ويلعنون ياجماعة والله مايصير
في الملعب.. شجعوا الفريق واتركوا تشجيع الاسماء
ترى كاس ولي العهد ماحسمها لكم الا المفرج.. في وجود ياسر والتايب 
.
.
.
الله يخارجنا يالبرناوي
في بداية المباراة... وفي الدقيقة الخامسة تقريبا
انبرش عبده برناوي ذيك الانبراشة الغير بشريّه على ويليهامسون قسم بالله غطّى على انبراشات احمد جميل والخليوي على عزّها فكّك الله يالحمر العطر... والله بغى يروح فيها بسبب هالمعفّن برناوي .
.
.
الشباب... خطر
اذا راح نتعامل مع الشباب على انه زي ( النصر )... ابشروا بالهزيمة الثقيلة الشباب غير ياناس
فريق منظم وعنده حلول فردية متعددة... واللاعبين دوليين
والاهم من ذلك... هو حامل اللقب
الشباب يبي له شغل ... وتركيز ... وعدم اضاعة فرص
وياليت... ( اقول ياليت ) ... نخلصها بالذهاب ونرتاح بالاياب 
ارجوك اعذره!!انا بصراحه وانا بالبيت مقهورة
انا شخصيا ابي جمهور وانا امام الشاشه وكني معهم لكن للاسف...محطوطين على الصامت
الوضع العادي
