ودي أعرف وش فيهم أعضاء الشرف الهلالين وش جاهم الهلال يتدمر وهم مبسوطين على الآخر ......
تصريح سمو الأمير خالد بن الوليد على إنه ما حيدعم الهلال علنا في الجرايد وش يدل هذا الكلام المنطق والعقل يقولون إنه ما يحب الهلال ولا يبالي بشيء اسمه الهلال ، فعلا فقط الدعوة مصالح في مصالح بدل ما يحاول يحل بعض الأمور قاعد يزود من تعقيدها أكثر والله حاله هو أصلا وقف دعمه للهلال من يوم ما صار سعود بن تركي رئيس للنادي وش اللي بينهم يعني للدرجةهذي المشاكل الشخصية يدخلونها في نادي الهلال للأسف للأسف خلاص الماضي ودعناه فعلا وهو قال كلمة أنتقد فيها نفسه (إن الجمعان ترك الهلال في وضع حرج والمفروض إنه يتنسق ) الله أكبر عليه هو ألعن من الجمعان هو ترك الهلال من سنين والحين يتفلسف من ثلاث سنين وهو مبتعد بشكل نهائي عن الهلال وين محبة النادي وين الأخلاص وين العضوية ولا بعد يقول العضوية ما لها معنى يا سلام والله شمتوا فيناعدوينا، ياخي لوما عندك أي إيجابية مع الهلال فالسكوت أرحم من الفلسفة البايخة والله شمتوا فينا العالم الحين الكل عارف إن الهلال قاعد يفرط في أحسن لاعبيه والأدارة مضيعة تماما، وش نقول إلا الحمد الله على كل شي والمشكلة الرئيس مطنش ولا على باله طيب على الأقل خل صورتك في النهاية تكون حلوة خل ختامك مسك مع الهلال مهب زفت يعني معقولة اللي قاعد يصير والأمير هذلول وش سوا إلى الحين بس تصاريح طيب أدعم النادي خلوا فلسفة الجرايد لعبدالرحمن بن سعود وبس كنا نعيب عليه والعيب في نادي الهلال أصلا موجود يالله الهلال خلاص على حافة السقوط الوضع حرج جدا جدا جدا جدا ، أحمد خليل والشريدة يصرحون إن الجهاز الفني وأحد الشخصيات ما يرغبون إنهم يستمرون في النادي، والله الهلال في النهاية هو الخسران واللوم من جد على ماتورانا يعني عبدالله سليمان الخايس النكبة أحسن من الشريدة المخلص ومن أحمد خليل لا وألف لا من جد ودي إن ماتورانا هو اللي يفارق كان ودي لو الهلال تعاقد مع يواردنيسكو والله تعامله جيد مع اللاعبين وجلب للهلال ثلاث بطولات في سنة وحدة ... الله يستر على هلالنا حبيبنا ويارب خل كل الأعضاء اللي جاحدين النادي إنهم يفارقوا النادي اول ناس ويفكونا من فلسفتهم الصحفية والله الوضع مسخرة رئيس النادي جاحد وعبدالله بن مساعد وبندر بن محمد ما يبون يمسكون الهلال أبدا والأمير هذلول كل اللي قاعد يسويه تصاريح فقط ومعاه الأمير خالد بن الوليد أقولهم كلمةيا تفيدون النادي ولا أبتعدوا الهلال في الهاوية وإنتم تتفرجون الهلال حيسقط وإنتم تصرحون الهلال حينتهي وإنتم تتهربون أقول إتركوا النادي أحسن وأبرك ....

اللي ما يبي الهلال ما نبيه أبداالكلام هذا يمشي على الكل مهب على اللاعبين وبس لا على الأدارين والأعضاء .....

لا للفلسفة والتصاريح ونعم للدعم وللمحبة الصادقة للهلال

أرحلوا أرحلوا ّإذا انكم ما حتيجيبون إلا المصايب وبس

الجواب سهل جداً : الرئيس

ياجماعة الخير فيه شي مانعرفه . مو معقول اللي يحدث ضربات متتالية من كل جانب من جمهورمن ادارة من اعضاء شرف من لا عبين من المنافسين من........................................