السلام عليكم ورحمة الله وبركاته

اولا الحمد لله ثم مبروووك الفوز

مبرووووووووك لاميرنا الغالي

ماشاء الله على ابو مساعد عنده بعد نظر يوم يقول قاطعوا ابو ظبي

انا في البدايه استغربت وقلت اذا عالبرامج ( خط الفتنه) ماني متابعه اصلا ما اتابع هالقناه الا وقت المباراه
عشان المعلقين الجيدين اللي يفكونك من ازعاج معلقين قناتنا الخشبيه السعوديه

ولكن فارس عوض المعلق اللي يعشقه الكثير ينزل بعد مباراتنا مع الاتحاد وشغال ضحك وسوالف مع البلوي
ولا والبلوي يقول مانبي يعلق مبارياتنا الا فارس
هذا اللي مانرضاه

ولكن عشان صوته وماضيه وعشاني مجبور ماعندي غيره بامشيها

مباراه الاتحاد والجزيره الاماراتي بالمنصه اللي بجده ( يسمونها منصه) البلوي جالس وعن يمينه فارس عوض وعلى يساره محمد نجيب

برضوووو نمشيهاااا


كيفك شجع اللي تبي

ولكن من انت يافارس عوض

لكي تحدد وتعلن ان هذا هو الموسم الوداعي كما تزعم لطارق التايب

اذا الاداراه اعلنتها صريحه وقالت سيتم تقييم جميع اللاعبين الاجانب

يعني الادراه ما استغنت عن خدمات التايب ولا اي لاعب حتى سول ( اللي تقول انه ابطأ كوري )

فارس لاتستخدم وظيفتك للتسلق على اكتاف الغير ولا تجير وظيفتك لمصالح اخرين

ولاتغريك فلووس .... الاخرين

لاتتوقع انك اذا قلت هالكلام اننا بنصدقك او بنكره التايب لاننا عاقلين ولا نصدق الاشاعات الحمد لله عندنا ادراه واعيه
ومركز اعلامي ناخذ منه الاخبار الاكيده

فلا تحاول ان تستغل الوضع الحالي ( خساره الدوري + ايقاف التايب الموسم القادم) لتنهي عقد اللاعب

صدقني يافارس لو فكرت او امرت انك تقول هالكلام لن ينتقل التايب للاتحاد باختصار لن يلعب لاي نادي سعودي

حقيقه يجب ان تعيها مو كل مباراه وانت ازعجتنا الموسم الوداعي والنهائي وباقي سواليفك

ولاتعتقد انك اذا تغنيت باحد نجوم الهلال سواء ياسر او الدعيع واهنت الاخرين اننا سنرضى او سننسى التايب والبقيه

هذا اللي كاد ان يقتل فرحتي بالتأهل بس تبطون عظم يا ابوظبي لاعزيز ولا التايب


والسلام خير ختام

باذن الله الموسم الرابع للتايب مع الهلال

وسع صدرك يارجال وعلى فكرة يقولون في الزمن القديم الكلام ماعليه جمرك

يابن الحلال مسوي اثاره على باله

بعدين من وين صوته مميز والله من جنبها كل معلقينهم صراخ ومبالغه

شكرا لك .. قناة مادري وش تبي و معلق مادري وش يبي ..!

باذن الله التايب هلالي للابد..

مسلسل درامي ما راح ينتهي
لاحووووووووووووووووول
الهلال صدق انه محارب من كل الجهات..!!!

يالبييييييييييييه يابو نادين بس

يالبيه يالتايب اااخ لو يجدد بس

يا جماعة معليش الحق حق

والله اني اشوفكم متحاملين على فارس بدون سبب

طيب وش فيها اذا جلس جنب البلوي ؟؟؟

عادي والله

وبالنسبة لموضوع طارق هو متكلم معاه وتراه ما يجيب شيء من عنده

مثله مثل غيره من المعلقين

وانا اقسم بالله اني اتمنى طارق يبقى معنا الى الابد وسبق وضحت وجهة نظري بالهموضوع

اكثر من مرة لكن كل الدلائل تشير الى ان طارق هو المغادر اقولها بكل اسى , ,

باذن الله الموسم الرابع للتايب مع الهلال

وين المشكله لو جلس مع البلوي او سلم عليه!!!!!!!!!


اجل بتال القوس بالامارات متعشي مع الامير عبدالرحمن وكلنا شاف الصور

بيزعلون عليه النصراووين او الاتحاديين او او او

معليش هذي تصرفات خاصه فيه وش دخلنا بنتحكم مع من يجلس ومع من مايجلس


وبخصوص كلامه عن طارق اذا الاعضاء هنا تكلموا لين ازعجونا تبي معلق مايذكر هالشي؟؟؟؟


تكفون انقدوا شي على سنع احنا معكم

اما انكم تبون كل شي بهواكم وربي صعب

لاتزعل مني بس هذا الجد وربي

ومشكوووور