شامبو بخلاصة البيض البلدي للشعر التالف وشامبو بخلاصة زيت الزيتون الاصلي ( عصره اول عالبارد ) لقمة اللمعان وشامبو ضد القشرة بخلاصة قشور الليمون والترنج واليوسف افندي وشامبو بخليط الفواكه الاستوائية الطازجة لحياة مليئة بالفيتامينات وشامبو بخلاصة الكيت كات للشعر البني حتى يزداد بريقا وشامبو ( تافلتن ) فيه لميس علشان يصير قمة الجاذبية وحنا بين هالرفوف والصيدليات ( عاش مدرعم ) ههههههههههههه ياجماعة والله العظيم كله ( خرطي ) مواد كيميائية منظّفة يضيفون لها الوان ونكهات... وحنا ندربي روسنا ونقعد لنا ساعة ماغير نقرا هالمكونات ونحتار وش نختار اللي يصلح لخصلاتنا الذهبية فيه واحد اعرفه شعره طويل ويتنافض عليه راح يتفلسف ويسأل له شامي راعي صيدليه عن الشامبو المناسب لشعره عاد ابوشكيم ماقصّر ولعب لعبته صح مع هالدابة السليمة قال له : انت شعراتك بدّهون خلطة خاصة تا حتى يزبطوا وما بئى يتسائطوا وصار ابوشكيم يصلح له خلطة خاصة علبة شامبو عادية مقاس كبير ابو 13 ريال يخلط فيها كم علبة صغيرة من الشامبوهات اللي جنبه بالرف... واللي بتنتهي صلاحيتها ويبيعها على هالثور بـ 85 ريال احس صاحب شركة سيلفكرين وصانسيلك وباقي هالشلّه واحد ( اصلع ) وعليه كرشه مهيب صاحيه مادّها مترين ومتكّي على كنبه كبيره وماسك بيده كشف المبيعات للشرق الاوسط وقاعد يقرا وفاطس ضحك عليكم يالعالم الثالث اقوووول يامال البلش اذا رحتوا تشترون شامبو... افتحوا الغطاء بدون تقرون اسم العلبه وشمّوا الريحة... واللي تعجبكم ريحتها خوذوها بدون خرط فاضي كل ابوهن نفس النمونه ونفس المكونات... بلا بيض بلا خلاصة الصبار ولا خلّوكم مثلي واقهروا الغلاء واقهروا صاحب الشركة ابو كرشه واستعملوا الشامبو الاحمر الانجليزي ( روبيرتا ) 7 7 تراه موجود من قبل توحيد المملكة رخيص... فعّال... ينظّف و ( يسلت ) الدهون سلت او فيه صابون ابوعنز ( النابلسي ) كانكم تعرفونه 7 7 كان يجينا من فلسطين والاردن... عليه ريحه تفتح النفس اطلدز شي... تروشوا به واغسلوا شعوركم وادحروا الشيطان . . . . . الـصـخـرة موقوف عندنا اربع علب شطة الاولى تباسكو حاره نار ومافيه احد يقدر يتفاهم معها والثانية تباسكو العاديه... حاره لكن تنهضم احيانا وفيه ناس يتعاملون معها والثالثة شطة كريستال... حرارتها معقولة وهي الاكثر شهره والاكثر قبول عند العامّه والرابعة شطة رنا.. بارده وحبّوبه وما تضر احد ونكهتها حلوه
وعندنا ست دلال قهوة... بعضها السيف وبعضها رسلان دلّتين مكروفات ويوميا نصلّح القهوة فيهن ونقدمها للضيوف والجماعة والاربع الباقيات مرفوعات بالمطبخ ( عازه ) ولا نشوفهن الا من العيد للعيد . . .
فن التزبيد وش هالسخافة اقول ورى ماتنقلع بس موضوع غبي مثل راعيه الشرهه ميب عليك... على اللي يدخل موضوعك الغبي كل تبن بس ياحقير أي مشرف في أي منتدى اكيد راح يحذف الرد السابق اذا شافه في أي موضوع وبكل تأكيد راح يصك العضو اللي كتب هالرد ايقاف بدون تفكير لكن صار التزبيد ( فن )... وتقدّر تزبد لأي عضو وتسفّل به وتقول كل اللي بخاطرك.. تدرون كيف ؟؟ بسيييييييييييييييييييطه نفس الرد السابق بدون أي تغيير... بس كب عليه شحنة قلوب وفيسات تضحك وش هالسخافة اقول ورى ماتنقلع بس موضوع غبي مثل راعيه الشرهه ميب عليك ... على اللي يدخل موضوعك الغبي كل تبن بس ياحقير . . .
العنزنه على طاري الخرفنه.. فيه شي ثاني اسمه ( العنزنه ) نسبة الى العنز وترى العنزنه موجوده قبل الخرفنه بكثير كانكم تذكرون الافلام المصرية حقت ايام زمان اذا فيه بنت مخططه على واحد... تروح توقف سيارتها جنب بيته وتحتريه يطلع واذا شافته جاي تنزل وتفتح الكبوت... يقالها الـ( عربيه بتاعتي عطلانه ) وتناديه يفزع لها... وهو بكل براءة يجي ويقعد يحبرش بالراديتر وهي واقفه جنبه وتتلصق فيه وتقول :
باين عليك شاطر أوي ثم تطير عيونه ويقول لها :
روحي دوّري الموتور تروح هي وتشغّل السيارة... ثم ترجع له وتقول له :
مش عارفه اشكرك إزّاي وتعزمه على العصير في الكافتيريا.. وتاخذه معها للسينما.. وراح فيها الولد . . . رومانسيات صخراويات هي بحاجة الى حنانك ورقّتك وعطفك اقترب منها بلطف امسك يدها بكل نعومة وقل لها وانت ( تقوطر دلع ) يامن قلتي للقمر ( افحز ) ... وابتعد عن مكاني فانا اجمل منك و ( اطلدز ) يا من جعلتي للجمال في حياتي عدة معاني يا رائعة الشوق في فؤاد من يهيم بك شوقا حبيبتي ... قومي اكبسي لي على دجاجه وقطّعي بصل مع السلطة تراي جوعان
هههههههههههههههههههههههههههههههههههههههههه
كم عمرك يالصخرة ؟؟شكلك عود مره قبل توحيد المملكة قلت لي
سوال ثاني وشو اخلصي يالمحقق كونان انت اصلع ؟لك حريت الجواب
بس بصراحه موضوع تحفه حلو مرة الله لايضرك
طلب ممكن تنفذه لاتكثر من الرومانسيات اخاف ادمن عليهن شوي شوي موضوع وموضوع لا
مرسي على الموضوع الخفيف
ههههههه
الوضع العادي
