[c]السلام عليكم

اليوم وأنا داخل الموقع أحترت وين أروح ؟؟ لمنتدى الجمهور الهلالي وإلا للمجلس العام وإلا للرياضة العالمية وإلا لبقية المنتديات ..
وجلست أفكر حول الربع الساعه تعرفون كل منتدى يقول الزين عندي ..
المهم آخر شئ جزمت أني أروح لم أبو سليمان وحبي تيماوي والبارق ..
دخلت المنتدى وإلا أشوف لوحة أستراحة المجلس العام هنا قسم الرجال وهناك قسم النساء ((لا تخافون هنا ما أحترت وين أروح )) ..
وأدخل وإلا ما شاء الله الإستراحه مليانه من الأعضاء وأسلم عليهم كلهم (( والله يا أنتم واجدين ما شاء الله عليكم ))
المهم وأشوف في ذيك الربعه جالس البارق وأبو سليمان وحبي تيماوي يسولفون عن المنتدى وأشوف معهم واحد مدري وش جايبه عند الكباريه وأدقق إلا أثره حيدر (( بالغصب يبي يصير مشرف ))
وبالربعه الثانية جالس الموهوب يخبص هالورقه ومقابله القلب الأزرق والفريق اللي ضدهم الغانم و عاصوف .. والله يالغانم وعاصوف مكسرين راس الموهوب والقلب :p .. وسهل 888 جالس يسجل يحتري دوره يجي هو والبرفسور وأنواع الغش يبون الصكه تخلص بسرعه ودروا الشباب عن سهل وحركة الخيانه ويجحدونه ويمسك القلب الأزرق التسجيل .. وجلست أقلب عيوني بالأستراحه وأشوف لك ثلاثه أنواع الإزعاج أثرهم BoW WoW وأبو الذهب وجاج (( والله من الدجه بالثلاثه هذولي )) أثرهم جالسين يمسكون واحد مريض مسيكين من قرادته جاي يعالج عند جاج وفوق كذا معه الأخصائيين BoW WoW وأبو الذهب (( عز الله اللي راح )) وويجيك جاج ويوصي أبو الذهب أنه يجهز النار علشان يبي يكوي واحد ويقول لباوواو رح جب الملقاط علشان نداوي الأدمي هذا .. المهم وجلست أتمشى في هالإستراحه وأشوف الأعضاء وش عندهم وإلا واحد كل شوي داخل وطالع داخل وطالع داخل وطالع أثره الجنرال فيصل ;) كل شوي يقول بسافر ويودعنا ويطلع من الإستراحه وشوي يرجع يقول هونت عن السفره;) جلس حول الربع ساعه على هذا المنوال و آخر شئ مسكه فيقو وقال والله ما تمشي أقضب أرضك أبرك لك آخر شئ قال شورك وهداية الله (( غصب عليه المسيكين مصع يدينه فيقو )) ويجلس يشرب الشاهي مع فيقو وبرستيج وكل شوي يهوش عليهم برستيج يقول موب كذا تشربون الشاهي وين البرستيج والأتيكيت أثر الشباب كل ما بغى واحد منهم يشرب له شاهي شفط لك شفطه لها صوت من قوته سمعوه إدارة المنتدى وأرسلوا الإعصار يشيك الوضع بس الإعصار طلع ذيب جالس يراقب الوضع من فوق الخزان علشان محد يشوفه .. مشيت من عندهم وجلست أناظر واحد جالس بزاوية لحاله وحاط شماغه جنبه والطاقية مايله ومعه كمبيوتره وجنبه أوراق كثيره أثره نواف السديري جالس يخلص تواقيع الأعضاء وكل شوي ناقز لمه واحد يقول أتحداك تحل اللغز هذا أثره الحكم أبلش نواف السديري كل ما أخذ شوي أتحداك تحل اللغز ونواف مهوب لمه لاهي بتواقيع الأعضاء وألتفت على الباب وإلا أشوف واحد كل شوي يدخل ويطلع يغيب ربع ساعه أو نص ساعه ويرجع على هذا المنوال وأسأل فيقو من هذا يقول هذا الوليد ما شاء الله عليه كل شوي هو جاي يجلس معنا عشر دقايق وعقبها يروح لإستراحة العوام وأبو ناصر والطقه ما شاء الله ما بخل على أحد بشئ كل واحد معطيه حقه كل إستراحه يجلس معهم شوي ما يقدر يترك أحد وشوي يوم دخلوا أثنين وش ملحهم متكشخين ولبسهم حلو ومرتب أثرهم عرساننا الغريب وعارف الهلالي يوم قاموا الربع يسلمون عليهم وياخذون علومهم وشلونهم عقب الزواج وما كملوا ربع ساعه وإلا حنا نسمع أصوات جوالاتهم;) ويردون بنبره غريبه ;) وكل شوي يقولون طيب طيب وأستأذنوا من الربع وراحوا (( أثر ورقة الإستئذان محدده بربع ساعه بس )) وألمح وحده من زوايا الإستراحه وأشوف واحد معه ورقه مغير يكتب ويمسح وأثره نجم الصبح يكتب أحد خواطره وعيت تكتمل له حول النص ساعه وهو على هذا الحال ..
وأشوف لك ملعب الطائره وأثر الشباب طاقين لهم قيم وحماس اللعب وما فيه إلا كبس وصد كبس وصد الفريق الأول يلعب فيه قلبي الزعيم وأيمن وحبي سامي وراعي المحبه والواقع وأقهرهم يا ثنيان والفريق الثاني الزير سالم ومشكلني حبك ياسامي وأبو روان وأسير وأبو محمد 2001 ومجنون _ هلال .. وكانت النتيجه 12 / 13 لفريق قلبي الزعيم .. خل عنكم والله يا راعي المحبه كبس كبسه يحبها قلبك بس فيه مشكله وحده بالكبسه أنه مقلل الملح شوي ..
هذا قسم الرجال وقسم الحريم الله لا يوريك ..
كان قسم الحريم فيه نجمة الأبداع والمملكة جالسين يفكرون أنهم ينزلون ديوان شعر وكانت فيه جلسه خاصة بين بعض البنات اللي هم الفيروسه الزرقاء والماسه الزرقاء وبنت الاسلام و وردة الهلال وعاشقة الهلال جالسات يسولفن عن العروس بها الصيف طبعاً ما ننسى أن الجلسة كانت ممزوجة بكثير من الكراث لهذا السبب كانت الجلسة خاصه جداً (( بحكم أنهم البنات الباقيات ما قطن بقيمة الكراث )) وفي حدى زوايا قسم نون النسوه جالسات شلة الـ(RGH) اللي هم رهام وروعه وعبير ورنيم ورهف ومعهم تغريد جالسات يسولفن عن الموضه والفساتين ومعهم مجلات عن الفساتين ولزومها وشوي وإلا دخلن عليهن هلالية بكيفي وهلالية الرس وقامن سلمن عليهن ورجعن يكملن شغلهم بس هالمره كلهن جلسن عند وردة الهلال وشلة الكراث بعد ما جابت دفعه هلالية الرس معها لزوم السواليف والحتسي وجلسن لين ما خلص الكراث عقبها تيسرن لبيوتهن,,



الساعه 3 الفجر ,,
طبعا الشباب إلى هالحين وهم سهرانين ما عندهم شئ أنواع الفضاوة مغير نوم بالنهار وسهر بهالليل وجاج زادوا الزباين عليه مدري وش يبون به ؟؟ ..
ونواف السديري خلص التواقيع وينادي الحكم ويقول تعال أنت وألغازك وإلى هالحين وهم خذ لغز هات لغز .. وشلة البلوت الغانم وعاصوف قلبوها خبيتي على الموهوب والقلب وسهل والبروفسور من القهر حولو إلى لعبة دق أربع ما جاهم دورهم بالبلوت إلى الحين ..والكباريه إلى الحين وحيدر عندهم مرتز مدري وش موقعه من الأعراب .. والإعصار نام جنب الخزان من التعب كل شوي وهو يراقب على وحده من أستراحات الموقع .. وفريق الطائره النتيجه ما زالت مستمره 12 / 13 لفريق قلبي الزعيم(( وش هالشوط اللي عيا يخلص )). ونجم الصبح الحمد لله خلص خاطرته وأخذ كمبيوتر نواف علشان يبي ينزلها بالمنتدى ويجلس له المنتدى كل ما أضاف الموضوع يقوله لم تسجل تسجيل دخول لين بغى يطقبه عرق .. والوليد ما شاء الله إلى الحين وهو يفر على الإستراحات ..وبرستيج أخيراً علم فيقو والجنرال فيصل وشلون يشربون شاهي من دون ما يزعجون الإستراحات اللي جنبنا ,, [/c]

[c]نصيحه ,,,
لحد يكثر لبن قبل لا يكتب موضوع [/c]

ها ها ها ها

مشكور

هاهاهاهاهاهاهاهاهاهاهاهاهاها..........

مشكووووووووووور..........

الله يرجك راج مبرح اخوي الغالي صدى الامس....... ;)


والله ونستنا الله يعطيك العافيه .........


وترى مبارة الطايره باقي مانتهات وانا الحين بروووووح اكمله ......





وابشرك ترى النتيجه باقي زي ماهي 13-12 لصالحنا..........


وترى الكره انطقت علينا من كبسات راعي المحبه.......


وارسلنا الجنرال فيصل ياجيب كره بونيته.......... وصارله ماده ونستناه وباقي ماجى.........




ودك ياصدى الامس تشارك مع فريقنا الطايره ..........

الله يعطيك الف الف عافيه ........ على موضوووعك الرااااااااااائع............. ;)

:p

هلا صدى الامس مشكووووووووووووووور


والله ان فلوسي واجد وش وراي كل يوم بسافر احسن من حر الرياض




اما عن الشاهي والله مشكور برستنج علمنا الحركات وكيف نشرب الشاهي بكل ثقه





اما ذى الايام احس ان يدي طالت كله من فيقو



مشكووووووووووووووووور وماقصررررررررررت

حبيبي كلها رصه اربع ميه وميه

للقلب البردقاني ;) ابو قلب ابيض ;) وعيون خضر

ويجي دوري والتوزيع على المهزوم

والحله بيدي

وعينك ماتشوف الا الشعب منطلين بذيك الزوايا

ياشين ذيك الزوايا

<==== تراه يعرف بلوت

والا انا ما اعرف الا اسجل

[c]اسير
ها ها ها ها
شكرا

هلا قلبي الزعيم ,,
بالله وش ذي المباراة اللي ما بغيتوا تخلصونها
وبعدين والله ودي أشارك معكم في المباراة بس راسي داخ من كثر ما فريت في الإستراحه
شكرا لك ومره ثانية ألعبوا على الأصول

الجنرال فيصل هلا بك ..
معك حق تسافر وتهج عن برد الرياض اللي يذبح الواحد ذبح
بس علمنا وشلونا يدك عقب ما مصعها فيقو ؟؟؟
شكرا لك ..

[/c]

[c]هلا والله بسهل راعي التسجيل

المشكلة ان القلب البردقاني ما ركبها صح.. الغانم قلبها عليه هو وخويه

إقتباس والحله بيدي وعينك ماتشوف الا الشعب منطلين بذيك الزوايا

[c]سهل الخوف أنك تقصد دق أربع وإلا المعلومات اللي وصلتنا عنك أنك داج بالبلوت <--- كلام القلب البردقاني موب أنا [/c]
[/c]
[c]معليش أخوي سهل رديت وأثرك راد [/c]

موضوع يونس والله

موضوع حلو ومتعوب عليه مشكووووور

مشكور اخوي صدى الامس لكن في ذمتك ابيك تجاوب على سؤال ؟؟




























يوم اني اكبس على راعي المحبة ويدقها بيدة طلعت برى يعني هدف الحكم ليه ما حسبها ؟؟؟؟؟















والله انك مبدع اخوي صدى واسمع بعد يوم دخل الوليد رحنا نسلم عليه وهم يلعبون فريق قلبي الزعيم وجابوا هدف وحسب مفروضا ما يحسب واسال الاعصار هو شايف من فوق بعد ؟؟؟






اكرر شكري لك موضوع اكثر من رائع

إقتباس الوليد ما شاء الله عليه كل شوي هو جاي يجلس معنا عشر دقايق وعقبها يروح لإستراحة العوام وأبو ناصر والطقه ما شاء الله ما بخل على أحد بشئ كل واحد معطيه حقه كل إستراحه يجلس معهم شوي ما يقدر يترك أحد

لايكون أنا صاحب الاستراحات واضف الايجار وأنا مدري

إقتباس والوليد ما شاء الله إلى الحين وهو يفر على الإستراحات

حلوة التخيل الكبير

اول شي مساء الخير اخوي صدى الامس

ثاني شي تعال اقرب خل بقول لك شي

بالله عليك مهوب اللي يلعبون بلوت ازين من اللي جالسين يقطعون بخلق الله

وما يحتاج اقول باي زاويه هم عارفين انفسهم

وتبي الجد عاد

والله يا انا مبطي عن المواضيع السنعه هذي

والله يكثر من امثالك

مع انك مقطع فينا شوي لكن عادي زي العسل من بؤأك

ولا اوصيك ولم لك فريق وخل نكسر روسكم ونصفطكم ببزاويه فاضيه مثل باقي الشله

واللي قال ان سهل ما يعرف يلعب هذا من القهر اللي بقلبه لكن اقوله هاردلك خخخخ

تحياتي واشواقي الحار بشوي بهارات بروستد البيك للجميع

ما عدا واحد ولا تدرون يالله كلكم خخخخخخخخخ

سي يو مثل ما يقول سهل