..LIGA33.. تعادل بين فالنسيا والبرشا والريال يفك عقدة اشبيلية - نادي الهلال السعودي - شبكة الزعيم

PUYOL Carles · #11 27/04/2009, 02:57 AM

إقتباس


	ماراح اطمرها يابعد حيي .. فاضي واجازة وماوراي الا انت ؟ وش جاب طاري الرشاوي ومباراة سرقسطة ؟ .. أنـا اناقشك في نظريتك ياجدي .. طيب البلنتي مـو 90 % هدف ؟ .. طيب جا هدف فالنسيا ماراح تصير 3-2 ؟؟ ..

فيصل

.. اذا بتقرا ردي وبتنقي الكلام .. نقي الكلام الا يفيدك

..

في البدايه انا كلامي ومبدأ نظريتي الا طرحتها .. طرحتها بشكل عام وانت رديت علي .. فـ حبيت اوضح انا ليش كتبتها بعد .. فـ في اشياء مولازم تفيدك لكنها موجهه لاعضاء اخرين وطبقه اخرى من المشجعين ..

يعني سالفة سرقسطه ومادري ايش اذا ماتهمك مولازم تقتبسها .. واقتبس الكلام الا يخدم نقاشنا

يعني .. مازلت تاخذ الشئ بالجزء الا تبغا تاخذه وتترك الجزء الا انا اقصده ..

شوف وش كتبت لك ..

إقتباس


	المشجعين .. ياخذوها على انه لو جا بلنتي لنا .. يعني هدف زائد .. لكن ممكن برضو لو انحسب البلنتي .. ماتجي فرص الاهداف الثانيه اصلا ..

بلنتي اشبيليه قضيتها ثانيه وشرحتها لك ..

قلت لك بلنتي اشبيليه .. خلنا نقول انه ماانحسب .. لكن و من نفس الهجمه الريال جابو هدف .. يعني الكره بس ارتدت من دفاع اشبيليه وراحت لهجوم الريال ووماعدت نص الملعب .. وجا هدف .. والفاصل بينهم فتره زمنيه قصيره جدا ..

انت تاخذها يافيصل على انه .. لو انحسب البلنتي .. اكيد الهدف الا جبناه بيجي .. وبتصير هدفين بدل هدف ..

انا اخذها على انه لو انحسب البلنتي .. معناتها الفريقين ممكن تتغير نظرتهم للمباراه بحسب النتيجه .. ممكن فريق يرجع يهاجم .. وممكن فريق يرجع يدافع ..

لو انحسب البلنتي .. معناتها الفريقين بيسنترو من نص الملعب .. وبتتغير كل الرسمه التوزيعيه للاعبين الا كانت في لحظة الهدف ..

بنفس المنظور انظر لها في مباراة فالنسيا ..

هدفين فالنسيا جو على اخر 5 دقايق بالشوط الاول تقريبا .. ولو انحسب بلنتي او بلنتيين لهم في وقت مبكر ممكن اشياء واجد تتغير ولا راح يصير الا صار في اخر خمس دقايق ..

مربط الفرس بين حالة مباراتكم مع اشبيليه او مباراتنا مع فالنسيا واخطاء القرارات التحكيميه .. بان الفريق تمكن من الرجوع في وقت مناسب وقصير ..
يعني الشئ بايدهم ..

يمكن اقنعك ويمكن لا .. بس انا مقتنع بالشئ

وعلى العموم .. نعيد ونكرر ولعل في الاعاده افاده .. لو قلنا بلنتي فييا صحيح .. فـ ان القرار راح يكون ملغي لأن الكره تسلل من الاساس .. ولو قلنا التسلل غير موجود وهالشئ هو الصحيح .. فـ هو اعتقد راجع لعدة قرارات تحصل اسبوعيا في الليقا .. لكن ليش هالمره صار فريقنا فريق رشاوي .. اترك لك التعليق .. اللعبه كانت سريعه والتسللات شئ صعب جدا من وجهة نظري .. وكان هو التسلل الوحيد الخطا المحتسب على فالنسيا اذا ماخانتني الذاكره ..

بلنتي سيلفا مااشوف فيه شئ يستدعي البلنتي لأن اصلا سيلفا ماكان مسيطر سيطره تامه على الكره ولا كان متجه للمرمى ولو بغا كانت عنده امكانيه يكمل ومااعتقد لاعب مثل سيلفا مايقدر يلعب مع اي احتكاك يجيه ..

هدفنا التعادل من وجهة نظري مافيه شئ ..

واذا بنعلق على كل حالات الانذار ومادري ايش الا صارت .. فـ احب اذكركم بمباراة اسبانيول وبرشلونه لما قلتو في ردكم على البرشلونيين الا كانوا يتباكو ويتشكو من الحكم .. ان الحكم ماله شغل في النتيجه وبرشلونه كان سئ ومن هالكلام ..

وفيصل .. مره ثانيه لو سمحت شاهد المباراه اذا بتتناقش عليها .. لأن يأثر في كلامك عن الشئ لما تكون تشوفه وتدري عنه

.. موقصدي اتصيد عليك .. بس يفرق لما شئ تشوفه بعينك وتبني عليه وجهة نظرك الخاصه .. عن لما تقرا كلام او تسمع من ناس وتجي تتكلم عنه .. لأنه لكل واحد نظره ..

=======

مبروك للريال الفوز

واحتراماتي للجميع