هـنــا يــكـمن الـتـسـلّـط بـأبـشـع أسـالـيـبـه الـعـنـجـهـيـة.. يـنـعـاف الـعـشـاء - نادي الهلال السعودي - شبكة الزعيم

Fahad Al Sudais · #1 23/04/2009, 06:47 PM

حيـــــــاكم

مدري ليش عندنا نوعيات بارعه في قتل الفرحة

والله فيه عالم ودك تحجرهم بغرفة وتفلت عليهم العندليب الاسمر ريان بلال

يجيك الطفل المسكين فرحان معه شاورما او همبرجر او قطعة بيتزا

ويمد ايده بكل براءه وتفاؤل علشان ياخذ علبة بيبسي ويستمتع بوجبته

ماتدري الا وثلّة من كبار الاجسام.. صغار العقول كحويصلات الحمام ( النفسيات ) طابّين في بطنه :

اح .. اح .. كخ .. شل ايدك

مهوب زين .. يوجع بطنك

هذا يصبّونه بالمغاسل المسدوده علشان يسلّك المواصير

هذا مصنوع من جلد الخنزير

المشكله كل واحد من هالغثيثين يبربر وهو ماسك في ايده قوطي بيبسي

والطفل المسكين تنسد الدنيا في وجهه

ويقعد يصيح ... يكاد قلبه يتفطّر على جغمة بيبسي

والمهايطيه اللي جنبه مازالوا في طغيانهم يعمهون ويبربرون :

والله لو تموت ماتذوقه

والله لو تلمس السماء وتلحس شحمة اذنك

والبزر الضعيّف يرمي سندويشة الشاورما ويعاف العشاء

وتقفل معه ويقوم يشاهق من الصياح

تجيك خالته عاقله ترحمه وتقول لامه :

حرام عليتس ياويلي... تفترك تسبده على جغمه... صبّي له شوي يذوقه

الام :

خليه يصيح ... سادّه ... والله ولا جغمه ... باتسر اذا جته ( هشاشة العظام ) محدن نافعه

خالته :

يابنت الحلال ادحري الشيطان .. جغمه مهيب ضارّته انشاءالله.. صبّي له عن نفسه

الام :

اقول ورى ماتبلعين العافيه .. انا ابخص بولدي

لاحول ولا قوة الا بالله

تحزمون خششنا عن الكولا وحنا صغار

واذا كبرنا يدفعنا شعورنا بالظلم للانتقام... ونشرب باليوم الواحد عشرين قوطي

فقعتوا روسنا حليب حليب حليب حليب حليب

وش حيث العالم كلهم يفطمون بسنتين

وحنا عشرين سنه علشان نفطم الحليب وتصرفون لنا تغذية البيبسي

وبعدين تعالوا هنا يا حزّامين الخشش

من يقول ان الحليب مفيد والبيبسي ضار بالصحة ..... كلام فاضي

الحليب خطير جدا على الصحة

يسبب تلبّك معوي وغازات ويجيب الاسهال ( تكرمون )

ومليان بالسعرات الحرارية التي تؤدي الى السمنة المفرطة

وفيه نسبة كبيرة من الكوليسترول... بالتالي يسبب انسداد الاوردة والشرايين

غير كذا يسبب حساسية مفرطة للبعض بسبب اللاكتوز

وجرب مره تتعشى وجبة دسمة.. واشرب فوقها كاس حليب.... قسم ان تحتفل بالشميسي ذيك الليله

لكن البيبسي والكولا

يريح المعدة بعد الوجبات الدسمة... وينظّم عملية الهضم

ويحافظ على رشاقتك اذا شربته دايت

وخالي من الدهون والكوليسترول وكل هالبلاوي

والاهم.... طعمه احلى من الحليب

تراي مانيب اغصب احد على البيبسي... اشربوا حليب بكيفكم

اومّا انا باقحن كوكاكولا لييين ( احب التراب ) وافطس

عاد ترى اللي يشرب حليب من الكبار أهون من اللي يشرب سن توب

واخزياه بس

تلقاه بالمطعم رجال طول بعرض... ياكل سندويشه ويشرب سن توب

قلبووووووش والله .... ياحليييييييييله دن حجيله
.
.
.
.
.

رومانسيات صخراويات

آكلك منين يادغبوجه يابطه

نطي في قلبي نطه على نطه

واكسري بشوقك علبة شطه

تدرين..

انا اسمعهم كثير يتغزلون بالعيون.. وجمال العيون.. وسحر العيون

لكن عندك انتي شي غير

اتركي عنك.. والله يا اظافرك شيييييي.. عليك اظافر موب صاحيه

ريكيلمي · #2 23/04/2009, 06:56 PM

هلا و الله بالمبدع دائماً الصخرة

و الله انك صادز ياخوي هالعالم و اشاعاتهم عن الكولا و الببسي

البزران كانوا متعقدين على ايامنا من جور الكبار .. أما الحين يرضعون الببسي

خلو العالم تستانس و تشرب اللي تبي .. كله كوم و سالفة السنتوب كوم ثاني

دمت بود أيها الرومانسي يا معذب قلوب العذارى

برايفت لك : وش هالسحبة

R D H · #3 23/04/2009, 07:01 PM

السلام عليكم ورحمة الله وبركاته

تحيه طيبه لك يافهـد .. أنا خايف عليك من شي واحد لكن أن شاء الله مايصير

لكن أسمع

.. كل واحد حر بنفسه ..

أنا وكثير من أصدقائي نعشق شي أسمه ( سن كولا )

الحين وش فرق السن كولا عن الحليب عن البيبسي

كلها نعمه ومشروبات تروي الظمآن .. بإستثناء الحليب ..

ولا علشان البيبسي ينشرب دغري من العلبه .. والسن كولا عن طريق الشفاط ويصير شكلك غلط وانت قاعد تشفط وخدودك تدخل للداخل ويصير عندك غمازات ..

ترا السن كولا اهون من عصير اسمه ( راني ) و ( فيمتو )

أنا ما أدري الحقير اللي اخترع العلبه وش يحس فيه ؟

لازم تشد الغطا لفوق .. ثم تدخل الغطا جوا فمك وترفع راسك لفوق وتشفط .. من جد الواحد يحس بإهانه وهو يشربه ..

ختاما أحب أشكرك ويعطيك العافيه يالغالي

.. وصدقني مافي هنـاكـ أجمل من ( الحليب الأحمر في الكاسه بتاعتي )

مابين القوسين كنت دايما أقوله وانا صغير أول ما أصحى من النوم .. للشغاله ..

وهو شاي بالحليب طبيعي .. لكن اللهم أنها تقعد تبرده وتصبه في كاسه ثانيه وترجعه في الكاسه الأولى .. وهكذا حتى يبرد ويصير فيه رغوووووووه .. كان خيال بصراحه ..

ذكرتني بمـالي الشغاله الله يذكرها بالخير ..

دمت بأجمل حال

متآبعه بصمت · #4 23/04/2009, 07:07 PM

إقتباس

الرسالة الأصلية كتبت بواسطة R D H


	ولا علشان البيبسي ينشرب دغري من العلبه .. والسن كولا عن طريق الشفاط ويصير شكلك غلط وانت قاعد تشفط وخدودك تدخل للداخل ويصير عندك غمازات ..

فيه شيء إسمه مزّاز

وترى البيبسي ما نشربه على طول من العلبه لازم المزّاز

قال شفّاط قال

رواااان · #5 23/04/2009, 07:16 PM

مرااحب أخوي الصخره
بخصوص البيبسي والكولااا >>>نفسي اشرب واحد منهم

بس لوتدري امي اني شربت واحد منهم والله تقوم الحرب العالميه بالبيت

وصارت لي فتره طوييييييييله ماشربت ببسي والا كولااا

بسبب الاوامر العسكريه بالبيت فعن نفسي اشرب سفن آب >>>شيء أحسن من لا شئ

عوافي خيووو على الموضوع الخونفشاري >>>هع

مــــودتي ~....

яęęм · #6 23/04/2009, 07:42 PM

إقتباس


	يقول ان الحليب مفيد والبيبسي ضار بالصحة ..... كلام فاضي الحليب خطير جدا على الصحة

الحليب أكثر فآئده من الببسي ليه ماتعترف .. << مو عشآنك تحبه تدآفع

وبعدين الحليب فيه كالسيووم يقوي العظآم ..<< من يومنآ صغار يقولون كذآ .. تجي إنتِ اللحين تكذبهم

..

وبالأول وبالأخير كل إنسآن حر باللي يشربه مضر والا لآ .. أهم شي الطعم

<< ما أحب قآنون المنع أعرف كثير يمنعونه عن أطفآلهم ويشربونه هم << تنآقض ..

..

الصخره ..

موضوع حلوو وظريف ..

تشكرآت ..

تقبل مروري ../ رورآن

R D H · #7 23/04/2009, 07:45 PM

إقتباس

الرسالة الأصلية كتبت بواسطة متآبعه بصمت


	فيه شيء إسمه مزّاز وترى البيبسي ما نشربه على طول من العلبه لازم المزّاز قال شفّاط قال

أهلا أختي متابعه

لك ذكريات بطلة في الذاكره ياشاعرة المليون

الحين أنا ما أدري اللي يكون يعرف كلمه واحده عن شي معين ولا سمع كلمة غيرها صحيحه عن نفس الشي يجي ينتقد

بإختصار ..

شفـاط - مزاز - مصاص ..

كلها تجي ..

بيبسي العلب أبو ريال .. شربه من العلبه أحلى

والناس اذووواق

عالعموم خذي

وأنت يافهد خذ

اعذرني على الرد الثاني لكن اشوف مواضيعك بسم الله ماشاء الله توصل فوق الخمسين رد .. ومو كثير عليا ردين فيها

متآبعه بصمت · #8 23/04/2009, 07:59 PM

إقتباس

الرسالة الأصلية كتبت بواسطة R D H


	الحين أنا ما أدري اللي يكون يعرف كلمه واحده عن شي معين ولا سمع كلمة غيرها صحيحه عن نفس الشي يجي ينتقد

مو القصد بس حبيت أحارشك

........................................

Fahad Al Sudais · #9 23/04/2009, 08:01 PM

إقتباس

الرسالة الأصلية كتبت بواسطة ريكيلمي


	هلا و الله بالمبدع دائماً الصخرة و الله انك صادز ياخوي هالعالم و اشاعاتهم عن الكولا و الببسي البزران كانوا متعقدين على ايامنا من جور الكبار .. أما الحين يرضعون الببسي خلو العالم تستانس و تشرب اللي تبي .. كله كوم و سالفة السنتوب كوم ثاني دمت بود أيها الرومانسي يا معذب قلوب العذارى برايفت لك : وش هالسحبة

هلا والله بـ خوان بابلو ريكيلمي

<< يازينها من بين براطم رؤوف خليف

تعال هنا.... وش السحبه

@@almoreb@@ · #10 23/04/2009, 08:03 PM

إقتباس

الرسالة الأصلية كتبت بواسطة R D H


	اعذرني على الرد الثاني لكن اشوف مواضيعك بسم الله ماشاء الله توصل فوق الخمسين رد .. ومو كثير عليا ردين فيها

لا خذ راحتك يالغالي <<<< بالله وش دخلك انت

الى صخرتنا وحجرتنا الجميلة الصخرة << كأني قاعد في وادي جبلي

الحليب وما ادراك ما الحليب سبحان الله اجد لذة عجيبة في شربة

وبعدين تعال ابي اسألك سؤال >> انت يوم طلعت من بطن امك وش كنت تشرب بايسن

؟؟؟؟؟

وانا من المخاصمين للبيبسي بالذات يعني ممكن حمضيات نقووووول تمشي

واليك هذا الشعر من تأليفي

إن الحليب اللذي نشربه كل صباح يخليك عظامك فلة وأحلى شئ << اقول لا يكثر بس

برايفت لصخوووووووووووووووورة
>>>> انت أكثر الناس رومانسية <<<< >>>> يعني خلاص لا عاد تكتب لا احش رجلينك حش هههههههههههه والله قعدت اضحك ضحكا ضحوكا

تسلم يالغالي

وتقبل مروري

Fahad Al Sudais · #11 23/04/2009, 08:03 PM

إقتباس

الرسالة الأصلية كتبت بواسطة R D H


	ولا علشان البيبسي ينشرب دغري من العلبه .. والسن كولا عن طريق الشفاط ويصير شكلك غلط وانت قاعد تشفط وخدودك تدخل للداخل ويصير عندك غمازات ..

هلا برهووووم

عاد غمازات زود على رومانسياتي الحالمة

قسم ان يكرشني بندر بن ثامر وهو مغمّض

منور يابطل

دوك -->

باسكن روبنز · #12 23/04/2009, 08:22 PM

هلا بالرومانسي

بالنسبة للمشروبات مفروض كل ام واب مايتدخلون بالي يشربونه عيالهم

هذه حرية شخصية دامها مو حرام

والله ابوي

هو الي كان يشتري لي كرتون بيبسي

ذكرتني بأختي الحين تمنع بناتها يشربون بيبسي وتخش ( تخبي ) لغير الناطقين بالاوردية

بيبسي تشربه اخر اليل اذا نامو بناتها

الصخرة <<

دوك

Fahad Al Sudais · #13 23/04/2009, 08:57 PM

إقتباس

الرسالة الأصلية كتبت بواسطة متآبعه بصمت


	فيه شيء إسمه مزّاز وترى البيبسي ما نشربه على طول من العلبه لازم المزّاز قال شفّاط قال

والله من الرجه بعد بهالبنت ههههههههههههههههههه

خلاص تكفين اسمحي له.. وامسحيها بوجهي هالمره

ابراهيم يادوووب ترى اسمه مزاز

دوتس -->

T U R K I _ 15 · #14 23/04/2009, 08:59 PM

انت ما حددت بيبسي دايت ولا عادي وحليب قليل الدسم ولا كامل الدسم ..

عاد منول يوم اني صغير اذا جاء عرس ولا عزيمه زبن بيبسي واحد فالمخباه والثاني مع الاكل والثالث تحت المغاسل خخخخخخخخ واذا انتهى العشاء

واحد طيشه واللي مع العشاء توه ما خلص والثالث اشربه فالسياره .. عاد القوطي الثالث لازم يكون فيه هوشه من وزاه الداخليه ووزاره الخارجيه والامن العام <<<< امه وابوه واخوه الكبير

وشهوله تشربه مهب زين يجيب السرطان عاد وانت صغير تحسب السرطان كائن حي .. اخون للكلب من الرضاعه

المهم اشوف فيه ناس متهاوشه على مسما شفاط ومزاز او مصاص .. ياخي كل هالكلمات داخله علينا .. اسمه مكــاك

عاد تخيل مفطح مع سن توب

ولا حليب

وع

بيتزا ولبن مع يخالف <<<<< اطلع برا

الصخره وش عندك بالرومنسيات

وشلون أصير رومنسي

ابي اصير مثلك

يالله انقلع بروح اكتب موضوع