مواصفات زوجة المستقبل..وحسب استطلااع اراء..بعض الشباب..من جميع الأصناف..(( عرابجه - مؤدبين - صيّع - خكاريه ......الخ))

1 - مالها أم..

2 - أبوها وحدة من ثنتين..مايدري وين الله حاطه..او يدربي راسه مايدري وش السالفه..

3 - مالها اخو اسمه دريحم ..(( معروفين اللي اساميهم دريحم..دايم طفرانين ويبون سلف ))..

4 - تكون مدرسة طبخ بمدرسة قبال بيتهم..

5 - دلوعة وموت وحلوة وطلقه وصاروخ وجميع المواصفات آنفة الذكر..

6 - تعرف تكشخ له...يعني موتكشخ للسوق والعرس..و عند زوجها تطقم بقميص الوالدة..

7 - تعرف انجليزي ..(( عشان تترجم له الأفلام ))..

8 - ماتحب تروح للسوق..الا بالشهرين مره بالكثير مرتين..

9 - ماتصير نشبه..يعني اذا قالها لا ..ماتعاند..ولكن تجيه بأسلوب..لين يوافق..موب تنعفق وتنشب بحلقه..لين تجيها زمزمية الشاهي مع الجبهه مع تحيات زوجك العزيز..

10 - تعرف تغير زيت للسيارة..وايضا تعرف تركب الكفر ..

11 - تعرف تلعب بلوت..

12 - ماتصير شحوم ولحوم...وعلى الكراث تحوم..وياحامل ياتصوم....يعني تعمل على اعطاء زوجها حقه..

13 - ماتخاف من الظلما...عشان لوقالها تروح تطفي لمبات الحوش بالليل ماتقول لا..(( هذي مواصفة واحد عجاااز ))..

14 - طويلة ومليانة...يعني ماتصير عصلا تقل سلقه..

15 - حنونة..عاطفية..شخصيتها قوية (( يعني ماتصير صتيمة..كل ماقال شي قالت ايه..ولكن تقول رايها..بدون منافخ وعناد ))..

16 - ماتشوف نفسها على زوجها..اذا كانت اعلى منه بالدراسة..(( يصير معه الثانوية ومتوهق بوحده معها الجامعه ))..

17 - ماتصير غثيثة..(( يعني اذا صار زوجها مهموم ووده يفضفض..وقالها انا تعبان..تقوله وانا بعد تعبانة..ولاتسمع هو وش فيه..))

18 - تعرف تسوي فورمات للكمبيوتر..


هذا ونشكر..للي كان ودهم يقولون مواصفات..بس عاد خلاص..اها لا يكثر...


صحيح..تلاحظون ان الآراء فيها استهبال شوي..بس هي الحقيقة..شروط انا استشفيتها..من جلستي مع بعض الشباب..
فا وش رايك..بهالمواصفات ..؟؟

[gl]لا تعليق ......[/gl]

وين تلقي ذي؟؟؟؟؟؟؟؟؟؟؟؟؟؟؟؟؟ ولا في الاحلام

اي والله وين تلاقاها ذي

الله الله الله
والله مواصفات حلوه
ولا تنسى بعد
انها ما تحب الفلسفه
لان هذا النوع جربته انا واسالني عنه
خخخخخخخخخ

ويبي يعرس وبعد يصير كبير مو عائلي