صباحكم أزرق

هذا ماهوب بموضوع ويبي تفاعل ونقاش ومدري وش سمه

لا هاذي ثورة غضب " نفسية مستعصية " وحالة متأزمة جدا من سنين الشباب ومكبوتة ، لين "موقف البارح " ولد الانفجار.

عندي عقدة مستأصلة " أسمها نزار قباني " تقل ماب هـالعرب إلا هـالولد!

كنت مقرر ما أرز فيس موضوع هنا لين أكمل شهر و أدرس النفسيات !

لين انفجرت البارح و اكتشفت أن نفسـ ــيتي تبيلها علاج سريع و فوري

فقررت استــــ ــفزع فيكم ، كود حديكم يبرد كبدي بـــ ــــرد لا قبله ولا بعدهـ ، أكيد به عـ ــذالي




من أنا صغير أرسم دواوير بــأصبع رجلي كذا وأرسم لها قلب وسهم وحروفـــــها .

أنتظرها من أول الحارة وأتحرى لها الباص يجي وأودعها وهي بمريولها المزموم

كان أسمها " سكوت " و أجي أركض أناديها " بسكوت بسكوت " تناظرني من فوق لتحت وتروح زعــــ ـلانة

والله وش دراني بدوي بقراطيسي من القيصومة للرياض !

ماخبرنا هــالأسماء ولا هـــالحــ ـــمران ، لبى قلبي يـــا حــــــــمــــــــص


كبرت وكبرت معي جارتنا سكوت ، كانت اولى قصايدي بـــ17 كلها لها مكسر شعبي خواطر وابو العــَـريف " عربي "

وكل ما قلت لها شيء قالت " حليو " بس نزار قباني يقول كذي وكذاك

نزار شاعر الرومانسية والغزل والحب ، الوحيد اللي يزلزل قلوب العاشقات ، ونزار ,’,’, ونزار ,’,’, ونزار ,’,’, ونزار ,’,’, ونزار ,’,’, ونزار ,’,’,


مرت الأيام والسنين وجانا غزو صدام للكويت و أزمات اقتصادية ، ورحلت ســـكوت وأهلها وشدوا من الرياض لـــ العين دار الزين "سكوت "






دخلت أختي الجامعة وسيدهـ لغة عربية وهاتك قرقرقر هي وبنية خالي ونزار ونزار ، وانتقلت دواوين نزار للبيت .

أرحب ابو الشياب هــ"النزار" مدري هــزار جاي للبيت بعد ! ماعندي لا ضيافة ولا غيرهــ للـــــــ,’,’,’ سلقاطي كأنه براجون

بعد جايبه هــالماجن لــبيتنا خليكِ بــالمتنبي الــفرزدق و مقرارتك ِأصرف لكِ !

من يومها سدت حلقها وما عاد سمعت نزار ، بس كأنه يقرقع بقلبها وصار أسمائي واجد " ديكتاتوري ،’, متخلف ,’, رجعي
,’, ,’, ,’, ,’, ,’, ,’,






بعدها بفترة بسيطة جانا النت ودبكي عليه وهاتك يازحف ومنتديات الزاحفين والساحبين جلنط بــتزايد وكل يومن هنى شيء جديد ..

وأقلع مع الزاحفين أقــــــــلاع تحبه قلوبكم ، ثمن جات ســــارهـ ، دمبك دمبك دمبك طع " وسعوا الملعب زين العذارى في وصول "

قسمن أني كنت أرفع كراعيني فـــــوق من الضحك ، تنمرس كبدي مرس وما أدري إلا أنا على دمجتي منكفي

والصبح أيام الصفة الفجرية والبســــطار والحرس الوطني أعدد على أصابعي بنت ، لا ولد ، بنت هي تقول أنها بنت ، لا ولد كتابتها ومواقفها كأنها حدن من هــ الجـــــنود بالصفة !

ألتفت على "نايف" أنت سارهـ؟ مسوي بي مقلب ياللوقي السلوقي

سلامات مسخن وش سارته ؟ حدن داقن عليك البارح

دام هاذي علومــــك صار ماهوب انت








وارجع اقلع بس اقلاع قديـــــم ايام صندوق جنبه كم لون وكم بسمة ورابط صورة ورابط صفحة فوقط

ماهوب بتطوركم اليوم الخـــــواص اكثرهن ماينعرف وش سنعهن وابتسامات خششكم صفحــــتن وقوائم صداقة وتجاهل,’, و ,’, و ,’, ياربي ياحبيبي سترك من جهلنا


ويبدل الوضع حدى هــالمطافيق ويصير من المثقفين المتشدقين " بندر " ويترك حزب الزاحفين و رئيسه مصقوع بــقــــدر وثمن يرمي شباكه

كانت مثقفة لكن زااااااااااحفة " وتعطهياهـ كاش "بندر بنادر تحت الكنادر ، أمه تحبه وأبوه يطقه "
قسمن ما عاد شفنا هــالبنيدر مقلع مرتن ثانية

ويأخذ الحب ضيفكم ابو مخيخ ثمن يرسم دوواير على طاولـــــة ، إعادة إتصال و الزاحفين وعويناتي مني مناك و سارهـ رازتن موضوع جديد وصارت متشدقة



ونزار قباني شاعر الجمال والمرأة صاحب الحس المرهف الشاعر المبدع والسياسي المحنك والأديب الراقي والراوي الأروع,’, و ,’, و ,’,

ثمن قفلت الصفحة وقطعت الأتصال و توسدت المخدة وتنيومت ، ماحضرت الصفة و دوامت متأخر وأصطلب يا جــــندي بـــ هل الهجير








بالليل ماخليت كلمتن بحلقي ماكتبتها بــ هل الهزار راعي حريم مغزلجي من قصيدة " حرمة " إلى قصيدة " حرمة أخرى " حتى النميلات المراهقات ما يعتقهن و قصيدتي لوليتا و مايا أكبر مثال


وماجن حتى بالمدارس مايجبون طاريه ولا بالجامعات ماهوب مثل خليل جبران واحمد شوقي ,’, و ,’, و ,’,
ونفي من بلادهـ وماخليت صحفيتن ولاكاتبن ذم هــالرجـَال مارزيتهن بفيس موضوعها


و اللي تسمعله وتتأثر فيه مشكوكن عندي بحيائها واتحدى تجيب طاريه عند اهلها قسمن لا يدبجونها ودواوينه ان تصير للـــــــ,’,’,’ سلقاطي


ومن هاك اليوم أختفت سارهـ ، لاموني الزواحف ليه يومنك تقلب الموضوع هواش خناق ونكد وطلعت عقدك بـــسارهـ








وبطلنا نقلع و ذبينا البذلة و البسطار و قررت أصير شاعــــر لا يشق له غبار ماهوب مثل هــاك الهزار ، وأديب ومثقف و واعي " بتاع كلللللللوهـ ع قول ابو طلال "


وفصلت الخط وقاطعت الزحف والمنتديات وعقلت وحاولت أتثيقف بحدود إمكانيات رواتب الخاص..

دورات إلقاء وأكتشاف الذات والسيطرة على الغـــضب والمكتبة العامة ، وخصومات جرير العبيكان

و عودة مجددا و كتب ألكترونية ومنتديات أدبية وشعرية " كــمطلع "


و تزوجت بس ما رسمت دواوير " رأس المال خطبتها " والحمدلله ، رزقنا الله ويومن جينا نسمي قالت " ضرار او نزار او عمار"

ارتفع الأمبير عندي كأن صعيدي داعسن ع البنزين " حتى انت ِ طلعت ِ من ربع نزار "

لا وش نزار بس بغيت أسمَي على اسمك قافلة الــــراء فيصير اسمه ـــار، ــــر، ـــار، ــــر

آشــــو ، يعني منتي من ربع نزار

وحلها ربك وطلعت بنت وصارت بقافلة الراء ـــار، ــــر، ـــار، ــــر






وبعد عقد نفسية من هــ الهــــزار جيت واترزيت بــ الزعيم بعد جفوة قاحلة سبع سنين عجاف مقاطع للمنتديات

وألقى عضو طيب هنا رازن " أجمل قصائد نزار قباني "

آخ ياغبن الرجال ، هـــ الهزار حتى وهو ميت قاعد ع كبدي !


أولى تجاربي بعد التطور الهائل بالمنتديات يوتيب وشات مرئي وبالتوك وفيس بوك ومكتوب "عن ايام هاك الصنديق"
ويطلع نزار من أول أسبوع ! لو ماهوب ميت ولعت بشوشته من القهر



وأزعل واتغيبلي يومين وارتز لي بمنتدى شعري وقصيدة عذبة و وصف عفيف وبحث عن اجمل ماب المرأة مالم يكتشفه شاعر ولا أديب



وهاك الرجال اللي ينشـــد بهم الظهر " صح لسانك وفالك البيرق والمليون وجزلة من جزل ’, و ,’, و ,’,
تجيك هاك الملقوفة عادتن طبلونها مليون لو انك قايل كذا احسن ولو أنك متعمق بالوصف افضل عندك نزار قباني يقوووووووووول



ثمن انفـــجرت ،، ونزار أكثر شاعر وصف النهد بالعالم اجمع المفروض تصوتنله يا ربيعات نزار يدخل موسوعة قينيس بوصفه ابو نطوط ( على وزن طوووط) ، ماظنتن به شاعرن ذكرهن و وصفهن بمختلف الطرق مثله



مير ديوانه الألكتروني" تاريخ النساء " حاطين به صور حريم عاريات الصدر ومتميلحن من زينه ومنزل ديوان كامل للنهد " طفولة نهد "

وهــ بس وهـــ وقلعتن ثمن قلعتن صدقتوا أن نزار يشبه" تيم حسن" يومنه سوى مسلسله حـــــريــــيـييــم

وعناد بمناصري نزار الهزار احطه بتوقيعي هني وهناك وصوتوا لنزاروهـ









أعرض القصيدة على الأخوان والنسيب " هــاهـ وش رأيكم يالربع فيها "


يطلعون ببعض ثمن " ياشيخ ملينا شعر جتنا تخمة " " يااخي رح لــ اللجنة ويقولون لك رأيهم " يجييك النسيب متعدين و ساقعن بالجدر " آخص يا نزار قباني "


وتقبس مرتن عاشـــرة " وش فيك قاعد أمدحك " يا اخي انت مدحك يرفع الضغط ويعل!
يتدخل الأخو الكبير العضيد " يااخي لو تكتب مني لبكرهـ منت جاين مثـــــــــل نزار ، يااخي غزله شيء !"









ادري طولت عليكم بس شرحت معاناتي وهاك الهزار ، وابي منك الفزعة ياعيال ابوي
هــ يالنشامى والأجاويد ربي حداني عليكم ، نخيتكم لا تقصرون


أبي ردا يبرد الكبد ويشرها بالماء البارد رش ويطفي هــ الثورة والأمبير الشاطح لا طروا لي هزاروهــ

ردا زااااحف ماسح كاااااااسح مختصر بأقل الكلمات وأقواهأأأ تــســكـــــــــيــــــت



وش رأيكم بنزار قباني هل هو مكتسح الشعر العربي والأعلام والمنتديات و المجالس وكلن يقول " نزار" ونزار خصوصن لما تشطح لك بقصيدة خضراء مربعة وقلبك خضر..

واللي بيساعدني بأدعيله بالمــــريه الصالحة صدقون مابه مثل الحلال ، سكوت مراهقة الجيران و أعجاب بالأجنبية ، وسارهـ اعجاب نت خربها نزار من بدايتها



وأن جيتوا للجد ترى مهنى لا سكوت ولا سارهـ ، بس اهنى خرطي ابو مخيخ وفقعة المرارة نزاروهـ عقدتن مستعصية للشاعر الباحث عن الجمهور الـــ,’, " أكثر جنس عندهـ فضاوة تصويت " و محاكيكم ودهـ يرتز بأمير الشعراء

وتراني صادق عند ربي البنية اللي تمدح بنزار قباني مصقوعه بقدر واختل الرد عندها.

إقتباس هامش " بحث عن كلمة آخرى بمعجمنا العربي غير النهد ولم اجد أم المسميات الشعبية تحتاج تشفر" أعتذر للقراء والمشرفين ان اغضبتهم هذهـ الكلمة .

بقلم

واحدن مصبح مانام يعس على خششكم ويشكل دراسة استراتجية نفسيات الجمهور ودهـ يقرقعله بكلمتن بــ هالصدر عن الرئاسة العامة وماهوب عارف وشلون يبدأها، دلوهـ يا اهل العقول السليمات ؟







عسى ما اندبلت كبدوكم، تراهـ تجربة اولى و تراني ضيف والزعــماء هم اهل الكرم ، لو ماعجبكم ديروا ناح الموضوع اللي عقبه بدون شطحات


..

هلا بك شغل مخك شوي ..

تصدق اني دخت من كثر الخطمات اللي كتبتها ؟؟!
كل شوي خاطمن بسالفة ولا ادري وش تقول من الاساس خصوصاً سالفة النت وانت جاي هههههههههههه ..
بس اللي فهمته ان تزار قباني دابل(ن) تسبدك ..
اما سالفة انه مقتحم الشعر العربي ما اتوقع ولو اني منب من المتابعين لمثل نزار والباقين ..
لكن احس واتوقع عشانه شطح بالوصف شوي مثل ما ذكرت بالن*** .. طغى اسمه وصار فلتة زمانه ..
والا هين ازين ما به انه يعطي قصايده لكاظم الساهر والا لو ما غناها تسان ما طقيت له خبر من الاساس ..

ابد اذا جاء طاري نزار احرص انك تشرب له سفن اب والا بيرة عشان ما تحوم تسبدك وانا اخوك ..

يا عيني ع الموضوع الطويل العريض اللي ما قدرت اخلصه بسبب انه عندي كلاس والمس دخلت والحين قاعده تشرح الدرس اللي عن نزار قباني لكن بالانجليزي اللي حايم كبدي فيه .. ولايع جبدي من الموضوع ومن الدرس ومن الطاولة والكرسي والكتب وربيعتيه اللي حذالي ... >>>>>>>


مرحبا مرحبا الساااااااااع

شو هالموضوع الطويل اللي ما فهمت منه غير انه السالفه تتكلم عن نزار قباني من يوم كنت صغير لحد ما انفجرت هلأ

صدقت نزار قباني حشرونا فيه ... من انا صغيره اسمع نزار ونزار >> طاش ما طاش

::


انا داخله الموضوع حسيت اني بلقى شي عن الامارات

وفعلا حصلت

إقتباس مرت الأيام والسنين وجانا غزو صدام للكويت و أزمات اقتصادية ، ورحلت ســـكوت وأهلها وشدوا من الرياض لـــ العين دار الزين "سكوت "

العين دار الزين يا هو ... فيها الحلا ضاوي
العين وسط العين .. متمكن فؤادي

::


::

ما ادري يعطيج العافيه او يعطيك العافيه ع الموضوع
الطويل العريض ...

عاد تصدق إنك دابلن تسبودنا مثل ما نزار دابل تسبدك ويمكن أكثر بعد

لا لا الصدق إني أمزح وياكـ

نزار قباني شاعر جيد الصراحة لو إنه ترك عنه شطحاته الكثيرهـ وخاصة بالدين

أعتقد إن سبب كثرة جمهورهـ تجاوزه للخطوط الحمر كثير وجمهوره تجد الكثير منهم

مراهقين يحبون قلة الادب و الكلام اللي فيه لف و دوران

شي قبل الاخير بالنسبة لتوقيعك ايدك على شحن 10 ريال و أصوت للحسا مرتين

الشيء الاخير تجربتك الاولى عندنا أراها ناجحة يا جندي

كثر من هالخطمات يا جندي

ثااااابت

بنااااااات


لا والله فيه امل نطمس هــ الهزار

دلع الأمارات و وردة

بنات و يكرهون نزار <<< يحي الزعيم وكسبنا المندي


ابراهيم و صدى الأمس

ماألومكم لاحامت كبدوكم ، والله انا كبدي حامت و انا اكتبه وانشرهــ بس العناد لا صممت صملت


مراهن النسيب و الأخو على عشاء ان ما كتبت عن نزار وكل شخص يدخل يكتب حااااامت كبودنا بالذات البنيات




ضمن المندي بالثلاث




بس باقي تصويتكم ع أسوء موضوع وينثبت



والله يكون بعون اللي خسروا الرهان <<< ليس كل مايبرق ذهب ، ولا كل رد وراءهـ مبدع

ماهو شرط اللي يرد و يحاور ويناقش يكون كااااتب مبدع ، ولا بالضرورة كاتب سيء المهم وش كنت تبي توصلله بطرحك !

"المندي "

مو كل شخص يقدر يكون الصخرة ، أو ابو طلال !


السخرية كعلاج مدرسة ليس كل من يجيدها

بينما النقاش بالحياة العامة والسياسية والأجتماعية و الرياضية يجيدها حتى باع الخبز لأنها حديثنا اليومي و واقعنا المر


أتمنى تكون الرسالة وصلت للجميع . انا عضو جديد ماراح يجاملني احد ، او حتى شكلت صداقات فـــجت الردود مثل ما شفتوا ..

لكن لو انتظرت ع هالموضوع والهزرة الزاااااااااايدة فيه كم شهر لقيت مجاملات !


الحين أعكسوا المراية وطالعوا زين !






القيصر رهيب

إقتباس عاد تصدق إنك دابلن تسبودنا مثل ما نزار دابل تسبدك ويمكن أكثر بعد

اعتذر لك ، وان كان وجودي ضايقك انت صاحب الدار ، لكنك لست ملزوم بالقراءة لي ما تعرف تجاوز الرد و همشه


شكرا لصراحتك

إقتباس الرسالة الأصلية كتبت بواسطة شغل مخك شوي القيصر رهيب اعتذر لك ، وان كان وجودي ضايقك انت صاحب الدار ، لكنك لست ملزوم بالقراءة لي ما تعرف تجاوز الرد و همشه شكرا لصراحتك

آآآآآآآآآآآآآهـ وقع المحظور

يا أخي لا تقعد تزعل من ولا شي

حطيت لك فيس يضحك وكتبت لك إني امزح

ماله داعي تصير رقيق مشاعر زي نزار قباني وتزعل

وأسف إذا مزحت معك بقوه

هلا اخوي شغل مخك شوي ..

نزار قباني !!

لي عوده باذن الله ولا احد يقولي "حجز"

والله مانيتي احجز بس كنت ارد على عضو وبنفس الوقت ابردعالموضوع لكني حذفت ردي على العضو

وبقى ردي على الموضوع واجلته الى وقت اخر ولا ودي احذف الرد كامل لانه رقمي مميز ( 9 )

( يارب فهمتوا)

هلا بك اخوي شغل مخك شوي

بصراحة نزار شاعر مصقع

ويكفيه لاثبات ذلك قصيدته التي قال فيها :

أيا عمـر الفـاروق هل لك عــودة .... فإن جـيوش الروم تنهى وتـأمر
رفاقك في الأغوار شدو سروجهم ... وجيشك في حطين صلوا وكبروا
نسـاء فلسطين تكـحلـن بالأسـى .... وفي بـيت لحم قاصـرات وقصر
وليمون يافا يابس في حقوله .... وهل شجر في قبضة الظلم يثمرُ

بس مشكلته ما في مبدأ الا له قصايد تعد من عيون الشعر العربي ...

شكرا لك يالغالي علىالموضوع الجميل وبداية موفقه

دمت بخير وعافية ,,,

حيّاك الله يالغالي
انا قريت موضوعك حوالي أكثر من عشر مرات عشـان أفهمـه
وإتضح لي أن سبب كرهك لنزار قباني هو من الناس اللي حــولك
صدقنّي يالغالي لو تقرأ مسيرة نزار قباني في حياته وكيف كانت مليئة
بالصدمـات من موت اخته الصغيرة ووفاة امــه ووفاة ولده توفيق اللي من
زوجته الأولى ومقتل زوجته بلقيس وغير كذا الصعوبات اللي واجهتــه
في حياته الأدبية والتهديدات من السياسيين ومع ذلك كان صامد وقدر
يثبت نفسه حتى أنه اصبح من رموز الشعــرطبعاً هذا يدل على إن الإنسان
اللي يكافح راح يوصل بإذن الله ,, بالنسبة للقصائد الغزليــة اللي تكلمت عنها
وأن هناك خطوط حمراء تجاوزها انا معك في اللي تقوله بس هذا سلاح نزار قباني
لكسب جمهوره يعني الأمر لايتعدى كونه لعبة شاعر ذكي وأعتقد كل شاعر لازم يكون عنده سلاح خاص بـه ,, ومن موضوعك إتضح لي إنك تتابع برامج الشعر طيب أكيد شفت قصيدة ناصر الفراعنة في شاعر المليون واللي وصف فيها جسم المرأة بوصف دقيق جداً حتى إن اللجنة إستحت تعلّق على أبياته وصدقني لو تتمعن في مسيرة نزار قباني لوجدت إنسان مكافح ,, يعني يالطيب ابيك تقارن بين إيجابيته وسلبياته وعندها بتتضح لك النظرة أمّا مسألة إنك تكرهه لأن الناس اللي حولك طفشوك منه فاأنا ماأتفق معك في هالنقطة ,, إسمحلي يالغالي اشطح واعطيك مثـال بسيط نعايشه كرياضيين لمّا تسأل اي مشجع نصراوي عن سبب كرهه لسامي !! يجاوبك إن الإعلام من كثر مدحـه للأسطورة وذكر إنجازته كرهّه فيه وهذا سبب غير مبرّر ,,أنا اشوف يالغالي أنك تعطي نفسك مجال للتفكير بدون أن تتأثر بأحد وهل نزار قباني فعلاً شاعر هزّار على كـلامك !!
~~~~
هذا كل اللي عندي يالغالي وإعذرني على طول الرد والسموحة منك يالغالي لأني مصفي النيـّـة مع الكل والله بس إذا كنت مضايقك بشيء أنا اعتذر لك أتمنى فهمت قصدي ,,

بالفهم والإستيعاب

الحين انا مادري الي تحت هذي الصورة توقيع ..؟

لو تشغل مخك شوي تعرف ليه العالم طايحة بنزار ..
للاسف انت تعاني من الغيرة ..
ومشكلتك مالها حل لانك تغار من شخص ماله وجود ..
بالنسبة لي اول مرة اعرف ان فيه شاعر اسمه نزار ..

اسلوبك بالوصف رائع .. لكن فيه مصطلحات كثير اول مرة تمر علي ..
يعطيك الف عافية على الموضوع ,,
تقبل مروري ..