مرت الأيام والسنين وجانا غزو صدام للكويت و أزمات اقتصادية ، ورحلت ســـكوت وأهلها وشدوا من الرياض لـــ العين دار الزين "سكوت "
دخلت أختي الجامعة وسيدهـ لغة عربية وهاتك قرقرقر هي وبنية خالي ونزار ونزار ، وانتقلت دواوين نزار للبيت .
أرحب ابو الشياب هــ"النزار" مدري هــزار جاي للبيت بعد ! ماعندي لا ضيافة ولا غيرهــ للـــــــ,’,’,’ سلقاطي كأنه براجون
بعد جايبه هــالماجن لــبيتنا خليكِ بــالمتنبي الــفرزدق و مقرارتك ِأصرف لكِ !
من يومها سدت حلقها وما عاد سمعت نزار ، بس كأنه يقرقع بقلبها وصار أسمائي واجد " ديكتاتوري ،’, متخلف ,’, رجعي
,’, ,’, ,’, ,’, ,’, ,’,
بعدها بفترة بسيطة جانا النت ودبكي عليه وهاتك يازحف ومنتديات الزاحفين والساحبين جلنط بــتزايد وكل يومن هنى شيء جديد ..
وأقلع مع الزاحفين أقــــــــلاع تحبه قلوبكم ، ثمن جات ســــارهـ ، دمبك دمبك دمبك طع " وسعوا الملعب زين العذارى في وصول "
قسمن أني كنت أرفع كراعيني فـــــوق من الضحك ، تنمرس كبدي مرس وما أدري إلا أنا على دمجتي منكفي
والصبح أيام الصفة الفجرية والبســــطار والحرس الوطني أعدد على أصابعي بنت ، لا ولد ، بنت هي تقول أنها بنت ، لا ولد كتابتها ومواقفها كأنها حدن من هــ الجـــــنود بالصفة !
ألتفت على "نايف" أنت سارهـ؟ مسوي بي مقلب ياللوقي السلوقي
سلامات مسخن وش سارته ؟ حدن داقن عليك البارح
دام هاذي علومــــك صار ماهوب انت
وارجع اقلع بس اقلاع قديـــــم ايام صندوق جنبه كم لون وكم بسمة ورابط صورة ورابط صفحة فوقط
ماهوب بتطوركم اليوم الخـــــواص اكثرهن ماينعرف وش سنعهن وابتسامات خششكم صفحــــتن وقوائم صداقة وتجاهل,’, و ,’, و ,’, ياربي ياحبيبي سترك من جهلنا
ويبدل الوضع حدى هــالمطافيق ويصير من المثقفين المتشدقين " بندر " ويترك حزب الزاحفين و رئيسه مصقوع بــقــــدر وثمن يرمي شباكه
كانت مثقفة لكن زااااااااااحفة " وتعطهياهـ كاش "بندر بنادر تحت الكنادر ، أمه تحبه وأبوه يطقه "
قسمن ما عاد شفنا هــالبنيدر مقلع مرتن ثانية
ويأخذ الحب ضيفكم ابو مخيخ ثمن يرسم دوواير على طاولـــــة ، إعادة إتصال و الزاحفين وعويناتي مني مناك و سارهـ رازتن موضوع جديد وصارت متشدقة
ونزار قباني شاعر الجمال والمرأة صاحب الحس المرهف الشاعر المبدع والسياسي المحنك والأديب الراقي والراوي الأروع,’, و ,’, و ,’,
ثمن قفلت الصفحة وقطعت الأتصال و توسدت المخدة وتنيومت ، ماحضرت الصفة و دوامت متأخر وأصطلب يا جــــندي بـــ هل الهجير
بالليل ماخليت كلمتن بحلقي ماكتبتها بــ هل الهزار راعي حريم مغزلجي من قصيدة " حرمة " إلى قصيدة " حرمة أخرى " حتى النميلات المراهقات ما يعتقهن و قصيدتي لوليتا و مايا أكبر مثال
وماجن حتى بالمدارس مايجبون طاريه ولا بالجامعات ماهوب مثل خليل جبران واحمد شوقي ,’, و ,’, و ,’,
ونفي من بلادهـ وماخليت صحفيتن ولاكاتبن ذم هــالرجـَال مارزيتهن بفيس موضوعها
و اللي تسمعله وتتأثر فيه مشكوكن عندي بحيائها واتحدى تجيب طاريه عند اهلها قسمن لا يدبجونها ودواوينه ان تصير للـــــــ,’,’,’ سلقاطي
ومن هاك اليوم أختفت سارهـ ، لاموني الزواحف ليه يومنك تقلب الموضوع هواش خناق ونكد وطلعت عقدك بـــسارهـ
وبطلنا نقلع و ذبينا البذلة و البسطار و قررت أصير شاعــــر لا يشق له غبار ماهوب مثل هــاك الهزار ، وأديب ومثقف و واعي " بتاع كلللللللوهـ ع قول ابو طلال "
وبعد عقد نفسية من هــ الهــــزار جيت واترزيت بــ الزعيم بعد جفوة قاحلة سبع سنين عجاف مقاطع للمنتديات
وألقى عضو طيب هنا رازن " أجمل قصائد نزار قباني "
آخ ياغبن الرجال ، هـــ الهزار حتى وهو ميت قاعد ع كبدي !
أولى تجاربي بعد التطور الهائل بالمنتديات يوتيب وشات مرئي وبالتوك وفيس بوك ومكتوب "عن ايام هاك الصنديق"
ويطلع نزار من أول أسبوع ! لو ماهوب ميت ولعت بشوشته من القهر
وأزعل واتغيبلي يومين وارتز لي بمنتدى شعري وقصيدة عذبة و وصف عفيف وبحث عن اجمل ماب المرأة مالم يكتشفه شاعر ولا أديب
وهاك الرجال اللي ينشـــد بهم الظهر " صح لسانك وفالك البيرق والمليون وجزلة من جزل ’, و ,’, و ,’,
تجيك هاك الملقوفة عادتن طبلونها مليون لو انك قايل كذا احسن ولو أنك متعمق بالوصف افضل عندك نزار قباني يقوووووووووول
ثمن انفـــجرت ،، ونزار أكثر شاعر وصف النهد بالعالم اجمع المفروض تصوتنله يا ربيعات نزار يدخل موسوعة قينيس بوصفه ابو نطوط ( على وزن طوووط) ، ماظنتن به شاعرن ذكرهن و وصفهن بمختلف الطرق مثله
مير ديوانه الألكتروني" تاريخ النساء " حاطين به صور حريم عاريات الصدر ومتميلحن من زينه ومنزل ديوان كامل للنهد " طفولة نهد "
وهــ بس وهـــ وقلعتن ثمن قلعتن صدقتوا أن نزار يشبه" تيم حسن" يومنه سوى مسلسله حـــــريــــيـييــم
وعناد بمناصري نزار الهزار احطه بتوقيعي هني وهناك وصوتوا لنزاروهـ
أعرض القصيدة على الأخوان والنسيب " هــاهـ وش رأيكم يالربع فيها "
يطلعون ببعض ثمن " ياشيخ ملينا شعر جتنا تخمة " " يااخي رح لــ اللجنة ويقولون لك رأيهم " يجييك النسيب متعدين و ساقعن بالجدر " آخص يا نزار قباني "
وتقبس مرتن عاشـــرة " وش فيك قاعد أمدحك " يا اخي انت مدحك يرفع الضغط ويعل!
يتدخل الأخو الكبير العضيد " يااخي لو تكتب مني لبكرهـ منت جاين مثـــــــــل نزار ، يااخي غزله شيء !"
أبي ردا يبرد الكبد ويشرها بالماء البارد رش ويطفي هــ الثورة والأمبير الشاطح لا طروا لي هزاروهــ
ردا زااااحف ماسح كاااااااسح مختصر بأقل الكلمات وأقواهأأأ تــســكـــــــــيــــــت
وش رأيكم بنزار قباني هل هو مكتسح الشعر العربي والأعلام والمنتديات و المجالس وكلن يقول " نزار" ونزار خصوصن لما تشطح لك بقصيدة خضراء مربعة وقلبك خضر..
واللي بيساعدني بأدعيله بالمــــريه الصالحة صدقون مابه مثل الحلال ، سكوت مراهقة الجيران و أعجاب بالأجنبية ، وسارهـ اعجاب نت خربها نزار من بدايتها
وأن جيتوا للجد ترى مهنى لا سكوت ولا سارهـ ، بس اهنى خرطي ابو مخيخ وفقعة المرارة نزاروهـ عقدتن مستعصية للشاعر الباحث عن الجمهور الـــ,’, " أكثر جنس عندهـ فضاوة تصويت " و محاكيكم ودهـ يرتز بأمير الشعراء
وتراني صادق عند ربي البنية اللي تمدح بنزار قباني مصقوعه بقدر واختل الرد عندها.
إقتباس
هامش " بحث عن كلمة آخرى بمعجمنا العربي غير النهد ولم اجد أم المسميات الشعبية تحتاج تشفر" أعتذر للقراء والمشرفين ان اغضبتهم هذهـ الكلمة .
بقلم
واحدن مصبح مانام يعس على خششكم ويشكل دراسة استراتجية نفسيات الجمهور ودهـ يقرقعله بكلمتن بــ هالصدر عن الرئاسة العامة وماهوب عارف وشلون يبدأها، دلوهـ يا اهل العقول السليمات ؟
عسى ما اندبلت كبدوكم، تراهـ تجربة اولى و تراني ضيف والزعــماء هم اهل الكرم ، لو ماعجبكم ديروا ناح الموضوع اللي عقبه بدون شطحات
عميد المجلس العام وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
هلا بك شغل مخك شوي ..
تصدق اني دخت من كثر الخطمات اللي كتبتها ؟؟!
كل شوي خاطمن بسالفة ولا ادري وش تقول من الاساس خصوصاً سالفة النت وانت جاي هههههههههههه ..
بس اللي فهمته ان تزار قباني دابل(ن) تسبدك ..
اما سالفة انه مقتحم الشعر العربي ما اتوقع ولو اني منب من المتابعين لمثل نزار والباقين ..
لكن احس واتوقع عشانه شطح بالوصف شوي مثل ما ذكرت بالن*** .. طغى اسمه وصار فلتة زمانه ..
والا هين ازين ما به انه يعطي قصايده لكاظم الساهر والا لو ما غناها تسان ما طقيت له خبر من الاساس ..
ابد اذا جاء طاري نزار احرص انك تشرب له سفن اب والا بيرة عشان ما تحوم تسبدك وانا اخوك ..
يا عيني ع الموضوع الطويل العريض اللي ما قدرت اخلصه بسبب انه عندي كلاس والمس دخلت والحين قاعده تشرح الدرس اللي عن نزار قباني لكن بالانجليزي اللي حايم كبدي فيه .. ولايع جبدي من الموضوع ومن الدرس ومن الطاولة والكرسي والكتب وربيعتيه اللي حذالي ... >>>>>>>
مرحبا مرحبا الساااااااااع
شو هالموضوع الطويل اللي ما فهمت منه غير انه السالفه تتكلم عن نزار قباني من يوم كنت صغير لحد ما انفجرت هلأ
صدقت نزار قباني حشرونا فيه ... من انا صغيره اسمع نزار ونزار >> طاش ما طاش
::
انا داخله الموضوع حسيت اني بلقى شي عن الامارات
وفعلا حصلت
إقتباس
مرت الأيام والسنين وجانا غزو صدام للكويت و أزمات اقتصادية ، ورحلت ســـكوت وأهلها
وشدوا من الرياض لـــ العين دار الزين "سكوت "
العين دار الزين يا هو ... فيها الحلا ضاوي
العين وسط العين .. متمكن فؤادي
::
::
ما ادري يعطيج العافيه او يعطيك العافيه ع الموضوع
الطويل العريض ...
أيا عمـر الفـاروق هل لك عــودة .... فإن جـيوش الروم تنهى وتـأمر
رفاقك في الأغوار شدو سروجهم ... وجيشك في حطين صلوا وكبروا
نسـاء فلسطين تكـحلـن بالأسـى .... وفي بـيت لحم قاصـرات وقصر
وليمون يافا يابس في حقوله .... وهل شجر في قبضة الظلم يثمرُ
بس مشكلته ما في مبدأ الا له قصايد تعد من عيون الشعر العربي ...
حيّاك الله يالغالي
انا قريت موضوعك حوالي أكثر من عشر مرات عشـان أفهمـه
وإتضح لي أن سبب كرهك لنزار قباني هو من الناس اللي حــولك
صدقنّي يالغالي لو تقرأ مسيرة نزار قباني في حياته وكيف كانت مليئة
بالصدمـات من موت اخته الصغيرة ووفاة امــه ووفاة ولده توفيق اللي من
زوجته الأولى ومقتل زوجته بلقيس وغير كذا الصعوبات اللي واجهتــه
في حياته الأدبية والتهديدات من السياسيين ومع ذلك كان صامد وقدر
يثبت نفسه حتى أنه اصبح من رموز الشعــرطبعاً هذا يدل على إن الإنسان
اللي يكافح راح يوصل بإذن الله ,, بالنسبة للقصائد الغزليــة اللي تكلمت عنها
وأن هناك خطوط حمراء تجاوزها انا معك في اللي تقوله بس هذا سلاح نزار قباني
لكسب جمهوره يعني الأمر لايتعدى كونه لعبة شاعر ذكي وأعتقد كل شاعر لازم يكون عنده سلاح خاص بـه ,, ومن موضوعك إتضح لي إنك تتابع برامج الشعر طيب أكيد شفت قصيدة ناصر الفراعنة في شاعر المليون واللي وصف فيها جسم المرأة بوصف دقيق جداً حتى إن اللجنة إستحت تعلّق على أبياته وصدقني لو تتمعن في مسيرة نزار قباني لوجدت إنسان مكافح ,, يعني يالطيب ابيك تقارن بين إيجابيته وسلبياته وعندها بتتضح لك النظرة أمّا مسألة إنك تكرهه لأن الناس اللي حولك طفشوك منه فاأنا ماأتفق معك في هالنقطة ,, إسمحلي يالغالي اشطح واعطيك مثـال بسيط نعايشه كرياضيين لمّا تسأل اي مشجع نصراوي عن سبب كرهه لسامي !! يجاوبك إن الإعلام من كثر مدحـه للأسطورة وذكر إنجازته كرهّه فيه وهذا سبب غير مبرّر ,,أنا اشوف يالغالي أنك تعطي نفسك مجال للتفكير بدون أن تتأثر بأحد وهل نزار قباني فعلاً شاعر هزّار على كـلامك !! ~~~~
هذا كل اللي عندي يالغالي وإعذرني على طول الرد والسموحة منك يالغالي لأني مصفي النيـّـة مع الكل والله بس إذا كنت مضايقك بشيء أنا اعتذر لك أتمنى فهمت قصدي ,,
بحكم اني مثلك الاعلى وقدوتك في هالمجلس ( على الاقل ) شف وانا عمك.. لو تبي نتناقش عن هالهيس الاربد اللي يقال له ( نزار ) من ناحيه بشريه... فهو كان انسان والحين تحلل تحت التراب واذا جيناه من ناحيه وجوده المعرفي هو ماسح جوخ مميز عند فئة من المراهقات يلعب على الوتر الحساس بكل بجاحه... وهن بكل طفاقه يقولن >> لكن خلنا ناخذ الموضوع من جهة اهم وش علاقة النيدو بتفتّق العاطفة على شكل ابيات نزاريه ؟؟ مثل منت خابر قوطي النيدو يستخدم على دفعتين.. الاولى لحفظ الحليب البودره... والثانيه اذا خلص الحليب نحط فيه اسمنت وماصوره من الجهتين ونرفع اثقال طبعا مثلك خابر الاسمنت اثقل من التراب والجبس طبعا الجبس اكثر وجاهة ويمديك تصبغه تعتيق او خشبي واذا كنت ناوي وجازم تسوّيها بالجبس... ماعنك وعن المعلمين المغاربه وشف عاد وين تلقى مغربي فاضي يسوّيها لك عاد انت وحظك... يا انك تتعب شوي وتشغل مخك علشان تلقى بديل او انك تبتل على طمام المرحوم.... وتشوف لك هندي يشيل لك الغاز علشان ماينكسر ظهرك مثلي لكن بالنهايه اذا جاك المندي لاتنسى تعطين خبر... تراي عشتاوي
لو تشغل مخك شوي تعرف ليه العالم طايحة بنزار .. للاسف انت تعاني من الغيرة .. ومشكلتك مالها حل لانك تغار من شخص ماله وجود .. بالنسبة لي اول مرة اعرف ان فيه شاعر اسمه نزار ..
اسلوبك بالوصف رائع .. لكن فيه مصطلحات كثير اول مرة تمر علي .. يعطيك الف عافية على الموضوع ,, تقبل مروري ..