من زمـآن والله عن المجلس , ولكم وحشه والله حبيت أعود للمجلس وبقوه ..
حبيت أتكلم عن ظـآهره غريبه في مجتمعنـآ للأسـف !
ألا وهي , الغيره على [ الأهل ]
بصـرآحه شي جداً جداً غريب ومنتشر بشكل فضيع ! يعني صـآر عادي عند بعض العوآئل الله يهديهم , إن ولد بالثـآنوي يكلم بنت خـآلته سوآءً بالجوآل , أو بالماسن , أو ( وجهاً لوجه ) !! والله يا أخوان هذآ الحـآصل .. شي غريب
يعني أذكر أحد الزملآء الله يهديه , نجلس معه ويجيه إتصـآل يقولنا بعد أذنكم . ويروح يكلم ويضحك وإستهـبآل أخر شي , ندري إن المتصل [ بنت عمه ] وأكثر من مره نجتمع سوآ , سوآليف ونت وفله , واشوفه داخل جو في الماسن .. ومتنح ع الشاشه وانا من باب الإستهـبـآل أقوله صح ياللي ( يحب ) .. يضحك يقول لا والله بس قاعد أكـلم بنت عمي .. ومرّه فـآجئني بصرآحه وصـآرت زي الصدمه بوجهي .. كان يكلم بنت عمه , وكنـآ نناضر مباراة وانا ما أميل للفريقين , وبدت المـبـآرآة .. وقـآلي خذ اللاب صرّف بنت عمي !!!!
يعني مافكر .. إن الشيطان يلعب برآسي .. وآخذ إيميل بنت عمه !
الله يهديه بس .
لكن القهر إنه يقول آكلم بنت عمي بدون آي حيـآ .. يعني كـأنه شي عادي . أو طبيعي
وللمعلوميه .. حنىآ طلاب في الثـآنوي .. يعني للدرجه هذي صار شي طبيعي إن فلان يكلم بنت عمه وهو بذآ السن !
1- هل تتوقع إن البلا فينـآ حنـآ , أو في نفس البنت , أو في العائله ؟
2- ماهو السن الي يجب على بنت العمه أو بنت الخاله أو .. أو .. أن تتغطى ؟
3- الحلول لهذه المشكله , خاصةً لاصار الشاب مقتنع في الي يسويه
أتمنىآ أن نجد حل لهذه الظـآهره العجيبه والغريبه !
أخيراً ..
إن أصبت فمن الله .. وإن أخطأت فمن نفسي والشيـطآن ..
وعليكم السلام والرحمه
الله يبقيك
نور المجلس..
جبتها على الوتر الحساس
صار شي عادي ان بنت الخاله او بنت العمه تجلس مع ولد خالتها ولد عمتها
ماتدري انه حالهم حال اي غريب وانه مو محرم عليها..
إقتباس
1- هل تتوقع إن البلا فينـآ حنـآ , أو في نفس البنت , أو في العائله ؟
المفروض الام تكلم البنت تقول لها المفروض تتغطى عنهم
إقتباس
2- ماهو السن الي يجب على بنت العمه أو بنت الخاله أو .. أو .. أن تتغطى ؟
انا اشوف بعد المتوسط تتغطى
إقتباس
3- الحلول لهذه المشكله , خاصةً لاصار الشاب مقتنع في الي يسويه
اذا كنت تسوي خطاء تجبر نفسك وتقنعها الليتسويه صح
وانت بقرار نفسك عارف انه خطاء
اتوقع النصح وتفهم الوضع هو انسب حاجة
وعليكم السلام ورحمة الله وبركاته
هلا ومرحبا د. تركي
وحياك الله من جديد .. استغفر الله في ناس كذا ماعندهم غيرة !!
اللهم لا تؤاخذنا بما فعل السفهاء منا .. .. 1- هل تتوقع إن البلا فينـآ حنـآ , أو في نفس البنت , أو في العائله ؟
البلا في البعد عن الدين وسنة الحبيب صلى الله عليه وسلم
وأيضاً الأهل
بعضهم من عاداتهم اللي مدري من وين جابوها عادي الولد يجلس عند الحريم ويسولف مع قريباته !
هذا غير انه أحيانا يكون ممسوك لوحدة من هالبنات !!
البنت أيضاً ليش تطلع حتى لو أهلها رااضين تجلس عند أقرباءها ..
واذا بتجلس بالغصب يازين الجلال ولا شرشف الصلاة تتعطى فيه ..
أعتقد أن البلا في الجميع .. 2- ماهو السن الي يجب على بنت العمه أو بنت الخاله أو .. أو .. أن تتغطى ؟ بالتأكيد عندما تصل لمرحلة النضج .!!
وقبل تتغطى المفروض الأهل يعودون البنت إنها ماتطلع مع الأولاد حتى يسهل عليها الغطاء بعدين ..
والولد بعد لا يتلزق عن الحريم إذا قرب يوصل للعمر القانوني
أعوذ بالله كل ماجينا بنتغطى عنهم دخلوا .. 3- الحلول لهذه المشكله , خاصةً لاصار الشاب مقتنع في الي يسويه ؟
مقتنع إنه يجوز يشوف بنت عمه وبنت خاله مثلها مثل اخته !!
قل مالدليل على أنه يجوز لك النظر لها ومحادثتها كأنها أخته !
وليتها تجلس معه وخي غير متزينه بل بكامل زينتها والله المستعان ! # هل وجد ابن العم وابن الخالة مع من يجوز للمرأة الكشف عنهم وابداء الزينة لهم في قوله تعالى : { وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ
أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ
غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ } ..
الله يصلح الحال و يهدي الجميع لطريق الصواب
وأن يجعلنا ممن يغار على حرمات الله
.. جزاك الله خيراً د. تركي
هلا وغلا تركي والله العظيم فيه واحد من اخوياي الحين متزاعل معه إلى الآن تدري ليش ؟! مرة من المرات حصلته في السوق مع اخواته , واخواته لابسين لبس فاضح فاضح جداً , وحاطين مكياج تقول رايحين زواج بعدها اليوم الثاني كلمته جوال قلت له ما اعرفك ولا تعرفني , أخواتك تخليهم كذا ! اجل زوجتك وش بتسوي فيها ؟ قال : لا براحتهم انا مالي دخل فيهم قلت اجل مالك دخل فيهم , الله يستر عليك وسكرت السماعة .. الغيرة هالأيام معدومة :- يجيك واحد يرقم بنت قدام اخوها .. الغيرة عند القليل فقط , والله يستر بس
عليكم السلام ورحمة الله وبركاته هلا وغلا تركي .. قبل فترة كنت اشارك بمنتدى ( جروح الفسيفساء ) .. المنتدى عائلي طبعا الاعضاء كلهم عيال عم وعيال خال وبنات عم وبنات خال .. وانا ذاب وجهي معهم بدعوة من احد الاعضاء .. طبعا تعرفت على الاعضاء كلهم اولاد وبنات ..وكنت استغرب من سواليفهم وخرابيطهم الفاضية .. قلت معقوله لهالدرجة مافيه غيرة على اخواتهم وبنات عمهم وبنات خالهم .. !! بس ابشركم قررت اني احفظ كرامتي وتركت المنتدى نهائيا .. < علشان ما احد يسالني عن رابط المنتدى ..
- هل تتوقع إن البلا فينـآ حنـآ , أو في نفس البنت , أو في العائله ؟ مافي شك ان البلا فيك .. امزح البلا بالتربية الغربية المش ولا بد واللي دمرت الغيرة عند شبابنا ..
2- ماهو السن الي يجب على بنت العمه أو بنت الخاله أو .. أو .. أن تتغطى ؟ اتوقع ان بعد سن 15 ..
3- الحلول لهذه المشكله , خاصةً لاصار الشاب مقتنع في الي يسويه صعبة انك تعلمه شئ مو مقتنع فيه .. والغيرة اذا ما تت صعب جدا انك تحييها ..
اللهم استرنا فوق الارض وتحت الارض ويوم العرض .. يعيطك الف عافية اخوي على الموضوع ,,
اغلب اخطاء الهيئه واغلب مشاكلها تكون بسبب القبض على شاب وفتاه في سياره وبعد اخذهم المركز يتضح ان الشاب االطيف ما هو الا اخو الفتاه الجميله طبعا الهيئه ما تنلام والسبب شايفه لبس الفتاه وكانها ببيت الزوجيه وليس مكان عام و (الخروف ) رايح معها دون ان يحرك ساكنا..
وعليكم السلام ورحمة الله و بركاته
هلا وغلا تركي منور المجلس ^.^
والله موضوعك حسساس بقوة من كثر مأشوف اللي زي كذا ياخي بديت اشك بنفسي احسب المشكلة فيني .
عن نفسي أغلب أخوياي كذا ، يعني يكلمهم جوال و يجلس معهم و الوضع عادي كأنها مثل أخته وكذا عوايدهم ‘ وتكون أخته نفس الشئ بعد ؛
نسأل الله ان يهديهم و يثبتهم بطاعته .
إقتباس
هل تتوقع إن البلا فينـآ حنـآ , أو في نفس البنت , أو في العائله ؟
عوايدهم كذا و العائلة مربينهم على كذا ، يعني الوضع عندهم طبيعي
إقتباس
هل تتوقع إن البلا فينـآ حنـآ , أو في نفس البنت , أو في العائله ؟
سن المتوسطة ،
إقتباس
الحلول لهذه المشكله , خاصةً لاصار الشاب مقتنع في الي يسويه؟
المشكلة مو ان الشاب مقتنع المشكلة بالعائلة هي اللي تقدر تحل المشكلة ،
ودام أنهم تعودو على كذا ماراح يتغير شئ الا بعد الزواج .
..
..
الوضع المتطور
