بعد الكلام الكبير اللي فوق.... خوذوا الزبدة

هذا الله يسلمكم ( مشرف ) دجّال ونصاب

توهّق وحطّوه مشرف قسم الترفيه والتسليه

وهو اصلا ثقيل دم وبثر بشكل ما تتخيّلونه

عاد مثل ماتعرفون لازم يدبّر عمره ويمشّي اموره علشان لقمة العيش

عاد هالحبيب وش سوّى ؟؟

قال خلّني اختار اطلدز عباقرة وأباطرة الهلس والمطرسة الكهنوتية الطنبورية

قام يلتفت يمين ويسار... وما طب الا في بطني انا وابوطلّو

يمكن لأننا الاثنين نتفق ونلتقي في ثلاثة قواعد رئيسية :

كلنا قصمنج

كلنا نحوووب سلطان بن فهد بشكل ( موب صاحي )

كلنا نؤمن بالموهبة والحس الابداعي للمعلق محمد مسرحي << هذاك اللي يقول ( والله ياهو قووول ) وتطلع منه كأن واحد معطيه بوقس مع بطنه

الموووهيم... المشرف الوقح احترانا ننام ذيك الليله ولعب لعبته

قام يسرق مواضيعي ومواضيع ابوطلّو

ولاعبن على جماعته ومسوّي خلطه سحرية ( صخراوية – ابوطلالالاويه )

والمشكلة ان سوقه ماشي ابن الكلفس

كل ابوهم يردّون عليه ويقولون مبدع... اوجعتنا بطوننا من الضحك

بس اترك عنك... والله ياهو محترف

تعديلات وتضبيطات على كيف كيفك... اذا سرق موضوع ماينزّله الا بعد الترهيم









ما اقول الا ..... الله يعافي كل مبتلى

ملاحظة : الله يعافي اخوي اللي نسخ لي الصور ورفعهن... والا انا دبشه بهالامور

.

.



احب قطر... واحب اهلها

فيه موقف صار لي قبل فتره... ومن زمان ودي اقوله لكم

تذكرون بطولة الخليج الاولى للمنتخبات الاولمبية في الرياض ؟؟

اللي اقيمت قبل سنة ونص وفاز فيها منتخبنا وبرز فيها الكلثم والفريدي

كان مقر سكن الوفود هو فندق ماريوت

وكنت انا مسؤول متعاون للمركز الاعلامي للبطولة من طرف الفندق

وكان الجميع يجون عندي علشان الانترنت والصحف

سواء لاعبين او اداريين او اعلاميين

وبكل امانة وصدق ودون أي عاطفة... القطريين كانوا الارقى في التعامل

من غير قصور طبعا في باقي الاشقاء... لكن اهل قطر غير

رؤساء الوفود من اصحاب المشالح كلّهم يمرّون ويسلمون عالماشي

الا رئيس البعثة القطرية... وهو من آل ثاني



اللي جالس جنب اسير الشوك... لابس اسود


لازم يجي ويصافح ويحرجك بكرم اخلاقه وطيبته وجمال اسلوبه

شاب متعلم ومثقف ورجل راقي بكل معنى الكلمة

والموقف اللي قلت لكم عنه

كان في آخر يوم بعد نهاية البطولة

كان الوفد القطري بيسافر في صباح ذاك اليوم

واللاعبين القطريين ركبوا الباص وراحوا للمطار.. وانا جيت متأخر

وشفت رئيس الوفد اللي قلت لكم عنه جالس في اللوبي مع اثنين مرافقين.. توّه مامشى

رحت له وسلمت عليه وبادلني التحيه بحفاوته الرائعة المعتادة

وقلت له : ياطويل العمر والله اني متضايق

استغرب وقال : سلامتك من الضيقه... وش اللي مكدّر خاطرك

انحرجت من ردّه وقلت : كنت ابي قميص المنتخب القطري حق أي لاعب من اللاعبين... علشان احتفظ به ذكرى عندي.. لكنهم راحوا وما امداني عليهم

تدرون وش سوّى ؟؟

اتصل على البعثة في الباص وقال له ارجعوا للفندق الحين

قالوا له مايمدينا تفوت الرحلة... قال لهم : ترجعون يعني ترجعون

وبعد نص ساعة مادريت الا والباص القطري راجع

ورئيس البعثة بكبره جايني وجايب لي الفنيله وهو مبتسم

والله العظيم وجهي صار لونه احمر... احرجني باخلاقه العاليه

ومشى الباص فورا والحمدلله انهم لحقوا على الرحلة

لكن بكل صراحه

اخلاق ( فرد ) واحد... تكتب تاريخ لـ( دولة ) بأكملها

هيه ترى كتابة اسماء الاعظاء في العنوان مخالف !
ليش ما اخذا موضوعي حق السواق ؟
والله يضحك
الصخرة ياليت تسجل في المنتدى حقهم وتفضح مشرفهم الحفلة ذا
والله ياهو بياكلها بــ ^%$&&^%%&


سلااااااااااااام

تراي قريت ردودكم كلها .... ياحبّي لكم

والشايب صدى اللي يضحك على سالفتي مع القطريين

اقول له : ضحكت بدون سنون انشاءالله

قسم عظم اني صادز

لاتدحجن يابيــه

دوكم -->

إقتباس الرسالة الأصلية كتبت بواسطة ريكيلمي نمقتلكثقنصحخقيبنتكمسكششينطستكمبنتسىمةك

وش ذا
.......................


اجل وجهك صار مثل القوطة
له له اجل رومنساويات بريداويات
وعى قولت المثل شين وقوي عين
لاخلى ولاعدم لاهنت يالغالي

ليه ما يكون انت اللي ناقش مواضيعه وتترزز فيهم هنا ..
وليه ما يكون انت واوبو طلال مسجلين بمنتدى ثاني بيوزر ثاني وتكتبون مواضيعكم هناك على ان واحد لطشها , وانكم مهمين , ومواضيعكم منتشرة بكل المنتديات ..

وبعدين يعني بتقنعنا ان بعثة المنتخب القطري رجعت وبغت تروح رحلتهم علشانك انت ..
العب غيرها وانا اخوك ..

يعطيك الف عافية على الموضوع الرائع .. بس لاتعيدها ..


يافهد والله اني احبك
ولولا معزتك ما قلت الكلام اللي فوق .. امحق معزه

ههههههههههههههههههه

صادق والله يا الصخرة مشكلة العظماء امثالك وامثال ابوطلال

لو اني منك اروح لمنتداهم وافضحه بين الأعضاء

هلا والله بصخرة المجلس والجمهور

شكل محد فكّــريشوف الموضوع من زواية ثانية ليش مانقول إنك
إنت وأخونا الصغيّر مسوين إتفاقيــة تزرفون مواضيع هالمشرف الضعيّف
اللي علـى نيــاتــه وتنسبونها لأنفسكم بعدين إنت حسيت إن قفطتكم قريبة
قلت خلني أتغدى فيه قبل مايتعشى فينــي ==> ابوك يالتحليل
طبعاً ماعليك من هالهرج اللي فوق بالنسبة لزرف المواضيع أشوفه شيء طبيعي
تصدّق إني اول ماأنزّل موضوع في أي منتدى أجلس ساعتين أطقه في قوقل القاه في كذا منتدى واللي يقهرك نفس العنوان يعني غبــاء المشكلة لاشفت الردود اللي
يمدحه واللي كاتب فيه قصيدة واللي معطيه وسام يعني انواع الغبنــه ,,
مرة أخوي كتب موضوع متعوب عليه في شبكة ارسنال بعد فترة شاف موضوعه ملطوش في موقع الأنتــر راح سجّل في منتدى الإنتر وإنتظر فترة إلين فعلوا
عضويته وراح كتب رد مسوي بيفضح ذاك العضو شوي إلا معطينه إنذار
بتهمــة رفع موضوع قديــم ..
طبعاً الهدف من القصة مافي احد يحمي حقوق اللي يكتب بالمنتديات
يعني حقه رايح رايح الله لايعوق بشر ,,
بالنسبة للدولة اللي ذكرتها انا معك أن اخلاق الشخص ممكن تخليك تحب البلد وممكن
العكس والدليل دولة البحرين الشقيقة يحبون ربعنا واجــد

صخرتنا فهـد كل الشكر لك على حروفك بس ياخي مالك داعي يعني من ديرتك
لازم تسلك له شوي الحين وش يقولون الناس عنك خان ربعه ,,

بالفهم والإستيعاب

بررررررررررررررررررررررررب

أقول يالحصاة من لاعب عليكم و قايل أنكم عظماء>>>>>>بينجلد

أنتو مرتبة العظماء طامرينها بالريوس>>>>تصريفة خايسة


والله بالنسبة لي أول ما أدخل القسم العام أدور مواضيع الحصاة و أخوي
الصغير اللي كبر أبوي