هو مرض ... هي عادة ( سيئه ) ... هي كذبة وصدقووها .. !!
أجل رئيس نادي .. ( مستقبلاً ) يقول عطني حظ وأفوز ؟؟ أصغر مشجع يستحي يقول هالكلام !! يترفع عنه !!
جمهورك يبي شغل . مايبي ترديد هالإسطوانات !! والله ملوووها النصراويين أكثر مننا ك هلاليين !!
العرفج مقدم الرياضية !! ليتك على القناة السعودية قاعد أصرفلك .. على الأقل مدفووون وماحد درى عنك .. أزين من هالرزة اللى تحرجنا وتحرج نفسك بأسئلتك السخيفة !! وتمثيل ادوار الذهانه اللى مهيب لايقة عليك ( بتاتاً البته )
عبدالله وبران محلل قناة أبو ظبي .. للي وده يسمع تحليل صح يسمع كلامه .. من زمان متابعه .. لكن اليوم قال كلام كتعليق على رد فيصل بن تركي .. وطلال الرشيد .. شرشحهم بطريقة ( خايف على مصلحة النصر ويهمني النصر ) واخاف أمدحة يعادونة جماعة ( يحلمون )
الرياضية السعودية تفشل فشل ذريح .. وتسقط سقوط مرير .. وتخرج بأسوء ظهور !! لاتعليق صح !! لابرنامج قبل المباراة صح .. لابسين فنايل الأندية اللى بتعلب ويتميلحون !!
وماأثقل من ذاك دم إلا هذا .. الحوار تافة
التغطية الميدانية سطحية ... التحاليل ( سوالف على طقة بلوت ) والعجلان مكمل البياخة ... والله أتحسف على وجود الإستاذ عادل عصام الدين بينهم !! وده يتميز بس ماعنده احد وعلى قولتهم ( إنفخ ياشريم قالم مابه برطم ) ماعنده إلا سليمان المطيويع ووفهد المساعد !!! تكفون .. خلكم مثل الباقين مانبيكم تصيرون أزين منهم أنتم وهالفنايل والتميليح !!
لاعبين باب واحد ويقول حظ ... طلع الفريدي للمستشفى مكسور ويقولون التحكيم يجامل !! خشونه تدخل ضمن الأعمال ( الإجرامية ) ولو صارت بالشارع يمكن يحكم فيها الشرع سجن .. ويقول الخشونة علينا ( طلال الرشيد ... فيصل بن تركي ) ياصبر الأرض
رغم التعادل ... واللى يعتبرة جمهور الهلال ( خسارة موجعة ) إلا أنني مازلت مع قرار الإدارة في إيقاف التايب وعزيز .. تقولون كان إيقاف فني إيقاف إداري .. أقول كلها واحد المهم المخطي يعاقب !
الشلهوب ... باصارت غلط .. غلطات بالجملة في التمرير والإحتفاظ بالكورة ! مهوب هذا شلهوبنا اللى نعرف
وش قصة الكرات المقطوعة الكثيرة ... ووين الجدية في اللعب .. والتسديدات ... والروح !! الأخيرة غابت بعد غياب كوزمين .. عسى الله يردها وهي اللى تغطي على العيوب الباقية
كتبت موضوع امس وحذفة الموج وكنت في موضوعي متفائل بقوة ... هالحين وبهذا الوقت بالذات .. اقول للموج ( شكرا ) وإلا كان شكلي بيطلع بايخ بعد ذاك الموضوع
اي عرمشة وبغينا نتعرمش ..!
الرد بإذن الله هلالي ... والنصر فعلا ماودك تتعاطف معهم ... قبل نهاية المباراة بدقيقتين تجيني رسالة من نصراوي .. حسيت أنه دايم يفوزون علينا ...ومسجات طويلة عريضة .. وتشمت !! واااااااااو !! وربك يكتب لنا الهدف .. وكأن الله كاتب نشوف نوايا بنو الأصفر !! حتى جبنا التعادل ونقولهم داخلين على السنة السابعه دون فوز
والله يعين على رسايلهم ... وعدو كم كلمة حظ تبي تشوفونها بالمسجات !! هذا المنطق اللى يعرفونه !
للي ماسمع تحليل وبران .. في أبو ظبي يحاول يسمعه .. ومتاكد إنكم بتابعونه دايم .. رجل عاقل صريح ..
* إتفقوا على الرائد .. ورائد التحدي يبي يقلبها عليهم بإذن الواحد الأحد .. دعواتكم
* رئيس الوطني مدري وش يبي .. هبط وللحين لسانه بالممتاز
يشتكي ويتظلم .. ويحذر .. وهو هابط !! همه الرائد .. ومبارياته اللى فاز فيها قدام الوحده !! ياكثرك ياالبلوي !!
اخوكم الصغير ابو طلال ..
عطوني حظ وأفوز : هــــاااا هــــاا هــــاااااي ياخفيفااان ( نقاط سريعة ) 
الوضع العادي
