سلامات يامشرفين ^_^

هالموضوع له اكثر من 10 ساعات اما احذفوه او انقلوه

السسلام عليكم ... كيفكم ؟ اكيد طفشانين من (( مصارعة البارح))
سوري اقصد مباراة البارح .. مباراه شهدت اصابة لاعبنا وفيلسوفنا الصغير


وكدرت خواطرنا شوي ... بالاضافه لمستوى الهلال المتذبذب ... واللي مايطمن


أبد .. والمشكله باقي المباريات بكأس الابطال وكأس آسيا كلها مباريات قويه


واذا استمر الوضع بهالشكل ... احس ان الهلال ماراح يقدر يحقق اي نتائج ايجابيه


عمومآ ماابغى اطول عليكم .. راح استعرض ماشاهدته بالمباراه من خلال نقاط


سريعه . كتقييم للمستوى الفني وأداء اللاعبين ....




1- محمد الدعيع : امس كان مرتاااح شوي .. وماأختبر كثيرر .. وحتى الهدف

كان ناتج عن سوء تغطيه دفاعيه .



2- ماجد المرشدي : اتمنى تراجع نفسك وتحاسبها على المستوى الغير مطمن اللي نشوفه

في الآونه الاخيررره ..



3- اسامه هوساوي: مدرري شقول .. بس مهما تكلمت ماراح اوفيك حقك .. بصراحه اتمنى

تتوزع روحك وحماسك على الفريق كامل .. لاعب يلعب بروح واخلاص

وكل مباراه مستواه افضل من السابقه [[ بسم الله ماشاءالله]] . ماابالغ

ان قلت ان اسامه امتداد لجيل النعيمه والبيشي .. الله يحفظك ياولد مكه..





4- محمد ناامي : لاااااااااااااااااتعليق ..... خوف وارتباااك .. وتراجع مخيف .. ومستوى منخفض .

بعد ماكانت الجهه اليمنى الهلاليه قويه .. اصبحت الآن ثغره واضحه .. وكل الفرق

تركز على الظهير الايمن عندما تلعب امام الهلال ...بالعربي : مستواك اقل بكثير

من الهلال يانامي.






5- عبدالله الزوري : بداياتك كانت ممتازه .. ومن 3 شهور ومستواك في انحدار ملحووظ ومخيف..

بصراحه يقهرني فيك (( البرووود)) اللي بصراحه ماعرفت مسبباته ...

مدري عندك مشاكل خارج النادي؟ او مشاكل داخل النادي؟ الله اعلم ..

لأأني بصراحه الاحظ عليك تشتيت الفكر .. شي عجيب ..





6- رااادوي : رووحك واخلاصك وولائك تجعلني اقول انك لاعب سعوودي وليس اجنبي ...

كنت متخوف من هبوط مستواك بعد كوزمين لكن اثبت انك لاعب محترف من طراز

نادر .. تعجبني رووحك .. وايضآ لاعب يجيد اللاعب في كل المراكز .. نجده محور ..

ظهير... صانع لعب ... ومدافع .. بصراحه صفقه جدآ راابحه ..





7- الفريدي : (( خدعووك فقالووواا)) ... الله يقومك بالسلامه .. وكالعاده يقولون اصابه غير

مقصووده .. حسبنا الله ونعم الوكيل ..





8- ســـوول : يااخويااا حيرتنا ... كنا نقول مستواك يتصاعد .. والحين مستواك رجع مثل اول

ماعرفنا لك وربي ....... بس عندي اقترااح .. اتمنى تجي مباراه للهلال بالعصر

يمكن الأخ مايشوف بالليــل .. وحنا ظالمينه ..



:
9-ويلهامسوون: مستواك ايضآ انخفض شوي .. صحيح ان مباراة النصر كانت مباراة جزارين

وشفناك حذر شوي .. بس نبغى مستواك الاولاني .. وعمومآ كثر خيررك

سجلت هدف يسوى كثيرررر... وكمان احس انك بدأت تتخصص بنادي النصر





10- الخثراااااان : ماقصرت .. لكن نهاية المباراه حسيت ان لياقتك رااحت .. مفروض المدرب

ينتبه للنقطه هذي .. والمشكله انه بعد نزول الغامدي رجع الخثران للظهير

ولياقته ماكانت تساااعد كثيررر...





11- ياسر القحطاني : اعتقد لو الفريدي استمر .. او التائب كان موجود .. كان شفناك

تهز شباك الخصم ... للأسف نادرآ توصلك الكوره .. رغم محاولات

الشلهوب .. لكن بالمباراه القادمه اتمنى نشاهدك تهز شباك النصر

وترد على جمهورهم الغير محترم اطلاقآ .. شد حيلك يابو سعيد

مباراياتنا مع النصر مو حلووه بدون مانشوف لك اهداف






12- محمد الشلهوب : دكة الاحتياط اثرت على مستواك كثيرررر.. وبشكل لاحظناه جميعآ

ومع هذا ماقصرت يالموهوب ... والمباريات القادمه نبغاك ترجع

لمستواك الحقيقي ... والله يقويك ..






13- منذ 3 شهور تقريبآ رحل كوزمين ... ووقع اخيرآ عقد مع السد القطري .. وبالامس شاهدت


بعض الجماهير تحمل اعلام رومانيا ... ويتدخل رجال الأمن للقبض عليهم .. اذا كانت الاعلام من

اجل رادوي فلا بأس (( رغم تحفظي على هالشي وان الاعلام ماعاد نبيها )) ... لكن اذا كانت

الاعلام من اجل كوزمين ... فهذا الشي اللي لابد ان نسعى لإيقافه .. لأن كوزمين رحل .. والآن

يهمنا أداء فريقنا .. لأن الهلال كيان وهو الثابت .. وكوزمين رحل .. ولن ينفعنا التظلم ..

اتمنى من جماهيرنا تفهم هالشي ....




14- ليكينز: للآن .. لم نرى تكتيك جديد ومفيد للفريق ... نفس الوضع ماتغير .. اتمنى تكون

لك بصمه واضحه بالمباريات القادمه ... والا ترى مااستفدنا منك شي ...





15-لازلت اردد واقول ان الهلال يلعب بدون رووح ... وكلنا نعرف من زمااااااان ان

الهلال كان يرعب اي فريق يلعب امامه ... كان الهلال يخوف ويحسبون له الف حساب

واما هالايام احس الفرق تلعب امامنا بكل سهوله .. طيب وش ذنبنا نحضر ونساند

ومحد يحسسنا انه متحمس لحضورنا .. بصراحه مثل مانحضر ونساند اللاعبين .. نبغاهم

يلعبون ويطربونا ويفرحونا بالنتائج الايجابيه ...




16- قولوا لي حمد الله ع السلامه .. دوبني وصلت مكه .. وموعدنا الاسبوع القادم ان شاءالله

في رحلة العوده للرياض ومباراة الاياب .. بس لو لعب الهلال بدون حماس ولا روح راح اتخذ قراري

التاريخي .. واقاطع الملاعب السعوديه لنهاية الموسسم (( محد درى عنك)) :d

17- تحيااتي للجميع .. وشكرآ لكل جمهور الرياض اللي رحبوو فيني بالملعب واثناء المباراه وقبل وبعد

المباراه ... ويعذروني اللي ماقدرت اقبل دعواتهم لأني كنت مستعجل ووراي سفر ....





اتمنى اني طرحت المفيد لكم ............. تحياتي للجميع .... دمتم بزعاااااااااامه

إقتباس 8- ســـوول : يااخويااا حيرتنا ... كنا نقول مستواك يتصاعد .. والحين مستواك رجع مثل اول ماعرفنا لك وربي ....... بس عندي اقترااح .. اتمنى تجي مباراه للهلال بالعصر يمكن الأخ مايشوف بالليــل .. وحنا ظالمينه ..

بيييييييييييييييييييييييس يااااااااااا بطططططططططططططططل...

الله يعطيك العافية ....موضوع رائع

و حمدلله على وصولك بالسلامة

الله يعطيك العافية ....موضوع رائع

عبدالرحمن بن مساعد<<ياحبيب قلبي اي والله

والله يابعدي مثاليتك بتودينا بداهيه ..!!

الى متى

انت امام ناس بلا ذوق ولا انسانية

هلا اخوي هليل ..

بصراحه ما شفت المباراه للاسف ..

بس انقهرت يوم الهلال لعب بياسر وويلي ورادوي وهوساوي ..

المفروض مريحهم للاسيويه .. والحمد لله وكنت متوقع بيكون فيه اكثر من لاعب غير الفريدي راح يغيب عن مباراه الاهلي ..

كنت اتمنى .. يكون المرشدي وخيرات والذياب والبيشي
والغنام والغامدي
والشلهوب والخثران وسيول
والعنبر ..
وابقاء ويلي وياسر ورادوي في دكه الاحتياط

الله يستر من الاهلي الاماراتي واللاعبين راح يكون عليهم ضغط كبير جدا وخاصتن اذا دخل عليك هدف

الحمد لله ,

الحمدلله ع السلاآآآمه.....

ومشكور ع الموضوع الراآآئع....


والله يوفق الهلال ويتحسن مستواآه...

مو شرط من المدرب انه يصارخ و ما يجلس ع الكرسى عشان نقول انه مدرب ناجح

كوزمين يالغالي كان اكبر من مدرب بالنسبه للهلاليين

كان لهم الروح في الملعب

في اخر ايامه مع الهلال شفنا لقاء معه في العربيه

شفنا رسائل الشلهوب له

يعنى كوزمين كان رائع في كل شئ

اما ليكنز للحين المدرب ما شفنا خيره من شرهـ

تقريبآ يعتمد ع خطة الهلال ايام كوزمين

الله يعطيك العافيه

تسلم على الموضوع يالغالي