}{ LFP - JORNADA 32 }{ بيبي يتحول الى مصارع - وبرشلونه يكرم اشبيليه برباعية }{ التقديم رد 2 - صفحة رقم 18 - نادي الهلال السعودي - شبكة الزعيم

Madridi Moot · #256 22/04/2009, 05:26 PM

^
انس قلبـوو .. تخيل معاي ميسي مصاب من اول سبع جولات ... وقبل الكلاسيكو جوارديلا انطرد .. وعندك 13 لاعب مصاب او موقوف .. وبعدها جت بثارة من الموندو وبالاخير ينطرد الرئيس .. وبعدها تنلخم بااربعه .. والفريق اصلاُ الي معك سيئ ..

بهالظروف والبرسا للحين ينافس مع انه الريال مستقر فنياً وادارياً والاعبين متفوقين على البرسا ..

وش ردة فعلك ياانس ؟

محب الذئب9 · #257 22/04/2009, 05:42 PM

إقتباس


	هد أعصـآبك أول شئ .. ثآني شئ يعني تفكريك بتجيب زي بطولآتنـآ فـ الأبطـآل :$ ؟؟ يعني خل تركيـزك كلـّه ع الكـأس ! و يمكن بعد بلبـآو يآخذ الكـأس هـ الموسم و يعآدلكم أتوقع .. مآ تشوف الريآل سآحب ع الكـأس !!

الحين حنـا نسولف على الدوري وان برشلونة العام
ركزو ع الابطال اكثر من الدوري تقعد تقولى لية تفكر تجيب الى جبناه
ومن ذا الكلام وخلك مركز ع الكاس .. ردك خارج عن الموضوع كلياً ..

ما علينا .. فرقكم اقوى شي في الابطال ما عليك حبيبي ..

يعني ردك ذا زي الى يقول وش تبي تسولف معنا حنا عندنا 9 ابطال
وش تبي .. !!

----
Madridi Moot
الصراحة ما ادري انت تبي الحين تكلمنى على منـافسـة الريـال لنـا
هـذا الموسـم .. ولا على مبـاراة الكـلاسيكو المـاضيـة .. !
يعني المدرب تغير وجـاكم الافضـل .. !
مـا تقـارن وضـع بيب بوضـع شوستـر .. !!
و13 لآعـب يعني مصـابين طوآل الدوري ولآ كيف .. !
والرئيس الى انطرد اخبر انكم ما تطيقونة
وتلعنون فيـة صبآح ومسـاء ..

وبـجد مآ آدري انت تسولف عن المنافسـة ولآ عن الكلاسيكو الماضي
لانك دخلت الامور ببعضهـا .. وعفستها
جبت لى ظروف فريقكم قبل الكلاسيكو بعدين تقول بها الظروف
ومازلنا ننافس طيب الظروف هذى في مباراة واحد مو كل الدوري ..

Madridi Moot · #258 22/04/2009, 05:59 PM

^

يابعد قلبي .. مباراة هذه تسوا كل الموسم .. وغير كذا قبل المباريات تأثرنا بهالغيابات وطوال الموسم وللحين احنا قاعدين نتأثر .. " الرود وديلاريد وديارا " نهاية موسم .. روبين بين فترة وفترة اصابة .. بيبي نفس المشكلة سنايدر الخ من الاعبين ! .. زي ماقلت كل المباريات الي لعبها الريال هالموسم ولا مباراة فيها لعبنا فيها كاملين .. المدرب اوكي الي جا افضل من الي راح بس برضوه هذه تأثر قبل مباراة البرسا .. والمدرب مادخل بتحضيرات الفريق .. الرئيس اوكي للحين نلعن فيه بس اقصد انه المقارنة بين الريال والي ينافسه .. البرسا مستقر من كل النواحي " فنييييياً _ ادارياً " .. هذا الي خلانا اننا نزيد من جرعة الفرح .

الا كبير مشجعي البرسا السلمي وينه ؟

محب الذئب9 · #259 22/04/2009, 06:07 PM

^^
حتى احنا انيستا ابيدال ماركيز بيول جاتهم اصابات
هذا غير ميليتو لو انه فيه كان ماجات علينا اقول كثير ..

وعندنا عالم طلعت من الطاقم الاداري .. وتزاعلت مع لابورتا ..

شفت حتى حنا عندنا مشاكل واصابات لاعبين ..

إقتباس


	الرئيس اوكي للحين نلعن فيه بس اقصد انه المقارنة بين الريال والي ينافسه

المهم ان فيه عذر بـس هآ ..

Madridi Moot · #260 22/04/2009, 06:19 PM

^

تجي بين فترة وفترة .. وفيه لاعبين يعوضون عن الغائبين وافضل بعد .. ماركيز مباراة وحدة بس .. بويول مباراة واحدة .. ميلتوا اتوقع ماركيز منسيكم من هو ميلتو .. ابيدال ممكن صح مسوي بربسة فيكم . بس سلفينهو مسوي شغل كوويس ومافيه هاك التأثير الكبير ..

وربي ياانس مو قاعد اختلق اعذار بس هذا واقع قدامي
يعني مااجيبه انا واتصنع عذر

رسمي .. غياب روبين عن الكلاسيكو ومباراة فالنسيا !

FLORINTINO · #261 22/04/2009, 07:43 PM

أنس يا حبي

افهمني عمى في رجلك

< يلعن ام الأخلاق

شف انا مكسر وحالتي حالة .. بحاول اختصر الرد قد ما اقدر
توني لاعب كورة

وشلخوني عيال الذين :@

بعيد عن النظرة التاريخيه الي تطرقوا لها الشباب .. انا محور حديثي اخر
موسمين لـ البرسا والريال ..

قلت ان الريال الموسم هذا ما يأدي لكن يعرف يفوز
البرسا يأدي ويمتع ويطرب ويفوز ..

العام كانت العكس ..

انت تقول اذا ما نافسنا على الدوري نصير زلايب !

بـ أقولك فريقنا زلابه

.. وقد قلتها ان فريقنا اعرج وموب كفو بطولة
ذا الموسم .. بعكس برشلونة العام الي وصل لـ سيمي فاينل التشامب !

الي ابي اوصل له ان برشلونة امكانياته كبيرة وممكن يحصد الـ ثلاثيه
بعكس الريال الي حده الليغا !

لكن بـ أذكرك بشغله بسيطة

العام اخذتوا نصيبكم من الأصـابات
احنا السنة هذي اخذنا نصيبنا

احنا نافسنا على الدوري .. انتو ما فكرتوا !
ليه ؟؟

لاتقولي فقدت الأمل في الدوري .. قبل بداية دور الـ 16 والفرق بيننا
تقريباً 5 الى 7 نقـاط !

هنا الفرق طال عمرك

طيب مثلا مثلاً ما جابتكم القرعه مع سيلتك !!

وش بتقعد تسوي ؟؟
تقشر بصل ولا تبيع بيض !

هي مجرد افتراضات بعيد عن التقليل من الفريقين !

النقطة الأخيرة

على الورق .. الريال موب كفو لـ برشلونة

وتصبحون على خير

وبـ التوهيق الليله لـ البرسا

لـ اننا بناكلها في البيزخوان مليون %

خصوصاً وان كم لاعب مهم بيغيب .. روبين و هيغو يكفون

اكشخ واحد · #262 22/04/2009, 07:51 PM

^^^^^^^^^^

اخوي مدريدي موت .. آسف والله اني انسى اسمك

انا سبق وقلت

المسؤل الاول عن اوضاع الريال الحاليه .. هي الاداره

فريق محتاج تعزيز في اكثر من خانه .. تجلس مركاتو كامل وفي الاخير

فاندرفارت .. وغلب الاحيان احتياط ؟؟

تجيك فترة الانتقالات الشتويه .. وانت عارف كيف فريقك يعاني من نقص كبير

تجيب لاعبين اثنين .. صح انهم عدول من الاوضاع شوي .. بس مازال الفريق

يفقتد لصانع اللعب.

بعدين الشي الغريب .. الزام كل مدرب براؤول وقوتي ؟؟

مهما يكون انجازات راؤول او قوتي .. ليه اسمح لهم بلخبطت اوراق وخطط المدربين ؟؟

اتوقع رونالدينهو و ديكو افضل من مستوا قوتي و راؤول .. مع ذلك يوم قال

بيب اوت .. وافقته الاداره واعطته الثقه

يعني لا تجلس تقول فريقكم عنده بديل واحنا ماعندنا بديل .. الريال يعتبر اغنى من

برشلونه من نايحة الماده .. كيف ماقدر يجيب فريق بديل للاساسين .. اصلا للحين

مافيه اساسين بحجم الريال.

اعزائي المدريدين .. كفاكم بكاء على اللبن المسكوب ..

FLORINTINO · #263 22/04/2009, 08:01 PM

إقتباس


	مافيه اساسين بحجم الريال.

هذا انت جبتها

من 25 لاعب ما فيه الا قله قليلة تستاهل اللعب في الريال

ما نقول الا الشكوى لله

والله يلعن الي كان السبب :@

بـ النسبة لي كانت بطولتي اننا ما نصفق لـ برشلونة !
الحين بطولتي نصقع البرشا وخلاص ما عاد ابي شي من الفريق

ونقول نتعشم خير في الموسم الجاي .. خصوصاً اذا مسك بيريز الرئاسة
ويكون الميركاتو الصيفي ثقيل شوي !

مبروك فوز الزعيم على الطاري

محب الذئب9 · #264 22/04/2009, 08:47 PM

^^
آلله يبـارك فيـك ..

وبـ التـوفيـق للآتحـاد ..

---
وبـالنسبـة لكـلآمك آنـى مـا قلت شي آلآ الى ذكـرتة انت .. !!
انت تقول البرشا ما فكر ينافس على الدوري ..

وانا بس قلت لك ...... وجهة نظرك تقول انك البرسا ما طق خبر لدوري العام بسبب التشامب ..

وبعدين تقول لية ما ينافس على الدوري .. !!

يا حبيبي يا عبودي انت الى قلت انا ما قلت شي ..

FLORINTINO · #265 22/04/2009, 09:02 PM

^

ياعمري يا انس

احنا متفقين أصلاً .. بس ممكن ما وصلت الفكرة كويس

متفقين على ان البرسا ما نافس على الدوري العام لأنه ركز على التشامب !

الباقي كله افتراضات

برب مطش الأتي

PUYOL Carles · #266 22/04/2009, 10:13 PM

كان ودي ارد على كل شئ بس حسيت مالي خلق

بس فيه كم حاجه شدتني مع احترامي للكتاب

والله موقصدي شئ

فــ شكلي بارد على معظم الاشياء

إقتباس


	وللآن الريال قاعد يحرج برشلونة ! وممكن يكون سبب في اخراج البرسا من الأبطال على اعتبار انه راح يسببله ضغط في المباريات !! ..

إقتباس


	وفي النهاية فارق 18 نقـطة !!

ببدأ من الآخر وبرجع من الاول .. تكتيك هذا

فارق الـ 18 نقطه هذا الا انتهى عليه الموسم .. اي بعد انقضاء جميع الجولات .. لكن لو نرجع تقريبا اخر 10 او 8 جولات من الموسم الماضي مابنشوف الفارق بهالعدد .. يعني بامكاننا نقول نافسنا ..

برشلونه ممكن كان اهتمامها بالدوري يخف تدريجيا لكن ابدا ابدا ماطلعناه من حسبتنا ..

انتو تقول عندنا اصابات وووو وقاعدين ننافسكم .. انا اقول احنا كان عندنا اصابات ومشاكل وكنا قاعدين نذابح على 3 بطولات ..

الكل شاف كيف مباراتنا مع فالنسيا .. تيمو حارسهم شرب له جنسنق وريد بول وباور هورس وبقزي مع قليل من الجرجير المطحون والنتيجه يصد كور حتى وهو يعطس ..

مانشستر قدرنا نحجرهم .. مو بسبب رجوع ميسي .. بسبب غيرة بعض اللاعبين في الفريق .. الا حسو على دمهم وقالوا نبغا نوقف هالمسيره السيئه .. وايضا .. مانشستر من الفرق اللي تتعب مع الفرق الا تعرف تحتفظ بالكره وبرشلونه اعتقد ضمن الافضل في هالمجال ان لم يكن الافضل ..

ويكفي ان نعرف انه ميليتو لعب مباراة مانشستر الاياب في شوطها الثاني وهو مصاب .. لأن اصلا مافي بديل خخخخخ وبرضو علشان نعرف كيف الفريق كان يلعب بغيره وروح في هالمباراه ..

برجع للنقطه الأولى الحين .. علشان اطبق تكتيكي

بصراحه مادري وش الاحراج عندكم حبايبي ..

الاحراج انه فري مثل خيتافي يفوز 4 - صفر علينا بعد ماكنا فايزين 5 - 2 .. الاحراج انه نسدد على مرمى فالنسيا مثلا عدد هجمات تشك انك تقراه صح لما تجي تراجع بطاقة المباراه ومع ذلك ماتقدر تسجل اهداف تأهلك ..

هذا الاحراج الكروي بالنسبه ليي ..

اما اني اكون متصدر من جولة مادري كم .. واوسع الفارق الى 12 نقطه .. وبسبب دروب بسيط في المستوى يقل الفارق الى 6 نقاط .. يصير الريال احرجني .. مشكله هذي

هذا لو يصير الفارق 0 نقطه وش يسوي لابورتا يقفل النادي ..

يلعن امممم الاحرااااااج

صح ؟

حبايبي ..

الريال فريق كبير .. وانا مومقتنع من الا يقول انه الريال ماعنده تشكيله ولا عنده لاعبين ولا شئ .. الريال عنده .. مااقول انه مغطي كل الخانات الا يحتاجها .. لكن برضو افضل من فرق ثانيه قاعد تنافس محليا وقاريا ..

الا يحتاجه الريال استقرار فني فقط .. ومالها داعي تقللو من لاعبينكم ..

يرحم ابوكم .. طالعو فريق الارسنال .. بالله عليكم مثلا الحراسه .. الحين حارسهم الاحتياط الا يلعب اساسي هالفتره عمره اظن 19 الى 21 شئ كذا عموما .. الاحتياطي حقه كم 10 سنين ؟

ومع ذلك الفريق مقاوم ويسوي شغل ..

مااعتقد الريال ماعنده لاعبين احسن من الارسنال ومع ذلك الارسنال يقدر يقاوم .. مو لأنه انجليزي ومن هالخرابيط .. لا تكفو لاتقتلوني بهالجمل .. بس ببساطه عنده استقرار فني .. وهالشئ الا ماعاشه الريال من سنين ..

خواندي راموس وش بيقدر يسوي بلاعبين ارتكاز مالعبو مع بعض الا فترة الاياب .. امام فريق مثلا زي الا الليفر ارتكازاتهم يلعبو من سنتين اقل شئ مع بعض ..

الزبده حبايبي .. احترمكم كلكم .. بس اذا تقولو فريقنا العام الماضي ماقدر ينافس لأنه وصل الفارق الى 18 نقطه في نهاية الموسم .. خلنا ننتظر ونشوف وش يصير نهاية هالموسم .. يمكن يصير شئ قريب من هالعدد .. هل بنقدر نقول الريال مانافس في هالحاله ؟ .. اعتقد عيب على اي برشلوني يقول هالكلمه

..

عموما .. تقبلو مداخلتي