انتـهيـنا مـن > كـلاش < جـانا { وكـر الـعصـفور }...!! - صفحة رقم 2 - نادي الهلال السعودي - شبكة الزعيم

بلد الوليد · #16 17/04/2009, 04:55 AM

بس الصراحه كلاش اقوى من وكر العصفور
يعني هذا كلاش وهذا عصفور بالله وش رايكم مافيه مقارنه

> مسوي يعرفهم

لابوهم لابو الي خلفوهم
جحلط متجمعين

ريكيلمي · #17 17/04/2009, 04:56 AM

لا فُضّ فوك يا بلد الوليد

كان ودي أقول هالكلام بس مستحي

بلد الوليد · #18 17/04/2009, 05:00 AM

^
خخخخخخخخخخخخخخخخخخخخخ
وش قصدك

تقصد اني ما استحي مثلا

؟!
مقبوله

اهم شي تقارب وجهات النظر

ريكيلمي · #19 17/04/2009, 05:04 AM

أقول بلد الوليد ما دريت عن وكر الدبور؟

و الله يا هو مسح بالشوزن في غنوة يقول انه ينسف شعره و ثوبه أصفر ما غسله من عام الفيل

بلد الوليد · #20 17/04/2009, 05:08 AM

^
خخخخخخخ وش عرفك انت الاشياء والخفايا الي صايره بينهم
ياخي هذا كلام اكبر مني منك
يقولون الشوزن ساب ام الدبور
عاد الدبور عصب ماقدر يملك نفسه
بس مافاده الزعل
شفه الحين ماخذ له شهرين بالناصريه

صدى الامس · #21 17/04/2009, 05:20 AM

الله يخلف بس ..!!

اهم شي عسى اهلهم عندهم غيرهم ؟؟!! تسود يعوضهم ويجبر بخاطرهم ..!

اخاف اتكلم ويدرون عني همن خذ لك من هالسب في الاغاني

؟!!

منب ناقص احد يشتهر على حسااابي يكفي اللي صعدوا على اكتافي وياكثرهم واقربهم ماجد مقبل << من اسبوع وماسكه على ابو مقبل هههههههههههههه

DR.KHALID · #22 17/04/2009, 05:27 AM

الله لا يبلانا ..

يالله ان تخلف على امهم وابوهم الضعوف

اجل وكر العصفور .. بالله ذا اسم
يعني ابي افهم مسوي رومانسي ول مسوي كول ول وش بالضبط

وكلاش كان يسب الكول وحالته حاله .. ويوم طلع في احدى القنوات .. استغفر الله !
اللهم لا شماته
االــــ كول من جد

شكرا

ابو طـــــلال · #23 17/04/2009, 06:04 AM

يعني لو تبيهم المباحث جابتهم ..

ومسألة إستضافتهم بالـ mbc هي تحدي من القناة للخارجين عن القانون ..

هم على لورانس العرب .. وغيرهم ..المفروض يحاسبون ..لإن اللى صاير معهم لاخفة دم ولاموهبة فنية .. قلة أدب ووقاحة .. هذا اللى قاعدين يسوونه ..

شكرا لك

R D H · #24 17/04/2009, 06:46 AM

السلام عليكم ورحمة الله وبركاته

تحيه طيبه لك يا صاحب الموضوع نيستا ..

استغرب ممن ينسب الفن لهؤلاء ..

أأصبح كتابة جمل بها قليل من السجع ظاهرياً .. لكن كمحتوى مليئه بكم هائل من الشتائم التي يخجل المرء أن يقولها .. فن ؟

ويدعونه تنافس ..

أهـو تنافس في ( قلة الحياء والأدب ) ؟

من له القدره على إختراع كلمات قذره جديده ووضعها في جمل سجعيه وإطلاقها على الفرقه الأخرى أو الشخص الأخر .. فهو الأقوى ..

أهنا شعروا بالقـوه .. ؟!

حقاً

ياخساره .. وكفـى

يعطيك العافيه أخوي ..

وتحيه طيبه لجميع من مر هنا

دمتم بأجمل حال

حاكم المطيري · #25 17/04/2009, 06:54 AM

ههههه هذولي ياحبيبي من ايام كلاش يسبون وفالين امها بس ماانسجنوا ، لأنهم هاي هاي

اما كلاش واعزتي عنه أكلها مفلفلة .

مشكور أخـوي

الابنوي · #26 17/04/2009, 12:11 PM

يعنى الواحد راضي عن نفسه حتى يقعد يسب المسلمين ....... استفغر الله العضيم من كل ذنب عظيم .

باسكن روبنز · #27 17/04/2009, 01:22 PM

الحين انتو من جدكم كل واحد يدافع عن وكر الغربان وعن كلووش

الي هشام قزاز حق الوكر ايش تقرب له محلات قزاز

<< كلن على همه سرى

والي ماتدري عنهم وان شا ءالله دوم ماعرفهم وماتشرف فيهم
الله يخلي لنا عبد الحليم

وابو نايف

وفيروز

<< خربتها

Qηαs SuĐeeя · #28 17/04/2009, 02:06 PM

الرآب كله ما خش مزآجي ..

كله سوآليف ..

بس كلآش طلع مشهور بعد ما طلع على قنآة LBC ..

بس الرآب أكثره كلآم قذر و هذا إن دل يدل على أخلاق المغني ..

الله يهدي شباب و بنآت الملسمين ..

S K Y · #29 17/04/2009, 04:39 PM

ماتدرون لو أن عمليه أستضافه مثل هالناس في القنوات أو الأذاعات عمليه أستخباراتيه < كلام كبير

ممكن انهم يستدرجونهم ويثبتون أماكنهم وينتظرون الفرصه الأمثل في القبض عليهم

عموما انا الحمد لله ما أتابع أخبار هالنوعيه من الشرذمه

رائده الزعيم

ترى ذليتينا شوفي لك حل مع هالصوره يرحم أمك < ماقدر يصبر

عريب عبدالله · #30 17/04/2009, 05:20 PM

^
^
^

الصورة سارقتها من أبو ناصر

ولا تخليني أسرق الصورة اللي بتوقيع مواصل وأصير صدق مندسه

بس تبي الجد أنا من زمان ما قدرت أهضم التايب

صح عنده لعبات حلوة وما أنكر مهاراته لكن هو يقتل موهبته بمزاجيته وشفت مصير الجمعان

عاد ما صدقت أمسك عليه شي

عين الرضى عن كل عيب كليلة <<ماتقصد الشلهوب

لكن عين السخط تبدي المساويا<<ماتقصد التايب

عشان ما تضبط مخالفة شتشته

ترى رأي بلد الوليد مميز جداً

وعمر الشتم والسب ما كان فن

بالحب والإشراق